金玉滿堂

营业中

休息中

麻香爽魚皮本身對魚皮唔係太大興趣，但食落又比想像中好食😆落咗麻油嘅魚皮加埋豉油同Wasabi ，又出奇地夾。魚皮好爽口，而且冇咩腥味，都幾唔錯。雙冬扣黑草羊腩煲冬天梗係要食羊腩煲，食完暖笠笠🤪個羊腩煲份量都幾多，啲羊肉食落都好腍，唔會韌👍🏻而且個煲好多配料，有荀、枝竹、馬蹄 、冬菇、生菜，吸啲汁真係好正🤩生拆蟹粉扒豆苗我真係好鍾意食豆苗，但豆苗係冬天先當做🤣🤣蟹粉入面有好多一絲絲嘅蟹肉，加埋豆苗食，真係食唔停口

天氣轉涼同朋友係旺角行街突然想食羊腩煲，今次同朋友係旺角搵到呢間隱世小店，6點左右黎到，早早地唔洗排隊就有位。我地兩個叫左個細羊腩煲，其實細煲都好大兩個人都食唔哂 好足料，入面有齊哂支竹，荀，馬蹄，冬菇，羊肉好香騷，份量超足，亦夠嫩滑，羊皮好厚身好彈牙，配埋腐乳醬食真係一流，煲住咁食食到暖粒粒。兩個人食都好飽。亦外仲有一大兜唐生菜，浸落個羊腩煲食，索哂 d 羊肉香味好香好好食。再叫多個麻香爽魚皮，真係好爽口，有麻油味，配埋芥末豉油，食到停唔到口。另外望到隔離枱既生拆蟹粉蝦好吸引，我地忍唔住都叫左一個，真係好好食，個蟹粉真係好鮮甜甘香，配蝦皮脆蝦肉嫩，第一口先食到一陣甘香可口的蟹粉鮮味 ，個皮真係咁脆卜卜，再入口爽滑蝦肉 , 一個字爽 呢個生拆蟹粉系列真係要試試!

凍凍地又到打邊爐嘅季節啦今日同朋友相約在旺角行完街就去咗位於煙廠街嘅金玉滿堂度食晚飯餐廳非常有大排檔氣氛 又夠乾淨衛生坐得舒服薑蔥涼拌魚皮 魚皮非常爽脆 加埋醬汁好夠開胃 用嚟送啤酒就十分夾啦招牌小炒王 菜式入面好多材料包括韭菜 腰果 蝦米 魷魚等等 非常夠鑊氣 而且一啲都唔油 用嚟送飯都唔錯支竹羊腩煲二人份都極之大分 羊肉炆得又淋又入味唔太騷 點埋咸鮮嘅腐乳醬 簡直一絕 入面仲有支竹 馬蹄 冬菇 筍等等嘅材料 食完成個人暖笠笠 仲有一碟生菜贈送 索曬羊腩汁嘅味 真係肥幾磅都值得

入冬涼涼地最啱食～～熱騰騰🔥羊肉煲🤩 俾我哋遇上旺角鬧市嘅隱世小菜館，冬季仲推出咗雙冬扣黑草羊腩煲，仲有多款生拆蟹粉菜😋 勁正平日夜晚去都座無虛席，非常熱鬧，氣氛好好😍雙冬扣黑草羊腩煲 （中）羊腩煲都係滿滿的，羊腩半肥瘦，肉味香濃 ，燜得軟腍入味，仲有枝竹、馬蹄、冬荀、冬菇等配料，而醬汁亦都好濃郁。 熱🔥辣辣出哂煙😌 絕對係冬天同朋友分享嘅菜式生拆蟹粉大蝦球 蟹粉色澤鮮艷，賣相吸引，仲夠哂鮮香綿滑，蝦球好大粒，爽口彈牙，食完覺得好幸福😍麻香爽魚皮呢碟小食，每枱都有點，可見受歡迎程度😉我都係第一次，估唔到魚皮唔單止唔腥，仲可以做到爽脆香滑，味道難忘

呢間喺旺角嘅中式菜館每次去都要book位先有得坐入去，因為每一晚都幾full Booking，知道佢地賣點係有好多特色嘅招牌菜，所以我都預早同朋友訂定枱去食。今次兩個人唔係太多點左幾款菜式，試咗佢哋嘅招牌羊腩煲、另外有我最愛嘅涼拌魚皮、仲有一個南瓜米通餅。冇另外叫飯，就咁三道菜已經食到好飽！平時唔太好食羊肉嘅我，因為朋友話呢一款係必使，於是乎我哋都叫咗嚟食，佢有埋個火爐一直熱住啲羊肉，然後熱辣辣配個生菜捲住嚟食，咁樣食減輕左羊肉嘅蘇味，多咗種生菜嘅新鮮感。另外涼拌魚皮係我想食，我朋友就冇食到，我一個人食晒，主要本身鍾意食啲好爽脆嘅嘢，而佢呢個有好多蔥同埋一啲好香嘅麻油豉油點埋啲魚皮食好爽口，重點係可以補充骨膠原。 米通就可以食幾啖再配啲餸菜一齊食，中和返口感。

今日係Mongkok 行完街, 天氣開始轉冷，最適合梗係食羊腩煲，即時諗起旺角這間 隱世小店 金玉滿堂 ，隱世小店並非浪得虛名，因為佢個位置喺街市入面都有少少難搵。佢座位唔係太多，但勝在夠晒氣氛，人多好熱鬧。講返今日點菜：麻香爽脆魚皮-魚皮唔係度度有得食到，佢口感非常之爽口，有少少麻香，再加埋wasabi , 非常配合。蟹粉脆鍋巴-蟹味非常濃郁，再加埋脆卜卜既鍋巴。👍最後今日主菜-雙東扣黑草羊腩煲-連埋Gas爐一齊上，熱辣辣，個羊整得一啲都唔羶。再加支竹生菜，非常入味👍。值得一試。最後埋單，性價比👍

煙廠街露天街市收檔後，人流逐漸稀少，但街市內嘅其中一間隱世小菜館就開始變得熱鬧，我與朋友就正正揀咗呢度食晚飯。麻辣燻蹄（$68）呢個係冷盤前菜小食，燻蹄薄得嚟彈牙，麻辣醬汁唔算好辣，食落好惹味，勁開胃醒神。XO福花五花腩（$108）成碟都好夠鑊氣，椰菜花同五花腩片都好香口，仲加咗少少菇一齊炒，惹味又好食😋羊腩煲（中）+ 唐生菜（$368）羊腩煲大煲又足料，配料有枝竹、荀、馬蹄、冬菇及羊肉等，羊肉份量超多，厚身彈牙之餘，仲夠嫩滑且骨少肉多，配埋腐乳醬同食簡直perfect match👍🏻 唐生菜新鮮翠綠，吸收晒羊腩煲嘅精華好好食😋天氣凍冰冰時食真係好正，食完個人暖笠笠🥰

位於旺角鬧巿中嘅小菜館，係門口已見店內人頭湧湧，並感受到入面熱鬧嘅氣氛，直覺呢間應該係高質小店。🔸麻辣燻蹄（$68）前菜係麻辣燻蹄，凍凍地嘅薰蹄都幾爽口，麻辣汁令人越食越上癮又㷫烚烚😆夠晒惹味開胃。🔸XO福花五花腩（$108）福花即係椰菜花，將五花腩切成薄片，加入菇菌及XO醬一齊爆炒，有鑊氣又惹味。🔸羊腩煲（中）跟唐生菜（$368）冬天必食之選👍🏻中size份量夠晒大煲又足料，2人一定夠食。羊肉份量比一般餐廳多，又唔會炆到骨肉分離或唔夠爽嫩，火喉控制得好好，堅好食😋另最鍾意枝竹，吸哂啲湯汁超入味，最後加埋生菜，食到好飽好滿足🥰

今日天氣開始轉涼，加上之前無意之中發現旺角煙廠街有間隱世小店；天氣凍最好就係食羊腩煲，等埋爸爸收工，帶爸爸去食羊腩煲 天氣凍就嗌番個【黑草羊腩煲 $368/份(中)】仲送埋唐山菜，佢哋個羊腩煲使用全羊腩，肉質燜到好淋，骨同肉係分開，羊腩份量好多，每一舊都大大舊，夠哂入味，其他配菜都好多，又入哂味，有枝竹、馬蹄、冬菇及蒜頭；食到啲羊腩差唔多食完，落埋啲新鮮唐山菜，滾一滾等啲菜入哂味，食落仲正；埋埋個腐乳醬一齊食 嗌咗生拆蟹粉系列其中一款菜式【生拆蟹粉生煎元貝王 $198】一共有8粒大大嘅元貝王，蟹味鮮味濃郁，蟹粉份量足，夾埋元貝一齊食，元貝鮮甜好味，個配搭真係好夾。最好叫咗個特色小食【麻辣薰蹄 $68】麻辣醬辣得惹味，薰蹄咬落爽口 呢一餐夠哂抵食，六百幾蚊已經食到好飽，暖身又暖胃，真係好正，下次要一大班朋友一齊嚟食，可以叫個大嘅黑草羊腩煲 $688 金玉滿堂 (旺角)旺角煙廠街6-20號華新大廈地下14-14A號舖

冬天同家人去食羊腩煲，暖身暖胃就最啱啦位置就係旺角煙廠街，行前幾個位就到，容易搵到睇完個餐牌📜，就叫咗兩個餸 + 一款小食 首先小食嚟咗先 麻辣薰蹄 $68 呢個同佢講要小辣，嚟到又真係唔太辣，好啱食，每塊薄切，入口爽口 😋 再嚟就係 🦀生拆蟹粉生煎元貝王 $198 蟹粉滿滿份量多，煎過嘅元貝口感爽脆，一碟有8粒大大粒 (可以叫碗白飯用蟹粉撈飯食添) 最好就係 黑草羊腩煲 $368/份(中)🥘，2個人叫一份中 size 嘅份量已經好多，舊舊都大舊，仲煮到骨肉分離，每舊咬落都嫩滑又鬆軟，冬天食熱辣辣嘅羊腩煲，夠哂暖胃暖身

收工好攰簡單搵晚餐食，同事擇左呢間係旺角既小菜店，話有正正酸菜魚食😋 .🍴老檀酸菜魚 $328香料十足，新鮮開胃。魚肉睇得出新鮮滑溜， 細骨全部挑乾挑淨 ，都係大骨為主。湯頭不太油膩，可以飲。寬粉同芽菜爽韌彈牙，吸盡湯頭精華。.🍴生拆蟹粉扒豆苗 $138豆苗走油後甚嫩，蟹粉味鮮，蟹肉多，抵食之選。.🍴麻香爽魚皮 $50 and 麻辣薰蹄 $68呢間有啲特別涼菜食，好似爽魚皮平時真係少機會食到，夠爽又好食，薰蹄切得夠薄，辣辣地幾惹味。

天氣轉涼點可以唔食羊腩煲，想食左好耐，今次同朋加去旺角行街，搵到呢間隱世小店，6點左右黎到，早早地唔洗排隊就有位。叫左個細羊腩煲，但點知都好大煲。好足料，入面有齊哂支竹，荀，馬蹄，冬菇，羊肉好香騷，份量超足，亦夠嫩滑，羊皮好厚身好彈牙，配埋腐乳醬食真係一流，煲住咁食食到暖粒粒。兩個人食都好飽。亦外仲有一大兜唐生菜，浸落個羊腩煲食，索哂 d 羊肉香味好香好好食。麻香爽魚皮，都幾大份下，同埋真係好爽口，好有嚼勁，有少少麻油味，配埋芥末豉油好開胃。生拆蟹粉扒豆苗，好好食，蟹粉好鮮甜，配埋豆苗好好食，食到停唔到口。

今日在旺角工作完左之後同同事食晚飯，同事帶左我黎旺角橫街入面既「金玉滿堂」食菜，而且仲係大力推薦。雖然餐廳無華麗裝潢，但係整體感覺都舒適，坐得寬落。餐牌上面菜式豐富，當然唔少得餐廳推介。同事話前菜必點涼拌魚皮魚皮好爽脆，一啲都唔腥，仲落左小小麻油，瞬間提升左個味道。主菜方面，試左香草芥末元貝奇脆皇，又真係幾有驚喜。元貝夠多又大粒，茄子炒得好香口，而且加上脆卜卜既小米仔，令人愈食愈上癮。另外仲試左香脆可口既椒鹽豆腐同魚鯇火腩煲，二者mix埋一齊又幾夾，岩晒中意食魚同火腩既朋友。

今日去開旺角見客，睇下openrice有咩新野試下，見到呢間金玉滿堂個酸菜魚幾吸引，就決定入去試下我地叫左4個野生拆蟹粉扒豆苗 $138蟹粉份量足，夠咁香，豆苗新鮮嫩口，季節之選麻香爽魚皮 $50好小有呢個魚皮食，彈牙爽脆，麻香香味撲鼻，前菜之選麻辣薰蹄 $68薰蹄切得夠薄，麻辣汁夠哂辣，火辣之選老檀酸菜魚 $328酸菜魚係今日既主角，魚肉爽滑冇腥味，食得出好新鮮，入面仲有芽菜，芋絲同豆卜索哂d湯，小小辣好惹味，必食之選

位於旺角煙廠街嘅金玉滿堂✨看似一間平凡嘅中菜館👀但一試就知食物嘅質素同水準絕不簡單😮我哋一共叫咗八款菜式💁🏻‍♀️每款都令人大開眼界🎉🔸麻香爽魚皮（$50）魚皮冰涼爽滑無腥味🐠而且散發出陣陣嘅麻油香😽再以芥末👉🏻豉油👉🏻芫荽同香蔥等調味🌱味道層次相當豐富🥰前菜必然之選🎀🔸麻辣薰蹄（$68）爽口薰蹄🐽配上麻辣醬汁🌶惹味開胃😎啱晒嗜辣嘅朋友🙆🏻‍♀️🔸七味炸豆腐（$60）豆腐外層酥脆鹹香🥳內裏嫩滑無比💋熱焫焫食更為吸引🙌🏻瞬間被清空💛🔸花雕醉豬手（$60）豬手爽口有彈性🐖以馥郁芬芳嘅花雕醃製🍶食落更品嚐到濃郁嘅甘香酒味😋值得一試✅🔸老檀酸菜魚（$328/大）酸菜魚選用肉質滑嫩嘅新鮮爐魚🐟湯底係鮮味十足嘅酸魚湯💫配料有芋絲👉🏻芽菜👉🏻豆卜等😃吸盡魚湯嘅精華🎊令人相當滿足💃🏼🔸香草芥末奇脆元貝皇（$148）大大粒元貝皇相當奪目🤩以脆口飯焦🍚鮮香雜菇🍄同軟腍茄子襯托🍆連同香草芥末一同煎炒🔥不論味道或口感都非常創新💡誠意推介👍🏻🔸秘製鹽水鵝（$148/例）份量絕不簡單😺鹽水鵝肉質鮮嫩味美💥肥而不膩🤟🏻蘸上酸辣汁💦令味道更錦上添花🌸🔸蒜茸蝦干蒸勝瓜（$88）勝瓜蒸得清甜軟腍🥒伴以鹹香蝦乾🦐同香濃蒜茸一同