62
13
2
| 餐厅: | 長洲鐵漢 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
以上资料只供参考，请与餐厅确认详情
相关文章
今日系佛诞，应该有唔少人会入长洲睇飘色以及抢包山应下节🤪唔少得要攞返个平安包寓意平平安安啦😛之前我都久违地去咗长洲玩返半日，见到有间串烧店主打脆脆平安包串烧，咁特别一于试吓。餐厅墙上贴满不少八九十年代嘅电影剧照，唔少系周星驰嘅女神们，回忆返晒嚟！不少串烧改名都几有玩味，好似黎姿、狂野鱿鱼、铁汉少女心、冚家富贵set等，见到都会心微笑🤣🤣🥯脆脆平安包（流沙奶皇） $28嚟长洲点可以唔试平安包，不过就咁食平安包冇乜特别，呢度就有脆脆平安包，做到外脆内软，里面爆出流沙奶皇馅🤤好有特色，可以一试😋🦪串烧金蚝 $68、狂野鱿鱼 $38海鲜有几款串烧同炸物。蜜糖金蚝食得多，串烧版本比较少见，烧到金蚝涨卜卜，食落除咗带蜜糖嘅甜香，仲有突出嘅桂花香几特别😚狂野鱿鱼认真狂野地大大只，唔会烧到干，保留弹牙口感😙🍗台湾直送鸡腿卷 $38、盐烧牛舌 $32鸡卷啱晒钟意啖啖肉嘅人，鸡皮烧得好脆，内里鸡肉啖啖肉😽食到爆出嘅鸡油好邪恶😈牛舌就正正常常都几爽弹。🥓黎姿（荔枝豚肉）$28、豚肉京葱卷 $28黎姿呢个名都好耐冇听😂将豚肉包住荔枝，充满荔枝甜香。京葱版本几爽脆，带点辛辣感嘅京葱同豚肉无疑系好配搭。不过豚肉本身脂肪位占多，所以烧过之后变得好细块包唔住京葱🤣🥬娃娃菜 $18、翠玉瓜 $15蔬菜类都系正正常常，不过娃娃菜份量偏少。🍝铁汉捞丁 $25见到菜名加咗铁汉两个字忍唔住试吓😆卖相有啲似indomin，以为食落都会好似，但系调味不同，公仔面加入虾干、虾米、蒜油等，咸咸辣辣几惹味😛推介指数（10分为满分）：7分
继续阅读
超级推荐，长洲必食！🤩.早几星期无特别揾既情况下，俾呢间铺头既靓装修吸引咗入去食，非常有惊喜👍🏻 所以今日带埋朋友，四大两细，特别再入长洲揾铁汉😂 结果朋友都非常满意，仲话一定会再推介俾其他人，有好嘢大家一齐分享😍.脆脆平安包同埋豚肉荔枝系必点，其他串烧都好有水准，仲要佢个价钱系市区系无可能食得番佢咁高质。如果钟意饮啤酒，仲有好多款手工啤😋.地点又近码头，一落船拿拿临去揾铁汉医饱个肚，先至开始探索长洲🥳
继续阅读
今日闲日入嚟长洲慢活Chill下，lunch去左呢间长洲铁汉，午市食lunch set都几抵，拣左串烧set好味道。串烧种类都唔少，仲有好多特色配搭，例如招牌腊肠肉饼好食又香味浓郁，有腊肠嘅串烧真系第一次食，食落好juicy，加埋咸蛋黄真系特别香！另一样特色我就觉得系脆脆嘅平安包，入面系流沙奶黄。第一次食烤平安包，外面炸到脆脆哋，中间嘅奶黄唔会太甜又流心，咸咸香香，好滋味～铁汉少女心又系好食，豚肉包住士多啤梨非常夹。豚肉嘅油脂香再加埋士多啤梨嘅酸甜，零舍开胃，口感同味道都好丰富，正！冰镇黄金咖喱鱿鱼，平时都食得多，但呢到嘅鱿鱼同白萝卜都系冰冻嘅，咖哩味浓郁，少辣，热天食辣又凉，好过瘾～开头以为食串烧会唔饱仲叫咗两碗面，但佢嘅串烧都几有份量。好在两碗面食都好味道。虾籽捞粗尤其有港式风味，粗面Q弹加上蟹籽更香又更有口感；胡麻酱捞乌冬呢个系唔会输嘅配搭，芝麻酱够香，乌冬滑溜，好快就食完。整体系一间好用心经营嘅小店，值得支持，好食，老板亦亲切！
继续阅读
长洲铁汉🦾，佢最出名系炸流心奶黄平安饱，不过我哋实在食唔落🤣😭 叫咗几串串烧嚟试吓，最特别就系佢嘅铁汉少女心(豚肉士多啤梨) 同埋黎姿(荔枝豚肉)，两款都同个肉好夹，而且果肉嘅甜可以解咗肉嘅肥腻！
继续阅读
每次嚟长洲都想食，可惜每次喺长洲周围食嘢搞到每次夜晚都冇容量嚟食，今次决定唔食其他嘢一定要试吓你有几好食冰镇咖哩鱿鱼，好似系招牌嘢，优点鱿鱼系好爽好弹牙，味道方面都几好味，缺点系啲粉落得唔够分散，集中嘅地方食到有啲苦，同埋虽然萝卜只系用嚟垫底嘅配菜，但都唔驶硬到好似生咁串烧望落都几正咁，但嚟到第一件事就话大肠系用唔知乜嘢汁整，所以会深色啲，但我真系分到深色同㶶嘅分别啰，不过眼见都未必系真，就好似叉烧㶶边可以整到好㶶都冇㶶味，但结果我都真系食到㶶味，而且第二𠮶嚿直头好似食炭咁，仲有个流沙包，第一件好干，感觉好似返炸咗几次咁，第二件就正常会流心，味道都唔错，至于其他嘢都ok不过埋单要二百几，性价比就真系唔高
继续阅读
您可能会有兴趣的...