豆公館

营业中

休息中

店舖地點方便，簡餐為主，款式多，當日路過因趕時間食飯，被鋪外的廣告牌吸引而入內。點了招牌麻婆腐皮蛋餅和杏仁豆腐，店內人不多，但需10多分鐘才上菜。蛋餅味道一般，麻婆像是一些現成的麻辣醬，過咸。杏仁豆腐的杏仁糊有糊水分離，豆腐花雖滑，但沒有甚麼豆味，以豆為名的鋪頭，豆腐花不合格。枱面不太清潔，員工不熟手，應該不會再來。

旺角新開店「豆公館」啱曬喜歡豆腐的我們，星期六午市高峰時去探店。門外有四五位客人等候中，我看見店內有些只有－位、兩位客人獨佔整張枱，於是我問店員可否搭枱，他說可以，但我心諗點解店員吾為客人安排坐位，後來發現原是店舖內加埋廚房職員只得三人，所以根本冇時間為客人安排入坐。攪到企系外面儍等。對於吃開銅鑼灣某豆腐店的不然會用它來作指標。煎魚肉釀豆腐－碟四件超迷你，冇唸過可以咁……豆腐也薄得過份，魚肉和豆腐自然分開，淡而無味。炒麵見到廚房職員都炒吾切，所以客人order 也變成即點即炒，上枱超級慢。炒麵上色均勻，入口不會過過咸，配料也不少，合格。肉鬆蛋餅蛋皮帶小小煙靭，肉鬆吾太多，加上小許甜醬油調味，但味道仍然偏淡。冇糖淡豆漿溫度足冬天飲特別舒服，豆味中規中矩。整體食物質素一般以下 ，上菜速度慢，份量少，偏貴，不推薦。

星期六同老公到旺角豆公館食午餐。鍾意食豆類製品既人會覺得呢度係天堂，有豆腐、豆腐、豆腐花，另外仲有蛋餅、刈包、多士、炒粉麵粥、腸粉，應有盡有，而且味道都唔差，價錢亦唔貴。鹹牛肉芝士蛋餅除咗有鹹牛肉同芝士之外，仲有啲紅蘿蔔絲，口感豐富左，欣賞鹹牛肉唔會好鹹。開心果蛋餅蛋餅無論內外都充滿開心果碎，內裡更有開心果醬，同蛋餅一齊食，就會有鹹鹹甜甜嘅味道。魚肉煎豆腐味道正常發揮。蘿蔔糕 蘿蔔糕唔會粉，煎得夠脆，蘸甜醬食好食。鐵板蛋煎腸粉腸粉份量都幾多，味道都夠。老乾媽炒麵炒麵非常惹味，鹹香味十足，食落辣辣地。柴魚花生粥花生粒幾多，粥煲到夠綿，又有啲粒粒分明。紅豆沙豆腐花喺豆腐花上面加咗紅豆沙，整體唔會好甜。飲品叫左原味豆漿同黑芝麻豆漿，同樣唔會好甜。

最近經過旺角見到呢間新開小食店，諗住唔算太肚餓就入咗去試吓，味道又真係唔錯喎！😋肉鬆蛋餅首先試咗肉鬆蛋餅，餅皮薄薄的，外脆內軟，配上香濃嘅蛋同鬆軟嘅肉鬆，真係每一口都好滿足！😋魚肉煎豆腐煎得金黃香脆，外面焦香，裡面又嫩滑，搭配醬油一流。😋蘿蔔糕口感扎實，裡面有好多蘿蔔絲，味道好豐富。外層煎得正好，香脆可口。😋豉油王炒正常發揮。😋鐵板蛋煎腸粉鐵板蛋煎腸粉係我新發現嘅驚喜！腸粉韌韌的，加上蛋香味，好有層次。😋杞子圓肉紅棗黑糖豆漿 + 杏仁豆漿豆漿濃郁，不過紅棗冇味，杞子嘅清香都係加分，杏仁豆漿就係香香滑滑，甜度剛好。😋黑糖豆腐花 & 開心果豆腐花好少見有呢兩隻味嘅豆腐花，味道唔錯，不過質感比較嚡，爭少少。總括來講，呢間小食店嘅菜式多樣化，下次都會再嚟！

旺角新開左呢間荳品專門店 可以話結合左新派&傳統元素 環境行文青風 食物都同傳統荳品店有分別🤤主要有各類豆漿、特色豆腐花、台式蛋餅、中式炒麵、滷水豆品 早午晚食都好岩🙌🏻✨薑汁豆漿 $22✨黑芝麻豆漿 $22 ✨杞子圓肉紅棗黑糖豆腐花 $42 豆漿同豆腐花款式非常多 入口充滿真材實料嘅大豆香 感覺幾養生豆腐花特別出色🫶🏻超級滑 唔會有嗰種食到石膏粉嘅奇怪口感🫔肉鬆蛋餅 $38 🫔招牌麻婆腐皮蛋餅 $38蛋餅都幾大份 餅皮係台式嗰種有啲少少煙靭 肉鬆香口 招牌麻婆口味原來係加辣醬 幾惹味又唔會太鹹 好足料 但係 一個人食一份都唔會滯

新式的木製建築風格專賣豆腐製品，充滿新派台灣感的港式豆腐店，內裏環境感覺開揚通氣。所以就睇跑了入去一探究竟，價格相當便宜，叫了多種食物如下：魚肉煎豆腐豆腐大小十分適中，容易入口，不用擔心豆腐會斷開，配上豉油和辣椒醬，一點也不老土，少女進食完全冇問題。椰汁豆腐花充滿口感的椰子碎，與有層次感的豆腐花共食，感受到淡淡的椰香與豆腐花天然地混埋一體，解辣一流。招牌麻婆腐皮蛋餅榨菜絲花生香蔥等材料鋪滿新鮮滾熱辣的蛋餅上，相當香口惹味，煙韌的蛋皮包滿軟熟的蛋香夾雜著紅蘿蔔絲以及芽菜，口感豐富。老乾媽炒麵意想不到的麻辣配炒麵，開胃的感覺，大把大把吃入炒麵之後，可以感受到一粒粒的脆脆及濃味豆豉辣醬風味，辣度為少女辣，炒出乾身的質感，非常有鑊氣，配上熱辣辣的白粥一流。杞子圓肉紅棗黑糖熱豆漿拉出皮的豆漿，有薑汁味，內有的杞子圓肉和紅棗份量非常充足，比例大概為四分之一，而且相當有益養生，食用完後整個人也暖起來。另外這裏的芽菜突粗呢，無論在早餐午餐或晚餐都十分適合，超級健康。

今日嚟到旺角嘅登打士街，發現咗一間新舖頭，主要係啲豆製品，好似以前某間舖頭咁，但係呢度注入咗新元素，而且啲staff都係啲後生仔女，啲食嘅嘢，飲嘅嘢就有啲突破，例如唔同口味嘅豆腐花啦，豆漿啦......不如就入去試下啦。有啲口渴，叫咗「杏仁豆漿」和「黑芝麻豆漿」飲住先，有杏仁味，芝麻味的豆漿都唔錯，又可以解渴；豆製品店唔少得煎豆腐及滷水嘢，喺4樣豆腐小食揀咗以下两款：係「魚肉煎豆腐」和「滷水豆卜」，魚肉有魚味，即場煎即時食好好味，滷水豆卜亦够入味。將墙上嘅Q版「肉鬆蛋餅」搬到嚟現實嘅「肉鬆蛋餅」，現實中的仲靚仔添。除咗肉鬆還有芽菜絲，紅蘿卜絲，材料够豐富，味道亦相當好，下次來會試埋第二啲味。豆腐花有鹹嘅「招牌麻婆豆腐花」，麻婆豆腐食得多，豆腐花滑過豆腐，所以味道都可接受，而甜嘅「綠豆沙豆腐花」當然都唔會輸。「老乾媽炒麵」和「柴魚花生粥」除咗飽肚外，也值得推介👍👍

豆公館旺角登打士街43號登打生廣場地下3及5號舖裝修主打簡潔 木系大地色 一眼睇晒左手邊廚房右手邊坐位開放式廚房 唔怕俾你睇 可以睇住佢點樣處理食物 呢個位置人來人往 旺角中心地帶夠晒方便一間主要食豆類製品豆漿 豆腐 豆腐花真係沒有其他 重味嘅唔多健康清淡為主老乾媽炒米粉呢個係有啲辣 好香口 鍾意食老乾媽嘅一定要試如果覺得份量唔夠，記得加大魚肉煎豆腐清清地食豆類製品 魚肉加豆腐肉鬆蛋餅紅蘿蔔絲 肉鬆 主要係呢兩樣做餡沈上蔥花 仲有秘製醬油

旺角新開左間豆品餐廳, 之前已經見勁多人排隊食, 今日終於到我👍🏻Laoganma fried noodles首先點左老乾媽炒麵, 麵條炒得岩岩好keep到有啲咬口, 而老乾媽醬味都幾濃, 唔算好辣, 中間夾雜左菜絲、豆豉等overall好惹味😋Pork fluss chinese omelet肉鬆蛋餅幾特別, 蛋餅皮偏向似手抓餅質感, 炕到好脆口, 入面嘅肉鬆份量勁多, 仲mix左少少酸菜味道豐富Pan fried tofu with fish pasteSignature魚肉煎豆腐, 呢間啲豆腐係比較硬淨唔會夾到散曬, 外表煎得金黃色, 而魚肉餡食落就鮮嫩彈牙, 重點係唔會好油膩👍🏻Black rice tofu pudding大推黑糯米豆腐花🌟豆腐花嘅質感就軟滑好多, 而且雖然黑糯米漿嘅份量都幾多, 但唔會死甜, 同豆香balance得好好Coconut soy milk, Sugar free soy milk飲品點左椰汁豆漿、無糖淡豆漿各一杯, 個人重口味啲比較中意椰汁豆漿, 飲落超smooth, 而淡豆漿就健康啲, focus係豆本身嘅香味

平日要食到好食又平嘅蛋餅都要去台灣旅行先得, 今日我竟然喺油麻地度發現到一間好好食又環境舒適的新豆品店！我嗌咗幾樣嘢試下, 可以講話係平靚正！🐑杞子圓肉紅棗豆漿(熱) $22天氣轉凍咗好多, 飲咗呢一杯熱豆漿之後好似覺得個人暖咗好多, 加上佢又有杞子圓肉紅棗, 亦都好啱女士養生, 飲完好舒服. 啱哂秋冬季啦！🐑魚肉煎豆腐 $28煎得恰到好處, 厚實嘅豆腐和煎香的魚肉配上佢嘅豉油, 味道好夾.🐑肉鬆蛋餅 $38呢個肉鬆蛋餅真係好驚喜, 佢係超大舊, 個蛋皮煎得香脆,呈現金黃色,裡面有好多鬆軟可口的肉鬆餡料, 食完都好飽, 覺得好抵！🐑黑芝麻豆腐花 $26呢個每日新鮮自家製豆腐花亦都好大碗,好滑溜, 黑白芝麻煎香咗喺面度, 加上香濃嘅芝麻糊, 食落去好有層次.🐑蘿蔔糕 $35蘿蔔糕質感厚實, 配上甜醬, 亦都好好食.我食咗咁多嘢埋單都係$149超抵呀！

第一次食咁多豆製品🤣 全部都係每日新鮮製造～又用咗優質加拿大大豆，都幾特別喎💓 一次過食勻佢哋嘅四大名物😋 想同大家講早餐真係勁抵食✨廿蚊包埋豆漿，整翻個ɢᴏᴏᴅ ᴍᴏʀɴɪɴɢ先啦💯1️⃣ 老乾媽炒麵🥢成日都聽老乾媽呢個名，今次真係第一次食，原本以為好辣，原來都仲可以接受到喎🤣 彈牙夠鑊氣嘅面條加上蔬菜絲、蔥花同埋豆豉，食落係微微嘅鹹鹹辣辣，勁快就食哂😚 1個人食應該啱啱好，我同👸🏻2個人ꜱʜᴀʀᴇ食，有啲後悔點解唔嗌特盛ꜱɪᴢᴇ🫣2️⃣ 魚肉煎豆腐🐟完全就係家常菜嘅味道🤩 細細件嘅豆腐上面舖咗魚肉，煎完出嚟好香✨一定要蘸埋辣醬豉油食，簡單嘅小食食完好舒服😌3️⃣ 肉鬆蛋餅🥚此蛋餅不同彼蛋餅🤣 呢度嘅蛋餅較挺身，煎到微微有咬口，內層就有雞蛋、大量嘅蘿蔔絲同埋肉鬆做餡🤩面層仲有啲榨菜，夠晒滋味👅

途經登打士街見到有間新裝修好嘅店鋪, 店內裝潢主要懷舊中式feel,配上一系列木枱木凳加上開放式廚房,它們主打豆製食品。當日我倆下午茶兼晚餐,所以都叫吃咗好多唔同款嘅食物品嚐。1. 魚肉煎豆腐即叫即煎,熱辣辣,鱼肉比較簿但都好香魚肉味,豆腐軟滑。2. 滷水豆腐豆卜豆腐豆卜索滿滷水汁,滷得入味,滷水汁底味道幾好👍3. 老乾媽炒麵有鑊氣,辣辣地,夠惹味4. 肉鬆蛋餅好足料,每一啖都滿滿餡料,皮煎得非常香脆5. 麻婆豆腐花第一次試咸辣嘅豆花,幾特別,香滑豆花配上麻辣醬及炸菜粒,幾過癮。6. 薑汁豆腐花夠薑好味7. 杞子元肉紅棗黑糖豆漿女仕們至受,適逢入秋,滋潤香甜8. 柴魚花生粥粥底夠綿，真材實料。♦️總括店鋪品種不算多,但各品種款式 選擇口味多元化,服務員有禮,细心,當日見到很多遊客進來,他们都套用不同語言詳細介紹食品给予顧客👍

仔一向都鐘意食豆花飲鮮豆漿，見係學校附近新開的#豆公館，放學立刻去食個豐富下午茶🤩🥛原味豆漿 香滑口感豆味濃，甜度適中，小朋友最愛🫶🏻🥛杞子元肉紅棗黑糖豆漿 女士必試， 滋潤香甜，足料又有薑味，大大提升豆漿嘅味道😋 啱曬乾燥秋冬季🥢招牌麻婆腐皮蛋餅 蛋餅包住榨菜、芽菜同紅蘿蔔絲，配埋獨家自製麻辣醬🌶️麻麻辣辣，啱晒鍾意食辣嘅朋友！🥢肉鬆蛋餅 蛋餅包住大量肉鬆、紅蘿蔔絲、芽菜，配上蔥花及甜醬油，份量十足，飽肚又好味！🥢老乾媽炒麵 （大份）豉油王炒麵底加入老乾媽辣醬，惹味香口辣度夠，真係好正😋🥢滷豆腐豆卜滷水汁味道，剛好豆卜豆腐都好入味。🥢魚肉煎豆腐 煎得不錯，但魚肉份量多啲會更好🤓🥣原味豆腐花 豆花很滑，要幾多黃糖都可以自己加👍🏻🥣薑汁豆腐花 勁多薑汁薑味很濃，配埋黃糖，提升豆香！🥣黑芝麻豆腐花 芝麻糊香滑又濃，仲有粒粒芝麻，配埋豆花，雙重口味，雙重享受✌🏻

我都未試過買完野食之後覺得甘伏，呢間餐廳真係第一次，令我忍唔住要寫第一個openrice既評論總共買左3樣野外賣，2碗薑汁豆腐花（每碗26元），1杯薑汁豆漿（22元一杯）嘩，一收到個外賣，細份到！！！22元一杯既頭漿，用和紙巾既size一樣大既杯黎裝？！飲三啖就飲完！而且唔覺有薑汁味！另外兩碗豆腐花，都只係用比紙巾大少少既碗黎裝，仲要無豆味，淡而無味，食兩三啖就食完呢間餐廳食水未免太深啦……完全又貴又伏，不值得幫襯！！劣評！！

鍾意豆製品嘅你唔好錯過呢間旺角新開嘅小店😍餐廳行文青簡約風設計 主打豆製品 提供多款豆漿豆腐花 仲有台式蛋餅同其他主食🔅老乾媽炒麵豉油王炒麵加入老乾媽辣醬，香口惹味😋🔅柴魚花生粥熱辣辣軟綿綿嘅粥🥣加入咗少量柴魚和花生，味道清淡，都幾暖胃🔆滷水豆腐豆卜鍾意豆腐多過豆卜😛食得出豆腐嘅豆味好香！滷水嘅味道啱啱好 唔會太鹹👌🏻🔆特色蛋餅素食之選🌱口味清新 冇咁滯🔆肉鬆蛋餅肉鬆香口而且份量多 餅皮煎得香脆 i like it!!🔆黑芝麻豆腐花賣相幾靚仔 芝麻糊香滑但唔算超濃 有黑白芝麻作為點綴 最欣賞個豆腐花豆味香而且嫩滑👍