韓國釜山海鮮鍋

前菜送左好大碟炸魚皮，好出色，拎黎蘸炒章魚既汁意外地夾😂海鮮鍋份量好足，叫二人份量但其實好多料，飲落好鮮甜但係飲完唔會想飲水，唔似有啲餐廳湯底雖然好味但會令人好口渴。只蟹應該有幫手處理過啲殼，所以食既時候都好易拆蓋。辣炒章魚個汁偏甜同稀，有陣蕃茄味，個人口味就覺得麻麻。原味炸雞好juicy，我覺得所有菜式入面最好食，而且叫半隻但都好多件，新鮮炸起所以好鬆脆。牛肉煎餅比期望中出色，煎得好脆，有個sauce跟但我覺得原汁原味都夠。朋友強烈推薦下點左碗紫菜飯送湯，啲紫菜勁足料，又倒落鍋底度煮到變拌飯，多個食法😂甜品椰汁雪燕幾清爽，岩曬食完海鮮鍋之後refresh下。四個人叫左二人份海鮮鍋+半隻炸雞+細份炒章魚+牛肉煎餅+紫菜飯，非常飽。如果再黎應該除左章魚都會再點，性價比算高，八百幾夠曬4個人食好飽。希望遲啲menu會多啲選擇。