豆公館

营业中

休息中

點了一個熱開心果豆腐花 + 老乾媽炒麵～熱開心果豆腐花（$42）：豆腐花好香滑，豆味香～ 開心果醬杰身，開心果味出，但唔會太甜，有勁多開心果仁鋪面，每一啖都係滿滿嘅開心果，食晒成碗都唔覺得好膩，令人好滿足～ 推介！除咗開心果豆腐花，都有好多唔同款式嘅豆腐花選擇～ 有傳統口味（例如：薑汁豆腐花、黑芝麻豆腐花）、鹹味（例如：招牌麻婆豆腐）、養生系列（杞子元肉紅棗黑糖豆腐花、紫薯紅棗雪耳豆腐花、麥芽黑糖桃膠花生豆腐花）老乾媽炒麵（$36）：少少辣，有好香嘅豆豉味同鹹香嘅XO醬感覺，炒麵配有洋蔥絲同蔥粒，香口但唔油膩，麵條好爽身，味道好均勻。如果唔想太辣，可以落單時，同職員講，會落少啲老乾媽醬。店舖設有最低消費，每人需要消費一杯飲品另外店舖無八達通付款，收現金或其他電子支付

🌸招牌麻婆腐皮蛋餅 $38🌟🌟🌟🌟🌟這個麻婆腐皮蛋餅也是必吃，麻婆醬不算太辣，表面還配搭榨菜，腐皮蛋餅內包裹着(素菜)，爽口惹味。🌸滷水豆腐豆卜$28🌟🌟🌟🌟🌟豆腐滷得好入味，豆卜也索晒滷水味道🌸特盛老乾媽炒麵 $58🌟🌟🌟🌟🌟這個老乾媽炒麵大大碟，拌好老乾媽醬料及棉質比較乾身，非常惹味。🌸鐵板蛋煎腸粉 $26🌟🌟🌟🌟🌟這款鐵板蛋煎腸粉非常特別，炒蛋包裹着腸粉再配搭混帳，及配菜洋蔥，非常惹味。🌸薑汁豆漿 $22🌟🌟🌟🌟🌟薑味十足，帶點薑的辛辣，飲完個人暖笠笠。🌸杏仁豆漿 $22🌟🌟🌟🌟🌟超濃郁杏仁味道，杏仁配搭豆漿也非常滋潤。🌸黑芝麻豆漿 $22🌟🌟🌟🌟🌟超濃郁黑芝麻味道，豆漿也比較厚身。🌸杞子元肉紅棗黑糖豆腐花 $42🌟🌟🌟🌟🌟這個配搭非常特別，而且非常滋潤，真材實料，味道也能昇華咗豆腐花豆香味及非常滑捋捋。🌸開心果豆腐花 $42🌟🌟🌟🌟🌟滿滿開心果碎及滿滿開心果朱古力醬在豆腐花上，估唔到這個配搭非常之好味，豆腐花亦非常之滑溜，開心果果醬及開心果碎沒有完全遮蓋豆腐花的豆香味。

今日同朋友行完旺角，就來了這間餐廳吃晚餐。老乾媽炒麵（$36）：老乾媽的辣椒醬結合炒麵的彈性麵條，讓整體味道更加豐富。辣味不會過於猛烈，反而給人舒適的刺激感。炒麵的麵條經過適當的火候煮製，外焦內嫩，吃起來具有嚼勁，與醬汁相得益彰。鐵板蛋煎腸粉（$26）：鐵板煎焗的腸粉外脆內嫩，雞蛋的包裹使其軟滑的口感更加豐富。當咬下去時，腸粉的彈性和雞蛋的柔滑搭配得宜，令人滿足。吞拿魚芝士蛋餅（$38）：吞拿魚的鮮美與芝士的濃郁相結合，使每一口都帶來豐富的口感層次。蛋餅的外皮薄脆，而內餡則滑嫩，咬下去時整體口感兼具嚼勁和滑順。吞拿魚的鮮味與芝士的乳香相輔相成，味道非常和諧。魚肉煎豆腐魚肉的鮮嫩與豆腐的滑嫩相得益彰，咬下去時，魚肉的鮮香與豆腐的細膩相互融合，讓人感受到層次豐富的口感體驗。煎至金黃的豆腐邊緣帶有微脆的口感，更增添了整體的風味。紫薯紅棗雪耳豆腐花：豆腐花的滑嫩與雪耳的脆嫩形成鮮明對比，讓人享受到多重口感的層次感。紫薯的細膩和紅棗的甜香也為整道甜品增添豐富的嚼勁。紫薯的自然甜味與紅棗的醇厚相輔相成，甜而不膩。雪耳則帶有淡淡的清香，使整道甜品在享用時不會感到過於油膩，反而更清爽可口。杞子圓肉紅棗

平時成日行過都見到呢到排哂長龍，睇佢招牌以為係糖水舖，點知原來係各款既台式小食供應添，真係一應俱全仲要可以等大家行街行到攰坐低慢慢食，怪唔知得咁深得大家喜愛🤩。🐒招牌麻婆腐皮蛋餅💰$38🐒鐵板蛋煎腸粉💰$26🐒開心果豆腐花💰$42今日得自己一個但都好貪心咁想試唔同既野，所以嗌左2款小食同一個我勁期待既豆腐花，食完真係勁滿足佢地蛋餅有咸有甜，而特別啲嘅就有我呢款麻婆腐皮蛋餅同埋開心果蛋餅，但因為我想食開心果豆腐花，所以費事全部都係甜就揀左辣蛋餅試下🌶️而鐵板蛋煎腸粉會加埋麻醬落去炒，所以食落都有濃郁既花生醬味上網睇咗食評話開心果豆腐花勁正，果然冇令我失望，開心果醬同豆腐花勁夾，食落完全唔會膩，反而係岩岩好我覺得好適合一大班朋友過嚟，因為咁樣就可以試晒佢哋唔同嘅嘢，同埋可以滿足晒鍾意食咸食同甜食嘅朋友🧑‍🤝‍🧑而且佢哋份量唔算好大，所以就算得兩個人都可以嗌唔同嘅嘢試吓

-招牌麻婆腐皮蛋餅 $38特色蛋餅，第一次食麻婆味嘅蛋餅，口感好新鮮🤣但又唔會唔夾，蛋餅皮薄餡靚，啖啖抵好足料！仲有三大舊，覺得可以兩個人一齊share！-老乾媽炒麵 $36超大碟🤣同一般豉油王炒麵味道唔同，口味比較淡，拎黎送蛋餅同粥品或者較重口味嘅小食非常合適！可以中和返～-熱黑芝麻豆漿 $22個底仲有好多黑芝麻！入口超滑🤤仲有小小豆皮係入面，好養身！飲多幾杯抵不失為過👍🏼仲有其他特色小食同甜品㗎！有興趣可以一試～

係家樂做完Facial 見到對面新開呢間小食店D野食几特别 又唔貴分量唔多 樣樣都好想試下🤣招牌麻婆腐皮蛋餅（軟身而又香口 又唔太辣 醬唔洗好多都好夠味）魚肉煎豆腐（普通 唔差）老乾媽炒米粉（呢個 自己好喜歡 炒得剛好乾身而略帶少醬汁）呑拿魚煎蛋刈包（個流心蛋好正 同呑拿魚好夾）麻辣鐵板蛋煎腸粉（喜歡麻辣比較fit 佢撈渾麻辣醬我地叫左招牌招牌麻婆腐皮蛋餅 所以over左)開心果豆腐花 真係好值得推介去食一見到已到好開心😄個味道好好味少少甜帶碎碎好多開心果（有金紗朱古力味）

旺角。。原來開咗一間專食豆腐嘅店舖，見到裝修唔錯，有點特別，就入咗去試吓，點餐有呢啲選擇。。先試咗佢嘅魚肉煎豆腐，不過不失。叫咗兩杯豆漿，一杯杏仁豆漿另一杯係黑芝麻豆漿，豆味香濃，入口順滑，唔錯。另外一款肉鬆蛋餅，包有香蔥，蘿蔔，感覺幾健康。另外叫咗個老乾媽炒麵，第一次食老乾媽，原來都幾辣，炒麵份量都幾多下，好飽，好香辣。另外一款較特別，吞拿魚煎蛋刈包，刈包很鬆軟，咬落去蛋汁流晒出嚟。最後試咗一款麥茶麥芽桃膠豆腐花，好特別好清新，豆腐花很滑，加上桃膠同麥芽很有口感。支持一下，香港小店，如果佢嘅抽風系統做得更加好，就更加好啦。

諗起食豆腐花都系好有風味既街邊老字號 系好有風味 但唯一可能唔好既就系坐唔耐呢間新式既豆品店帶帶台灣風味 環境舒服 乾淨企理 有唔同既特色豆品 除左原味豆腐花 仲有唔同味道 薑汁 / 黑糖…. 近期最熱門既開心果都有😋開心果蛋餅 ($42.0)⭐️⭐️⭐️⭐️⭐️ 開心果蛋餅的外皮酥脆，內餡則是搭配左香濃的開心果，口感十分獨特。每一啖咬落去都超多nuts 同醬🥰必吃老乾媽炒麵 $36 ⭐️⭐️⭐️⭐️ 老乾媽炒麵是一道經典的快餐選擇，醬香濃郁，麵條彈牙。每一口都能感受到老乾媽的獨特風味 香辣惹味旺角吞拿魚煎蛋刈包 ($28.0)⭐️⭐️⭐️ 吞拿魚煎蛋刈包是創新的結合，外皮軟嫩，內餡鮮美薑汁豆漿 ($22.0)⭐️⭐️⭐️⭐️ 呢杯薑汁豆漿熱熱地，喝下去暖心暖胃。薑的辛辣系冬天飲岩哂👏🏻 杞子元肉紅棗黑糖豆腐花 ($42.0)⭐️⭐️⭐️豆腐花滑嫩，配上杞子、元肉和紅棗，不僅美味，還充滿了營養。黑糖的香甜更是為這道甜品增添了層次感，讓人忍不住一口接一口。開心果豆腐花 開心果豆腐花⭐️⭐️⭐️⭐️⭐️是一道將傳統豆腐花與開心果結合的創新甜品，讓人一試成主顧 豆腐花質地滑嫩，入口即化，搭配上香脆的開心果醬同nuts 帶來了豐富的口感 唔

平時行過旺角會聞到好重既臭豆腐味，今日行過少少聞到好香既豆奶味，原來依個位開左間新式豆品店，一於約埋朋友試下佢。 單品唔貴，20~40就有交易，算平。開心果蛋餅，依個一定要叫，有大量既開心果醬，真係食到碎粒既開心果！面頭亦加左朱古力，估唔到甜食蛋餅竟然甘好食。魚肉煎豆腐，魚肉同豆腐分別煎香再組合上，有附送鼓油，本身鮮味都夠，唔錯。 滷水豆腐豆卜，滷水味濃，中意重口味既一定要試。 炒米粉量大，米粉本身炒到好香，本人中意加少少辣醬食，惹味。 吞拿魚芝士多士，多士煎到香脆，面頭有大量吞拿魚蓉加芝士醬，芝士應該焗過有好靚既黃金色。 味道唔洗講，吞拿魚加芝士正。食完主食當然試埋佢地既豆腐花，叫左兩款比較特別既。黑糯米豆腐花 - 面頭有大量黑糯米，軟軟糯糯，豆腐花夠滑。泰茶麥芽桃膠豆腐花 - 除左有茶香，仲有大量椰絲，組合埋一齊又幾夾，可以一試。 總括而言依間新式豆品店食物同價錢都唔錯，幾高性價比。菜色有特別諗過，好有誠意，下次會再黎。

今日喺旺角家樂商場附近見到有間新嘅餐廳，叫做「豆公館」，我非常鍾意食豆腐花，同埋豆類製品，見到有新鋪，即刻衝入去。餐廳提供好多小食，種類繁多，我哋叫咗一份「肉鬆蛋餅」、「魚肉煎豆腐」、「老乾媽炒麵」、「柴魚花生粥」、「鐵板蛋煎腸粉」、「鹹牛肉芝士多」。魚肉煎豆腐係店舖推介菜式，豆腐非常香滑，新鮮，魚肉係調咗味，配合嫩滑嘅豆腐一齊食，好惹味。另外煎腸粉同樣出色，加咗醬油入去炒，好香口，好惹味，大大碟，好抵食。除此之外，我非常推介肉鬆蛋餅，餡料十足，有台式風味。飲品方面，我揀咗熱嘅「無糖豆漿」、同埋「杞子圓肉紅棗黑糖豆漿」，豆漿嘅豆味好突出，即日新鮮製造，配合紅棗黑糖，少少甜，好好味，而且好補身。甜品方面，我叫咗「開心果豆腐花」，超濃嘅開心果醬，上面仲有開心果脆粒，豆腐花非常香滑、新鮮，一定要試。另外一款係「紫薯紅棗雪耳豆腐花」，味道比較甜，紫薯味濃郁，鍾意甜食嘅一定會愛上。

上網見到有人講呢一間餐廳，主要係食豆製品，又好似台式嘢咁，難得喺旺角有間裝修得靚又闊落嘅食肆。價錢方面多幾大眾化，叫到成枱嘢食都是不過係每人$100左右。 肉鬆蛋餅($38): 呢個係第一度上嘅菜，上菜之後我同朋友都不禁有啲驚訝，估唔到呢個價錢可以食到個賣相咁靚嘅蛋餅。而且用料好足，入邊有唔吝嗇嘅肉鬆之餘，亦都有芽菜。但係就唔會似台中嘅食物咁樣偏甜，都幾大眾化嘅味道。滷水豆腐豆卜($28): 每樣有兩舊，自己覺鍾意滷水豆腐多啲，好難得入邊都係入哂色同埋入晒味嘅，而且亦都食到有豆香味道。豉油王炒麵($26): 相比起前兩道菜，可能食到個人standard高咗，所以就冇咁驚訝，但係都食得到好香嘅鑊氣。本身覺得會多少少配菜，但係人哋都叫自己做豉油王炒麵，所以唔可以expect太多😂麻辣鹹牛肉芝士刈包($28): 又係賣相靚而且好食嘅。鹹牛肉份量多之餘，而且麻辣味較得啱啱好，反而係會令人想繼續食落去嘅味道。鐵板蛋煎腸粉($26): 上菜嘅時候呢一道菜勁靚仔，見到每一條腸粉都沾上左蛋嘅脆香，但係自己可能食慣港式嘅煎腸粉，慣咗多麻醬多甜醬多辣醬，所以就覺得呢道菜爭咁少少味。原味豆漿($12),薑汁

今日同朋友行過家樂坊見到有間好靚嘅香港荳品廠，間荳品廠係用優質嘅加拿大大豆製造。我同朋友食完都覺得佢廚師水準高質，諗到特別嘅荳品料理。我同朋友揀咗-招牌麻婆豆腐花呢個係一個鹹嘅豆腐花，麻婆豆腐花口感柔軟，麻辣味十足，豆腐細膩與醬汁濃烈，係必試嘅豆腐花。-魚肉煎豆腐新鮮魚肉和嫩滑豆腐，外脆內嫩滷水豆腐滷水豆腐味道醇厚。滷水香氣滲透豆腐老乾媽炒米粉呢碟炒米粉，令人喜出望外，佢嘅配料揀得非常之好。辣味恰到好處，份量大，食完呢碟米粉再要多個豆腐花都已經飽。柴魚花生粥柴魚花生粥清淡而滋養，粥體滑順。杞子元肉紅棗黑糖豆漿呢個豆漿係一定要試，女仔一完要試，杞子和紅棗增添了健康元素，黑糖香氣提升了整體口感黑芝麻豆腐花開心果豆腐花豆腐花獨具創意，開心果堅果香增添了新鮮感和口感層次。豆公館不止係一間香港特色嘅早餐店，仲係大家宵夜嘅好去處。

今日出咗旺角 見到呢間荳品店裝修充滿木元素 同普遍以白色裝修為主嘅荳品店唔同嘩，仲有$20早餐非常勤力呀呢間小店menu都有用心設計見到有開心果豆腐花、泰茶麥芽桃膠豆腐花、杞子圓肉紅棗黑糖豆漿、麻婆腐皮蛋餅非常特別！決定要入店試試佢！開心果豆腐花 好多醬，充滿香濃開心果味！上面嘅開心果粒粒都係脆嘅，唔會漏晒風！泰茶嗰款啲桃膠好大粒，份量都比得好多！非常大方！而味道方面亦唔會太甜，唔錯！蛋餅熱辣辣駕到個味道就係麻婆豆腐嗰種麻麻辣辣嘅味有啲榨菜蔥同埋花生粒喺面入邊夾住啲芽菜balance下唔會膩太耐冇食老乾媽所以我另外叫咗個老乾媽炒麵朋友唔食辣，所以佢叫咗個蘿蔔糕同埋餐蛋刈包填肚蘿蔔糕香甜，唔會好粉煎得脆脆地之餘又唔會油淋淋整體控制得幾好而老乾媽炒麵有鑊氣之餘唔會炒到乾噌噌濕潤度都幾好朋友個包有少少煙韌隻蛋煎得好靚，餐肉一係煎到脆脆地塊生菜一睇就知道係新鮮唔係梅朋友拎住手係咁食冇放低過🤣總括嚟講 小店值得支持！呢啲新派嘅荳品店都可以帶屋企人嚟試吓

老乾媽炒麵，帶點辣炒得夠晒惹味，加添了洋蔥同豆豉令味道更豐富。開心果蛋餅，開心果醬鋪滿蛋面上，入口甜甜咸咸的又幾夾喎。喜歡食開心果的必點🫢。蘿蔔糕，有少許蘿蔔絲跟臘味，煎得脆香可口。魚肉煎豆腐，魚肉煎香，豆腐入口嫩滑，都唔錯。麻辣鐵板蛋煎腸粉，煎得剛好唔會過火，帶點辣令人食得開胃。薑汁豆腐花，薑🫚汁夠晒濃，豆腐花亦夠滑，天氣涼咗，食番碗個人感覺暖笠笠。薑汁豆漿、黑芝麻豆漿同原味豆漿，甜道適中又順喉。

這家小食店主打各種小食，豆腐花更是推陳出新，品種多樣，好吸引我入去一嘗！### 開心果蛋餅撒了滿滿的開心果粒粒，散發出開心果香，一看就喜歡上了！咬下去，蛋餅的外皮脆度剛剛好，內部包住甜絲絲的餡料，香甜脆口，絕妙的口感！### 肉鬆蛋餅這款的外皮輕薄柔韌，裡面包裹著豐富的雞蛋和香噴噴的肉鬆，讓人食慾大開！### 鹹牛肉芝士蛋餅咬下去時，牛肉的鹹香與芝士的奶香在口中交織，好味！### 麻辣鹹牛肉芝士刈包包內的牛肉經過麻辣調味，而芝士的加入則增添了一層濃郁感，入口就是麻辣的刺激與芝士的順滑！### 吞拿魚煎蛋刈包一整個煎蛋好滑嫩，融合吞拿魚的鮮味，是健康飲食的好選擇！### 鐵板蛋煎腸粉豆公館的腸粉比較特別，長長細細，表皮略帶焦香，而且還裹上了煎蛋，咬起來腸粉彈牙焦脆！### 麻辣鐵板蛋煎腸粉這款是加了麻辣的味道，讓人感受到一種全新的味覺衝擊！### 紅豆沙豆腐花豆腐花做得相當出色，細膩滑嫩，選擇多樣，在別的店真找不到這麼獨特齊全的豆腐花！### 奶油多多士上面的奶油質地絲滑細膩，濃郁的奶香！豆漿的豆香味醇厚！