金鶴拉麵 (閩街)

营业中

休息中

講真！佐敦都算係一個美食區但係喺芸芸嘅日式拉麵裏面，金鶴拉麵嘅白雞湯拉麵真係我一是試難忘嘅性價比高日式拉麵。所以經常唔想煮飯嘅時候就會去買外賣，因為而家買外賣仲有八五折添！佢哋用咗幾個小時精心熬製成白色既濃郁雞湯底，充滿骨膠原有好多鈣質而且啖啖鮮甜，配料方面又比坊間嘅拉麵點多，例如有用慢煮技術烹調嘅鮮嫩雞胸肉，肉質真係好嫩滑、好彈呀！啱晒減肥又鍾意健康嘅人、仲要有大大片既日式叉燒，肉質好滑溜唔會起渣，而且肥瘦適中，我最鍾意佢既麵身同日本食到幾好似，粗身有口感、掛汁又彈牙！配菜方面有木耳絲同埋味筍，重點係跟埋紫菜同埋糖心蛋🤩（好多時喺出邊食拉麵都要加錢先有紫菜同埋糖心蛋架） 今次我仲試咗佢哋嘅鰻魚串燒，店員介紹佢哋嘅鰻魚係用新鮮嘅鰻魚即燒，所以係好新鮮！的確食嘅時候都覺得佢哋嘅鰻魚串燒係好厚身！鰻魚肉嘅質感好彈牙、鮮甜，加上佢哋比仔嘅鰻魚汁實在太好味了😋原來佢哋仲有其他好多款即燒串燒都好抵食，下次要叫多幾串先！

最近搬咗屋,初初對佐敦區不太熟悉,但今天很開心,俾我發現一間日本拉麵店,水準超乎我想像。menu佢一款雞白湯底拉麵,濃郁至極,就算食到最後仍然陣陣雞香撲鼻,你會到最後連一丁點湯都一飲而盡,麵條柔軟爽滑,雞肉幼嫩鮮甜,多款配菜配搭恰到好處。另一款黑蒜醬油湯拉麵,都不遑多讓,獨家淆製黑蒜醬油風味,同樣吸引,麵條把醬油索得滿滿的,非常滋味,各樣肉食配菜計算非常到位,每件肉質鮮甜多汁,咬口軟綿綿。除咗拉麵高質之外,另一款咖哩炸雞飯同樣出色,酥炸雞炸得香噴噴,外皮酥脆,當你一口咬下去雞汁源源湧進口腔,鮮甜多汁,完全做到外脆內軟,焦滿自家配製咖哩醬汁,令你吃不停口,還有顆顆圓潤飯粒,晶瑩亮麗,口感煙煙靭靭,酥香雞肉加上顆顆圓潤飯粒,真係冇得輸。仲有佢嘅秘密武器,醬漬日本溏心蛋,真係錦上添花,另我呢個初到貴境嘅住客,帶出一個很美好嘅開始。

#金鶴拉麵 # 🍜其實我真係好鍾意食日本拉麵一入到去，就感覺到呢間野好高尚，好舒適呢間主打雞白湯，係我最愛❤️個人本身食得清淡啲，所以冇嗌極濃，都已經好滿足～個雞湯真係好好飲！係好好飲！完全唔油！好Creamy! 兩塊雞胸肉好好食，好滑好有慢煮feel! 炸牛蒡好驚喜，脆脆地，浸落湯食又係另一種感覺，雖然係炸物，但完全唔油膩！至於叉燒，不過不失啦，可能之前三樣太驚喜！期間限定有個北海道極濃蟹湯拉麵，個湯好香濃，蟹味鮮甜！蟹肉份量好多，幾乎每一啖麵都可以配到蟹肉！唔知係咪我太鍾意飲湯，食到後期，兩碗都係得返好少湯，好似食緊沾麵咁🙈😂我想加湯啊老公多口問句，有冇口罩套，佢俾咗個膠既，都幾靚既口罩套佢，靚到佢都問咗句使唔使俾錢😂然後佢嘅牙籤，係牙線黎成件事，感覺係高檔拉麵店，但價錢又唔貴，性價比高👍🏻

今天原本要去大圍工作的，但出發到一半就被通知說要取消了，所以就隨隨便便找個站下車，再找一下有什麼好吃吧！朋友最近吃完拉麵說很不錯，叫我去試試，就吊起了我個拉麵癮，找著找著就找到這間雞白湯拉麵，就來試試！金鶴雞白湯拉麵（９８元）這個拉麵是我看完餐牌以後覺得性價比較好又有特色的一款！送到上來，這個拉麵裝飾得挺特別的，又給了兩款不同的肉，分別是慢煮雞胸肉和慢煮叉燒，還配有半熟蛋，中間還有點蔥和黑木耳！湯底喝起來比較濃厚幼滑，但又不會覺得油膩，又能喝出淡淡的雞香味，而且因為他比較濃厚的關係，拉麵就很好地掛上了大量的湯！麵質方面，這裡的是比較彈牙，是粗麵的，我比較喜歡這個質感！慢煮雞胸肉吃起來很嫩，有肉汁，完全不會老！慢煮叉燒也一樣，比普通的叉燒好吃，又有豬肉香！

老實講係因為佢呢間舖所以先會過嚟佐敦係一間都真係幾出名嘅拉麵店舖位細細 行過其實都唔係好顯眼嘅感覺行返近少少會見到有一個好靚嘅玻璃窗到嗰陣係唔洗排隊友人話可能係因為落雨嘅緣故平時應該都係好多人 點都好 唔洗排係開心嘅入到去又望返個窗 本來睇唔到嘅顏色變得好明顯係一隻鶴飛向一個金色嘅月亮即刻覺得金鶴係有畫面感嘅牆嘅另一邊係另一款好日式嘅圖畫因為坐得都唔算近 所以望唔清楚係一幅點嘅畫但隱約見到有幾隻鶴喺底Btw 每枱都有枝消毒液坐低店員就放低menu同熱嘅麥茶好好飲( ´▽｀)餐牌簿皮係黑底金字其實我覺得個配色幾好至於門口要藍底白字可能係因為黑底會更唔起眼？Anyway 睇menu啦佢有款期間限定嘅拉麵不過聽講日本同中文個翻譯係唔夾我唔識日文 所以對我其實冇影響( ´▽｀) 反正有相睇就ok最出名嘅麵 我都係因為呢款面黎食黎之前已有嘅目標咁正常都唔會食到幾個麵 所以都係睇小食小食比面先到 炸雞有三舊 配上燈光非常之金黃( ´▽｀)唔油膩 肉質唔實 但唔算好juicy算係中上啦 唔夠鹹可以自己點少少鹽芥辣八爪魚黎講呢少少辣 wasabi 唔算攻鼻因為menu上冇佢個圖 所以我地係預想一隻隻細

下午時分，落住微雨，來到呢間佐敦金鶴拉麵。入店先量度體溫，餐廳環境舒服，有日本感覺，播放悠揚日文歌曲，標注所有水使用有美國NFS安全食用水認證的濾水器，讓客人食得安心。安排坐在Bar枱位置，備有消毒酒精及紙巾，可以見到師傅煮食物。店員先送來一杯暖茶，十分胋心﹗我點了活燒蒲燒鰻魚飯$238和一枝波子汽水，等待蒲燒期間，聞到好香拉麵味，令人食慾大振﹗送上來時presentation好雅緻，有小章魚作為前菜，旁邊有醬汁，更有鰻魚骨昆布湯，湯內有蔥花、鰻魚骨、紫菜，咸香鮮味﹗鰻魚肥美，由於鰻魚即叫即燒，所以需要約15分鐘。上枱時發現鰻魚份量十足，燒得外脆內嫰。聽從店員推薦加入山椒粉，發現更添風味﹗波子汽水，飲落好有童年回憶﹗店員主動添加暖水，最後遞上牙線棒，服務不錯。

悠閒週末，咁岩經過金鶴，見到佢有新出期間限定，馬上黎試下😋😋中午時段依然人頭湧湧，證明味道同質素都好有保證👍🏻太耐係出街食，非常豪氣點左兩份軟殼蟹！另加唐揚炸雞同赤雞肉軟殼蟹香辣拉麵期間限定非常豐富，正常份量已經有一隻軟殼蟹同兩塊黑豚叉燒！黑豚叉燒非常厚實，佢唔係入口即溶既油脂，係有爽脆有咬口既肥膏，加上醬汁再燒，入口肥而不膩，而且咸淡適中。主角軟殼蟹真係無得輸！大大隻之餘，非常飽滿，咬開已經見到一絲絲既蟹肉！口感香軟之餘無油膩感，覺得味道唔夠可以試下浸湯再食！多左雞湯既香濃同辛辣，都係一個唔錯既食法！赤雞肉大大塊，入口嫩滑，肉質札實脆口溏心蛋應該要點蛋一份，浸得非常入味！唐揚炸雞三大舊生炸雞塊，雞皮又薄又脆，咬開肉嫩多汁，味道唔會過咸，超正👍👍👍

星期六約左朋友去食飯，我地話好耐無去食拉麵😄結果就去咗佐敦金鶴拉麵🥣🥣我地大約8點左右先去到，竟然唔洗等，店外同入面裝修好日本風格，店員都好有禮貌同親切，我地已經好肚餓即刻叫嘢食。日式餃子 (4隻) $3️⃣8️⃣新鮮炸起餃子，餃子皮好脆，咬落好香口好好味日式唐揚炸雞 $3️⃣8️⃣炸雞新鲜炸起，香脆外皮，肉質好juicy,唔鞋好香口史上極濃雞白湯拉麵 $1️⃣3️⃣8️⃣白湯底嘅濃度好有骨膠原感覺，好香濃😋我差唔多飲哂😁仲有炸牛篣賣相非常吸睛，拉麵好彈口，仲有2塊慢煮嘅雞肉非常嫰滑有驚喜👍👍义燒雖然薄但都大塊嘅，糖心蛋咬落去👍好有半熟流心嘅效果活燒蒲燒鰻魚飯 $2️⃣3️⃣8️⃣朋友點了鰻魚飯，但我都吃了一小塊😆鰻魚肉質新鮮肥厚，魚味濃郁，外層香脆，內裡鲜甜嫩滑另外值得讚賞店內洗手間裝修👍四周都好日式好優雅🚽洗手間入面好似日本酒店設備，有牙線，牙刷，棉花棒给人客用👍非常貼心整體值得再去👍今餐好滿足😋😋

依家啲餐廳已經習慣咗做外賣，係食物包裝方面比之前做得好咗好多；金鶴拉麵嘅麵同埋湯就會分開開上。雖然係用多咗外賣盒，但係可以確保拉麵嘅質素，唔會因為浸住湯而變得太淋！今晚要咗一個鹽味拉麵同埋雞白湯沾麵，再加兩個小食～沾麵嘅麵條比較粗身，掛湯能力高啲，雞白湯比較杰身，食起上嚟味道濃郁！鹽味拉麵湯底無咁杰，清淡啲。雖然係外賣，但都有齊紫菜、京蔥、黑木耳絲、溏心蛋、叉燒！同堂食一樣咁正規㗎！呢度嘅溏心蛋好好食！炸雞同埋煎餃子都唔錯！煎餃子拎到返屋企都依然香脆！遲啲試吓堂食，再熱辣辣啲應該更加好味

1130開店，1135入去坐，我落order既時候無人同我講雞肉未整好，到我落order，個師傅落緊garnish既時候，個師傅先同我講，雞肉未整好，唔畀ok唔ok，我真心呆左。ok我由你。炸牛蒡好多油同凍既，搞到個碗邊都有油，個湯唔夠熱，但個麵好稔。到個餃子，無特別同一般炸餃子無異。服務？無食物？話好食嗰啲應該係...?anyway金鶴員工同老細唔會睇，睇左都未必會改善，純粹發洩下無下次。垃圾

我想諗日本的濃湯拉麵，就發現附近有這間拉麵舖，之前見啲網上食評都唔錯，所以就即刻走過去，等咗5-10分鐘左右就可以入座啦。呢間，我第一次食，果然真係好味道😋#期間限定 北海道極濃蟹湯拉麵 (HK$138)．蟹湯，極濃，鮮甜．蟹肉，是一早拆肉所以是凍的，味道鮮甜，份量都幾多㗎，足夠一啖拉麵一啖蟹肉．拉麵，軟身有咬口，非常之掛湯，食晒啲麵會發現湯也不見了😂．最後食是半隻味玉，已經有點過熟，不過好入味而不會太濃醬油味，都不錯

#一月一次的拉麵今天行一天街，見到吃了多次金鶴拉麵，雞白湯拉麵，好吃！拉麵好吃、湯也好飲！我地叫外賣，拉麵同湯會分開上，真是好重要....唔怕麵會浸淋左...✔雞白湯拉麵 $98先飲一啖原味濃厚雞白湯，湯色乳白，鮮味濃郁，小孩超愛！很識貨！ 一啖湯一啖拉麵，雞胸肉鮮嫩，叉燒略帶點脂肪又唔會好肥，感覺比較健康，半熟溏心蛋，蛋味好香，yummy~ ~吃幾次雞白湯拉麵也不會覺得膩~✔黑蒜醬油湯拉麵 $98有叉燒、雞肉片、糖心蛋，搭配配菜有洋蔥、木耳等，麵外賣到屋企都仲係彈牙，也很好吃，用料超足！至於湯好香黑蒜味👍我鍾意濃味，好喝！！✔日本明太子雞翼 $48 (兩件)真的好吃，脆皮又有肉汁！微辣雞翼最好味😛哈哈哈！.❤️💛🧡

👌🏻金鶴雞白湯拉麵 $78 (原價$98，Openrice 8折)雞白湯夠濃夠creamy😋稠身好掛湯，飲落唔會口乾或黏住喉嚨👍🏻但味道偏淡，雞味唔係好出拉麵係粗身個款，煮得偏硬身少少雞胸唔算滑，口感似即食雞胸，無咩味叉燒太乾身太瘦，又係無味既😖炸牛蒡好香口，甜甜地脆脆地咁，浸落湯就煙煙韌韌，感覺無咁油膩整體一般，雞白湯係好飲既，但叉燒同雞肉令人失望😂八折既話都值得試試既👍🏻味道：7/10性價比：8/10-📍#金鶴拉麵佐敦閩街3號地舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #佐敦 #佐敦美食 #佐敦好去處 #佐敦打卡 #拉麵 #日式料理 #日本菜 #雞白湯拉麵 #土瓜灣美食 #天后美食 #北角美食 #中環美食

諗住放假食個拉麵，上網一睇，個個都話讚價錢又不是那麼貴，地方晤難搵去到有good service 個拉麵估晤到咁好食，個蟹湯非常之濃！值得一讚👍🏻我哋還叫咗 明太子雞翼 牛舌

記得之前係大阪食過一間白雞湯拉麵，嗰間係我第一次食既白雞湯拉麵，印象都幾深刻🥰。在香港豚骨湯是主流湯底，基本上好難搵到一間有白雞湯拉麵既餐廳，無得去旅行又想止下旅行癮🥲於是上網睇下香港有冇白雞湯拉麵食，眼見金鶴好評如潮決定一戰。✨金鶴雞白湯拉麵純白色既湯底以全雞熬足6個鐘，飲落幼滑鮮甜並且帶出微微雞香味😋表面有炸過既牛蒡，食落香脆可口，我覺得炸脆既牛蒡好食過被湯浸軟既牛蒡😂。而兩塊慢煮雞胸咬落非常嫩滑，意外既驚喜🤩叉燒雖然大塊但太薄而且味道正常，中規中矩。糖心蛋一咬落去半熟透有流心效果的蛋黃👍🏻正✨日式唐揚炸雞唐揚炸雞即叫即炸，唔好睇佢得三件炸雞每件都非常大件，炸出黎既麵衣非常薄，食落去香脆鮮嫩而且有肉汁👍🏻 其實開頭以為係普通炸雞😂點知真係會嚇你一跳，食完眼仔錄錄👀好食到顛，啖啖肉，信我唔嗌會後悔😤總括而言，係可以止到旅行既癮🥴我覺得金鶴雞白湯拉麵味道無係我去日本食既嗰間咁濃郁，所以下次會試特濃雞白湯拉麵🤪