金鶴拉麵 (閩街)

营业中

休息中

再次介紹香港我覺得好食嘅雞白湯拉麵，介紹過立體派、鳥華亭，今次介紹嘅係有好多分店嘅金鶴拉麵。依間金鶴拉麵，同喺大阪開過嚟香港既座銀極為相似，就咁睇樣都好難分得邊碗拉麵係邊間，聽講係座銀既致敬版，但價錢會比座銀平民小小，份量多少少，而且分店夠多要食都唔難。-🍜 雞白湯拉麵 💰98（👅: 9/10）除左雞白湯拉麵，仲有一個係極濃版，湯味會更鮮而且鹹味比較重，但第一次食建議叫返比較多人叫嘅正常雞白湯拉麵。先講湯，呢碗雞白湯拉麵，用咗日本赤雞、素菜、鰹魚等材料熬製，但唔係喺舖頭入邊熬製，而家喺東京空運過嚟，湯頭呈奶白色，味道濃郁得黎冇一般豬骨湯咁油膩，溫和同清爽少少，有黏口感覺，甜而不膩，香味比較内斂啲，唔似鳥華亭咁出，飲落質感有啲似忌廉湯。而碗湯會好似Cappuccino 咁有少少泡係因為佢哋空運過嚟嘅湯用攪拌機打，原意係令口感更加細滑，但實際飲落其實唔太大分別，似gimmick多啲。而拉麵係用低加水麵條，即係搓麵粉嗰陣唔加咁多水，會令麵質比較容易吸湯。麵條係曲身中粗麵，掛湯能力喺香港嘅雞白湯拉麵係幾高，麵質同佢哋嘅雞白湯非常配合，麵既質地食落都好彈牙，有實在嘅口感，雖然聽講佢哋依種麵唔係自

呢日做完檢查又同 朋友食好西，來到佐敦食拉麵🍜金鶴雞白湯拉麵 $98Jo想講超級好食！最特別係上面有好多脆卜卜的牛蒡，同拉麵加埋一齊食味道幾得意甜甜地，如果浸淋左又係另一種食法都好食，雞肉唔會鞋口不錯，流心蛋都好好食，最喜歡湯底！原來係用赤雞熬製6小時，難怪咁鮮甜濃郁又唔油膩好好飲，同jo而家大肚完全食唔到味精ge野會唔舒服，連我都可以成碗飲哂一定真材實料👍🏻好食指數：😋😋😋😋😋🍜黑蒜醬油拉麵 $98朋友叫呢碗，jo偷食左一啖超濃蒜味，適合重口味人士，朋友表示好好食，jo大肚婆就食唔到太濃口味🙈 肉就好好食勁入味，好淋身口感好正好食指數：😋😋😋😋明太子雞翼 $48入面都幾多餡料，炸到皮幾脆口，辣辣地好惹味不錯好食指數：😋😋😋😋蒲燒鰻魚串 $68其實好想叫鰻魚飯但太貴唔捨得就叫咗個鰻魚串，影相影咁耐凍咗都覺得好好食好厚肉彈牙一d都唔腥，外層幾脆，有炭燒嘅味道，下次要叫鰻魚飯試吓好食指數：😋😋😋😋😋整體而言都滿推介，環境氣氛裝修都好日本，店裏播住日文歌，服務態度都幾貼心又會幫忙加水又有牙線提供，雖然冇得去日本，喺呢度食碗拉麵感覺也不錯👍🏻.依家有咗又食唔到蟹同濃味野，等生完要再來過，一定要

自從6:00之後唔唔俾再食糖食已經好耐冇去過任何餐廳食晚晚都係自己整咁啱今日去到呢間拉麵店佢提供外賣咁岩聞到佢哋好香嘅雞湯味所以即刻叫咗啲外賣返屋企食呢度主打雞白湯拉麵拉麵嘅湯底非常之咁濃郁完全唔係中式湯底嗰款味道而呢款日本湯底嘅雞白湯拉麵原來係將啲雞肉煮到溶溶爛爛之後再用攪拌機打爛晒所以出到嚟嘅雞湯係非常之咁杰身而且原汁原味另外不得不提呢度嘅拉麵做得非常之咁挺身所以就算就唔係湯入面都唔會吸收太多湯而變到林而且佢嘅配料有豬肉片同埋雞胸肉雞胸肉嘅味道非常之咁林睇返佢哋嘅Menu原來係用上了慢煮嘅方法製作唔怪之得嗰種嫩滑嘅程度係非常之咁難以想像不過堂食嘅時候原來有炸牛蒡，但係去到外賣嘅時候就變咗做紫菜可能因為外賣嘅時候牛蒡已經會變得林晒但係外賣嘅時候只係得紫菜就會減少少分了不過冇所謂啦當熱情過後之後就要去返呢啲咁出色嘅地道小店幫襯返支持下之後就叫多咗一款炸雞小食估唔到有拉麵店攞到返屋企仲係保持咁脆口而且趣小食奉送嘅柚子嚴重非常之咁出色非常之解油膩

專程黎食😆黑蒜醬油拉麵🍜據說係用自家秘製黑蒜醬料，蒜味🧄會強烈啲。一試果然帶有濃郁黑蒜香，飲落仲有少少甘甜😂 面彈牙，軟硬適中～金鶴雞白湯拉面🍜雞湯香甜又濃😍，味道非常有驚喜，同出邊雞湯嘅湯底味道好唔同！餐牌上面寫住係用赤雞熬製六個鐘而成🤩！飲完之後的確係冇口渴感～低溫慢煮日本赤雞🍗兩碗面本身都配有一片大叉燒，兩片雞肉。但我地想食多啲餸所以叫多一份赤雞～佢上盤係凍凍地既，肉質較為爽口，口感都幾特別架。另配兩隻溏心蛋🍳廁所位置個裝修都幾日式～

今日放工晏左少少，買唔切餸所以去油麻地金鶴買外賣返家吃。是日點了蒲燒活鰻魚串，金鶴雞白湯拉麵，黑蒜醬油拉麵。金鶴雞白湯拉麵:湯底好香好濃郁既雞湯底味，口感很好不似加入味精，也不會很油膩。黑蒜醬油拉麵:有好濃既黑蒜味道，配合起拉麵更為有層次口感。拉麵煙韌度適中不會過淋或過硬，口感不錯。溫泉蛋流心蛋黃，煮到剛剛好流出來口感。雞肉豬肉口感好咬口不錯。配料配菜夾入更加清爽好味道。還有紫菜加入拉麵連湯吃更美味。分湯外賣紫菜分開令到拉麵麵既口感更好，不會吸到漲晒或太淋。蒲燒活鰻魚串：鰻魚肥美重魚油香味，香而不油膩，啖啖魚厚身口感好

金鶴雞白湯拉麵（$98）首先試一啖佢既湯，奶白色，好濃郁，真係好似飲緊雞湯咁。配料有好大舊炸牛蒡、火炙叉燒、慢煮雞胸肉、糖心蛋等，配料份量好足夠！拉麵軟硬適中，叉燒同雞肉夠淋，但味道無特別，主要係佢嘅湯底出色，佢另外有一款極濃雞白湯拉麵，下次可以試吓！活燒蒲燒鰻魚飯($238)鰻魚係用新鮮白鱔，即叫即燒，所以黎到仲熱辣辣，食落表皮有少少脆身，咬落都算肥美，好香既鰻魚汁味，有2大塊鰻魚，十分足料！整個飯有配埋芥辣魷魚同麵豉湯比你，不過不失！整體價錢比較貴，但值得一試抹茶軟凍（$33）有4件，抹茶味重，口感煙韌，味道好好！.成間店坐位不算多，燈光較暗，但環境尚算舒服。見佢外賣有折好抵，下次經過會再試。

呢排都好掛住日本嘢 冇得去旅行 就索性喺香港搵高質嘅拉麵食 呢間舖做落嘅位置比較寧靜 有遠離煩囂嘅感覺 餐廳有套餐 我哋揀二人餐因為比較抵食 會係兩款主食 兩款小食 加兩個飲品我要左白雞湯沾麵 沾麵非常大兜 個汁打得非常濃郁 但又唔會好鹹 面質好彈口 加上配料好多 送曬啲面都仲有餸 正 阿媽鍾意食飯 要咗咖哩炸雞飯 感覺同我揀嘅小食有幾分相似 就係唐揚炸雞 因為其實都係嗰款炸雞 但係超級需要讚既係佢嘅雞炸得外皮鬆脆 入面好滑 仲保留咗好多水份 一啲都唔會乾 超大嚿啖啖肉 勁鍾意食肉嘅我大滿足 至於凡方面嘅咖哩汁 都做得唔錯 平日食日式咖哩最驚就係佢唔夠香 令我感覺同食豉油得冇乜分別 但呢個難得保留到咖哩嘅香氣 值得一讚另外一款小食係炸日式餃子 想到枱熱辣辣 都係非常脆口 而且餃子size比較大 入面有好多餡 質素都係唔錯嘅

偶爾有空便會與我男人光顧金鶴拉麵，是日亦恰好於尖沙咀區逛街，由於路程距離不遠，我男人亦說起想念餐廳的鰻魚飯，我們便再一次到此午膳用餐。餐廳位於佐敦閩街，到達門口位置已可感受到其裝潢富有日本風味，店名用上大幅搶眼的藍色招牌，木門掛布和玻璃窗裝飾均用上白鶴為題，與店名甚是相配。內裏裝潢走簡約風格，以木系和石枱為主，通道則用上石塊配竹子設計，猶如置身日本庭園之中。紅赤紅赤色澤呈深咖啡色，頂層泡沫寬厚量多，使用上優質麥芽、日本金時地瓜為原料釀製而成，口感平滑豐厚，味道帶有甜薯和焦糖麥芽的香甜氣味。活燒蒲燒鰻魚飯店內的鰻魚是即叫即劏並生燒的，而且嚴格選用約兩公斤重的頂級鰻魚製作，因而肉質甚是新鮮肥厚，入口脂肪甘香偏多，魚味濃郁，外層酥爽脆香，內裡則鮮甜滑嫩。此款飯類是朋友點選的，我只品嚐了少量鰻魚，其餘便不多作說明了。辛味拉麵湯底使用高湯和秘製辛辣香料調味製成，味道微辣鹹香，但口感過於稀薄。麵底選用蛋黃直麵，其麵質柔韌幼滑，爽口彈牙，唯獨可惜湯底不夠黏度令麵條掛不上湯。配料方面豐富足料，分別有菇菌、雞肉、叉燒、溏心蛋，菇菌脆爽清香，滑嫩鮮美。雞肉和叉燒外型大塊薄身，軟嫩鮮香，富有肉味。溏心蛋稠密

愛吃拉麵的我們，決定生日也吃拉麵！過一個日式的生日！金鶴拉麵之前有朋友推介過，已經食過，所以非常有信心，一於點外賣給家人一個驚喜。外賣自取有折扣，另外購買的時候是下午，雖然晚餐禁止堂食，但是下午二時多的平日竟然有不少顧客排隊堂食，再次證明餐廳真的有一定質素吧！黑蒜醬油拉麵$98金鶴雞白湯拉麵$98選擇了比較招牌的兩款拉麵，黑蒜醬油拉麵比較鹹香味道濃郁，在家中比較難做到這種口味，味道較為特別。雞白湯是我的最愛，一般很少餐廳有雞湯底，比較多是豚口味，味道香濃，用上非常豐富的材料炮製而成，原本已經鍾意食雞嘅朋友不要錯過啦。兩個拉麵裏面均包括兩片豚肉及多片慢煮雞胸，口感非常特別，比較喜歡這間店的雞胸。咖哩炸雞肉飯$78原來這間拉麵店有咖喱飯，一於試一試新野，估唔到個咖喱味道唔辣，但係好香！炸雞肉方面都非常不錯，裏面嘅雞肉質感保持嫩滑，如果屋企人又想食麵又想食飯，這家應該算是不二之選吧。

無須多講，一試便知。差唔緊要，唔好扮到成間米芝蓮咁。全部微波爐質素，唔係食唔到，只不過你請人寫到天花亂墜，唔辛苦咩？差唔緊要，但請真誠d，尊重返人，唔好侮辱客人智商。所謂濃湯，明顯加生粉溝，你個雞湯煮到成個卡邦尼咁，可否有返小小常識，當香港人傻？？面質，同日本拉麵相差太遠...超市味千貨...餃子唔講，速凍唔知幾耐，微波爐翻熱，阿媽百佳自己叮好過。明太子雞翼乾到有渣...其實唔係個食物質素問題，果腹飽肚無咩問題，但一睇d comments即刻火滾。講大話，人生會有報應。

自己都幾鍾意食鰻魚，嗰種鮮味係獨有甚麼三河屋、名代宇奈都試過，都好似食唔到最鮮味最正嘅鰻魚飯，當然呢兩間都OK的，今日去位於佐敦嘅金鶴拉麵，試下佢地嘅鰻魚飯12點左右，時間尚早，客人不多，我坐吧枱位，可以睇下廚師做乜廚房第一個感覺好整齊、企理，唔會好亂嘅感覺，有陣陣材料香味飄出，個人好有食慾先唔駛睇Menu，即刻叫鰻魚飯，我都唔知幾錢鰻魚喺雪櫃攞出黎，用保鮮紙包住，咁你又唔會期望佢生劏條鱔，跟住起肉嘅鰻魚係由生燒到熟，要等15分鐘左右，趕時間千祈唔好叫，我呢種閒人就冇所謂終於有得食，有碗湯同小食$238鰻魚係熱辣辣，有少少焦香，我都嫌佢唔夠肥美，鮮味有，唔會有啲骨阻礙你咀嚼，你知啦，鰻魚啲骨有啲都唔係幾軟飯都煲得好，唔會爛，粒粒分明食到大半佢會問你駛唔駛加飯，可以添，但我夠飽鍾意鰻魚飯其中一個原因係，夾埋魚同飯一齊食，原來個化學作用係加倍食完，埋單$238，暫時我食過最貴鰻魚飯，你叫我俾我會俾80分，嗰20分係我仲未知最好嘅鰻魚飯其實係咪就係咁？定天外有天，邊度先有100分嘅鰻魚飯

#金鶴拉麵 星期三的lunch time 仍然熱潮不減，我餐還是鐘情最classic 的雞白湯拉麵。炸牛蒡沒有原本的苦味，脆脆地。雞湯好濃郁，奶白色的，清香厚滑。雞肉很嫩滑，粉紅色，似BB的皮膚。$128 lunch time 包小食，炸雞三件原來好飽

突然好想吃拉麵，便搜尋附近的拉麵店店家位置找到好一陣子，原來於廖孖記旁邊地鐵站C2出口直至看到公園人流頗多，堂食需要等位叫了一份一人餐 - $128不用收加一服務費黑蒜醬油拉麵散發著濃濃的黑蒜油香，以秘製方法混合鰹魚湯，入口香濃且甘醇，不會過鹹及油膩感大片日本黑豚腩肉，肉質肥瘦適中，火炙出陣陣油香兩片慢煮日本薩摩赤雞胸，肉厚鮮嫩，卻不乾柴拉麵滑身彈牙，軟硬度適中，頗掛湯唐揚炸雞鹹酥香脆的外皮，結合多汁肉嫩的雞肉

其實我真係好鍾意食拉麵，每次我都會飲晒個湯底㗎！所以我對湯底都好有要求！金鶴拉麵既白雞湯係我試過覺得超好味而又令我一直念念不忘嘅！今次見佢哋經OpenRice落單外賣自取8折優惠，梗係要買返屋企試吓啦！❤️原來呢度啲午市套餐好抵食，$128就有一款主食、一款小食再加一款飲品，落好單之後店員就開始幫我預備食物同埋包裝好。返屋企開外賣既時候發覺佢哋真係好專業又細心，啲拉麵配料全部都擺得好靚！最欣賞係拉麵嘅紫菜用保鮮紙分開包裝👍🏻拉麵加入湯底之後再放埋塊紫菜，神還原堂食既滋味😻今次嘅拉麵試咗黑蒜油湯同白雞湯黑蒜油嘅味道好香濃帶少少回甘，好惹味！而白雞湯就一如以往咁濃厚Creamy又有雞既鮮味！仔仔勁鍾意飲，我哋都爭住飲清光🤩今次慢慢品嚐佢哋每碗都有兩塊嘅慢煮雞胸，真係好滑、好彈牙、好多肉汁！❤️雞胸都可以煮到咁既水準，真係超級推薦必食😋叉燒大塊得嚟好淋滑唔會打渣，重點唔會好肥！再配埋隻日式糖心蛋...好滿足呀！小食方面我哋揀咗日式炸餃子同埋唐楊炸雞，兩款嘅味道都係不過不失既！另外再追加左一客日式咖喱炸雞飯，日本米煮嘅飯果然係特別香滑又軟熟，配埋濃郁嘅日式咖喱汁同埋熱辣辣嘅炸雞，火速清晒😋心思思又

天氣凍冰冰總要食返碗熱辣辣嘅拉麵暖下胃！佐敦呢間金鶴拉麵可以用「隱世」黎形容，門面非常低調，難得唔洗排隊就試下啦😜•🍜金鶴·雞白湯拉麵(HKD 98)一上枱起初比炸牛旁嘅數量嚇親，實在太多啦！有點影響到配料嘅比例，但後尾浸淋落湯底一路食都幾滋味，奶白色嘅湯底係用左赤雞熬製6個鐘而成的，所以味道濃郁清甜，而且口感順滑。叉燒咬落好嫩滑，好Juicy！溏心蛋都幾好食，但食到中間就開始覺得有點膩，要飲返杯茶解解滯。