金鶴拉麵 (閩街)

营业中

休息中

今天去佐敦，怱然想起一個好好味的拉麵，雖然時間尚早，來個早晚餐又不錯。金鶴.雞白湯拉麵($98）整個麵好有美感，一片大大的叉燒，肥瘦均勻，好有口感，兩片厚身的慢煮雞肉，白雪雪又嫩滑，半只金黃流心蛋，還有我喜愛的炸牛蒡。雞白湯香濃唔膩，是用赤雞長時間熬製而成，不會黏口，襯上軟硬度適中的拉麵及蔬菜，好好味。黑蒜醬油拉麵 ($98)這個麵湯底非常濃郁，用他們自家製的黑蒜醬油，有著很強的蒜香味，適合喜歡濃味的食客。

二訪金鶴拉麵，今次推薦金鶴.雞白湯拉麵$98比同行朋友自己就叫左辛味拉麵$88加左一份小食：唐揚炸赤雞$38飲左一啖金鶴.雞白湯，保持到水準！朋友飲一飲湯底，都話湯底濃得黎唔咸，佢好鐘意。我自己個份辛味拉麵，個人覺得咸左少少，但拉麵內雞肉同叉燒都保持到水準，雞肉依然嫩滑，叉燒入味唔咸重點係冇騷味！唐揚炸赤雞大件，啖啖肉，又唔乾！依家即場做會員會送可樂/ 營溏心蛋一隻價錢上 其實係中等因為普遍拉麵都要接近一百

掛住日本時就去食下拉麵止下癮先😌😌😌😌📍極濃雞白湯拉麵湯底有濃濃雞味，飲落沒有死咸同口渴既感覺。因為濃味關係會令人想一飲再飲😋😋😋加上湯底質地濃厚令令條拉麵都能掛滿湯汁。🤤🤤食完之後，我忍唔住飲曬啲湯。慢煮雞肉夠嫩滑，食落無鞋口既感覺，唔錯！除了雞肉仲有片豚肉，肥瘦分布平，食落唔會太膩👍🏻👍🏻👍🏻旁邊仲有即炸牛蒡條，挺有特色。分店位於九龍與港島，經過可以試下佢😚😚

見到餐廳外賣自取有優惠，今晚不想食住家飯了，於是和家人提議不要煮，等我收工買回來大家吃吧🤣看食評見金鶴最有名的是鰻魚，但礙於外賣回家吃有點距離，怕會腥於是沒有點魚類。日式唐揚炸雞炸粉夠薄，帶檸味，吃上口沒有討厭的油膩畫面。雞肉相當鮮嫩，皮脆卜卜，還有一些肉汁！日式餃子餃皮完全熟透，嘴内咀嚼易咬開，煎得少少香口，外脆內軟，肉涵清爽，是輕怡的邪惡煎物。日式明太子雞翼包著滿滿明太子的雞翼皮又薄又脆，調味適中，有少少辛辣刺激，雞肉加明太子有咸咸鮮香，十分可口。雞肉炸完肉質還是細嫩，令我邊吃邊吞口水😆辛味拉面湯和面是分開盛載，回到家也不怕變肥面啦🤣材料有芝蔴木耳叉燒蔥本菇溏心蛋嫩雞胸和蘆筍等，拉面🍜有彈性，湯底有濃密豬骨香，帶些少辛辣，ok開胃。低溫慢煮日本雞胸肉飯經過更多時間煮理的雞胸肉，肉質果然比一般的來得細滑，配料還有溏心蛋西蘭花🥦低卡有營，適合愛美又要瘦身的女生放心食用。飯量呢？蠻多的，吃完飽得肚子撐著不能動彈🤣食後感：廚師和員工的效率挺高，叫外賣也沒有等太久，食物不錯，會再來光顧。

去到佐敦，好自然會想起金鶴拉麵，今次係第二次去食。記得上次個期間限定係“京都抹茶雞白湯拉麵”，今期個期間限定係“北海道極濃蟹湯拉麵”，當然要試下啦。拉麵一上枱就聞到香噴噴嘅味道，急不及待要試下啲湯底先，湯底熱辣辣，入口鮮甜好滑口。望住大大片嘅叉燒和滿滿嘅蟹肉，未食已經流晒口水，一啖拉麵一啖湯，十分滋味。上一次試過鰻魚串，就令我愛上，所以今次一定要點，表面燒至微焦脆脆的，鰻魚口感軟嫩，超滿足。我實在太為食啦，仲點了一份燒雞泡魚乾，看似燒焦，但一啲都不會韌，更是脆口，配上沙律醬味道真不錯。整體味道保持水準，服務員有禮貌，服務態度佳，店內環境乾淨舒適。

香港嘅租金貴就真係唔使我講大家都知道嘅但係去到呢啲香港中心地帶油尖旺地區鐘咁就更加升到嘭嘭聲所以好多時一啲有信心同良心嘅食店都會比租金逼到去啲邊陲位置今日呢間拉麵舖都係雖然佢位置係喺佐敦但係佢都屬於佐敦一啲比較偏僻嘅位置但係都冇咗佢成間鋪滿晒人嘅正正就係因為佢哋用心去製作食物所以佢哋嘅水樽非常之不錯今日好多人慕名而來包括左我今日入到去點樣非常之咁親切殷勤唔單止在匯豐上咗呢個潔手液仲會放上咗Menu而且知道我哋同行有位女士用將啲長頭髮所以好細心咁俾咗圍裙同埋紮頭髮嘅橡筋佢所以我哋今日呢就叫咗佢哋最經典嘅雞白湯拉麵我哋坐上了水包位置幾多水吧入邊都非常之咁乾淨淨係望到啲廚房咁乾淨嘅事又令人色慾都大增因為知道廚師佢都會好用心咁處理食物另外我哋再叫咗一份炸雞我哋睇住廚師一步步咁煮我哋碗拉麵見到去世細心慢慢咁做完完全全唔會好似其他舖頭好似想趕走個客咁樣所以見到佢咁用心早啲玩邊都見到後都非常之咁不錯而且碗上面嘅牛蒡茶得非常之咁香脆而且佢個湯底仲係非常之咁濃郁因為佢用上了打攪冠機將雞肉絞碎買入個湯底入面所以湯底係濃郁知非常而且面側重非常之不錯我都不太開得嘅木耳絲同埋筍絲都係非常之不錯嘅配搭再配合埋搬隻

🔸金鶴雞白湯拉麵湯底用赤雞熬製6小時而成，先飲一啖湯，相當濃厚綿滑的感覺，無味精，一個唔覺意就差不多飲晒啲湯😋飲完都唔會口渴！兩塊慢煮雞胸肉出奇地嫩滑，完全唔乾柴。旁邊仲有炸牛蒡，好脆！即時做左會員可以換一隻溏心蛋😆

屋企人有日話想食拉麵，我去開佐敦見到間裝修幾靚嘅拉麵店，上openrice search,原來佢都有幾間分店而且評語都幾好！雞白湯拉麵奶白色湯底算係濃厚，上面有一塊大叉燒肉，薄薄的容易咬開，肉味重，拉麵偏向直身，彈牙，拎到返屋企都無淋到，加上清新嘅日本葱頭食，無論口感定味蕾都有好大嘅沖擊！加上店員好用心咁將炸左嘅牛蒡條放在錫紙上，盡量令牛蒡保持脆嘅狀態！屋企人點嘅係黑蒜醬油拉麵同醬油拉麵，黑蒜油嘅味道最為突出，一打開個碗蓋，成家人都聞到香味，啱曬喜歡重口味嘅朋友。而醬油味唔太濃，唔會過咸，微微嘅咸味，更能突顯慢煮雞胸肉嘅鮮味，最正嘅係我地一致認為，依度嘅雞胸係非常嫩滑的！好耐無食囉咁正嘅拉麵外賣了！

叫左雞湯拉麵同軟殼蟹拉麵，見到隔離枱d串燒好似好好味，就叫多左碟雞球同雞翼，成餐飯都超滿足！首先要講佢的雞拉麵，個湯底好濃充滿骨膠原的感覺，而佢配上的雞肉同豚肉相信係經過慢煮，相當滑，又好冧，同時仲保留到肉的原味❤️軟殼蟹湯底係辣湯，湯底辛辣的關係好難好似雞湯咁飲，湯底都濃，但雞拉麵更能夠俾到驚喜我。雞翼要讚，皮脆肉嫩，襯啤酒一流！

There is only one other person in the restaurant at 4pm. I am here for a quick late lunch/early dinner, and have decided to use good old eatigo for a discount. I order classics - shoyu ramen (original $88), and chicken karaage (original $38). The restaurant is quiet and the waiter seems also to be the chef, as he stepped behind the counter to cook after taking my order. The noodles come out and the serving looks small at first glance. However, I found the bowl to be quite deep, so it was a regul

三姨的日常帶小孩外出，揀食店都係一門學問又要就佢口味今日小孩要食拉麵，我又掛住金鶴的燒鰻魚啱啱好，互就大家門店裝潢柔和，外邊打卡位衞生清潔度十足，店員主動詢問要不要清毒搓手好貼心，見到我帶小孩，一袋二袋，快速替供位置俾我安頓好，講我知洗手間係邊，應該見到小孩出哂汗洗手間好乾淨，仲提供橡筋，髮夾俾人食拉麵用仲有每包獨立牙膏牙刷清潔哈，都係打咭位？和風石春路叫左一個雞白拉麵，燒鰻魚串，雞泡魚乾，整枝波子汽水俾“臭小孩“，立刻靜哂開心哂，出門熱辣辣就啱牛蒡炸得好脆，好香甜，一啖拉麵一啖牛蒡，中和下濃濃雞湯，creamy好掛麵，麵身軟硬適中雞胸出雞滑，叉燒都好食，係薄左小少筍唔會過淋加埋隻溏心蛋 prefect鰻魚串係新鮮立刻燒，魚皮外邊焦香魚肉厚實，調味恰到好處，鹹甜鹹甜，送酒一流雞泡魚乾，又係烘烤剛好焦香惹味下次黎要食佢鰻魚飯，今日天氣太熱了

今晚收工去探家姐,姐夫重吩咐我去買金鶴拉麵上去大家一齊食,最初我諗使唔使特登去嗰一間買呀,後嚟試過之後覺得姐夫真係冇介紹錯。佢嘅黑蒜醬油湯拉麵,唔係度度有得食,係餐廳獨門秘方,滿滿一碗嘅黑醬油湯拉麵,特別醬油香味,非常獨特,拉麵柔韌軟滑,每件肉片肉汁豐富,蜜味香甜,多款配菜同食恰到好處。尤其係佢嘅雞白湯拉麵,係我至愛,雞肉幼嫩多汁,份量又不少,筍片爽脆清甜,多款配菜配搭得恰如其份,還有重量級嘅濃郁雞湯,蜜甜香濃配搭拉麵嘅柔韌爽滑,令你極致享受,真材實料冇得輸。你咪以為佢淨係拉麵好正之外,佢個咖哩炸雞飯都頂呱呱,咖哩汁係自家配製,獨特嘅香料非一般的味道,每件炸雞外形炸得金黃亮麗,咬下去脆皮鬆化,肉汁源源湧進口腔,雞肉濃香蜜甜,份量餐廳絕不吝嗇,還有粒粒珍珠飯,顆顆圓潤軟綿綿,散著幽幽米香滿載,仲有佢嘅溏心蛋,火路控制盡如人意,不會令客人失望。

金鶴（佐敦）開心既係今日食左碗好好食既拉麵🍜、母親節💐（🧑🏻母親節要對媽媽好啲，但媽媽話我好佢好，所以對自己好首先就係錫住個肚😘）難道有間拉麵開得早，風評唔錯，唔洗等位，就浦去試試佢😋平時試拉麵係由佢既人氣推薦/最basic款試，但見到居然有蟹濃湯我真係 #忍唔住 啦🥵呢款期間限定既拉麵，食第一啖已經覺得好好食💖最在個湯夠濃，麵好滑（偏軟，係我鍾意既質地），蟹肉又多，蟹既鮮味出晒嚟🦀 而且個麵又掛到準，叉燒整得好嫩滑🥰🥰🥰下次想再試埋佢個雞白湯，裝修風格好有格調，唔會太迫，service都好周到，呢個價錢值租。

因為壽星仔中意食拉麵，所以上OpenRice 搵，睇到呢間好多好評就揀左佢，果然無令我失望，樣樣都好味，而且份量都唔少，lunch套餐呢個價錢掋食，員工既服務態度亦好好

💯💯💯#金鶴拉麵●金鶴。雞白湯($98)●窮L如我呢一世好少會返兜好西😂😂因為想用有限嘅錢 試多啲唔同野食😂😂 只有一間鋪頭係我甘心不停回頭！就！係！金！鶴！拉！麵！🥳🥳🥳🥳佢嘅招牌：雞白湯拉麵真係冇得輸😆😆又白又多泡~~ 好creamy 細滑嘅雞湯泡泡充滿雞味 掛上拉麵到真係冇得輸😭😭其實呢個價位絕對可以接受 諗下平時閒閒地都1XX一碗拉麵 仲要冇咁高水準💭💭💭●黑蒜拉麵($88)●欸。。。根據我兩次試其他味拉麵嘅經驗。。。都係建議唔好。。。有啲太濃 好鹹好口乾😅 無計 啲雞湯太出色 比下去