長洲鐵漢

营业中

休息中

一到週末就會去諗去邊抖下，今日就同好友入長洲行下食下嘢，好在今日天晴心情都特別好呢間長洲鐵漢係間串燒店嚟，同朋友都鐘意食炸物，叫個富貴set細炸物拼盤就啱哂，入面有鹽酥菇、薯格、燒賣、米花雞及大雞軟骨，望落去仲係好豐富，每樣都炸到夠香口唔會過火，燒賣外層香脆裡面仲煙韌，仲有雞軟骨惹味爽脆，飲埋冰凍啤酒就爽yy 冰鎮黃金咖喱魷魚夠入味，夏天食呢款涼伴就啱哂，爽口魷魚入口涼浸浸，仲充滿咖喱香味串串金蠔都係長洲特產，金蠔自己生曬夠甘香，仲有柱花蜜作調味完來咁夾，另外炸大腸都好出色，甜醬芥辣醬都係必落脆脆平安包都係長洲必買，嚟長洲點可以唔食平安包，呢款係芝麻味好香濃豬茜係豚肉芫荽卷，豚肉燒到金黃色，入面啲芫荽好新鮮好多汁，我好鍾意呢串

今日入長洲食好西,試左呢間串燒店, 幾好食喎!啲串燒幾special, 特別係個脆脆平安包真係長洲先有得食!! 超cute cute平安包都可以做串燒!味道類似炸饅頭,外脆內軟架!中間仲有流心奶黃餡 好香滑炙燒雞皮雞皮薄薄一層好香脆, 唔會太油膩!鹿兒島一口豚 霜降一口牛一口豚肉燒完都仲好juicy,肉質軟腍 唔錯一口牛牛味濃郁 ,燒到好香嫩!雞中翼 台灣直送雞腿卷燒雞翼我至細鍾意食!!兩樣都燒到外層香脆,啲肉好嫩好多汁燒粟米、冬菇、雞髀菇估唔到燒粟咪係咁正!菇類都好juicy 彈牙,必點!炸花生麻糬丸子軟軟糯糯嘅麻糬丸子,炸過更加香口,好食worAsahi烏龍茶無酒精嘅Asahi 陣陣烏龍茶香味熱熱天氣飲呢個岩哂啦

長洲鐵漢｜串燒🍢係長洲角酪買完野飲，送左張$5 coupon 比我係隔離長洲鐵漢買野食，既然都經過就緊係去睇下有咩食啦～尖椒 $12熟度岩岩好，加左少少辣粉吊味，好食～雞髀菇 $12食落juicy唔會乾，加左啲孜然粉同辣粉調味，好食～風琴豆卜$15食落有啲偏甜，應該係加左蜜糖，豆卜有咬口，中間唔會乾，好食～

炎炎憂日 2個朋友話要入長洲玩30幾度真係捨命陪君子呀幾個吃貨長洲一日遊緊係要搵定食咩喺Openrice都揀左幾間必食嘅小店魚蛋果啲唔洗講 一落船就衝去食仲去左呢間串燒店 見佢有手工啤飲我地二話不說一人一支$48支 價錢同平時啲餐廳差唔多門神啤 香港品牌 有保證嘅呢個天氣飲啤酒真係爽到極點我地叫左幾樣野食 味道都唔錯 估唔到長洲嘅店仔都咁高質日本牛肉可樂餅好香脆 入面幾滑 軟綿綿咁 和牛味都幾濃台灣直送雞腿卷燒完仲好多汁 一咬開爆汁 啲肉好滑 外層又好香燒到炸雙皮奶第一次食 幾得意 奶香味十足食過翻尋味架「黎姿」原來係荔枝豚肉幾鍾意呢個口味 酸酸甜甜配豚肉真係幾夾雞皮餃子呢個又係勁正 勁脆雞皮包住餃子餡邪惡得來又幾好食仲有鐵漢少女心豚肉卷住士多啤梨 好少女嘅姐合 女士見到都心心眼士多啤梨仲balance 到豚肉嘅油膩感好味 要encore Overall 都幾值得試 下次朋友又有藉口話嚟長洲 哈哈

好耐冇入長洲🌊⛴⛴決定趁着假期嚟放鬆下😎行內街嘅時候經過呢間舖頭，第一眼係俾佢嘅招牌平安包吸引！係串燒嘅迷你平安包勁得意🤣仲要係流沙奶黃餡，而且個皮係金黃色脆脆地😋完全係傳統與創新嘅結合👍🏻大家入長洲一定要黎試吓！佢仲有其他好好味嘅串燒同埋手工飲品都唔錯㗎！

每個月我都會去一次長洲，因為想食老店甘永泰魚蛋！上星期假日去長洲實在太多人了，排隊的人龍很誇張，肚子又很餓，我就在Openrice 找了一家串燒店，試一下不一樣的美食！這裏的食物選擇很多，我們點了好幾樣試下好不好吃。超可愛的脆脆平安包，賣相很精緻！來長洲當然要嚐嚐平安包！有芝麻味和流沙奶黃口味。口感有點似炸饅頭，外脆內軟，很好吃！而且留心效果一流，選這個打卡就對了！桂花蜜漬車厘茄很清新的桂花蜜，令到酸咪咪咪的車厘茄帶點清甜，好味！冰鎮黃金咖喱魷魚這個夏天吃一流，冰冷的魷魚透出惹味的咖喱濃香，冰冰涼很舒服風琴豆卜很惹味的豆卜，少少辣，好吃！炙燒雞皮雞皮燒得很香脆，師傳的功夫很厲害！點了個冚家富貴套餐，有很多款炸炸小吃，墨魚咀 、白飯魚、鹽酥菇 、大雞軟骨、燒賣 、薯格等等。每款都炸得很脆口，粉不會太厚。我最愛墨魚咀和大雞軟骨，喜歡它們的口感！蝦籽撈粗我們肚子很餓，所以還點了個撈粗吃，沒想到味道也很可口！食到一半可以把湯倒進去一起吃。

放假喺香港諗唔到有咩做，最啱就係入長洲！除左有得坐船感受下旅行嘅感覺，我最鍾意長洲有好多小店，唔會好似啲大商場嘅鋪頭重重覆覆。今次入長洲專程嚟呢間「長洲鐵漢」食串燒！店鋪Logo就係肌肉鐵漢，好得意！門口掛左啲兩字燈籠，幾有意思！大家初頭都好懶唔想諗食咩，就叫左個「是但黎甘串」，$298就有20串，隨機咁比＄18以內嘅串燒，都幾抵，最緊要係唔洗諗好方便！另外仲有叫咗幾款野食：香芋丸 上桌時熱辣辣，炸得外脆內軟，中間嘅芋泥好香濃軟滑 ！鐵漢少女心個名改得好得意，其實係豚肉卷住士多啤梨，呢個配搭幾特別，豚肉燒到香噴噴，加埋酸酸咪咪嘅士多啤梨，好味之餘可以減低豚肉嘅油膩感。辛辣明太子手羽呢個正呀！手羽燒到金黃色，中間包住大量明太子。食落香脆多汁，明太子辣辣地好惹味！脆脆平安包 賣相好得意，估唔到平安包都可以燒！入面係流沙奶黃餡，流沙效果又幾好，奶黃好香濃。隔離串豬茜係豚肉芫茜，茜味十足，鍾意芫茜嘅朋友必點！最後叫多個鐵漢撈丁，好滿足！估唔到長洲都有咁正嘅串燒，下次一定再黎！

最近天氣開始轉到炎夏，好鍾意同陽光玩遊戲，入長洲慢活一下，另外當然要食下長洲美食呢間小店主打串燒，仲有好多特色小食，先嚟個薯格小食，炸到金黃色夠哂香口，上面仲有惹味調味粉呢款蜜燒鹹蛋黃臘腸餅真係必食推介之一，滿滿香甜蜜汁嘅臘腸餅燒到剛好，超邪惡鹹蛋黃好甘香，仲有蛋黃油滲喺臘腸到真係好好食鍾意食海鮮呢到都有汁燒大元貝及白酒煮海蜆，前者元貝新鮮甜美，汁燒加上香蔥辣椒更惹味而海蜆都厚肉無沙又鮮甜，用白酒煮多一份酒香另外串串金蠔生曬真係好甘香，仲用上桂花蜜醃漬，金蠔味好出又有淡淡桂花香最後呢個冷食稻庭烏冬好啱夏天食，而醬汁用咁我最鍾意嘅濃郁香甜胡麻醬，每條烏冬都掛到汁，好滿足

✨長洲鐵漢✨難得入嚟長洲 每樣野都想試少少所以唔係叫咗好多 今次只係食咗3個串: 鐵漢少女心串🍓$28其實即係豚肉士多啤梨串 umm本身都預咗呢個係食個gimmick未必好食 結果同想像差唔多 覺得兩樣嘢真係唔太夾 士多啤梨少少搶咗個豚肉 豚肉又有少少搶個士多啤梨 變咗個味唔太出 我唔係太鍾意( ･᷄ὢ･᷅ )豚肉秋葵串🐷 $25雖然個豚肉略嫌有啲太薄 但豚肉同秋葵幾match食落幾香口 想再encore (⁎⁍̴̛ᴗ⁍̴̛⁎)流沙平安包串🍞$28十分有長洲特色嘅串 賣想已經加咗分 包皮炸得啱啱好 食落唔會太油 流沙奶黃餡都唔會太甜(≧∇≦)▽ Rating ▽好食: 7/10環境: 7.5/10推薦: 7/10 人均消費: $40.5/ person 📍 長洲新興街65號地舖

上次去長洲飲完乳酪之後，喺附近行吓經過咗呢間串燒店，見到竟然有一串串嘅流沙平安包食，就買咗一串食😆流沙奶黃脆脆平安包美味指數：👅👅👅👅 (4/5)個包外面炸到金黃色，勁吸引🥺 一咬落去個下好脆，入面嘅流沙奶黃餡流晒出嚟，食落去唔會太甜同埋太膩，好香鹹蛋黃味，但係記住食嘅時候要小心啲，因為第一啖咬落去入面啲餡真係會爆曬出嚟！🤭🤭 整體來講都幾好食 推介大家去買📍 長洲鐵漢 (長洲)長洲新興街65號地舖

今次係第二次食呢間長洲串燒店🔥上次外賣 今次堂食更有風味呢！❥ 脆脆平安包(流沙奶黃) $𝟸𝟾上次試過芝麻味今次再訪 芝麻味已經在ᴍᴇɴᴜ消失了不過唔緊要 流沙奶黃一樣吸引!像炸鰻頭一樣的口感 外脆內軟流沙奶黃很澎湃 好味😋❥ 冰鎮黃金咖喱魷魚 $𝟹𝟾涼浸浸又辣辣的 好過癮魷魚好爽口 ˶⚈Ɛ⚈˵喜歡咖喱魷魚的人不要錯過 ：）❥ 廣島蠔 $𝟹𝟾有𝟹粒 算抵食 而且都唔算話好細粒蠔味濃郁 燒過之後更香口❣︎❥ 鹽燒牛舌 $𝟸𝟾今次的牛舌比上次到訪遜色了肉質雖然不算十分韌 但也不算爽口牛舌味不突出❥ 白酒煮海蜆 $𝟺𝟾酒味重 蜆沒有沙 數量亦合理♔🜚 很有風味的一間店 串燒小食選擇豐富質素也不錯的推薦流心炸平安包同咖喱魷魚❤︎︎❤︎︎❤︎︎

放假與朋友來到長洲 "掃街" 是例行公事，但今天天氣酷熱，不宜在戶外久留，吃過大魚蛋實撐不住，即轉戰附近餐廳繼續食~餐廳以日式昭和風為題，其中座位以舊式Asahi 啤酒膠箱製成，既環保又特別~1) 蜜燒鹹蛋黃臘腸餅， 此店獨家，賣相吸引，上層的鹹蛋黃燒得金黃漏油，酥香味美，下層臘腸餅肥膏透明，充滿蛋香、炭燒香及臘腸香，啖啖濃厚肉味及蜜汁甜味，滋味滿瀉!2) 龍蝦丸，大粒抵食，外層燒得微微焦脆，保留炭燒香味，內裡肉質紮實彈牙，肉汁被緊緊鎖住，蝦味突出，鮮香味濃，加上特色鹹香的味粉及甜甜的蜜汁，份外惹味!3) 日本小甘薯，熱辣燙口，口感軟糯，嚐到天然甘甜的紫薯味及外層沾上的蜜糖味，甜度適中。可惜尺寸迷你，只有三顆，如加多兩粒更佳。總結: 款款串燒皆即叫即燒，以蜜汁炭燒，令食材保有原汁原味外，更添甜蜜香氣及炭燒風味，獨特惹味!

復活節長假嚟咗長洲玩，去得長洲當然唔少得去食當地嘅美食啦，朋友介紹一間叫長洲鐵漢日式燒烤話嗰度啲燒烤都幾特別同幾好食，所以今次難得嚟到咁就去試一試。因為長洲太多嘢想食，所以我哋淨係嗌咗三樣嘢，一個係東咖喱魷魚，燒芝士年糕同埋燒墨魚咀。個咖喱魷魚辣得來都好入味，佢係凍食嘅，同平時食開嘅港式咖喱魷魚係有分別，但係都算幾開胃。芝士燒年糕都唔錯，但係個燒墨魚咀就好似乾身咗啲。買單大約$100左右，唔算嗌得多嘢都算OK嘅。

呢閰最主要食串燒同埋其他燒物。我就試咗佢嘅炸平安包，平安包入邊其實就係奶黄流心餡，味道唔會落好甜，都唔會話好膩，都幾好食，不過食嘅時候真係小心啲，因為佢個餡都真係幾流心。

黎到長洲，又點可以唔食平安包！今次就一訪人氣串燒店，初嘗炸嘅平安包脆脆平安包 (流沙奶黃)打卡一流嘅平安包！平安包炸得好香脆，麵包依然濕潤軟熟，包滿半流心嘅奶黃，咸蛋黃味好濃呢~