金玉滿堂

营业中

休息中

煙廠街平時經行開都冇為意到原來有間食開中菜，諗吓諗吓呢個疫情都好耐冇食過中菜，就入去金玉滿堂試吓啦，Menu都幾多選擇好多嘢都想食，首先嗌左個小食椒鹽豆腐，好好味外脆內軟，停唔到口，脆米炒帶子，呢個配搭好好食，食落去有浸牛油香，茶樹菇一齊配搭好好食,重頭戲黎啦有我最愛嘅酸菜魚，魚肉幾滑唔錯個湯都好正我鍾意偏酸啲，咁啱佢岩晒我口味，我都飲咗好啲幾碗黃金脆魷魚，好鬼邪惡丫好正丫有鹹蛋黃實冇得輸，外面脆口裡面juicy，good食多幾舊都唔覺得好濟，兩款炸嘢都送酒一流蒜蓉蝦乾蒸勝瓜，蒸得軟熟的勝瓜吸晒帶蒜香的豉油加上咸香的咸魚仔，整個組合配合得宜，食落感覺清新舒服相信我下次我都會再嚟員工又nice又問我哋啱唔啱食，下次會再試去啲海鮮，感覺上都幾新鮮

朋友介紹的中菜館 就在旺角鬧市的一條小巷隱世美食 門面和裝修都比較簡潔但食物水準真的不錯也有一些在外面少見的菜麻香爽魚皮炸魚皮常常吃得到 這種真的第一次吃魚皮爽口又有點彈性醬汁是日本芥末和麻油 吃起來爽口又清新花雕醉豬手酒香撲鼻 酒味已經完全滲進豬手裡面帶一點點微辣 好適合作為下酒菜豉汁蒸大鱔白鱔新鮮 加了點蒜蓉辣醬比一般的陳皮豆豉更惹味香草芥末奇脆元貝皇這個在門口的招牌也有推介應該是招牌菜元貝大大顆的 非常鮮嫩還有茄子和有炸米粒口感多層次

諗唔到旺角呢一間有人情味嘅小店，都真係好有特色！😍主打家常小菜，經典得來，都有自己嘅特色風味👍今日dinner同friends一齊食飯，我哋試咗幾款小菜，最具印象深刻嘅，一定係佢哋嘅❤奇趣元貝，炒嘅配料落咗好多帶子，加埋唔同菇菌等配料，香脆得來，好鍾意佢嘅脆米嘅好感~佢哋嘅豉油王鵝腸同樣唔錯，整得好滋味，味道校得啱啱好，食到豉油嘅香味😍而且好爽口🤤店舖服務態度好好，夥計好有人情味，值得回顧！

因為weekend同屋企人一齊，都係揀中菜比較好~佢哋傳統，都係鍾意一啲中式菜餚😋經過呢度，見到呢一間六點幾已經好旺人，🤩咁多人，一定有佢嘅好味之處🤓佢哋嘅炸大腸好出色，滷水過咗之後再炸，所以非常入味😍而且食落好脆口，好啱屋企人送啤酒🍻另一個餸我哋叫咗燒雞，同樣係非常大隻，而且皮脆肉嫩~另外一個小食，我哋叫咗佢涼拌魚皮，呢一味經典嘅小食，真係好少見，好吸引。搭配埋Wasabi同豉油一齊食，又好爽口。

今日同朋友到旺角覓食，發現煙廠街有間食小菜嘅餐廳，睇佢門口嘅招牌有好多特色小菜，平日好少機會食，決定入去試一試😁當晚叫左八道小菜，雖然賣相唔特別，但係食落有驚喜，味道唔錯🤣🧂七味炸豆腐（ $60 ）炸豆腐係間中菜餐廳一定有嘅小菜，金玉滿堂嘅炸豆腐炸得岩岩好，外脆內軟，用左七味粉調味，味道唔錯～🐟麻香爽魚皮（$50）魚皮係我最鍾意嘅小菜之一，平時唔係間間中菜餐廳都有得食，魚皮爽脆，冇魚鱗，冰冰涼涼咁，岩晒夏天食，推薦！🐠老壇酸菜魚（$328）好驚訝係金玉滿堂都食到酸菜魚，好鍾意佢嘅酸菜魚湯底係魚湯黎，又唔多油，食之前可以試飲下佢個湯🤣 魚片嫩滑無骨，配料多，有豆卜、芋絲、芽菜等，全部索晒啲魚湯同辣味，好好食😋🐚香草芥末奇脆元貝皇（$148）賣相、菜式特別嘅一道小菜，入面有茄子、菇、紅椒、大大粒嘅帶子，仲有脆脆地嘅飯😂 佢用左香草芥末醬汁去煮，食落有啲似Risotto😛🐖麻辣薰蹄（$68 ）平時薰蹄多數都係點酸辣汁，今次第一次試麻辣味嘅薰蹄，估唔到咁夾😆🥒勝瓜蒸元貝皇（$128）經典小菜，勝瓜上面舖滿蝦乾去蒸，令味道清淡嘅勝瓜更有鮮味🦢秘製鹽水鵝（$148例）賣相平平無奇，但食落肉質嫩滑，

同朋友在旺角行開街，突然大家都想食中菜，於是在附近搵下。見到呢間餐廳既野食岩大家口味，一於試一試。我地一共叫左8個小菜。1.七味炸豆腐（ $60 ）炸得剛好，外脆內軟，加上有勁多炸蒜粒，更惹味！2.麻辣薰蹄（$68 ）好中意嗰醬，辣和惹味，開胃！3.老檀酸菜魚（$328）有不同的配料係底，包括：芋絲、芽菜、豆卜等等，魚無骨且非常滑和爽口，中意食辣的朋友不可以錯過4. 蒜茸蝦干蒸勝瓜（$88）勝瓜上加上咸咸香香的蝦干，好香。再加埋勁多的蒜茸，正5.香草芥末奇脆元貝皇（$148）元貝皇好大粒，底下有些飯粒＋茄子＋菇＋香草芥末煎煎炸炸做成的脆脆，有不同的口感。6.花雕醉豬手（$60)用花雕腌製，勁入味，不過豬手有少少毛7.秘製鹽水鵝 ($148)第一次食鹽水鵝，鵝肉嫩口，味道適中唔會太咸。咬落去有少少肉有少少肥膏油脂，咸咸香香的。8.麻香爽魚皮（$50）炸魚皮就食得多，爽魚皮又真係第一次試，沾上芥末食好味道，而且好爽口

之前嚟過兩三次，試過一次私房菜。咁啱今日屋企人話係屋企食，一家十六人決定訂個中盤菜再加一個大酸菜魚，提早做節！坦白講，盤菜都無點期望，都係同平時差不多，但食落都有的分別，就係用料認真靚，蠔皇味做得好好！鵝掌，鮑魚，花膠（接近手板咁大），豬手幾樣特別好食！抵讚！好過買太x個的，幾舊水同食燒味無分別🤣仲有除左人頭個的餸之外，其他蘿蔔，芋頭個的都幾正！入味！佢跟左兩支汁，都用唔曬，第二轉加水打邊爐。另外，個酸菜魚就不得了啦！一早諗住會用嚟十下十下，所以叫左中辣，一開爐香到成層樓都聞到，不過下次都係要食曬的魚先烚其他嘢，因為的魚會散同埋老！但開頭食左就無問題，外賣加辣！👍👍👍一流！呢個組合，做冬或新年可以再試正！

呢間餐廳係d攤檔嘅側邊，位置幾隱蔽，鋪面又唔太起眼，看似係間普通街坊食店，但就非常多人，今晚來食嘅時候係滿座！來食左幾個菜式，確係好有水準！麻香爽魚皮灼過嘅魚皮未係全熟，所以食起來好爽脆，而且無魚腥味，反而麻油香味十分特吃！黑椒薯仔牛柳粒炒得好有鑊氣，唔單止牛柳粒唔韌之餘，味道調得適中又炒得香口，連d薯仔同青椒都炒得好好食，全碟清曬！蒜蓉蝦乾蒸勝瓜唔想食炒菜咁寡，所以叫左呢個特別少少嘅菜。勝瓜唔會蒸得過冧，面上嘅蝦乾同蒜蓉令到味道更加豐富！香草芥末奇脆元貝皇今餐飯最驚喜嘅菜式，之前無食過呢個菜式。脆脆裡面加入左芥末調味，加入元貝、菇、茄子一齊煎炒，食起來味道係既有油香又有芥末嘅清新，好特別，d元貝亦都大隻又爽滑！

今日放工同朋友去旺角食宵夜，香港地大排檔太多選擇呢間係食過幾次地點又夠方便嘅叫咗個黃金脆魷魚🦑外層用鹹蛋黃包住脆卜卜之餘魷魚又夠新鮮，超級香鹹蛋味😋😋前菜梗係叫咗個麻辣薰蹄，呢個超好食而且佢個汁好好味😋辣得來又開胃！每次都會嗌一碟老檀酸菜魚👍🏼又夠酸又夠啦啲魚肉又夠新鮮又香滑😄好正好開胃😋😋見到隔離枱叫咗碟呢個黃金磚豆腐🥺外脆內軟，夠豆腐勁滑勁好味再加上點埋陳醋👍🏼另外最後食埋香草芥末奇脆元貝皇，開頭以為係飯粒，但食落脆卜卜咁配埋帶子一齊食！夠晒滿足呀😄

旺角小菜餐館之前成班男人團食過，但未打返評語，今次再帶女友嚟食首先店舖雖然在旺角，但位置未算起眼，所以好容易就會Miss咗，但我食過覺得都算隱世有特色既小店首先先上個麻香爽魚皮，好香既麻油味，魚皮好爽口，配埋芫荽豉油芥辣，好野味，好適合做開胃前食七味豆腐：皮薄脆口，外脆內軟，豆腐夠滑，加上份量都好多，新鮮炸出嚟熱辣辣好好食芥末奇趣元貝：呢味餸應該係廚師獨創，我都係第一次食，首先要讚既係飯焦，好重蒜香牛油既味，非常可口，元貝同蘑類配埋一齊，異常地夾。元貝份量都多算大粒小炒王：超級足料，魚干蝦干非常多，新鮮熱辣送酒一流總結： 我覺得幾有驚喜，除咗份量多，食物質素都唔錯，服務員禮貌好，出菜都快，值得推薦

係廣華做完野，同同事講起好想食中菜，跟住佢介紹左一間隱世中菜餐廳，係條巷仔入面，叫金玉滿堂。由於我地兩個女仔，叫左一個小食，同三個小菜，特登唔叫白飯，食餸飽。哈哈！食左4個餸，整體覺得呢間餐廳好有驚喜，好好食😋特別推介芥末奇脆元貝皇，岀面真係無得食。七味豆腐都一定要叫，我見其他枱枱都會叫七味豆腐呢個餸。哈哈。呢間小菜我一定會介紹其他朋友黎食加上餐廳小菜價錢定價好合理，份量又多，所以性格比真係好高。

好耐冇食住家飯，今日唯有搵間粵菜餐館做晚餐。喺旺角頭搵吓搵吓見到依間細細的小店，唔係好多張枱，但人氣非常旺盛，場面好熱鬧，今日點菜，🔷麻辣薰蹄-麻辣就食得多好小試佩薰蹄，麻辣平均啱啱好。🔶秘製鹽水鹅-鵝味好香，肥瘦啱啱好。🔶啫啫蝦乾娃娃菜煲-香噴噴，夠晒鑊氣,上枱仲係熱辣辣,蝦乾好香好甜。🔶香草芥末奇趣元貝皇-元貝大大隻，配合埋用芥茉炒嘅炒飯，味道非常特別。全部餸份量十足，兩個人啱啱好。😃

旺角成日去，但係旺角煙廠街其實都比較少來，今日去附近工作，然後同同事喺附近食少少野，行吓行吓就發現呢間隱世小店，見佢雖然鋪仔細細但係裏便坐滿人，應該唔會太差，所以就去試一試。今次所點嘅食物全部都係我同事揀，由於大家都唔知食乜好，於是佢哋見到門口有幾款招牌菜，就叫晒佢哋試下😹😹😹 有秘製滷水鵝、麻辣燻蹄、香草芥末奇趣元貝皇、另外點左一個娃娃菜煲。秘製滷水鵝我只食咗一件，因為我唔算太鍾意食鵝，佢嘅味道係比一般嘅滷水鵝嘅醬汁清，肉質感覺新鮮。另外依款元貝皇請發己有驚喜，我食咗中間少少好似用沙律醬味道炒嘅飯一樣，酸酸地但又好脆口，同埋有好多粒元貝。麻辣燻蹄嘅醬汁係甜甜地，唔算好辣。

今日去又無其他人講得咁爆，可能閒日（星期二）！？大家記住用翻Openrice呢度訂位，佢有甜品送，如宵夜有9折！（啱啱我今日用消費卷，所以都有9折）講翻的菜式，本身無諗住食太貴，所以都係叫左的普通餸。。辣酒東風螺欖角冰梅骨七味豆腐蝦乾蒸勝瓜豉椒鵝腸啤酒雖然幾樣嘢都係普通料，但食落真係好味，而且位處旺角，一定好過個的唔大集團，茶記，扮大排檔個的。其中七味豆腐，未食過呢個真係唔好話你自己知咩叫外脆內軟！冰梅骨，見到以為好大舊會好韌，好“鞋”，但食落好滑，好正，個味都特別！蝦乾勝瓜，係普通，但佢地用嘅係好嘅大蝦乾，不是蝦米，正！埋單七百零蚊！抵食！好正！有下次！

今次係第三次去食，都係值得幫手寫個食評嘅！好味道！菜式特別！有心做！而且比第一次有改進！有聽民意🤣👍先彈左先再讚：頭兩次去都係爆場，坐入面。第一次最衰！冷氣唔夠！🥵第二次去有新冷氣！👍但兩次都真係好嘈！好多人！好熱鬧！有小朋友或不接受咁嘈嘅，最好訂位時同佢講唔坐入面，或同佢講聲安排下位置。講翻食，好多樣嘢都要讚！🤩👍比較深刻係有幾樣砵酒桶蠔，真係要食過至明白有幾好食，唔係隔夜蠔唔在講，仲要汁係超好味得嚟無蓋過的蠔咕嚕肉，脆口得嚟好肉，唔係用下欄肉，味道好好七味脆豆腐，外脆內軟滑，必試！好好正！之前都食過海鮮，好正！新鮮！而且有我鍾意嘅黑松露，中菜都好少有，新鮮感十足！會再幫襯希望佢keep到質素！如果想試又真係介意嘈同逼，就真係預早講聲，有個女仔都幾好傾嘅，話可以安排！