豐鮪

营业中

休息中

我其實對拖羅麻麻地，本人比較鐘意三文魚，但網上見由荃灣做到銅鑼灣，又講到唔同部位，好似好專業咁，就試下，又真係幾好味，我對吞拿魚改觀了，呢個價錢呢個質素，真心係唔錯既👍🏻

豐鮪原本只批發拖羅，最近喺銅鑼灣開咗餐廳，將高品質嘅日本拖羅帶俾更多香港人。呢度只賣夢之丼，包含幾款高質日本直送藍鰭吞拿，性價比滿分。如果你同我一樣都係拖羅愛好者，豐鮪係你唔可以錯過嘅地方。Bubu推介🔥👍 夢之丼 $158夢之丼包含新鮮日本藍鰭吞拿大拖羅、中拖羅、赤身同埋吞拿魚蓉燒賣。所有拖羅都係新鮮日本直送，品質保證。拖羅肥美，入口滿口油香，新鮮且品質優良，令人食完一片又一片。而且你都可以選擇壽司醋飯或加入加入黄蘿蔔、壽司薑、芝麻嘅豐漬香飯，令成個丼飯更加豐富多樣。加多$15仲可以有埋蟹味噌茶碗蒸、味噌湯或汽水，性價比極高，物超所值🌟🌟🌟📍豐鮪銅鑼灣渣甸坊30-36號利發大廈地下5號鋪

從來未吃過這麼薄的魚生片，相比外面魚生片10件還要薄.買回家吃，我已經五分鐘之內回到家裏，同埋不是很新鮮，他的服務態度是很好的，但新開的店鋪竟然這樣做，哪會有回頭客。不相信不妨一試！

豐鮪專賣高質藍鰭吞拿魚，藍鰭吞拿魚係原條由日本直送👍🏼 一次過試曬赤中大😍 燒賣係用吞拿魚蓉製成👍🏼 最推介大拖羅 肥美嫩滑👍🏼 中拖羅油份及魚味最平均✨ 赤身魚鮮味最突出🥰 豐漬香飯可減去魚油嘅膩✨夢之丼 $158: 有大拖羅1切、中拖羅3切 、赤身3切、魚蓉、燒賣*跟餐 +$15 (蟹味噌茶碗蒸+味噌湯/汽水): 蟹膏茶碗蒸好嫩滑又香濃🦀可選擇日本特級米飯底：* 壽司醋飯* 豐漬香飯（碎切：黄蘿蔔，壽司薑，芝麻）

唔少身邊朋友係長假期都去咗日本旅行, 令我非常回味日本拖羅刺身。有同事提到, 銅鑼灣巷仔有間隱世小店, 地點不起眼, 只獨賣一款丼飯, 最吸引嘅賣點就係日本空運直送抵港原條新鮮藍鰭吞拿魚, 價錢平到百幾蚊就可以食齊大中拖羅同赤身。價錢咁抵, 於是放工帶埋媽咪去試試!餐廳面積好細, 全自助電話落單同付款,每碗夢之丼只係HK$158, 包括有大拖羅一切、中拖羅3切、赤身3切、吞拿魚蓉燒賣。 +$15升級套餐, 附有蟹味噌茶碗蒸同埋味噌湯/汽水蟹味噌茶碗蒸: 茶碗蒸上加上蟹味噌, 味道甘香鮮味, 茶碗蒸香滑, 有淡淡蛋香, 入口即化, 加入了幾件日本魚蛋片。味噌湯濃度剛好, 唔會太淡/太鹹, 有海帶同腐皮。夢之丼賣相吸引, 刺身整齊覆蓋了飯底。吞拿魚蓉燒賣: 綿密吞拿魚蓉以薄薄燒賣皮包住。赤身: 三款之中油份較少, 魚味香濃, 非放題般的有如橡皮膠乾乾的質素。中拖羅: 魚油比赤身豐富一點, 魚質再嫩一點, 口感滑膩, 魚味相比更濃。大拖羅: 油花均勻, 魚油甘香鮮味, 但未至於咀嚼時成口油, 油份豐富得黎夠哂滿足!飯底選用日本特級米, 分別有壽司醋飯同埋豐漬香飯豐漬香飯含碎切黃蘿蔔、壽司薑、

真的沒有想過在銅鑼灣核心地段，用$158元就可以吃到一個拖羅丼飯。這𥚃只出售一款丼飯 - 夢之丼，有一片大拖羅，中拖羅及赤身各三片，飯底有壽司醋飯或加入了黃蘿蔔，壽司薑，芝麻的豐漬香飯 。強烈建議加$15，配蟹肉噌茶碗蒸和味噌湯，因為茶碗蒸上的蟹味噌已值回票價。夢之丼 - 大拖羅顏色粉嫩，油份豐膩，值得慢慢品嚐箇中味道，中拖羅肉質細緻，魚味鮮甜，至於赤身，通常都不大討好，但這𥚃的赤身肉質和味道都很高質，肉味很濃，質感幼滑。飯底有壽司醋飯或豐漬香飯，如果喜歡口感豐富些，可選擇豐漬香飯，飯粒夾什著芝麻，黃蘿蔔和壽司薑粒，食落有多重口感。此外加$15, 就有蟹味噌茶碗蒸和味噌湯，真心抵食又好食。

個套餐有沙律+湯+ 拖羅（吞拿魚）+飯+1粒魚蓉燒賣+蟹肉茶碗蒸 最中意係蟹肉茶碗蒸拖羅又厚又大件🤤🤤 推介 蟹肉茶碗蒸 拖羅 個飯酸酸甜甜 好開胃其他都好食套餐份量適中 價錢抵食 值得試下

呢間位於銅鑼灣嘅日本料理餐廳都幾特別，因為佢只係得一個餐，啱晒啲有選擇困難症嘅人🤣雖然佢只係得一個餐，但性價比極高‼️而且非常好食👍🏻🌟夢之丼佢每一塊拖羅都非常之新鮮🍣而且入口即溶，超級好食，而且可以揀選燥飯定係茶漬飯，我自己就揀咗茶漬飯。佢啲日本米夠煙韌。另外只需要加多$15就可以有麵豉湯、沙律同埋蒸蛋，佢嘅蒸蛋係我食過咁多款以來最好食嘅蒸蛋，而且啲菜好新鮮，佢嘅定食絕對扺加冇誇張🍱

銅鑼灣食到百幾蚊既高質魚生飯, 真係講出黎好難令人信服所以決定俾個好評,將呢間出色既小店發揚光大夢之丼真係無改錯名, 非常夢幻既組合同埋非常夢幻既價錢丼上面鋪左1 片大拖羅, 3片中拖羅, 3片赤身, 魚蓉燒賣但賣緊既只係赤身丼既價錢吞拿魚處理得好好, 食落肥美順滑無筋店舖選用既都係黎自日本既養殖場, 保證吞拿魚養得肥肥白白魚肉完全無任何腥味, 即使係赤身不含油脂既部位都做到軟中帶綿中拖羅, 大拖羅兩款油花多D, 當然就入口即化係日本專賣一樣食品既餐廳, 相信大家都唔會意外但係香港咁做真係藝高人膽大, 亦都證明餐廳對自己出品既認真同埋信心豐潰香飯由碎切黃蘿蔔, 壽司薑, 芝麻拌好呢個飯好似海南雞要配油飯一樣, 同魚生片相得益彰跟餐+$15蟹味增茶碗蒸, 味增湯呢15蚊真係唔慳得, 個茶碗蒸絕對遠超15蚊既水準茶碗蒸滑過豆腐花 配埋蟹味增既滑溜豐腴香濃甘香既味會停留係口腔好一段時間連飯底同配菜都咁認真, 餐廳真係對得起專門店3隻字食完之後係會不自覺因為食到好食既野而開心簡單既快樂

見FB group有人講開呢間店專食拖羅丼今日去開銅鑼灣，就去試下新店門面擺咗吞拿魚display，好有日本feel店内全是木枱木椅，簡約中好有置身日本食堂的感覺而店舖中掛上大電視，不斷播放他們處理原條吞拿魚，及講解吞拿魚不同部位。全店只有一款拖羅set $158，加15有茶碗蒸及飲品/麵豉湯麵豉湯 味道普通偏咸 一般般蟹麵豉茶碗蒸 有蛋味，好滑，蟹麵豉同蛋好夾，味道合格有餘拖羅丼 主角上場真係有点令人失望，有兩大片勁多根而且帶血点。放在頂,包到成粒燒賣咁款的吞拿魚蓉，只是薄簿一層，下層是飯，係方便食。不過似係一早包定，啲飯帶點硬，完全敗筆。 呢三片,我要研究左好一陣，係咪中拖?!🙄之後問店員，係腦天後面的部位切出來，因為中拖的部位有限，所以有時會搭咗其他位。味道算係肥美，但真係好多根囉😥一千零一片嘅大拖，係肥美鮮味，但可惜薄薄的一片也有一條根😑赤身三片係最對辦的，軟滑帶鮮味總括而言，$158食到一碗有吞拿魚不同部位嘅丼飯唔係貴，但好抵又稱不上，始終我食咗一碗不似預期的拖羅丼😶而且飯嘅份量略嫌少，埋單後有向店員反映，佢話下次可以叫佢加多啲飯。但唔知有無下次😆怕再一次食一碗不似預期的拖羅

夢之丼 - 夢幼般的組合！這家位於銅鑼灣渣甸坊的丼飯專門店，簡單直截，專一專注，餐牌上只獨賣一款「夢之丼」。餐廳從日本空運原條新鮮藍鰭吞拿魚直送抵港，在成本控制上能夠做到$158 的價錢，就可以享受到大拖羅一切、中拖羅8切、赤身8切，及吞拿魚蓉燒賣的夢之丼，米飯更有兩款選擇，分別是壽司醋飯或豐漬香飯。另跟餐+$15，附有蟹味噌茶碗蒸及味噌湯/汽水。餐廳採用了一站式自助電話落單及電子付款，既可省卻人手，落單付款快捷方便。夢之丼（$158 +$15 跟餐）夢之丼包含了大拖羅一切、中拖羅八切、赤身八切，及魚蓉燒賣。大拖羅 - 油花均勻的大拖羅，入口即溶，魚脂甘香，肉質肥美。中拖羅 - 脂肪雖然比大拖羅少，但油份恰到好處，魚味濃郁，口感滑膩。赤身 - 雖然是赤身，但完全沒有比下去，油份雖然較少，但魚肉的味道香濃，肉質也比坊間一般的赤身幼滑。魚蓉燒賣 - 吞拿魚蓉幼滑，用薄薄的燒賣皮包住。壽司飯 - 可以選擇壽司醋飯，或豐漬香飯，飯底加入了黃蘿蔔、壽司薑和芝麻。蟹味噌茶碗蒸 + 味噌湯 （$15）茶碗蒸上加上蟹味噌，蟹膏味令茶碗蒸大大提升。Storefront Menu

今日正午到訪，小店位於－街角，人山人海，原來做promotion 買一送一。這餐廳裝修樸實，座位比較狹窄，但羊毛出自羊身上，少了華麗裝修，他們的拖羅丼定價又的確做得親民。這兒是scan QR code 下單，再用電話付款的。夢之丼$158由於這天買－送－，而我又是一個人，所以這夢之丼是兩份魚生飯的魚生份量，魚生double up! 這碗飯有十二三片厚切魚生，超足料！這天沒有拖羅茸，也沒有沙律或茶漬飯，但仍有赤身、中拖羅和大拖羅。赤身色澤明亮，也十分新鮮柔軟；中拖羅軟滑厚身，又帶魚油風味；大拖羅完全無筋，算不上入口即溶的那－種，但滿帶魚脂，有－點豐腴油潤，再吃一口醋飯，真滿足！十分超值！

見到壽司關注組咁多人post, 當然要來探個究竟啦!依間壽司店「獨孤一味」, 只有日本直運的吞拿魚!今日仲要係佢地開張的日子,做緊買一送一優惠, 而我緊係唔可以錯過依個機會啦!跟老闆位兄弟對話 (唔記得細佬/哥）原來老闆做左批發10年有多, 會向唔同餐廳提供吞拿魚。佢完條拎返黎, 中間無再隔住批發, 會平點, 新鮮點, 先做到 「大拖+中拖+赤身」一碗飯賣$158夢之丼係真係好味. 拖羅腩位好夾, 有少少入口溶嘅感覺。算係難得, 可以食到咁好味, 無咩腥味嘅吞拿魚, 係赤身有少少。建議赤身可以火炙, 避走腥味?網上有人質疑老闆刀功, 同食物賣相。不過我食落無根。而賣相, 可能因為碗野無葉無薑無漬物配襯, 所以遲下或者可以加少少三文魚子, 同埋紫菜? 令碗飯豐富點, 封住網民把口。招呼可以做得更好可能第一日, 所以佢地比較亂。1. 個叫餐QR code比較細, 仲要係台邊, 我搵左一陣, 反而牆上面個ig QR code好大。你第一個動作應該先方便個客點餐！2. 話晒開張, 留下第一印象好重要。排隊時, 老闆個朋友不斷出入斟茶, 而排隊的我好口渴, 佢地人手係夠, 同埋排隊嘅人唔係好多,

真係好食到爆！每塊魚都鮮到不得了，一碗飯就有幾件拖羅，每件都入口即溶。即使係紅色嘅赤身都好鮮好多油花，超滑！咁嘅質素真係唔知邊度有，聽聞呢度老闆之前係做批發，成條魚直接由日本飛機進口。佢話隻係日本藍鰭吞拿，出面香港果d吞拿魚如果無講明係日本藍鰭就根本唔同級數，來貨價錢可以差兩三倍。一分錢一份貨，其實食過就明，講咁多無用。仲有加$15就有個蒸蛋同湯，個蒸蛋入面有蟹糕，蟹嘅鮮甜味加上蒸蛋嘅香滑真係不得了。 講真， 淨係食個蒸蛋經已可以好滿足。唔知做乜收咁平，仲要係銅鑼灣....感覺應該可能遲d 會加價…

呢間餐廳淨係買一款丼飯已經座無虛席🥹夢之丼（$158）性價比超高！一個價錢就食到三款吞拿魚～包括一片大拖羅、三片中拖羅同埋三片赤身😋咁係因為佢哋採購嘅時候係成條吞拿魚採購，所以就會用一個比較相宜嘅價錢食到晒咁多款式😍其中我最鍾意嘅係中拖羅，完全冇筋，而且入口即溶得來又冇大拖羅咁肥😆赤身有微微嘅鐵銹味食得好開心🫶佢仲有兩款飯可以揀，可以選擇壽司醋飯或者漬飯，如果鍾意飯有味嘅話揀後者會比較啱！另外加$15仲會有蟹味噌茶碗蒸同埋麵豉湯配搭😀強烈建議要加來試吓呢個咁好食咁滑嘅茶碗蒸啊🫡