韓國釜山海鮮鍋

呢間店同樓下蟹仙係一齊嘅，海鮮鍋入面嘅蟹好好食，其他海鮮都OK正常 。鯷魚湯底好鮮甜，攤凍咗飲一樣咁好飲，師傅話咁樣可以證明係冇味精 。湯可以無限添加，最後我地加咗個即食麵落去吸啲湯嚟食炸雞係即叫即炸，師傅堅持唔可以炸定，食落的確係有分別 。揀咗柚子蜜味，好食唔膩 。兩個人叫咗一個海鮮鍋同半隻炸雞，連埋啤酒加一埋單先$6xx，呢個質素喺銅鑼灣嚟講算係好抵食 。難得香港仲有用心做食物嘅舖頭，值得俾個機會試下 。