金鶴拉麵 (閩街)

营业中

休息中

大多數只拉麵也是豬骨湯拉麵，今次來到一間叫做金鶴拉麵的舖頭，這個金鶴拉麵最近在香港開了好幾間分店，想起來應該算是不錯。他叫金鶴拉麵的來源應該是來自他招牌的湯底是用雞湯組成，而不是用豬骨湯底吧。來了個他的招牌雞湯拉麵，由於本身自己不是喜歡太濃郁，所有沒有叫他特別推介的特濃雞湯拉麵。除了他的雞湯拉麵出名，我想有些炸牛蒡條放在上面也是一個特色吧。這個炸牛蒡條切成薄片然後炸得脆脆的，咬起來有一點甘味，放下湯也非常好味，吃個拉麵也可以健康，非常之好。除了平常拉麵附上的一塊叉燒外，這個雞湯拉麵會附上兩塊雞肉，雞肉應該是雞胸肉，但是不會覺得太鞋，軟軟淋淋的有點雞味，真是十分特別。總括來說，如果經常吃豬骨湯拉麵，喜歡吃拉麵的朋友來吃一個雞湯拉麵，也是一個很好的選擇。

中午lunch time 去，唔多人，立即有位。先量體溫後入座。台面有潔手geal 有隔板，抗疫準備有做足。環境清潔。服務員也有禮。湯，濃厚雞湯，好好味，我飲哂，五星。配料蛋半隻，正常溫泉蛋，4.5星。炸牛蒡絲，好吃，驚艷，五星。木耳，葱，筍片，配搭適中，4.5星。雞肉兩塊，好吃，又白又滑，五星。叉燒，不錯，只是偏瘦了一點，4.5星。麵。。。太淋，好似買回來的麵，有點失望，個麵只能比兩星。整體我比3.5星，拉麵店個麵底唔合格。

Dating with Mama💕由於班閨蜜之前周圍去要自我隔離一下🤭就帶媽媽出去食下野啦呢間拉麵店開左好多分店，但都保持水準。白湯濃郁，黑蒜油湯底味濃。加上配料十足，絕對對得住個價錢🥰

聽朋友講金鶴拉麵好好味，特意去試一試。🌿环境：入到餐廳，感覺好舒適寧靜。翻閱餐牌，第一眼就見到期間限定嘅“京都抹茶雞白湯拉麵”，這麼特別的拉麵，不知味道如何呢？當然要試下喔。京都抹茶雞白湯拉麵^一碗綠柔柔的湯底，感覺好夢幻，雞白湯加入抹茶風味，綠茶味並沒有蓋過雞湯的鮮味，入口先是淡淡抹茶香味，然後是雞白湯的濃郁，這個組合一流。麵條直而幼細，口感爽滑，加上精緻的秋葵、叉燒、 蟹肉、溫泉蛋，幸福感充滿了嘴巴。蒲燒活鰻魚串^坐在bar檯位置，可以看到師傅用心地製作。又厚又大件入口即化，配上美味的蒲燒醬汁，口口都滿足。抹茶軟凍^口感好特別，有嚼勁，抹茶味都好香好出色。服务：所有店員哥哥都既親切、細心，又有禮貌🥳🥳。

成日聽人講喺日本食雞白湯拉麵一直都心思思想試下究竟有幾正終於都有機會試下喇~金鶴雞白湯拉麵 ($98)食拉麵第一啖梗係要飲下個湯底湯底呈奶白色 質感濃厚飲得出係比足料去熬拉麵配料有日本赤雞胸 豚肉 溏心蛋面頭仲有一堆炸牛旁特別想讚下佢個慢煮雞胸肉肉汁鎖住哂 非常嫩滑juicy 黑蒜醬油拉麵 ($98) 雖然佢唔係呢度招牌菜式不過重口味嘅朋友叫咗湯底比坊間其他拉麵店清淡食落唔會有油膩感配料就同雞白湯果碗差不多但少左炸牛旁相比之下雞白湯真係正好多~~金鶴拉麵 (閩街)佐敦閩街3號地舖

#金鶴拉麵 ❣️HAPPY FRIDAY ❣️就來吃一碗熱辣辣的拉麵慰勞辛苦了一周的自己吧🥰在佐敦近地鐵站的一條巷仔，只得它的裝修特別新淨～就是你了！嘻今次試下店既人氣拉麵先🐷<金鶴.雞白湯拉麵🍜 $98>賣相非常精美！炸至金黃色帶有微甜的牛磅太吸精🐸這點子要給十個讚！💭超級雪白的雞白湯，雞肉嫩滑，豚肉也很大片😍仲有半顆流心蛋🥚❣️還不受控制地落了很多七味粉 無辣總是不夠歡💜另外明太子雞翼竟然賣光了…唯有點餃子哦～《煎日式餃子 4件$38》～很脆口😋👭好快就把拉麵清光😳然後同我的飯腳🧎🏻‍♂️在環境好舒服的店裡閒坐聊天💬店員除了定時來替我們加點熱茶☕️外，後來更突然送上了《抹茶軟凍》比我地食呢哈哈好warm阿😍好驚喜！！✨✨神奇的是比牙線棒我地吃甜品😨我問點解🤷‍♀️佢話尖個邊食完另一邊可以撩牙😹是他們的想法～好新奇 ＆環保呢😆😆😆最後的重點必需要說！店裡洗手間🚻實在太驚喜！！！😍好乾淨，有暖及清洗系統的廁所～仲有貼心地提供了女生用品！🚺明明成間店都是男店員，究竟誰這麼貼心！！！！Ⓜ️🌀 

今日出佐敦 順便要去品嚐一下好耐冇食嘅「金鶴拉麵」未到12時已經有幾台客人，到午餐時段，這裏便開始人頭湧湧。今日叫咗個二人餐，選兩個主食的拉麵，又可以加錢品嚐蒲燒鰻魚飯。套餐還有小食包括堂楊炸雞、炸日式餃子、燒黑豚串等，還有一個飲品供應。選咗我最喜愛嘅「金鶴雞白湯拉麵」湯底係用赤難熬製六個小時，口感豐富順滑，這個湯底味道濃而不油膩，配上叉燒、慢煮雞胸肉、糖心蛋及炸牛蒡。先要吃咗牛蒡因為佢還是脆卜卜，牛蒡有一種獨特的甘味，我喜歡。慢煮雞胸肉仍是滑滑的嫩嫩的，拉麵爽口彈牙，配上我着迷的雞白湯，很完美的配搭。黑蒜醬油拉麵湯底使用他們自家製香蒜醬料，這款湯味道比較濃郁，但有強的蒜香味，如果你鍾意蒜味你一定會好喜歡，拉麵的份量足夠，男士都可以吃得飽飽的。唐楊炸雞赤雞 香口，雞肉還是嫩滑多汁，因為我之前食過所以沒有大驚喜。今日選的燒黑豚肉串 見到已經會流口水，香噴噴，睇落肉串好像有點肥，但食落沒有一點油膩只有香爽，個醬油汁超惹味，推介。

公司附近有呢間金鶴拉麵，LUNCH黎左試下，除左散叫仲有SET揀，1人餐$128, 2人餐$256, 我地2個就叫左2人餐，其中一個轉左雞白湯沾麵～另一個叫左黑蒜醬油拉麵，湯底比我想像中清，平時既黑蒜油會覺得好油膩，但呢個唔會～沾麵好大碗，雞湯濃郁唔會太咸，帶有雞肉甜味，除左叉燒2大片仲有2片雞肉，以為好鞋既雞肉點知又唔係，幾滑好吃！另外套餐可以叫2個小食，我地叫左炸雞同黑豚串，黑豚串燒得好好食！唔會乾，醬汁又好味，D肉一層層好正！炸雞又係好juicy，炸得脆卜卜～有驚喜·～

最近疫情關係下，好多時都會留係屋企煮飯或者叫外賣，通常外賣我都會選擇一d可以放得長時間而唔會變得難食嘅食物，例如飯類或粥品，好少會選擇湯麵類，因為多數外賣番去d麵都會淋曬，好難食。經朋友介紹話呢間金鶴拉麵外賣番到去d麵都仲係好煙韌好好食，咁就去試下外賣，最重要係佢地外賣仲係有85折，好多餐廳外賣都已經冇折扣啦👍。呢間金鶴拉麵店外賣拉麵會將湯和麵分開放，所以番到屋企就可以直接將湯倒落去個麵食。如果湯凍咗，可以用微波爐翻熱，超方便。今次就點了一個極濃.雞白湯拉麵。呢個湯底係用日本赤雞熬煮而成，湯底質感非常濃稠，伴有陣陣濃郁雞湯香味，湯色呈奶白，表面有層雞膠質，飲落去口感滑順唔似味精雞湯。呢碗拉麵配料有日本赤雞胸、豚肉片、溏心蛋等，味道豐富，而且拉麵質感的確非常煙韌。👍將白雞湯直接倒落拉麵上，放上紫菜片就可以即時享用。另外叫了一個日式厚切雞胸飯，呢個雞胸肉係用慢煮來烹調，低溫烹煮好處就係唔怕高溫破壞雞肉的蛋白質，仲可以鎖住肉汁。 所以呢個雞胸肉非常嫩滑，而且又唔乾身仲有好重雞肉香味，juicy 👍雞胸份量超多，表面灑上芝麻和黑胡椒非常美味。全日外賣自取都有85折👏🏻👏🏻👏🏻

白肉雞拉麵超好味，湯好好味，濃道適中。二人套餐還包兩款小食，串燒豚肉冇得頂，好新鮮燒得剛剛好，還有炸餃子又脆不油膩。環境又舒服價錢又合理，服務員態度非常好，一定會再到試燒鰻魚飯

叫咗鹽味湯底拉麵，醬油湯底拉麵，雖然冇叫招牌白雞湯底，但我覺得鹽味湯底同醬油湯底更加能試出餐廳嘅實力。拉麵一黎，賣相吸引，滿心期待飲一啖湯底，下！暖既？試埋老公果碗都係暖既？真係超失望味道方面都好普通，鹽味湯底偏咸，飲唔出魚既鮮味再食舊雞，呆一呆，凍既！點解會凍架？兩碗情況都係一樣，同出面買果d即食雞胸切出黎冇分別拉麵質地偏硬偏粗有鹼水味，個人麻麻地總結，兩個人食左一半已經放棄，好難食，好失望，永遠唔會再食

一直都想試吓呢間咁出名嘅金鶴拉麵，今日終於得閒嚟啦。餐廳環境好有日本居酒屋feel，燈光昏暗，環境清靜，牆上有幾隻金鶴，好靚。小店員工都好有禮貌，服務不錯。芥末八爪魚$38 一個冷盤作前菜，個人好鍾意食芥末八爪魚，呢次都唔例外～明太子雞翼$48賣相非常吸引，雞翼表面脆卜卜望到都流晒口水。咬開裏面啲明太子完美地融入咗雞翼嘅一半，辣辣地好好味。史上極濃雞白湯拉麵 $138 :男朋友比我試左啖湯，嘩，有驚喜，非常濃厚嘅雞湯味，濃郁但不膩，配拉麵簡直一流丫。到拉麵上巨大嘅牛蒡天婦羅啦，望落好靚，用雞湯浸淋佢都幾好食。鹽味拉麵 $88而我就試清啲嘅鹽味拉麵，都係有兩塊雞肉兩塊叉燒，雞肉好彈牙配鹽味湯底幾有鮮味，叉燒脂肪比例適中恰到好處。麵底份量都較多，食到好飽。限定MENU及普通MENU

🍜京都抹茶雞白湯蟹肉拉麵（$138）俾「期間限定」吸引咗🤩上檯果陣聞到香濃嘅抹茶味但入口就唔算重茶味，雞白湯味突出蟹肉份量都幾多好鮮甜，超正❣️仲有大大塊嘅叉燒，脂肪分布均勻入口非常軟嫩呀！加埋流心玉子，令人好滿足呢🤤🍜 黑蒜醬油拉麵（$128 @一人餐，包小食&飲品）湯底以秘製黑蒜醬料混合鰹魚湯入口濃味又富層次感，但唔會好咸喔！喜歡重口味嘅朋友仔必試呀👍🏻拉麵麵條滑身煙韌軟硬度適中，掛湯力唔錯！慢煮雞肉有兩塊，厚身滑嫩😋加埋大大塊叉燒、玉子、紫菜、木耳絲&荀片，非常豐富呀💕🍗唐揚炸雞（一人餐小食）炸雞新鮮炸起熱辣辣皮脆肉脆，肉汁豐富，超香口呢💯

本身非繁忙時間 餐廳入面都冇乜人但係一行入去就俾人黑口黑面叫返出去排隊黑人問號我都唔知排乜 不過算 我肚餓叫咗套餐一個拉麵一款小食一罐可樂$128我一個人掛住玩電話食完飲完叫埋單點知張單嚟到先發現 佢一直都冇比小食我追問佢嗰小食去咗邊然後佢收返張單 過咗一陣走埋嚟同我講冇小食供應俾返九折我 價錢差唔多結果我睇返張餐牌即係我自己散叫咗一碗拉麵同一罐可樂一罐可樂佢收$18仲要比加一我同佢講如果唔係套餐我唔會飲可樂佢淨係話唔好意思 但價錢要照收完全覺得俾人屈左飲一罐$20可樂服務又差食物又普通仲要屈人飲可樂我覺得咁樣做生意唔公道亦都唔會再幫襯😡😡😡😡😡

係佐敦果頭gel完甲，都係晚餐時間。因為gel甲果度做緊日劇，主角係度食拉麵，食到好滋味咁，搞到我即時好想食拉麵，上網揾到好多人推薦呢間金鶴拉麵，真係幾吸引，於是就揀好左佢，食餐拉麵。一入餐廳，有啲驚喜，因為無論係佢門面定係入面裝修都靚，靚到好似食壽司果種咁，估唔到香港有環境咁好既拉麵店！個廁所果度仲有個庭園，廁格入面有電視，不得了。講返野食，呢度menu上既拉麵都好吸引，我就揀左個黑蒜味，男朋友就揀左個雞湯味既拉麵。我地仲加個餃子，真係幾好味，煎得岩岩好，入面既餡又多汁。雞都鬆脆好味。唔洗好耐，就有得食拉麵啦！賣相好靚～呢度既拉麵麵條係比較粗果種，比較有咬口，適合對麵條口感有要求既人，個黑蒜湯都幾香濃，每一啖都好豐富。我都試左男朋友個雞湯，感覺好足料，雞湯唔係味精果種，係真係有實在嘅雞味果種，呢度既湯唔錯！解除左我條拉麵癮既靚靚拉麵店～