長阪燒

营业中

休息中

Oyster Set 包埋一杯White wine，非常抵食！生蠔新鮮可口，每隻生蠔都食得出海中嘅鹹香味道，口感緊緻彈牙，食完仲有海水嘅回甘。四隻生蠔份量夠足，啱啱好！配埋白酒香氣濃郁，入口柔滑，同生蠔搭配更顯美味。雲丹拖羅蓉山盛雲丹拖羅蓉山盛係一個好奢華嘅選擇！海膽同拖羅兩者搭配得好啱，海膽口感滑溜，拖羅鮮甜肉質豐滿，放喺一齊真係好享受！串燒串燒選擇豐富，有醬燒海苔年糕、提燈、雞肝、日本雞皮、日本雞心、雞脾肉、免治雞肉棒、雞軟骨、燒豆腐同埋秋葵。每款串燒都燒得啱啱好，味道惹味，令人回味無窮。醬燒海苔年糕：外層醬汁香濃，年糕煮得軟綿綿，海苔香味濃郁。提燈：肉質鮮嫩，醬汁甜中帶香，美味無比。雞肝：煮得啱啱好，口感滑溜，味道濃郁。日本雞皮、日本雞心：皮脆心軟，燒烤香氣撲鼻，燒得啱啱好。雞脾肉、免治雞肉棒：免治雞肉棒，配埋生雞蛋一流！雞軟骨：口感脆口，係完整嘅雞軟骨。燒豆腐、秋葵：豆腐綿滑，秋葵脆口，炭燒香味襯托得剛剛好。牛肉烏冬牛肉烏冬非常好味，湯底濃郁，牛肉片煮得剛剛好，肉質鮮嫩。烏冬麵條口感綿滑，搭配牛肉同湯底，簡直係絕配！

今日是兒童節，本想跟女女吃點好吃的，這間餐廳位於砵蘭街，食物味道尚算不錯，食材也是新鮮,可惜空間十分狹窄，午市餐枱根本不足夠放食物，但奇怪的是整頓午餐客人在中午時分也只有十分之一，而近窗口的卡位需要消費滿$600才可以坐。望着空無一人的大部份餐枱，而二人餐枱卻擠擁得一set午餐也放不下，員工甚多，但卻是沒有人收起空碟。希望餐廳日後有很多改善空間。

🍶清酒煮蜆（$78）啲蜆煮得好清甜，而且食落無沙，正👍🏻🐡燒雞泡魚干（$68）🍣藍鰭吞拿魚腩大拖羅（$156）🍣油甘魚腩壽司2件（$48）🦀松葉蟹膏多士（$128）🦪Oyster set 4隻（$138）呢度嘅蠔食落海水味唔算好重，入口好鮮甜，加埋檸檬汁食，連我本身唔太好食蠔嘅人都會想食多幾隻🍢免治雞肉棒（$76）🦐特大虎蝦2隻（$88）咁樣嘅價錢有兩隻手掌長度嘅虎蝦，性價比高🍍菠蘿雪芭（$68）🍋檸檬雪芭（$68）食飯點可以無甜品呢，店員聽到我地話想試甜品就推介左雪芭俾我地，食落真係覺得無介紹錯，檸檬雪芭食落好fresh但比較酸，個人鍾意菠蘿多啲，酸甜度啱啱好

平日比較少係旺角食飯，誤打誤撞估唔到搵到驚喜好餐廳。無論服務態度、食材水準或日式居酒屋裝潢等等，係依區嚟講算另眼相看。特別一提︰店員態度太好了，熱情招呼不在話下，細心地介紹推薦菜色，將當晚最新日本空運即割所有魚款逐一詳盡報價。進食期間又會不停執拾餐碟，一直保持餐桌清潔，令食客更加安心。食物方面 - 8隻生蠔優惠套裝（8隻日本大生蠔配2杯日本白酒或無酒精飲品）︰日本白酒酒身帶有果香，屬於少女清甜味，酒精唔濃烈。帶出蠔鮮之餘，開胃又能夠分薄油脂感。其實本人係香港好少食生蠔，第一次食日本蠔︰清甜嫩滑，豐富肉量加少少檸檬汁亦無遮蓋新鮮美，感覺品質不錯，性價比極高。為及冷熱、生熟食物要分開，確保食物質素及保障食客安全。餐廳職員輪流再三提醒我同朋友分開碟食、快手先食等等，長氣搞笑但又好貼心赤身刺身︰厚厚三片食落啖啖肉，飽滿肉地。新鮮魚香，就算切到半吋厚，中心部位亦無生雪，而且保持凍刺身狀態。燒日本甜蕃薯、雞腿肉及菠蘿︰日本燒蕃薯好似蜜糖咁甜，十分粉嫩，最後有加單。雞肉調味清淡，但原有鮮香雞味及滿滿肉汁就如泉湧，加上少量雞皮烤到脆卜卜，好滿足，最後亦有加單。燒菠蘿，咬落果汁噴射式入口，清甜微酸又重果

高檔次日式居酒屋食物質素滿分唔係好識點樣形容 魚生新鮮 串燒味道都好正 雞軟骨都炸得鬆脆仲有好多唔同嘅酒類飲品選擇我當日就揀咗梅酒飲鍾意飲酒嘅朋友，真心推介呢間坐得舒服而且餐廳內裝修非常日式帶高級三五知己最最飲酒談天非常舒適我好記得我當日呢心情係差咁樣去我喺出門口嘅時候，小白鞋俾人踩黑咗當我食完呢一餐之後我就將我小白鞋嘅事忘記得一干二淨仲記得服務員嘅態度都好好知道我對鞋黑咗 主動拎好多啲濕紙巾俾我抹對鞋值得推介

今日去左旺角同朋友會面，早幾日係網上訂左位，去到唔駛等真好，最好彩係安排左個角落頭比我地，坐得舒服得來傾計又可以靜D。整間居酒屋裝潢好日式，刺身可以係壽司Bar度揀，感覺都幾舒服。我地叫左以下既野食﹕味醂雞泡魚乾熱熱地甜甜地作為開胃菜唔錯，燒得少少焦帶到雞泡魚乾香氣，餐前必叫。枝豆正常發揮，值得一讚係枝豆唔會好淋，軟硬度剛剛好。油甘魚腩刺身上枱時好夠凍，個樣好新鮮，一啖食落口係幸福既味道，同埋重點唔係薄依依，每件都係厚切，鐘意食刺身一定要點串燒 (牛舌、雞皮同雞胸軟骨)串燒好值得叫，燒得好食。牛舌個芯好淋，唔會死咸。雞皮係燒得亁身個隻，食落好似薯片一樣，一D都唔油，雞皮叫多幾串都食得落。雞胸軟骨唔係好多地方都有，上邊既黑胡椒辣辣地襯托到雞胸軟骨，3款串燒都好好味，串燒師父有功架。南瓜天婦羅南瓜本身好甜，炸漿脆得黎算薄，熱熱地好味。燒牛小排牛小排燒得好嫩，唔會鞋，重點係柚子胡椒，一齊食增加左牛小排既層次。燒甲羅充滿左蟹膏既甲羅，每一啖都充滿蟹膏既香味，入邊仲有少少一絲絲既蟹肉絲，仲有一D都唔腥。除左食物外，服務都好值得一讚，侍應會經常走過來收野同睇下你有乜需要，呢間居酒屋可以值得再來，下

20230217 驚喜嘅生日飯朋友同我補祝生日🙌🏻一入去就好有日本嘅居酒屋感覺，對住仲未有時候返「鄉下」嘅我，簡直可以解一解思鄉之情😆首先，我朋友早到，叫咗呢枝清酒飲住黎等我🙈呢枝清酒本身米味濃，偏甜， 凍嘅時候果香味好出，薄身啲，但暖啲嘅時候，口感就厚身唔少，帶多少少辛辣感覺，對於唔太鍾意飲太甜嘅酒嘅我，都覺得值得推介👍🏻之後到前菜～海膽海鮮杯： fresh 同醒胃清酒煮蜆，好大粒好鮮味好甜 ，清酒味好出，但係又唔會好搶！主食！鮟鱇魚肝壽司：唔油，沙甸魚味好出，好fruitful！❤️三文魚腩壽司：正常發揮劍魚腩壽司：有驚喜！！好creamy！啲油出哂嚟，好香！😋油甘魚腩壽司：好香，啲油又係出哂黎！但佢個魚味好出，好好味！！👍🏻火炙北海道帶子壽司：中間嘅sauce有驚喜帶出鮮味，有三重味道嘅感覺，炭燒香好重，最尾個after taste好重👍🏻👍🏻縞蝦壽司：因為無甜蝦壽司，個waiter就推介呢個縞蝦壽司，好新鮮好香！🫶🏻火炙平目魚邊群邊壽司：少少smoky，厚身爽口彈牙！魚味好出，creamy味都好出☺️題外話：鼓油好出色，將食物嘅鮮味帶得好出！增色不少！燒雞胸軟骨：香同有咬口！燒雞子

舊同事聚會，為咗方便，揀咗呢間位於旺角嘅餐廳。一入餐廳發現整體格調其實唔錯，坐位佈置都幾舒服。我哋5人，由於大家放工時間唔一樣，所以前後腳到餐廳。其實食完都覺得唔錯，特別係佢雞串燒拼盤，火炙左口魚裙邊壽司、同埋佢個海膽壽司。炒飯都出色嘅，粒粒分明。睇得出餐廳嘅師傅好畀心機煮嘢食。問題出喺服務度。我哋喺前一日收電話確認訂枱嘅時候，完全冇聽到侍應話有最低消費。到當天佢哋再打電話嚟確認嘅時候，先同我哋講假日有最低消費。我哋都當佢均真啦，喺食之前講明。但當我哋一開始到達等朋友嘅時候，基本上朋友都未到齊，啲侍應就輪住問你想食乜。我哋再三話等埋朋友先落單，佢哋驚就好似做唔切生意咁，猛咁吹吹吹吹吹。試過有一輪，五分鐘有三個侍應走埋嚟。你開得呢類餐廳就預咗客人係一路坐、一路食、一路傾。你班人猛咁催係唔係想趕客？頭一兩次你係好畀心機介紹好多唔同食物，但之後你哋猛咁吹落單其實令客人非常反感。就算你哋餐廳嘢食ok，都畀你催到我食得好冇癮啦。你哋自己好好諗下點樣先可以吸引到客人同你哋落單啦。最基本客人嘅感受都兼顧唔到。我係講兼顧，之你作為侍應仲有好多嘢要搞。但你咁繼續落去只會不停趕客

The restaurant has a nice decor and is very conveniently located. Pricing is a little above average but not overly.I don't think I'll be going back to this restaurant.The staff hard sell - we were approached at least 3 different times for sells on the fish on the counter and also the oysters. Once is enough.The food was average - I'm ok to accept that I paid for decor.But the last straw was items on my bill that I had ordered (and forgot about) but did not receive. I guess you could put it on me

1月30號晚全家去食，叫左生蠔、刺身、壽司同其他熟食等等。餐廳位置算好方便，容易搵到。不過上到去有少少失望因為座位太逼及環境太嘈壽司舊飯好濕唔太好食，串燒燒到非常乾身唔合格。生蠔就麻麻地，油甘魚刺身入口即溶，肉質好出色。其他刺身都正常，但價錢偏貴。食既時候食物味道無變壞，只係生蠔有少少怪，不過唔知係邊樣唔乾淨啦。2月1號朝早全家都開始肚痛，肚柯、嘔同埋發燒，自己嘔左三次柯左一次，屋企人都發燒同肚柯……貼錢買難受，無下次

餐廳食物一般，所以本身都無諗住再訪，一個月後的今天突然收到餐廳電話打黎話要同我對單…🤷🏻‍♀️本人都未試過食完會有餐廳打黎同我對返張單，仲要我已經答左你我果日無食過拖羅同三文魚刺生，你都仲要話send 張單黎要我對，仲要我講返我果日食過乜有冇影相😒你哋d單亂到底關我甚麼事？！

接女朋友收工，本來諗住食酸辣粉，突然間想食壽司九點半好多壽司店都收工，企係朗豪坊就揾咗呢度，餐廳環境裝修靚日式風格，叫咗壽司同鮑魚刺身，嘢食味道可以，店員態度可以，晚餐價錢稍高…但嘢食好味！

樣樣都好食！多款日式料理，由小菜、串燒炸物到酒類亦有供應。尤其是生蠔和魚生！串燒燒到剛剛好 ！裝修雅致，感覺乾淨舒適。服務招呼周到！喺度同朋友暢快食串燒、飲酒，更加好～

今日同朋友齊去旺角行街食飯朋友帶咗我去呢一間日本餐廳 🇯🇵 食物選擇好多 食材都好新鮮 非常推介-Oyster Set(4隻) $128自己一向都好鍾意食生蠔🤤，師傅都有特別推薦今日嘅生蠔就即刻試下啦，生蠔夠晒大隻，而且海水味同鮮味都比較重😛，口感係偏向比較爽嘅一種，幾欣賞佢嘅味道同口感❤️安康魚肝酢物 $78安康魚肝都比較少食🤩，味道都好濃郁同好香口，而且配上佢調製嘅醋汁又可以中和翻個味道🤪厚切蒲燒鰻魚2件 $48壽司方面當然唔少得我最愛嘅鰻魚😻，一見到厚切已經覺得好吸引，而且啱啱燒起特別香口，鰻魚夠晒肥美好滿足😝伊佐目壽司2件 $48呢一款壽司係第一次食😋，口味相對鰻魚會比較淡少少😌，可以食左呢款先食鰻魚，伊佐目都好厚切，鮮味會更加重少少😆

海膽海鮮杯 $48呢個海鮮杯最吸引當然係上面嘅海膽😎，完全唔會有海膽嘅臭味🌟，仲好鮮甜，下面仲會有其他海鮮，例如蟹肉配壽司飯一齊食😚沙追魚天婦羅盛合 $98天婦羅啱啱炸起好新鮮香脆😝，而且師傅功架都好好完全唔會覺得油膩👍，而件主角沙追魚肉身都比較結實，做天婦羅就啱曬，唔會怕散開😜紐西蘭羊架(2串) $128估唔到呢度都可以食到咁出色嘅羊架🤩，火候啱啱好，肉質嫩滑多汁，唔會過老🔥清酒煮蜆 $78首先份量夠晒多😍，特別欣賞佢個清酒湯底，飲得出好重嘅清酒味道，配上蜆肉嘅鮮味就完美😛