鋿晶館

营业中

休息中

即點即製點心鋪平時出街都係食西餐廳，今晚就試下呢間新開既點心鋪。呢間點心鋪裝修同傳統的大不同，佢除左重視傳統中國茶道，有好多款茶葉選擇，同時兼備西式風格的裝潢，鋪面燈光光猛、乾淨企理，呢點加分。點心方面，個人偏好傳統點心，點左鮑魚燒賣、叉燒腸粉、鮮蝦菜苗餃、老爺鮮蝦腐皮卷、月半彎鮮蝦餃最想推薦係鮮蝦腐皮卷，食得出真係即叫即炸，好爽脆又足料，呢個出面都少有得食。另一個想推薦係鮮蝦菜苗餃，都係好足料，啲蝦好鮮甜，味道唔錯。最後，當然要試下佢啲甜品，就揀左好少食到既芝麻糕，味道好香芝麻味又唔甜，飯後甜品，呢個選擇唔錯，大家不妨一試！

這次去了一家新開的小店，位置旺角中心附近，坐在窗邊還可欣賞街景🙈。環境裝修簡約，有卡位和餐桌選擇，座位寛敞環境舒適。食物以點心為主，晚市時間還有小炒選擇，價格大眾化。-💥准杞圓肉燉赤肉湯 HKD$45，沒有時間煲湯點盅來飲飲吧，熱辣辣的燉湯味很香。這個用料十足😚，還有湯渣可以吃。湯飲色澤較濃厚，味道清甜不油膩。-💥艇頭三寶煎蘿蔔糕 HKD$20 | 煎釀茄子 HKD$32，這兩款也是較香口的點心，分別配有不同醬汁吃，加配後更惹味。蘿蔔糕味道帶點甜，煎釀茄子魚肉香口，配茄子吃口感豐富。-💥半肥不瘦叉燒腸 HKD$32，這個一份有三條，腸粉皮薄口感滑身。裡面材料滿滿，叉燒肉質腍身帶點肥肉，配醬油吃更鮮味。-💥好姐潮州蒸粉果 HKD$22 | 迷你珍珠雞 HKD$32，這兩款也是常見的點心。粉果晶瑩剔透，口感豐富味道濃厚。珍珠雞味道很香，飯質口感煙韌 而且不易夾散。-

今日又俾我喺旺角發掘到一間專食點心嘅餐廳，呢間餐廳啲點心新鮮滾熱辣，而且非常之足料，坐又坐得舒服！而且幾位店員姐姐都非常之有禮貌，主動斟茶，又會主動問啲點心好唔好食，有冇意見反映，呢啲服務態度真係一流🥰蜜汁叉燒包，非常之軟熟，聽店員姐姐講係新鮮即日做，所以入邊啲叉燒又香又新鮮❤️月半彎晶瑩鮮蝦餃，足料，入邊隻蝦又彈牙，層皮又透薄😚黑松露北菇燒賣王，啖啖肉，而且黑松露味勁香，入邊隻蝦依然都係新鮮又彈牙🤤半肥不瘦叉燒腸，腸粉好滑，啲叉燒真係半肥瘦，仲有少少翠玉瓜喺入邊，好食😋濟寧蒜香蝦春卷，呢個真係要推薦比大家，新鮮即炸，而且入邊餡料好足，超級好味💕傳統芝麻糕，呢個又係另一個傑作，我哋勁好彩帶咗最後一份，原來每日都係限定，芝麻味超濃郁，係一份凍糕點，用佢來作為一餐嘅結尾，真係好幸福❤️❤️❤️

今日同媽咪食lunch，彌敦道開左間新既食點心！入面多人到嚇親我😂。2個人叫咗五款點心，整體質素唔錯。黑松露北菇燒賣皇好開心可以叫2粒，唔使夾硬食！燒賣上面鋪咗黑松露，飄香撲鼻！鳳爪排骨金鳳飯調味唔錯，加埋甜甜地既豉油撈埋送飯食一流！法式酥皮菠蘿包好特別！菠蘿包入面夾咗蕃茄同埋白汁碎蛋，菠蘿皮夠哂脆！咱家秘製叉燒包飲啖茶，食個包，自家製！熱辣辣蒸出黎好軟熟。香茜牛肉腸腸粉夠滑，唔算厚皮，芫荽嘅味道唔算好strong，可以接受。呢到既點心即點即做，師傅曾經係米芝蓮酒店到做，食物質素相當唔錯，連茶葉都幾出色！唔怪得之咁多人幫襯！

鋿晶館難得今日早收工， 約左朋友喺旺角食個早飯。太耐無飲茶，揀左呢間新開喺彌敦道大街，聽講師傅做過米芝蓮酒店， 又近近地，試咗幾款小食小菜。法式酥皮菠蘿包🍔開頭以為係熱食，原來喺凍食，菠蘿皮超鬆脆，夾住蛋沙律同蕃茄，口感豐富。牛油焗粟米🌽勁重牛油，份量都唔少。櫻花蝦炒雞柳🐓有翠玉瓜櫻花蝦一齊炒，醬汁有d似海鮮XO醬，雞柳都有醃過，好惹味。京川餃子🥟呢個值得再encore, 餃子皮又薄又滑，入面係白菜、韭菜、豬肉，仲有少少芹菜。醬汁微微酸甜，仲有蒜蓉味，幾開胃。豬潤雞肉菜苗生滾粥🍲豬潤有驚喜，係爽滑果種，雞肉嫩滑juicy，粥底仲好棉滑，製作需時都值得。見其他食客既點心賣相都好吸引，所有點心現場即點即做，下次主打試試佢。

今天朋友相約在旺角彌敦道726號鋿晶館飲茶。鋿晶館在上環和荃灣開有分店，主打粵菜（廣東）/點心。鋿晶館點心都是出自於曾在多間米芝蓮酒店工作過的，經驗豐富的點心師傅之手，精心製作，即點即蒸，非常新鮮熱辣辣的。養生黑蒜螺片燉唐排湯：夠老火足料，好味又健康。招牌鋿晶館月半灣晶瑩鮮蝦餃：皮薄而有韌性、蝦肉多汁彈牙。黑松露北菇燒賣皇：有黑松露點綴的燒賣，鮮甜爆汁，有傳統點心升級的味道。齒夾留香脆羅卜腸粉：擺盤精美，口感丰富，色香味齊全。黑椒醬皇金錢肚：非常惹味有咬口，真材實料夠水準。厚切豬潤生滾粥：粥底綿稠，厚切豬潤爽口。鋿晶館點心如此高水準，服務也熱情周到，以後還會光臨！