金玉滿堂

营业中

休息中

朋友預約咗呢間餐廳，話之前食過覺得好好味，就一於再食過。地點都算方便，喺油麻地地鐵站一出行幾分鐘就到。一坐低見到有插頭位，覺得好窩心，咁啱行完一日街已經冇乜電，可以邊差電，邊傾計。見到個Menu，加埋朋友所講話好好食，就覺得呢間應該就係一間深藏不露嘅美食餐廳。麻香爽魚皮 - 第一次食，真係好似個名一樣咁爽，配埋Wasabi豉油，真係一流！黑草羊腩煲 - 呢排天氣開始凍，最好就係食返啲暖既野。羊腩炆得好林！！個汁都好好味，如果用嚟撈米線就不得了。生拆蟹粉大蝦球 - 食大閘蟹嘅季節零舍想食蟹粉， 黎個好足料！喺鬧市中食到咁嘅嘢食，的確唔錯！