豆公館

# 🍜【旺角豆公馆】台式小确幸＋浓郁豆腐花的完美结尾 今日放工同老婆行到旺角登打士街，无意中见到间叫**「豆公馆」**嘅小店，门口干净企理，装修好简约，有啲台湾怀旧风，木枱木櫈配暖黄色灯光，感觉好舒服。坐低冇几耐就已经闻到好香嘅豆味，成间铺都有淡淡嘅豆浆香气，环境清新干净，完全冇油烟味。 ---## 🍚 **台式肉松肉燥蛋饭（$62）**呢碗饭一上枱已经好吸引！用金属碗盛起，热气滚滚。饭面𠮶层**肉燥香味超浓**，肉燥煮得好入味，咸香中带少少甜，好台味。 上面再加厚厚嘅猪肉松同一只半熟太阳蛋，一戳落去啲蛋黄慢慢流出，混埋饭同肉燥一齐食，好邪恶但好滋味🤤。 整体味道平衡得好好，唔会太油腻，份量又够——一碗可以食得几饱。 ---## 🥞 **麻酱鸡丝蛋饼（$48）**好耐冇食过台湾style蛋饼，见到就忍唔住要叫。 蛋饼皮煎得金黄色，咬落去外皮脆脆地，入面软糯，鸡丝分量出奇地多。 淋上嘅**麻酱超香、又滑**，每一啖都有浓厚芝麻香气。 老实讲，一咬落去真系好有台湾夜市feel，完全唤起去台湾旅行食早餐店嘅回忆。 ---## 🍜 **葱油鸡丝捞丁（$49）**呢个真系童年回忆，因为好耐冇食过捞丁！ 捞丁用嘅即食面煮得刚刚好，唔会烂，捞汁咸香惹味。 上面堆满咗葱花、鸡丝同炸蒜碎，香气好足，睇得出用料唔手软。 整体味道非常地道，邪恶得嚟又好好食😋。 ---## 🥛 **姜汁豆浆（$28）**一饮落去姜味几重，**姜味浓烈但唔呛喉**，豆味又够。 冬天饮一啖成个人都暖晒，好啱夜晚慢慢叹。 ---## 🍮 **豆腐花 — 今日主角！**讲真，嚟「豆公馆」唔食豆腐花就等于白嚟！### 💚 **开心果豆腐花（$46）**一上枱已经闻到开心果香，卖相好靓，上面铺满碎开心果仁。 豆腐花系暖嘅，滑滑嫩嫩入口即化，开心果酱**香得嚟好浓郁、仲有坚果香气**，成个配搭超夹，好有层次感。 食到最后一啖都仲觉得意犹未尽。真系今餐嘅最大惊喜！🥰 ### 🧡 **冻杨枝甘露豆腐花（$49）**冻版豆腐花口感比较实少少，豆味会轻啲，但胜在配料好丰富。 上面有芒果肉、柚子肉同椰汁，酸酸甜甜又清新，夏天食一流～ 虽然冇开心果𠮶碗咁惊艳，但都算好 refreshing！ ---## 💬 **总结评价**> 「豆公馆」系一间好有诚意嘅台式小店。环境干净企理，食物好有水准。 > 尤其系豆腐花，真系可以讲系全场灵魂✨。 📍 **地点**：旺角登打士街43号登打士广场地下3及5号铺 💵 **今餐埋单**：$282／两个人 ✅ **推介必食**：开心果豆腐花、麻酱鸡丝蛋饼、姜汁豆浆 🌟 **整体评分**：9/10 最后讲句真心话：以呢个价钱食到咁高质嘅豆味甜品加台式小食，**抵到烂！** 之后一定会再嚟试佢其他款豆腐花～…查看更多

今日约咗同事做嘢前食啲嘢见到最近新开咗呢间豆品店由细到大都钟意食豆类制品嘅我拣咗试吓 有别传统豆品店嘅装修呢间比较有现代感 浅木色系为主令人感觉干净舒服 嘢食种类唔多有啲似台湾早餐几点都食到- - - - - - - - - - - - - - - - - - - - - - - - 1. 老干妈炒米粉老干妈本身系辣酱 可以用嚟捞饭唔算好辣 带有少少花椒麻辣同埋注意:几重豆豉咸香XD个人系几钟意 捞落米粉正过捞饭即叫即喺铁板上炒 热辣辣咁上枱米粉质感食落唔会太硬2. 肉松蛋饼蛋饼都系即叫即喺铁板上煎先将葱同蛋汁倒落蛋饼见到成块煎蛋喺蛋饼上形成最后加咗好多肉松制成蛋饼外皮煎到金黄 内馅丰富淋咗少少甜甜哋蛋饼酱油膏提味3. 黑芝麻豆腐花其实系好钟意食豆腐花同黑芝麻觉得两样黑白相间配搭加埋好夹最欣赏佢面头洒咗好多黑白芝麻入口𠮶阵食到豆腐花嘅滑嫩伴随黑芝麻酱散发嘅芝麻香仲有芝麻碎碎 又多一层口感4. 热杞子元肉红枣黑糖豆浆/热姜汁豆浆杞子元肉红枣黑糖豆浆色泽较沉棕色；杞子、红枣点缀令人觉得温暖呢杯加咗黑糖 所以带有少少甜味姜汁豆浆可以饮到天然豆浆原味少少姜汁辛辣 好啱养生/天气冻饮…查看更多

毎次经过旺角＜豆公馆＞，看看有什么新款菜式推出。今日与朋友一同到旺角逛街，看见＜豆公馆＞门前张贴很多新菜式海报，于是决定在这间豆品店享用午餐。进入店内，感觉很舒服，空间阔落，座椅全是木制。我们看了餐牌便点了黑松露蛋饼、开心果蛋饼、卤水豆腐、麻辣鸡丝铁板肠粉、麻辣咸牛肉芝士刈包、热杞子元肉红枣黑糖豆腐花 (加小芋圆)、热椰汁豆浆和热黑芝麻豆浆(加小芋圆)。黑松露蛋饼～近来很多餐厅都采用黑松露，＜豆公馆＞也把黑松露放在蛋饼内，这款蛋饼除了黑松露外，还有红萝卜丝、芽菜、椰菜丝、蛋黄，所有材料很搭配。口感丰富，味道刚刚好，不太咸。外皮既香脆又有嚼口。开心果蛋饼～这款蛋饼有别于黑松露蛋饼，犹如甜品 - 可丽饼。卖相不但吸引，味道也很好。蛋饼同样外层香脆，内里包著蛋黄。蛋饼上满是开心果粒，还有开心果酱和朱古力酱，看出厨师花了心思制作蛋饼。卤水豆腐～卤水豆腐份量不少，共有三件，且很大件。豆腐很入味，配饭一流。麻辣鸡丝铁板肠粉～肠粉份量多，有鸡丝、洋葱丝、黑白芝麻和葱粒。煎得香脆，内里软糯。麻辣程度是可以接受范围，非常惹味。麻辣咸牛肉芝士刈包～经烤烘后的刈包，外脆内软，大小刚好，饀料有咸牛肉饼、芝士、生菜和榨菜，味道和口感丰富。热杞子元肉红枣黑糖豆腐花 (加小芋圆)～毎次到豆公馆都会点这款的豆腐花，微甜的豆腐花，有杞子、元肉、红枣、黑糖和姜片。一口一口吃著感到无比温暖舒服，又能滋润身体，心情也变得开朗起来。热椰汁豆浆  + 热黑芝麻豆浆(加小芋圆)～热椰汁豆浆很好喝，椰奶醇厚浓郁。热黑芝麻豆浆也很好喝，黑芝麻味浓郁。两款豆浆都不太甜，加购五元，就有芋圆和地瓜㘣，豆浆配搭小芋圆很不错。…查看更多

屋企嘅装修算喺进行得如火如荼，今晚趁得闲两公婆出嚟旺角啲家私铺睇睇家私，梗喺顺便食埋饭先返归啦。晌「登打士街」遇到一家「豆公馆」，豆品嘢啱晒我老婆，佢自己都不时晌屋企整豆浆（当然喺用豆浆机整啦）。走进店内，装修简约，实木小圆枱拼长条形小木櫈，有份台式古早小店风。是夜有非常多人帮衬，一枱走，又一枱入，可见香港人都几钟意食豆制品。点菜纸就喺餐牌，既然开晌游客区，当然要中英对照啦。唔好睇少佢只喺卖豆品店，食物嘅选择就非常多元代，以分类计就有台式蛋饼、小食、面类、粥类、饭品、刈包、多款豆浆及极具特色嘅豆腐花同甜品。杏仁豆浆、杞子元肉红枣黑糖豆浆 @$22既然以豆为主打，豆浆款式自然多，而且，所有豆浆都可冻可热。前者嘅杏仁味非常之浓郁，相对味道稍甜；后者有淡淡黑糖嘅清甜味，仲有少少姜嘅微辛，捞两捞，底下有唔少杞子、元肉，感觉滋润，而两者亦不失豆香。鱼肉煎豆腐 $28几款小食中，呢个有鱼肉，有豆腐嘅就最合老婆口味。一客有4件，煎得几靓仔，附上甜豉油同辣酱，加唔加就适随尊便。不过，有别港式嘅酿豆腐，鱼肉跟豆腐喺分开嘅，但豆腐煎至外脆内软，面面仲带微焦，有豆香，而鱼肉就嫩滑鲜甜。肉松蛋饼 $42我哋都几钟意台式煎蛋饼，所以，都点番一客试一试，简简单单拣咗肉松。蛋饼卷得实在，里面填满馅料，有肉松、甘笋丝、椰菜丝、蛋黄，口感丰富，味道咸咸香香，加埋外皮脆口得嚟又有份烟韧感，好食。特盛黑松露炒米粉 $68相貌平平嘅炒米粉，绝对喺以内涵取胜，首先啲米粉炒得香口爽身，又唔会太油，粉内夹杂住蛋碎、甘笋丝增加口感，最大亮点喺黑松露味极香浓，每口米粉面沾满黑松露香。开心果豆腐花 $45最后，梗喺嚟一碗招牌豆腐花作甜品啦，所有豆腐花都有冻有热，而店长话热食风味更佳。豆腐花表面淋上满满嘅开心果酱，再洒上开心果仁碎，卖相吸引。啲豆腐花真心坚滑溜，又有豆香，衬上开心果酱，好夹，估唔到咁好食。单单卖「豆」，都有咁多出品，且颇有亮点，而且，着实好食，又有种台式小店风情，招呼亦都好唔错，侍应都好有礼貌，做饮食喺咁先得架。…查看更多

依间荳品店系源自店主觉得香港作为美食之都，但就系好少有似台湾嘅早餐店。创办人本身系豆类制品爱好者，发现香港甚少专门做豆类制品既荳品店，所以决定以荳品为品牌主题黑松露蛋饼 $58蛋饼切成四份， 将葱同蛋汁倒落啲饼皮度煎到金黄色，入边除咗有黑松露同埋蛋之外，亦都加入咗唔少椰菜，所以除咗有黑松露香，仲有椰菜嘅清甜鱼肉煎豆腐 $28鱼肉煎豆腐同样有四份， 鱼肉就放喺切成方形嘅豆腐上面， 加埋甜豉油食，味道唔重口，系好传统嘅港式风味鸡丝葱油捞面 $48 鸡丝葱油捞面，表面除咗鸡丝，加上芝麻同埋大量葱花， 葱油汁另上，面条斋食会有啲淡，加葱油汁一齐食就会增加香味吞拿鱼煎蛋刈包 $28呢款吞拿鱼煎蛋刈包，馅料有吞拿鱼、煎蛋、生菜，用咗沙律酱，入口有明显甜味，刈包外皮光滑， 其实食落有啲似吞拿鱼三文治铁板蛋煎肠粉 $30煎肠粉份量十足，肠粉入面系无馅，加埋鸡蛋一齐煎香，然后喺表面临上甜酱等酱汁，同样洒上葱花点缀，味道香口杞子元肉红枣黑糖豆浆 $22叫咗一杯杞子红枣黑糖豆浆，入面有杞子、红枣、黑糖，仲落咗姜片，热热地饮落好养生杏仁豆浆 $30另一杯同样叫咗热饮，杏仁豆浆加咗桃胶，杏仁味香浓，桃胶浓稠，有明显甜味开心果豆腐花 $55豆腐花可以拣冻食，不过今次拣咗热食，同埋加钱叫咗芒果肉粒，豆腐花表面淋上浓稠嘅开心果酱，加埋酸甜嘅芒果肉粒，真系好清新…查看更多