長洲鐵漢

营业中

休息中

近年長洲都幾多人講既一間鋪頭(⁎⁍̴̛ᴗ⁍̴̛⁎)主打多款串燒，不過一場嚟到都係想試特色串燒依到裝修都好靚好有心思🤩同埋可以拎埋附近既長洲角酪飲品入嚟都得👍🏽💪🏽脆脆平安包（流沙奶黃） $28/串好難得平時都可以食到平安包，炸到外脆內流心😋😋本人超中意食炸饅頭，所以覺得超好食(˶‾᷄ ⁻̫ ‾᷅˵)重要入面超流心，熱辣辣，大推！重可以打卡🥳💪🏽蜜燒鹹蛋黃臘腸餅 $38/件係長洲周圍都見到既特產，未試過都可以一試佢味道比較濃，又咸又甜咁係唔錯😆但感覺就係欠缺一碗飯！送飯一流🤣💪🏽鐵漢少女心（豚肉士多啤梨） $36/串依款好特別！用士多啤梨既酸甜去中和豚肉嘅肥膩感🍓而且咬落去有少少爆汁嘅感覺😝都係可以值得一試嘅特色串燒✨💪🏽煉奶油炸鬼 $18/串以為油炸鬼會係好脆，但咬落去有啲太硬🥺同想像中有啲出入，覺得麻麻地🥲另外男朋友試左鹽燒牛舌同豬頸肉，都覺得唔錯但我哋個胃已經冇位試更加多嘅串燒🤣🤣

走過長洲嘅小街，隨意尋寶，竟然搵到一間串燒店舖嚟填飽肚子！👀先講講佢哋嘅和牛漢堡，真係一啖屋企味，肉汁滿溢！再嚟個荔枝豚肉，鮮甜荔枝震撼住我嘅味蕾，好正喎！突然間，花枝丸要黎搶鏡，彈牙又多汁，我都唔知花枝丸可以咁上鏡架。😍講到茄子串，真係正中下懷！孜然味咁香咁濃郁，茄子外脆內軟嘅口感絕對五星級，但士多啤梨配豚肉就有少少失手，味道配搭得太突兀，唔係我杯茶喎！🙅‍♂️🍓飲品方面，Asahi烏龍同普洱手工啤就普通普通，冇啲特別。但係好在係，串燒嘅味道夠靚夠正，已經至滿足！💯無論係長洲居民定係返島遊客，我諗呢間店都值得一試！記住帶現金過來啊！

好耐冇去過長洲啦，都bookmark咗唔少小店要去試，其中長洲鐵漢嘅脆脆平安包就最吸引我😂長洲鐵漢主打港式串燒，可以試吓啲特別款式嘅串燒🍢🍡小店嘅佈置都有落過心機，主角鐵漢行漫畫風，都幾打卡able 📸首先必點嘅一定係脆脆平安包，有流沙奶黃或者係芝麻餡💛🖤將普通嘅平安包炸過，有少少似食炸饅頭，一咬開中間嘅奶黃唔算好澎湃，但係個味道好好！第二款必試係蜜燒鹹蛋黃臘腸餅，都係第一次見，與其話係臘腸餅，我覺得更加似豬肉乾嘅味道，甜甜地好有口感😋串燒方面要咗鐵漢少女心👧🏻即係豚肉包住士多啤梨🍓又幾得意，鹹鹹甜甜咁。另一款黎姿，即係荔枝豚肉🐷咬開好Juicy，荔枝嘅甜味平衡咗豚肉嘅油膩感，好好食😚特色小食要咗白酒煮海蜆，味道調校得好好，重牛油蒜蓉味🧄🧈亦都有少少辣椒🌶️所以整體好惹味，如果啲蜆大隻啲就更好啦🤪最後要咗個冰鎮黃金咖喱魷魚，魷魚爽口，帶點微辣，都唔錯🦑飲品方面有好多本地出嘅啤酒，就算冇酒精嘅選擇都有幾款，試咗山楂蜂蜜梳打，飲落清爽酸甜，好有特色，好推薦💯🔸黎姿🔸冰鎮黃金咖哩魷魚🔸蜜燒鹹蛋黃臘腸餅🔸鐵漢少女心🔸脆脆平安包（流沙奶黃）🔸山楂蜂蜜梳打📍#長洲鐵漢 (#長洲美食)長洲新興街65號

一直唔知長洲有咁多野食，以為嚟嚟去去都係大魚蛋，芒果糯米糍～呢間店位於長洲碼頭附近，好麻甩但係真係好正！脆脆平安包有少少炸饅頭嘅感覺，但個皮唔夠脆，有奶黃流心嘅效果，但係食完有少少漏蜜燒鹹蛋黃臘腸餅第一次食呢種臘腸餅，無得比較，但好有新鮮感，臘腸同鹹蛋黃嘅鹹香，同蜜糖嘅甜味好夾鐵漢撈丁個樣勁似印尼撈麵，仲以為係印尼撈麵啲friend，點知完全唔係印尼撈麵嗰隻味，好好食，但個碗有啲細比較難撈燒豬頸肉豬頸肉肥瘦適中，燒烤後的表皮帶有焦香，係我今次最鐘意食嘅串燒

《長洲覓食之旅3》在長洲講起特色食物，晌好多香港人或遊客心目中都係海鮮、魚蛋、芒果糯米糍，除左呢D究竟仲有冇其他好吃？《長洲鐵漢》主打特色串燒、炸物、小食，開業就快兩年。特色脆脆平安包外貌已吸引不少遊客。脆脆平安包（芝麻）：口感似炸饅頭內餡芝麻，香口略甜，流沙奶黃會好吃點。 脆脆平安包（流沙奶黃）：一咬開脆炸的麵包皮，內裡的流沙奶黃就擁出，是一個好吃的甜點小吃，必試之作。 炸雞皮：雞皮香口有油份。 風沙鮑魚：有少少似避風塘口味，鮑魚已預先切開為兩口，肉質略硬身。 蜜燒鹹蛋黃臘腸餅：長洲名物😂碼頭附近手信店舖有賣，在這單件賣略貴，口感…似…咸香酒香..香口點的大臘腸餅🤔，可以一試。 鹽燒牛舌：生熟程度控制得幾好，味道略咸。 冰鎮黃金咖喱魷魚🦑：冷冷的口感，食落幾舒服，魷魚感覺比其他好肉質彈牙，咖喱汁香濃，必試之作。

這家長洲鐵漢是長洲角酪的姐妹店，飲完乳酪覺得不俗，提昇了對鐵漢的信心，在這裡叫了撈麵，豚肉京蔥卷及平安包。但這店雖然無咩客人，但炸得仍很怱忙，平安包幾好食，但流沙有點凍，豚肉京蔥卷的豚肉又肥又薄，京蔥大小不一，有一舊京蔥太多，食落未夠熟非常攻鼻！這裡裝修不錯，但食物質素有待改善！

嚟到長洲，點可以唔食平安包？！脆脆平安包其實係炸過的奶黃包，中間的流沙奶黃一咬就爆出，小心熱親個嘴。造型相當可愛，比起普通的平安包饅頭，有餡嘅包好味好多！冰鎮咗嘅咖哩魷魚，估唔到咁好吃！比起熱食更爽口、彈牙。除咗魷魚仲有啲蘿蔔，吸滿咖喱汁，香口又惹味 。蜜燒鹹蛋黃臘腸餅呢個係長洲名物，係人氣之選。邪惡嘅鹹蛋黃，極具風味。秋風起，點可以唔食臘味？時令海鮮今期有白酒煮海蜆、汁燒大元貝、風沙鮑魚。我今日就叫咗白酒煮海蜆，每隻都開晒殼，堆得幾滿，每粒都有蜆肉，帶有牛油香，不會太重酒味~鐵漢少女心原來係豚肉士多啤梨。水果可以解膩，不喜歡食太多肉嘅朋友可以考慮點呢個～獨特的配搭帶比人一種鐵漢柔情的感覺。另外，我叫咗啲蔬菜串燒，例如:菠蘿、雞髀菇、韭菜等，因為係蔬菜，多吃也不怕😋餐廳提供很多款串燒、手工啤，充滿香港🇭🇰長洲特色。

入到長洲🏝️點可以唔食平安包😋但Soy Egg 🥚同9 Flag 🏳️已經食厭左蒸既，咁岩見到有間串燒店🍢門口貼左炸平安包既相🥯立即入左去試試佢😋必試: 脆脆平安包🥯 (如果入到長洲想食平安包，又食厭左蒸既，可以一試)是但食評🌟💬✰環境😋香港特色😋雖然店鋪細細 但坐位放得幾開 都坐得幾舒服🏪牆身大大隻咁寫左長洲鐵漢4隻字🧔簡單而有力 鐵漢既表現🧔Menu上都有好多款串燒 炸物 主食揀 傳統新式都有🍢應該都滿足到唔同人想食既野難得坐得舒服又多野揀既串燒店😋✰脆脆平安包(流沙奶黃) ($28) 🥯 炸既平安包 岩晒打卡同食厭左蒸既你🙂先講賣相已經可以拎住影十萬張相📸話俾人知你入左長洲又唔想影”長洲站”可以試下影依個味道方面，蛋黃味都夠🥚鹹甜比例剛好 有小小沙既口感⛱️但可惜果日炸得唔夠透外皮唔夠脆 餡唔夠熱🔥如果夠熱，可能流沙既效果會更好⛱️✰煉奶油炸鬼 ($18) 👻 硬掘掘💎😟 本身見到佢都幾得意 expect 佢炸到脆卜卜加埋煉奶🥛 應該超級好食可現實係唔夠熱🔥油炸鬼本身好硬💎冇脆既感覺 都幾失望😟✰桂花蜜漬車厘茄 ($22) 🌼🍅 應該係拌車厘茄 唔係漬🙂上邊灑左D桂花碎🌼加埋桂花蜜本身都

⛱️長洲獨家港式串燒 店鋪原來同長洲角酪🍧係同一個店主👀 而且鋪頭都係斜對面🗿店鋪都幾大 平日中午十二點幾過去都唔係好需要等位餐廳好有心思 真係每一樣detail都做到足 就連紙巾、筷子、竹籤、餐牌都係有自己設計 而食物食物名稱都超級有創意😍符合餐廳主題！超級欣賞🍭荔枝豚肉🐽($28/串): 其中一樣最好食😍 佢係將豚肉包住荔枝🫧 而荔枝係熟透的🥹 而且荔枝甜味有d中和豚肉既肥膩雞脾菇🍄($12/串): 個菇係幾有鮮味！有種食緊海鮮/肉既味道 第一淡唔講以為自己食緊帶子🥹 質感燒得幾好 燒得熟透 但係又未去到爛嗮 反而仲有少少彈牙 調味就加左孜然粉 蒜燒原條茄子🍆 ($38): 茄子燒得偏淋身 而且調味偏濃 好重孜然粉、蒜🧄同埋蔥味 面上配埋少少肉碎幾好食 如果有碗飯撈下就正啦😻流沙奶皇脆脆平安包😽（$28/2件): 正常炸流心奶皇包 包有少少甜味 一個係黑糖包炸雙皮奶🥛（$22/串): 雙皮奶奶味好出✌🏻唔係用奶粉！而且雙皮奶偏淋少少 應該唔係加左好多魚膠粉 我個人幾幾鍾意🩷軟殼蟹🦀（$48): 軟殼蟹有蟹膏 炸得幾脆 蟹腳ok多肉雞軟骨🐔($15/串): 偏重七味粉 正常居酒屋味廣島

1. 脆脆平安包甜而不膩，真係好流沙，好好味，食過之後唔想再食其他奶黃包😋2. 雞皮餃子應該係最好食既野！又香又脆3. 一口牛男朋友話好好食4. 鹹蛋臘腸都OK，偏油膩5.冰鎮咖喱魷魚魷魚軟稔，好辣，一般般

同朋友入長洲東灣嬉完水之後好肚餓去搵野食，就見到食串燒/炸物既鋪頭！🤩牆上貼住以往既天然美女相⋯有張栢芝、黎姿、朱茵、王祖賢等等⋯果然係店如其名 非常鐵漢😂而另一幅牆就貼滿左餐廳野食既相😍睇到都已經好肚餓🥹Menu上都好多選擇！而且啲名非常搞笑😂（睇到果陣會笑左出黎）最後好肚餓既我地叫左11樣野🙈冰鎭黃金咖哩魷魚 $42/份呢個價錢黎講份量就唔算好多🥲不過味道係真係好好👍🏻咖喱係汁黎，唔係醬，但咖哩味道好出色！係好地道好香港既咖哩汁！辣度適中，冰凍既魷魚好爽口👍🏻對唔住因為好肚餓所以無逐串同佢黎張close up😂但可以特別講講比較出色/可以改善下既串燒🙈• 豬莤（豚肉芫茜）$28/串總共有3舊，係炸過既豬肉片包住芫茜莖，豬肉片略微炸得耐左，食耐有啲硬，芫茜莖好大方有非常多！不過正正因為太多既原因，食到入口時就同豬肉既量唔係好balance, 而且可能我果舊既莖位比較老，都比較難咬，第一舊一次過擺入口時咬左好耐😂第二三舊我就將入面既茜一半蚊出黎先食，口感就會比較好🙈• 雞皮餃子 $25/串一串共有2舊，雞皮炸到超酥脆，好香口！包住餃子餡，味道又出奇地夾👍🏻（定係雞皮包住所有野都夾到？😂

長洲宜家真係多咗好多食物選擇～ 長洲鐵漢主打串燒 仲有唔同嘅手工啤同特色香港小食🍢 今次就些牙下啲我地覺得值得一試嘅～• 冰鎮黃金咖喱魷魚 $38 🦑之前已經見到好多人推介呢度嘅咖喱魷魚 玻璃魷魚好爽脆 咖喱汁唔算辣 惹味（食開譚仔10小嘅男朋友都食到習習聲）夏天行到熱辣辣食應該仲爽✨• 脆脆平安包（流沙奶黃）$28 🥯入到長洲緊係要試平安包 不過個炸平安包少油膩 可能三四個人share兩個就夠了 叫做幾新奇 可以一試～• 酥炸白飯魚 $38 🐟最驚喜居然係呢個炸白飯魚 $38比嘅份量都幾多 白飯魚好大條 啖啖肉 炸到酥脆酥脆 jeng～ 食完直頭想嗌多碟• 豬頸肉 $18 🐖燒豬頸肉基本上好難出事 調味偏甜 好味整體黎講比較推薦佢嘅小食🫶🏻 夠特色📍長洲鐵漢長洲新興街65號地舖

以一個鐵漢做餐廳人物主題，夠哂霸氣之餘，食物水準一樣出色。招牌首創脆脆平安包，平安包係長洲恩物，食過保平安，味道有流沙奶黃或芝麻味，奶黃夠甘香又夠流心，麵包外層香脆，入面仲餡料仲帶沙沙口感。冰鎮黃金咖喱魷魚呢啲炎熱天食就正，魷魚爽口帶啖啖咖喱味，冰鎮過特別脆身有口感鍾意食海有汁燒蟶子王，夠新鮮又大隻厚肉，汁燒好惹味，但又食到蟶子本身鮮甜味道。我自己就好鍾意食軟殻蟹，呢到原隻炸到好靚，成隻都好香口脆身，咬落入面好夠膏香，呢款真係不得了。富貴Set就啱哂嘅貪心仔，好多款都試到，有鹽酥菇、薯格、燒賣、米花雞、大雞軟骨，份量都好多，緊有一款啱你口味，但我款款都鍾意食，唔該整一枝超冰凍啤酒嚟啊！最後食串惹味燒韮菜，唔會燒到乾身，食落爽口帶嫩，仲有啲惹味調味粉好正！

我自己就好鍾意放假遠離一下市區，去離島行下就最好不過，長洲係我最喜歡，因為夏天除咗可入嚟游水度假外，仲可食下好多正嘢我自己就好鍾意一班朋友聚下食串燒飲啤酒，呢間喺長洲都好出名好味又抵食，先整幾串食下，串串粟米好鮮甜帶惹味鐵漢少女心其實係肥美豚肉包住香甜士多啤梨，黎姿原來係豚肉包住另一款水果荔枝豬茜都係我鍾意嘅一款，豚肉燒到外層微焦，但肉汁仲保留到，裡面包住多汁香菜芫茜蒜燒原條茄子係朋友每次食串燒都要點，茄子燒到好淋身又入哂蒜及調味料，惹味得嚟送啤酒就最好炙燒雞皮真係超香口，咬落去好脆身又充滿雞油香呢個脆脆平安包係必試㗎，有流沙奶黃及芝麻味揀，我就鍾情邪惡又甘香嘅流沙奶黃，包面仲好脆身，裡面有流沙效果台灣直送雞腿卷燒到好香口，啖啖肉好滿足食咗咁多肉，整串鮮甜帶微酸咪咪菠蘿就啱哂，勁多水果汁好清新

上一次嚟長洲旅遊，已經係幾年前嘅事。始終疫情期間 都唔太想成日外出。呢一年疫情較為穩定，終於可以唔洗帶口罩，輕輕鬆鬆遊長洲。朋友介紹我長洲有間好食嘅串燒店，試下新野，唔洗下下都剩係食大魚蛋。先點個冚家富貴SET，大大盤係炸物拼盤！$198有勁多款炸物，好開心呀！當中嘅墨魚咀好爽好好食，估唔到有炸白飯魚，唔係到到有！仲有炸薯格都好正，脆卜卜。一試過食到成8款炸物，叫支鬼佬涼茶手工啤，爽呀！脆脆平安包好香脆，入面係芝麻包，出面好金黃，食落好似炸鰻頭咁，yummy ！豚肉秋葵卷，豚肉卷住秋葵，邪惡中帶點健康。五花腩肉，肥瘦相間，燒完好香口，好食！金菇肥牛菇都唔錯，金菇吸哂肥牛嘅肉香，必點呀！燒菠蘿係我平時嘅最愛，呢到都無令我失望，燒過嘅菠蘿更香口，酸酸甜甜好開胃！煉奶油炸鬼，呢個配搭幾有特式，脆脆油炸鬼上加啲煉奶原來係咁正，我下次黎都要再食！豬茜，funny name ！豚肉包住芫茜，芫茜味都幾出，鍾意芫茜嘅朋友可以試下！