豆公館

# 🍜【旺角豆公館】台式小確幸＋濃郁豆腐花的完美結尾 今日放工同老婆行到旺角登打士街，無意中見到間叫**「豆公館」**嘅小店，門口乾淨企理，裝修好簡約，有啲台灣懷舊風，木枱木櫈配暖黃色燈光，感覺好舒服。坐低冇幾耐就已經聞到好香嘅豆味，成間鋪都有淡淡嘅豆漿香氣，環境清新乾淨，完全冇油煙味。 ---## 🍚 **台式肉鬆肉燥蛋飯（$62）**呢碗飯一上枱已經好吸引！用金屬碗盛起，熱氣滾滾。飯面嗰層**肉燥香味超濃**，肉燥煮得好入味，鹹香中帶少少甜，好台味。 上面再加厚厚嘅豬肉鬆同一隻半熟太陽蛋，一戳落去啲蛋黃慢慢流出，混埋飯同肉燥一齊食，好邪惡但好滋味🤤。 整體味道平衡得好好，唔會太油膩，份量又夠——一碗可以食得幾飽。 ---## 🥞 **麻醬雞絲蛋餅（$48）**好耐冇食過台灣style蛋餅，見到就忍唔住要叫。 蛋餅皮煎得金黃色，咬落去外皮脆脆地，入面軟糯，雞絲分量出奇地多。 淋上嘅**麻醬超香、又滑**，每一啖都有濃厚芝麻香氣。 老實講，一咬落去真係好有台灣夜市feel，完全喚起去台灣旅行食早餐店嘅回憶。 ---## 🍜 **蔥油雞絲撈丁（$49）**呢個真係童年回憶，因為好耐冇食過撈丁！ 撈丁用嘅即食麵煮得剛剛好，唔會爛，撈汁鹹香惹味。 上面堆滿咗蔥花、雞絲同炸蒜碎，香氣好足，睇得出用料唔手軟。 整體味道非常地道，邪惡得嚟又好好食😋。 ---## 🥛 **薑汁豆漿（$28）**一飲落去薑味幾重，**薑味濃烈但唔嗆喉**，豆味又夠。 冬天飲一啖成個人都暖晒，好啱夜晚慢慢歎。 ---## 🍮 **豆腐花 — 今日主角！**講真，嚟「豆公館」唔食豆腐花就等於白嚟！### 💚 **開心果豆腐花（$46）**一上枱已經聞到開心果香，賣相好靚，上面鋪滿碎開心果仁。 豆腐花係暖嘅，滑滑嫩嫩入口即化，開心果醬**香得嚟好濃郁、仲有堅果香氣**，成個配搭超夾，好有層次感。 食到最後一啖都仲覺得意猶未盡。真係今餐嘅最大驚喜！🥰 ### 🧡 **凍楊枝甘露豆腐花（$49）**凍版豆腐花口感比較實少少，豆味會輕啲，但勝在配料好豐富。 上面有芒果肉、柚子肉同椰汁，酸酸甜甜又清新，夏天食一流～ 雖然冇開心果嗰碗咁驚艷，但都算好 refreshing！ ---## 💬 **總結評價**> 「豆公館」係一間好有誠意嘅台式小店。環境乾淨企理，食物好有水準。 > 尤其係豆腐花，真係可以講係全場靈魂✨。 📍 **地點**：旺角登打士街43號登打士廣場地下3及5號鋪 💵 **今餐埋單**：$282／兩個人 ✅ **推介必食**：開心果豆腐花、麻醬雞絲蛋餅、薑汁豆漿 🌟 **整體評分**：9/10 最後講句真心話：以呢個價錢食到咁高質嘅豆味甜品加台式小食，**抵到爛！** 之後一定會再嚟試佢其他款豆腐花～…查看更多

今日約咗同事做嘢前食啲嘢見到最近新開咗呢間豆品店由細到大都鍾意食豆類製品嘅我揀咗試吓 有別傳統豆品店嘅裝修呢間比較有現代感 淺木色系為主令人感覺乾淨舒服 嘢食種類唔多有啲似台灣早餐幾點都食到- - - - - - - - - - - - - - - - - - - - - - - - 1. 老乾媽炒米粉老乾媽本身係辣醬 可以用嚟撈飯唔算好辣 帶有少少花椒麻辣同埋注意:幾重豆豉鹹香XD個人係幾鍾意 撈落米粉正過撈飯即叫即喺鐵板上炒 熱辣辣咁上枱米粉質感食落唔會太硬2. 肉鬆蛋餅蛋餅都係即叫即喺鐵板上煎先將蔥同蛋汁倒落蛋餅見到成塊煎蛋喺蛋餅上形成最後加咗好多肉鬆製成蛋餅外皮煎到金黃 內餡豐富淋咗少少甜甜哋蛋餅醬油膏提味3. 黑芝麻豆腐花其實係好鍾意食豆腐花同黑芝麻覺得兩樣黑白相間配搭加埋好夾最欣賞佢面頭灑咗好多黑白芝麻入口嗰陣食到豆腐花嘅滑嫩伴隨黑芝麻醬散發嘅芝麻香仲有芝麻碎碎 又多一層口感4. 熱杞子元肉紅棗黑糖豆漿/熱薑汁豆漿杞子元肉紅棗黑糖豆漿色澤較沉棕色；杞子、紅棗點綴令人覺得溫暖呢杯加咗黑糖 所以帶有少少甜味薑汁豆漿可以飲到天然豆漿原味少少薑汁辛辣 好啱養生/天氣凍飲…查看更多

毎次經過旺角＜豆公館＞，看看有什麼新款菜式推出。今日與朋友一同到旺角逛街，看見＜豆公館＞門前張貼很多新菜式海報，於是決定在這間豆品店享用午餐。進入店內，感覺很舒服，空間闊落，座椅全是木製。我們看了餐牌便點了黑松露蛋餅、開心果蛋餅、滷水豆腐、麻辣雞絲鐵板腸粉、麻辣鹹牛肉芝士刈包、熱杞子元肉紅棗黑糖豆腐花 (加小芋圓)、熱椰汁豆漿和熱黑芝麻豆漿(加小芋圓)。黑松露蛋餅～近來很多餐廳都採用黑松露，＜豆公館＞也把黑松露放在蛋餅內，這款蛋餅除了黑松露外，還有紅蘿蔔絲、芽菜、椰菜絲、蛋黃，所有材料很搭配。口感豐富，味道剛剛好，不太鹹。外皮既香脆又有嚼口。開心果蛋餅～這款蛋餅有別於黑松露蛋餅，猶如甜品 - 可麗餅。賣相不但吸引，味道也很好。蛋餅同樣外層香脆，內裡包著蛋黃。蛋餅上滿是開心果粒，還有開心果醬和朱古力醬，看出廚師花了心思製作蛋餅。滷水豆腐～滷水豆腐份量不少，共有三件，且很大件。豆腐很入味，配飯一流。麻辣雞絲鐵板腸粉～腸粉份量多，有雞絲、洋蔥絲、黑白芝麻和蔥粒。煎得香脆，內裡軟糯。麻辣程度是可以接受範圍，非常惹味。麻辣鹹牛肉芝士刈包～經烤烘後的刈包，外脆內軟，大小剛好，饀料有鹹牛肉餅、芝士、生菜和榨菜，味道和口感豐富。熱杞子元肉紅棗黑糖豆腐花 (加小芋圓)～毎次到豆公館都會點這款的豆腐花，微甜的豆腐花，有杞子、元肉、紅棗、黑糖和薑片。一口一口吃著感到無比温暖舒服，又能滋潤身體，心情也變得開朗起來。熱椰汁豆漿  + 熱黑芝麻豆漿(加小芋圓)～熱椰汁豆漿很好喝，椰奶醇厚濃郁。熱黑芝麻豆漿也很好喝，黑芝麻味濃郁。兩款豆漿都不太甜，加購五元，就有芋圓和地瓜㘣，豆漿配搭小芋圓很不錯。…查看更多

屋企嘅裝修算喺進行得如火如荼，今晚趁得閒兩公婆出嚟旺角啲傢俬鋪睇睇傢俬，梗喺順便食埋飯先返歸啦。晌「登打士街」遇到一家「豆公館」，豆品嘢啱晒我老婆，佢自己都不時晌屋企整豆漿（當然喺用豆漿機整啦）。走進店內，裝修簡約，實木小圓枱拼長條形小木櫈，有份台式古早小店風。是夜有非常多人幫襯，一枱走，又一枱入，可見香港人都幾鍾意食豆製品。點菜紙就喺餐牌，既然開晌遊客區，當然要中英對照啦。唔好睇少佢只喺賣豆品店，食物嘅選擇就非常多元代，以分類計就有台式蛋餅、小食、麵類、粥類、飯品、刈包、多款豆漿及極具特色嘅豆腐花同甜品。杏仁豆漿、杞子元肉紅棗黑糖豆漿 @$22既然以豆為主打，豆漿款式自然多，而且，所有豆漿都可凍可熱。前者嘅杏仁味非常之濃郁，相對味道稍甜；後者有淡淡黑糖嘅清甜味，仲有少少薑嘅微辛，撈兩撈，底下有唔少杞子、元肉，感覺滋潤，而兩者亦不失豆香。魚肉煎豆腐 $28幾款小食中，呢個有魚肉，有豆腐嘅就最合老婆口味。一客有4件，煎得幾靚仔，附上甜豉油同辣醬，加唔加就適隨尊便。不過，有別港式嘅釀豆腐，魚肉跟豆腐喺分開嘅，但豆腐煎至外脆內軟，面面仲帶微焦，有豆香，而魚肉就嫩滑鮮甜。肉鬆蛋餅 $42我哋都幾鍾意台式煎蛋餅，所以，都點番一客試一試，簡簡單單揀咗肉鬆。蛋餅捲得實在，裡面填滿餡料，有肉鬆、甘筍絲、椰菜絲、蛋黃，口感豐富，味道鹹鹹香香，加埋外皮脆口得嚟又有份煙韌感，好食。特盛黑松露炒米粉 $68相貌平平嘅炒米粉，絕對喺以內涵取勝，首先啲米粉炒得香口爽身，又唔會太油，粉內夾雜住蛋碎、甘筍絲增加口感，最大亮點喺黑松露味極香濃，每口米粉麵沾滿黑松露香。開心果豆腐花 $45最後，梗喺嚟一碗招牌豆腐花作甜品啦，所有豆腐花都有凍有熱，而店長話熱食風味更佳。豆腐花表面淋上滿滿嘅開心果醬，再灑上開心果仁碎，賣相吸引。啲豆腐花真心堅滑溜，又有豆香，襯上開心果醬，好夾，估唔到咁好食。單單賣「豆」，都有咁多出品，且頗有亮點，而且，着實好食，又有種台式小店風情，招呼亦都好唔錯，侍應都好有禮貌，做飲食喺咁先得架。…查看更多

依間荳品店係源自店主覺得香港作為美食之都，但就係好少有似台灣嘅早餐店。創辦人本身係豆類製品愛好者，發現香港甚少專門做豆類製品既荳品店，所以決定以荳品為品牌主題黑松露蛋餅 $58蛋餅切成四份， 將蔥同蛋汁倒落啲餅皮度煎到金黃色，入邊除咗有黑松露同埋蛋之外，亦都加入咗唔少椰菜，所以除咗有黑松露香，仲有椰菜嘅清甜魚肉煎豆腐 $28魚肉煎豆腐同樣有四份， 魚肉就放喺切成方形嘅豆腐上面， 加埋甜豉油食，味道唔重口，係好傳統嘅港式風味雞絲蔥油撈麵 $48 雞絲蔥油撈麵，表面除咗雞絲，加上芝麻同埋大量蔥花， 蔥油汁另上，麵條齋食會有啲淡，加蔥油汁一齊食就會增加香味吞拿魚煎蛋刈包 $28呢款吞拿魚煎蛋刈包，餡料有吞拿魚、煎蛋、生菜，用咗沙律醬，入口有明顯甜味，刈包外皮光滑， 其實食落有啲似吞拿魚三文治鐵板蛋煎腸粉 $30煎腸粉份量十足，腸粉入面係無餡，加埋雞蛋一齊煎香，然後喺表面臨上甜醬等醬汁，同樣灑上蔥花點綴，味道香口杞子元肉紅棗黑糖豆漿 $22叫咗一杯杞子紅棗黑糖豆漿，入面有杞子、紅棗、黑糖，仲落咗薑片，熱熱地飲落好養生杏仁豆漿 $30另一杯同樣叫咗熱飲，杏仁豆漿加咗桃膠，杏仁味香濃，桃膠濃稠，有明顯甜味開心果豆腐花 $55豆腐花可以揀凍食，不過今次揀咗熱食，同埋加錢叫咗芒果肉粒，豆腐花表面淋上濃稠嘅開心果醬，加埋酸甜嘅芒果肉粒，真係好清新…查看更多

真係難食到嘔！尤其個黑芝麻豆腐花真係做到就好似自己去惠康買舊豆花同d黑芝麻咁撈埋一齊，總之真係難食。而且態度好差，強迫消費。我地三個人點左個69蚊既炒飯同埋一個廿幾蚊既豆腐花，等餐都上左後，居然同我地講我地有三個人，必須再點一個豆腐花。你有咁嘅規定本身冇問題嘅，但你起碼在上餐前同我地講呀！上左餐先同我地講，唔係強迫消費係乜。佢哋態度都幾惡，逼我地再買多個豆腐花，我老婆怕左唔想搞大事情，就自己離開得返我同個女兩丁友食。而且炒飯就咁一嚿嘢送來，匙羹都冇，得一堆筷子，點食呀大佬。個黒芝麻豆花真係難食到嘔，服務態度惡劣，強迫消費，而且冇女廁！…查看更多

喺旺角呢個美食戰場，有一間小食店憑住一碗「開心果豆腐花」殺出重圍，成為街坊同遊客必掃嘅人氣美食！呢碗豆腐花嘅賣相已經夠晒吸睛——翠綠嘅開心果醬如瀑布般覆蓋喺嫩滑豆花上，未食已經聞到濃郁堅果香氣，仲要份量多到幾乎睇唔到底層嘅純白豆腐花！一勺舀起，雙重口感瞬間爆發！店主堅持每日新鮮磨製豆漿，用傳統工法製成豆香濃郁嘅豆腐花，入口即化嘅細膩感帶出濃濃豆香。而靈魂所在嘅開心果醬更係落足心機，選用伊朗頂級開心果慢磨成醬，保留細碎顆粒增加口感，濃厚堅果甜香與豆香完美交融，甜度調配得恰到好處，食完成碗都唔會膩！唔少食客大讚呢碗創意豆腐花「中西合璧得驚艷」，仲話為了佢專程翻嚟encore！店家另外仲有隱藏食法：加$5可以追加爆漿開心果湯圓，流心餡料與豆腐花形成三重口感暴擊，堅果控絕對要試！這間旺角小食店將傳統豆品玩出新高度，價錢換來滿滿幸福感，經過旺角記得試下這碗風靡社交媒體嘅黃金組合啦！…查看更多

今日幫襯旺角登打士街嘅「豆公館」，呢間以豆品為主打嘅小店，由主食到甜品都有，性價比超高，絕對係掃街同醫肚之選🍳 ▪️ 吞拿魚芝士蛋餅：外皮煎得香脆，入面係滿滿嘅吞拿魚同半溶芝士，鹹香拉絲，口感豐富，好好味！▪️ 台灣肉燥蛋飯：肉燥肥瘦均勻，滷汁入味，撈埋隻太陽蛋同飯一齊食，非常邪惡，滿足感爆棚。▪️ 老乾媽炒麵：鑊氣夠，辣度惹味，鍾意食辣嘅朋友必點，食到停唔到口。▪️ 炒米粉 $28：重點推薦！真心抵食！ 份量十足，米粉炒得乾身唔油膩🥢 小食▪️ 滷水豆腐豆卜：滷水汁香甜，豆腐同豆卜都充分吸收晒湯汁，做小食一流。🍧 ▪️ 經典原味豆腐花：豆味香濃，口感滑溜，簡單就是美。▪️ 開心果豆腐花：超級有驚喜！開心果醬味道濃郁，同豆味出奇地夾，香甜又唔會太漏，必試新口味！▪️ 鴨屎香檸檬茶爆珠啜啜豆腐花：名長到唔夠位寫，創意滿分！將港式檸檬茶同豆腐花結合，味道清新，加上爆珠增加口感，好玩又好食📍 豆公館地址：旺角登打士街43號地舖…查看更多

晚飯時間同朋友係旺角行街，大家都想食台灣野，見到呢間主打豆製品，幾新穎就入去試下。🍴肉鬆蛋餅加芝士大推呢蛋餅！佢係外層煎到脆卜卜個種，有香脆既口感，而且餡料比得好足，加左芝士更加好味☺️🍴麻辣雞絲鐵板蛋腸粉非常香口惹味，配搭埋雞絲又幾夾🍴一口魚肉煎豆腐魚肉豆腐煎得外脆內軟，味道清淡，配埋個汁剛剛好🍴滷水豆腐豆卜一次過試曬豆腐豆卜，豆腐滑捋捋香豆味，豆卜吸曬滷水汁都唔會太鹹🍴特盛老乾媽炒麵米炒抄得好乾爽，好岩我呢d重口味人士😂香辣醬香味好出色，亦唔算太油膩🍴凍楊枝甘露豆腐花本身都鍾意食楊枝甘露，估唔到都豆腐花都幾夾，楊枝甘露既芒果都好濃郁🥤黑糖仙草孖寶幾有特色，有豆腐、豆花加仙草，口感豐富，甜度剛剛好👍🏻📍豆公館 (旺角)旺角登打士街43號地舖…查看更多

平時經過都食飽飽，今次下午茶時段，人流唔太多就入黎試下😆開心果豆腐花$42開心果醬有濃郁開心果味😆開心果碎份量都幾多，幾香脆豆腐花幾滑，美中不足係開心果醬太多，有啲甜🫣無糖豆漿$12豆味濃，唔錯👍🏼…查看更多

今日和朋友去開旺角行街，專登去這間想去好耐的豆公館食飯，這家小店的招牌麻婆腐皮蛋餅令人印象深刻，蛋餅外皮酥脆，內裹滑嫩的腐皮，配上麻辣味十足的麻婆醬料，香辣過癮，滷水豆腐豆卜菜飯則是一道溫暖的家常飯，滷水香氣濃郁，軟嫩的豆腐搭配爽口的豆卜，配上酸菜與白飯，簡單卻讓人回味無窮。鐵板蛋煎腸粉選用新鮮腸粉，蛋香四溢，外層微微焦脆，口感彈牙，滋味豐富。雞絲蔥油撈麵更是不可錯過，麵條爽滑，雞絲美味，吃起來十分過癮。至於甜品方面，開心果豆腐花細膩順滑，帶有淡淡堅果香，口感清爽不膩。杞子圓肉紅棗黑糖豆漿則結合了滋補與甜蜜，溫潤甘甜，非常適合飯後享用，令人滿足感滿滿😋…查看更多

-豆公館-📍旺角.已豆品為主題的台式餐廳，除咗主食外，就連豆腐花都好多口味選擇。而且價錢非常相宜。.招牌麻婆腐皮蛋餅加芝士 ($47)蛋餅餡料非常足，而且層次豐富，食落啖啖滋味。.黑松露炒麵 ($58)一上枱就聞到好香黑松露味，份量好多，而且唔會炒到好油。.麻辣鐵板蛋煎腸粉 ($36)腸粉的外層煎到帶點焦香，加埋麻辣調味，非常惹味。.泰茶麥芽桃膠豆腐花 ($42)豆腐花選擇非常多，選擇了非常有新意的豆腐花組合。泰式奶茶夠香濃，加埋養顏桃膠同滑溜豆腐花。.椰汁豆漿 ($22)椰汁同豆漿完美融合，飲到香濃椰汁味之外，仲有淡淡豆香。.…查看更多

旺角嘅「豆公館」主打創意豆品料理🌱，將台灣家常風味同精緻甜品融合得恰到好處。招牌麻婆腐皮蛋餅🔥一定要試，外層煎得香脆，入面包住嫩滑豆腐，同麻婆醬嘅辣香完美結合，豆味濃郁但唔覺膩，層次感好豐富。台灣土雞絲菜飯🍚走清香路線，飯粒分明，雞絲嫩滑，加上蔬菜嘅甜味，簡單但食得出誠意。甜品部分更係亮點🍮。椰汁豆腐🥥滑到入口即化，椰香濃而清新，唔會太甜；楊枝甘露🥭保持港式經典味道，芒果香甜、柚粒微酸，清爽解膩；最特別係開心果豆腐花💚，豆香同堅果香交織，味道層次豐富，口感幼滑得嚟又有咬口。整體嚟講，豆公館將傳統豆品玩出新意✨，用料講究、味道分明。環境簡潔舒服🪷，服務自然親切😊，無論想輕鬆聚餐定坐低慢慢歎，都係理想選擇。鍾意豆香又想試吓新意料理嘅朋友，呢度真係值得一試👍！…查看更多

之前見新開, 一直未有機會試, 今日想少少甜野, 叫左一個熱杏仁豆腐花, 一個凍椰汁豆腐花, 一個黑松露煎蛋餅🥚, 隔左一陣豆腐花先到, 我自己就食熱杏仁豆腐花😚, 試下第一啖, 好香杏仁味, 但唔係勁濃杏仁霜個只味, 配落豆腐花係幾夾, 雖然係要熱, 但食落只係暖暖地😅, 豆腐花係有d豆味, 但唔算好濃, d豆腐食落唔係好滑溜🤔個只質地, 唔係我想像的豆腐花感覺, 之後試一口椰汁豆腐花, 都有椰汁香味, 不過唔係太濃, 依款食落清新d, 但d豆腐花都係食落唔滑🤔, 反而值得一試係煎蛋餅🥚, 真係即叫即整, 食落好香唔油, 入面充滿黑松露香味, 依個就值得我再來😂但一個人食可能多左d, share 會好少少, 雖然環境係坐得幾舒服, 不過我個人覺得油煙味太勁, 有d美中不足😁…查看更多

門口大部分宣傳都係炒粉面飯之類，入內見全部人都係食呢啲主食，但又唔見豆品嘢，咁就試吓佢個煎腸粉真係唔掂，死鹹味道，腸粉口感唔得，好似食緊卷得好密嘅糯米皮超奇怪因為店內主打都好似係炒粉麵飯，所以入去只係聞到油煙味，亦都聞唔到豆品嘅味道，所以唔知道佢嘅豆品好唔好…查看更多