金玉滿堂

营业中

休息中

旺角收工一個人唔知食咩好，門口見到環境唔錯，就入左依間中式餐廳。一個人又叫唔到d咩大魚大肉，求其叫左兩個小菜就算。第一個叫左麻辣燻蹄辣辣地幾開胃，麻辣得黎唔算好辣，以咸味為主，但好香口夠味第一次食燻蹄配麻辣汁，送飯一流第二個就食得清淡返D，叫左個生拆蟹粉扒豆苗，豆苗好嫩蟹肉好香，不過真係幾意外會有埋蟹肉，搞手真係只求打個和。大冬天時熱辣辣既蟹肉豆苗食落喉嚨好舒服見到人地仲有好多唔同野食，如果咁冬天氣開住個爐食羊腩煲真係一流享受

今日又再一次入到黎旺角行街買衫睇戲食飯，頭三樣都已經做完，當然黎到最重要嘅一步食嘢啦😂。最近天氣開始轉涼，所以今次入到嚟煙廠街嘅金玉滿堂食羊腩煲，呢個天氣呢個溫度食羊腩煲真係正👍🏻。。呢度除咗羊腩煲之外其實仲有好多唔同嘅小菜都不錯。我叫嘅第一道菜就係叫咗麻香爽魚皮，魚皮灼熟咗之後經過冷凍收縮，口感變得非常之爽口，而且在點上調味料，麻油嘅香味再加上豉油及Wasabi，正👍🏻。。跟住叫咗生拆蟹粉脆鍋巴，蟹味濃郁嘅蟹粉鋪上去脆口嘅鍋巴上面，兩種截然不同嘅口感，一道食物兩種享受😋。。最後當然就係今日嘅主角羊腩煲，滿滿嘅羊腩肉，有肥肉亦都有瘦肉，分量十足😆，而且食落一啲都唔羶，另外仲有好多唔同嘅配菜，比如馬蹄同支竹等等，所有配菜都非常之入味😁。最後金龍郁嘅鍋底，當然要拎嚟淥生菜食啦🙈。

早前去左旺角行街，天氣涼涼地開始凍，於是突然好想食羊腩煲😍，經朋友介紹之下，我地去左食「金玉滿堂」。-我地叫左麻香爽魚皮，爽口彈牙，麻味非常重，一啲都吾腥好開胃呀👍🏻👍🏻-之前叫左生拆蟹粉脆鍋巴，蟹味鮮甜濃厚，鍋巴脆口💖🦀-重頭戲當然係羊腩煲，我地2個人當然叫煲小架啦，份量真係好多我地2個人都食吾晒要打包呀🙈，一啲都吾蘇，好入味，羊腩煲當然唔少得枝竹👍🏻👍🏻一定會再encore -

超級愛魚 或自稱係貓的人士要看完又同飯腳飯聚，今次想食中式，在openrice 睇下睇下就選了這間。旺角繁華的後方煙廠街的中式小店，去到時街市剛剛開始收市。在對比下，容易找到。一坐低，竟然發現有差電位，二話不說就差電今次試了一個好考師傅功力的菜式，麻香爽魚皮，好爽的、好彈牙的，膠原豐富的，麻是麻油香，點日式芥末食，多了一份層次，多人分享就好，兩人食完都飽左一半，我明唔係人人敢食，但我飯腳平時唔多食魚都食到幾件㗎。有一個餸吸引了試食的興趣，金稻穗香一口牛，係炸米加茄子炒一口牛，而個汁係日式芥末，我唔敢用鼻呼吸，只可用口來呼吸，才可以唔咳新嘗試，脆米配牛有口感。蒜蓉蝦乾蒸勝瓜，正好中和一下上一道菜的重口味，這碟味道可以，但對港女來說油份略嫌多左些。但男士應該大愛。最後又係貓貓出場的時間，豉汁蒸白鱔，味道惹味，雖然這條鱔唔算大條，飯腳怕多骨，食了一些大件少骨的，但我又清了一碟，中規中矩啦。溫馨提示：記得唔好坐門口位，坐入面會較好。

近排天氣轉涼，緊係要食羊腩煲。同朋友約咗出旺角食飯，近近地嚟食下地道小菜，順便食羊腩煲暖下個胃。— 黑草羊腩煲$368 （中）今次人少少，所以叫咗個細羊腩煲。份量兩個人都夠，因為佢好足料。😆 雖然係細size，但兩個人食都好滿足。啲羊腩燜得幾淋，啖啖肉。啲羊皮好彈牙，食落都幾舒服。除咗羊肉之外，當然仲有馬蹄、支竹同冬菇呢啲配料。呢個set仲另外送唐生菜，啲菜全部都好新鮮如果多人食嘅話可以加其他配料，食完羊腩煲再繼續打邊爐。下次再嚟可以加肥牛同飽魚。

嗰日屋企人話秋風起想食羊腩煲，就搵咗呢間喺旺角嘅中菜館。呢間中菜喺旺角家樂坊附近，位置都好方便，但個鋪面就好低調。因為上網見到佢有個黑草羊腩煲好似好吸引，所以就去試吓。叫咗一個細嘅羊腩煲，好足料啲羊腩炆得好入味。之後仲叫咗個海膽蝦球，呢個餸喺出邊好少見到！佢個海膽醬好足料，而啲蝦球煎得好香口，夾埋一齊好好食😋 另外叫咗個爽魚皮做小食，辣辣地而且爽口好開胃！嗰度啲侍應都好細心，有幫我哋睇住羊腩煲火。整體來講今次食得好滿意，有機會都會再去試吓佢其他小菜，因為佢個餐牌真有好多款小菜😆

呢間舖頭主要都係食潮州菜，餐牌係有成寸厚咁多嘅選擇，所以我食咗幾次都未食完佢推介嘅菜式，今日就嗌左兩款比較清淡但同時亦都好有特色嘅菜式。蝦乾節瓜因為兩個女仔，唔想食咁肥膩，所以就叫咗要碟蝦乾節瓜，唔好以為簡簡單單嘅菜式就好容易整，越簡單嘅菜式其實愈考功夫，首先蝦乾味道唔係好鹹，配節瓜清淡嘅瓜菜就令到味道更上一層樓。茄子靈芝菇脆米配元貝依個就真係一個新奇又好玩嘅菜式！脆米咬落去超脆，而且配靈芝菇，我真係好少有得食靈芝菇，我覺得佢嘅菜式入面加咗芥末醬，令到成件事更好玩，辣辣地，而且元貝很爽口，依種配搭我之前都冇食過！好似真係好特別！

今日放工後同朋友去旺角食下飯，朋友話呢間小店幾好味，所以帶我去試下😁✨生拆蟹粉扒豆苗$138蟹粉好鮮味，仲見到有少量蟹肉添，同豆苗好夾，豆苗的口感很爽嫩新鮮，味道適中，份量都幾多，我很喜歡✨七味炸豆腐$60當上枱嘅時候 聞到好香～炸豆腐上面鋪滿炸蒜，即叫即整熱辣辣，豆腐都非常香滑，有豆味✨金稻穗香一口牛$128呢個意外地有驚喜，啲金稻係類似脆米嘅口感，食落好特別，入面仲有茄子同埋一口牛，有少少牛油嘅香味，但唔會膩，我地忍唔住一口接一口食曬🙈✨麻香爽魚皮$50平時都好少見新鮮爽魚皮，咬落好爽口，仲加左少少香麻油蔥絲和薑絲，味道更加豐富

朋友預約咗呢間餐廳，話之前食過覺得好好味，就一於再食過。地點都算方便，喺油麻地地鐵站一出行幾分鐘就到。一坐低見到有插頭位，覺得好窩心，咁啱行完一日街已經冇乜電，可以邊差電，邊傾計。見到個Menu，加埋朋友所講話好好食，就覺得呢間應該就係一間深藏不露嘅美食餐廳。麻香爽魚皮 - 第一次食，真係好似個名一樣咁爽，配埋Wasabi豉油，真係一流！黑草羊腩煲 - 呢排天氣開始凍，最好就係食返啲暖既野。羊腩炆得好林！！個汁都好好味，如果用嚟撈米線就不得了。生拆蟹粉大蝦球 - 食大閘蟹嘅季節零舍想食蟹粉， 黎個好足料！喺鬧市中食到咁嘅嘢食，的確唔錯！

金玉滿堂今日行開旺角，發現左一間位於鬧市中的隱世小店，小菜都非常有特色，啱晒鍾意食中菜同私房菜嘅我啊😊員工亦都非常之有禮貌麻香爽魚皮~$50會有少少麻油味，魚皮亦偏向爽口，再點小小芥辣豉油，正，魚皮完全冇魚腥味，好開胃😋七味炸豆腐~$60即整啱啱炸起既豆腐，熱辣辣，好食，而且外脆內滑，豆腐亦都好有豆香味，上面仲會有少少炸蒜，非常香口☺️金稻穗香一口牛~$128呢個唔係炒飯嚟嘅，炸過嘅脆米卜卜脆，口感好特別，加入咗少少茄子，牛肉粒，而且會有少少芥末味，好豐富嘅口感😛生拆蟹粉扒豆苗~$138上面會有d蟹粉，蟹粉加豆苗原來好match，豆苗亦都非常翠綠，好新鮮無渣，份量都好多，正金玉滿堂 🏠：旺角煙廠街6-20號華新大廈地下14-14A號舖☎️：90383638

中菜嘅選擇其實好多，喺旺角呢個鬧市中就有一間人細小店係煙廠街個到，等我試試佢呢度星期六日都幾多人，我冇預約定枱，所以入到去得返門口嘅枱，而且聽到餐廳電話係咁響，所以下次如果來都要預約定位。兩個人叫左兩碟餸同兩碗飯，我朋友鍾意食蝦，就叫左黃金脆蝦球，佢係有蛋黃碎脆炸埋新鮮蝦，所以咬落去有取巧，又食到新鮮蝦味，而且蝦嘅口感都唔錯。仲叫咗一點咕嚕肉來送飯，咕嚕肉酸酸甜甜，，肉質都唔錯，炸粉亦都夠薄，用來送飯，簡直係一流至於餐廳仲有好多唔同嘅菜式好選擇，全部都要係好地道嘅潮州菜添！下次一定要嚟試埋其他菜式！

這家小店開在旺角一隅，菜色不會只顧傳統，非常有個人特色，帶創意環境：普普通通，就中菜館的樣子服務：正常，老闆娘非常熱情貼心金稻穗香一口牛 $128在軟稔的一口牛加入炸過的白米飯，白米飯尤如飯焦般爽脆。加上茄子跟草菇，既軟稔又爽脆，非常特色的一口用米通相近秘製鹽水鵝 $148鵝肉經鹽水醃製，口感扎實不油膩，鵝皮幼嫩微鹹，配一碗飯就完美至極了吧黃金脆蝦球 $148鹹蛋黃份量非常慷慨，大隻的蝦仁🍤配上啖啖鹹蛋黃，鹹/鮮並濟，口感彈牙又有流沙感，出色！蒜蓉蝦乾蒸勝瓜 $88採用大隻的蝦乾跟蒜蓉為勝瓜吊味，勝瓜的肉汁既灼熱又多汁，味道一流！試過就知道有創意有誠意，值得一試！

約兩位朋友到旺角食飯吹水，隨便揀一間中式小店食，起初以為普通小菜，結果甚有驚喜︰先前菜先來一碟麻香魚皮 ($50)，應該係先白灼、過冷河、再撈麻油，香脆而口感肥美。麻辣薰蹄 ($68)，辣度適中，不會蓋過本身蹄肉味。主菜來了 黃金脆蝦球($148)，咸蛋黃香口，蝦肉爽口彈牙。最後待應，推薦的主店菜︰金稻穗香一口牛 （$128），炒至微焦既牛肉粒，配上乾身香脆飯粒，牛肉與飯粒的香脆口感互相交錯，非常有滿足感。

金玉滿堂地址: 旺角煙廠街6-20號華新大廈地下14-14A號舖電話: 店名是新年恭賀說話feel,好好意頭。是一間中菜館食中菜小炒，人年齡越大，好多朋友成家立室，好難先約到朋友，而隨著好多朋友舉家移民，藉此機會食一頓中菜作回憶。麻辣薰蹄 $68起曬骨架燻蹄呀，爽口又肥美，同埋個麻醬有蒜粒，有四川感覺，辣味慢慢滲出，濃郁開胃。秘製鹽水鵝 $148 鵝肉起了片切好，又香口惹味，蝦選用了大隻蝦彈牙厚肉，炸到黃金香脆再補鹹蛋黃醬，黃金脆蝦球 $148蒜蓉蝦乾蒸勝瓜 $88，叫返道家常菜，蝦乾有口感，蒜提香小油清爽。

3人去食中秋節飯$570，今次叫咗唔辣酸菜魚$188，酸度唔夠又少酸菜，魚肉口感一般但份量不少，配菜反而幾好味冰梅骨$98全餐飯大家覺得最好味，醬汁剛好帶微酸甜，豬肉口感不錯食到啖啖肉通菜牛肉$88..普通，起碼沒有得個咸字，份量都夠不少蒸元貝每隻$42，比心目中細隻感覺熟咗少少，蒜茸幫佢加咗唔少分白飯$12/個…2個連微溫都沒有，只可講米本身不錯飲品叫了烏龍茶$13叫了1枝正常價…上菜速度預由叫到第一個餸約30分鐘，有點耐但還可接受結帳只講4個菜加飲品，單都沒有，但點計如何$570🧐加一？ 冇計白飯？難道3杯水每人$11？那就唔太知道