金玉滿堂

营业中

休息中

入冬涼涼地最啱食～～熱騰騰🔥羊肉煲🤩 俾我哋遇上旺角鬧市嘅隱世小菜館，冬季仲推出咗雙冬扣黑草羊腩煲，仲有多款生拆蟹粉菜😋 勁正平日夜晚去都座無虛席，非常熱鬧，氣氛好好😍雙冬扣黑草羊腩煲 （中）羊腩煲都係滿滿的，羊腩半肥瘦，肉味香濃 ，燜得軟腍入味，仲有枝竹、馬蹄、冬荀、冬菇等配料，而醬汁亦都好濃郁。 熱🔥辣辣出哂煙😌 絕對係冬天同朋友分享嘅菜式生拆蟹粉大蝦球 蟹粉色澤鮮艷，賣相吸引，仲夠哂鮮香綿滑，蝦球好大粒，爽口彈牙，食完覺得好幸福😍麻香爽魚皮呢碟小食，每枱都有點，可見受歡迎程度😉我都係第一次，估唔到魚皮唔單止唔腥，仲可以做到爽脆香滑，味道難忘