蒙麵

营业中

休息中

食呢間蒙麵 係kiki and may 介紹過唔錯所以黎試下 食完覺得真係幾唔錯 尤其個蕃茄薯仔湯底 真係有啲似呀媽平時煲嘅蕃茄薯仔湯咁 好飲👍👍👍 未食過車仔麵個湯底係咁 好正 我叫嗰個普通湯底加左腩汁 清清地但重腩汁味都好香 餸方面都有啲幾特別 有菜莆蛋同滷水豆腐都未試過喺車仔麵檔有就叫左 滷水豆腐幾好食 蛋就正常 其餘仲叫左牛肚 辣魷魚 時菜 牛腩 辣魷魚個汁整得好正 好好味👍👍👍👍👍 推介麵我地就叫左拉麵同蒙麵 兩個我覺得都冇咩特別 個蒙麵其實就好似烏冬咁不過in un 啲🤔 小食就叫左兩串蜜糖叉燒 真係燒得幾正 啲叉燒半肥瘦 食落唔鞋 然後外層啲蜜糖好甜 真係好好食👍👍👍本身仲想叫埋個花甲 可惜已經冇晒

大名鼎鼎既蒙麵，身為街坊既我地已經食過幾次，每次食都覺得好正，真係要推介下。今日我地大約6點嚟到，已經排緊隊，大約10分鐘就有位，唔算等太耐。叫咗兩個麵第一個係牛腩、香茅魚餅、辣味魷魚配蒙麵（$55）加沙嗲汁同辣菜甫牛腩有好多，足足有六、七舊，極有咬口，值得試下。魚餅香茅味好出，魷魚偏辣，如果平時唔食開辣既要好好考慮下。沙嗲汁有濃郁花生味，蒙麵十分煙韌，成個配搭好正。另一碗就叫咗溏心蛋、鳳爪同菜甫蛋餅（$50），湯底麵底一樣。溏心蛋半熟狀態，入口即溛，係好食既。鳳爪就稍為同個麵底無咁夾，蛋餅尚可，但以$10餸嚟講又略嫌貴咗少少。另外加咗一串蜜味叉燒（$22），即叫即整，燒烤味好香，入口鬆軟彈牙，一定要試。最後加埋杯凍奶茶（$9），呢餐就真係超級完美。食完出門口已見超多人排隊等外賣等堂食，如果大家要試，都要比啲耐性等待。

蒙麵位於紅磡，呢間餐廳大家應該都聽過。 出名於老闆講野好鬼串，牆上有好多好串吸句子e.g.「要座得舒適，食得招積，請去大型連鎖店，咪去攪X小店。」食餐飯都搞笑過人🤣。 有日經過呢度但餐廳就冇開到，門口仲寫著「是日休息，調頸都要休息吓。」仲有好多字句例如：「座位有限，梁振英黎都要排隊」「唔選擇次貨，只賣靚貨，貪平嘅唔好黎」。 同時亦都反映小店經營困難，需要大家互相禮讓，互相將就吓啦，希望大家合作，做返消費者應有嘅態度😌三餸車仔麵$ 44我就叫咗響鈴，蘿蔔，牛腩，幼麵。 點知我又大頭蝦，唔記得叫呢度嘅招牌蕃茄湯底。 加上又唔記得加腩汁，所以湯底好清，冇乜味，但起碼唔係雞粉水（又係童年陰影之一🥲）。 我落咗少少辣椒油落個湯，聞落好刺激，有少少蒜香。 一入口個嘴麻咗，香中帶辛，好惹味😝。 響鈴係已經走曬氣，己經唔脆，所以我將佢浸淋哂，好在仲有D豆味，索哂D油份同辣椒油，拎響鈴有個新生命😇。牛腩有五舊，份量都幾多。 肉質有少少柴，但牛本身嘅脂肪都多，所以問題唔大。 柱侯汁就調味適中，生抽老抽味道平均。 呢個cp值高🤑。 蘿蔔有三大舊，好清甜，炆得好腍，但味道有少少太清，如果入味少少就好啦。 幼麵

紅磡區咁多美食，呢間車仔麵店真係唔可以唔介紹！！知道佢哋店舖小小，但就有十足名氣，即管去試試😎😎😎當日平日過到嚟，好好彩一入就有位（轉登6點左右就過到嚟）但已經坐滿人。由於下午食得唔飽，同朋友決定叫晒所有想食既餸🤪😋🤤特濃蕃茄薯仔湯+響鈴+花甲+豬紅+韮菜餃（蒙麵）特濃蕃茄薯仔湯+蠔仔煎蛋+牛腩+香茅魚餅 (蒙麵）呢個一定係我人生食過最豐富嘅車仔麵😂😂😂首先講下個湯先，蕃茄薯仔湯加埋花甲嘅鮮甜簡直係無敵！！蕃茄湯好有住家味道，冇任何味精，真係可以成碗飲晒～響鈴唔洗講，湯底掂就一定好味😋花甲雖然要加$30 但真係好抵，因為好足料，每粒都有肉，無沙，令到個湯升華左😇😇韮菜餃都好好味，包得都大粒，豬紅就正常味😗另外個碗就試咗好多人推薦嘅蠔仔煎蛋，係好味嘅，但可能都係食開大排檔個啲蠔仔餅😂個啲會香口一點，印象好深刻嘅仲有香茅魚餅，香茅味十足，好好味！蒙麵口感似薯粉+烏冬之間。好好味，好鐘意🥺🥺配蕃茄湯真係好夾招牌蜜汁叉燒，製作需時，應該係即叫即燒，肥瘦啱啱好 加上蜜糖 好夾。好滿足嘅一餐！！食到捧住個肚咁走🤪🤪💛💛

久聞「蒙麵」大名，據聞鋪頭好有性格，但又好好食，所以吸引好多人排隊。去到見到門口貼滿哂告示📜，講明「唔等得，唔好食」同埋「唔做宣傳，有麝自然香」等，非常搞笑😂！其實個人感覺鋪頭姐姐態度無話特別唔好，仲會叫你小心後面，又會有多謝等，係語氣可能大聲少少🤏🏻，老闆就非常專注煮嘢食，基本上當日見到都係佢一個人煮緊，由於佢講明大量配料都係即叫即製，所以我諗告示都係想寫俾會催單或預返俾啲好趕時間嘅客人睇。鋪頭裡面有大約十幾個位，門口長期好多人龍，不過我去當日係星期日大約4點，好好彩咁排咗十分鐘左右就有得入去( ੭ ･ᴗ･ )੭！🍜湯底同麵底，唔執輸跟風揀咗好多人推薦嘅「🍅特濃蕃茄薯仔湯(升級精選湯底$𝟏𝟐)」同埋「🍜蒙麵($𝟏𝟗)」，果然係超級正呢！非常濃郁嘅蕃茄薯仔湯，滿滿蕃茄蓉加大大舊薯仔，好似媽媽喺屋企煲咁足料！而「蒙麵」就係佢哋自家製嘅，好似稻庭烏冬咁，口感比較滑，亦好彈牙煙韌，襯埋蕃茄薯仔湯係超夾。🍲配料方面，前面講到佢講明「大量配料都係即叫即製」，我諗並非係宣傳手法，因為的確出色，而之所以咁大個碗，皆因全部都係份量十足，食完非常飽肚。貪心嘅我，就快揀哂佢所有舉👍🏻嘅餸，個人平時叫開3個

Bookmark 話要食，今日放假就拎起心肝去排隊，大熱天時排咗半個鐘，只有為咗好想食嘅嘢我先會咁做，蒙麵開1:00，我12:30去到已經排第三，未開門已經爆滿😂😂，成間鋪座位只得14個，第一轉排唔到只能再等，繼續排隊嘅人多的是，再等一轉我估要半個鐘至45分鐘，要食就好似呢間麵左嘅名句一樣🔥要食好嘢就要等㗎啦🔥啱嘅，我願意等，排隊嘅時候已經畫好要咩嘢食，入到去即刻俾阿姐，今日連早餐都冇食，就揀個五餸車仔麵同兩串叉燒，比單阿姐嗰陣時呀成日問我係咪寫錯叉燒數量，兩串你真係食得晒？😂😂我答佢我一定食得晒😏😏，另外店舖冷氣亦都唔係好夠，不過好彩每個位都有風扇吹住，尚算涼快，車仔麵大約左8分鐘就送到，至於叉燒因為真係即刻燒差唔多要成20分鐘，都預咗嘅😋🍜五餸車仔麵$ 66⚠️溫馨提示，第一啖要飲吓佢個湯底，好清甜好似老火湯一樣，真係好鍾意▪️台灣香菇貢丸-係我想食嘅台灣味貢丸▪️香茅魚餅-非常香嘅香茅味，魚餅好彈牙▪️滷水大腸-好入味同埋夠淋，又有少少肥膏，好正▪️辣味魷魚-辣就唔係好夠，但個沙嗲汁幾好味同埋魷魚好彈牙▪️豬紅-食得出好新鮮，咬落去有少少黏牙嗰隻，唔識點解釋，鍾意食豬紅嘅朋友應該知我講乜😂▪️

呢間紅磡車仔麵非常出名，出名在串咀又有性格，當然聽聞食物都好有質素，長期見到人龍是常識罷，唔等得，唔好食囉知道呢度有佢地既要求，所以都跟足指示落單，但其實d姐姐都好好相遇，落單都無咩好怕招牌蜜汁叉燒串即叫即燒既關係，製作需時，岩岩燒好既叉燒真係熱辣辣的，外面燒到燶燶地咁，好香，肉質軟腍又juicy，等係值得的特濃蕃茄薯仔湯+花甲+辣味魷魚+滷水大腸(稻庭烏冬)先飲啖蕃茄薯仔湯，好有家的味道，仲有薯仔蕃茄一齊上，好足料花甲既數量都唔少，鮮味十足又無沙辣味魷魚會用碗仔另上，我就覺得唔夠入味，但辣度就好夠滷水大腸既軟硬度適中，亦都食到滷水味，不過大腸既味道都幾濃，有點影響埋個蕃茄湯底既味道特濃蕃茄薯仔湯+韭菜餃+滷水大腸+蘿蔔韭菜餃都幾大隻，餡料十足，味道不錯蘿蔔清甜無渣，車仔麵真係唔可以少左佢最欣賞係個蕃茄薯仔湯底同蜜汁叉燒，呢度每碗要最少叫3餸，叉燒係計落小食，我食量一向都唔大，加上佢又足料，變上係食緊4餸，真係飽到肚皮就黎爆咁出返去

有型有態度既車仔麵小店 位少天天排長龍!街知巷聞車仔麵店 除左出名好食外出名有性格排隊之前一堆水牌已經通知左你要等同等~新鮮花甲 一份30蚊就有20隻左右! 鮮甜厚肉無沙 隻隻吸滿湯汁好美味受歡迎嘅番茄薯仔湯真材實料，滿滿番茄蓉同薯仔好有屋企煲既湯水味道 飲曬成碗都唔會口渴溏心滷蛋用鴨蛋製成，蛋味香濃又唔會過鹹招牌蒙麵，質感有啲似烏冬加薯粉嘅混合體招牌蜜汁叉燒串，熱辣辣半肥瘦叉燒配上香甜蜜汁紅磡差館里9-15號協輝大廈地下1號舖消費$100

🍽 蒙麵紅磡差館里9-15號協輝大廈地下1號舖一提到紅磡嘅黃店💛呢一間蒙麵必定榜上有名，有嚟過嘅都知道呢間小店除左食物有性格，老闆本人亦都非常有性格，絕對喺全港獨一無二最有性格嘅車仔麵店🤪點解咁樣講呢，就係因為店舖貼滿「唔等得唔好幫襯，要好坐嘅可以去連鎖店」等各式各樣超串嘅標示😎而為何老闆咁有性格，呢間店一樣大排長龍呢？！就係憑著佢貨真價實、多款充滿心思嘅招牌菜💯 今次🐽就試左其最招牌嘅即叫即燒蜜汁叉燒串，蕃茄薯仔湯底及幾款蒙麵獨有嘅車仔麵餸！如果想知邊樣最正，就要睇到最後啦😛🍽特濃蕃茄薯仔湯底($12)+蒙麵($19)+五香牛筋($12)+蠔仔煎蛋($11)+鹵水大腸($12)（🧡🧡🧡🧡）呢個招牌自家製特濃蕃茄薯仔湯底超足料，附有幾舊蕃茄及一大舊薯仔。蕃茄湯濃而不膩，飲落好似平時屋企煲嘅老火湯，由於係車仔麵嘅湯底佢嘅調味會較濃味，但確保100%無味精，食完飲完都唔會好口渴！ 麵底方面，「蒙麵」係店舖自家製麵，口感其實就非常似平時食開嘅「真打烏冬」咁煙韌滑溜。配料方面，呢碗就叫左最常見嘅牛筋及大腸，鹵得非常入味軟淋，再加上佢地獨有嘅蠔仔煎蛋🤩煎蛋入面包住飽滿嘅蠔粒，每啖都充滿住蠔味🥰牛

蒙麵嘅賣點似乎係賣佢寸嘴多啲一啲串爆句子都要特登做一個牌掛起佢，每張枱都會睇到呢啲串爆字眼。 大約兩星期前嘅一晚心血來潮就黎左試，入邊只有兩枱人，所以唔使排隊就食到。我同老公都同意串叉燒係好食嘅，即叫即燒。 食過一啲燒烤店嘅串燒，叫兩串嘅份量都冇佢地咁多！ 主食方面：湯底，配料，麵，我個人又唔覺得好特別，可能佢哋出名係個蕃茄薯仔湯底。配料亦都唔特別。 我先生反而就覺得唔錯，會再返嚟食。 整體來講，呢間麵店價錢偏貴（一定要叫最少3個餸），分量OK。

一入黎見到大大小小嘅寸嘴小巴牌🤣心諗：就睇下你有幾好食！以一碗車仔麵黎講 佢地算小貴但以質素同份量黎講 絕對係抵食🤤平時大排長龍 咁岩星期六早啲去食都只係等10分鐘就有位👍🏻☺️特濃蕃茄薯仔湯底🍅🥔好住家嘅感覺😚鮮甜蕃茄味已經係好天然嘅調味劑 平時唔點飲湯底都飲咗半碗🤤🤤唔會飲完頸渴😋喇沙湯底 👍🏻👍🏻👍🏻呢個真係大讚 單單聞就好香椰奶味 食落香辣 諗起都流口水🤤💦蒙麵配陳皮魚蛋 /牛腩/南乳豬手蒙麵係朋友極力推介🤣睇落食落都似烏冬 比較幼同彈牙🥰迫住叫三餸但餸嘅份量都佔一半！牛腩同豬手都炆得非常腍 無乜骨啖啖肉🤓魚蛋細細粒 有陳皮味 不過份量就少啲🤏🏻蜜汁叉燒 $44@2 4/5作為一個極愛叉燒嘅人 叉燒表現算係中上唔同燒味飯嘅叉燒 佢地用新鮮豬肉 👍🏻即叫即燒 淋面一層蜜糖拉晒絲🤤肉汁鎖住係蜜汁裡面 唔會好dry不過有啲嫌佢表面唔脆😂以為細細碟唔夠 兩個人share食完其實好飽🤣

見到店面的”溫馨提示”, 例如是不要久留, 不要催促食品上枱等, 有食客認為這是沒禮, 也有食客認為這是店家態度認真, 對我而言只要食物質素ok就可以, 自家小本經營的食肆有其營業上的壓力, 這樣也可理解. 蒙麵基本上就是一家車仔麵店, 本配搭些特色小菜, 食材並不昂貴, 但夠新鮮, 而且處理上也有心機.麵底點了其自家製作的蒙麵, 口感有點似紅薯粉, 但更加挺和粗身, 配以麻辣湯底相當合拍. 其麻香濃而辣度適中, 沒有過多的紅油, 相對舒服. 牛腩和大腸除了炆得夠入味外, 件頭也夠大, 前者筋膜彈牙, 後者內裡清潔乾淨而且還有最邪惡的脂肪層. 再加上自定製的辣菜脯, 口感爽脆, 辣中帶甜沒澀味, 整體水準相當不錯.它的兩道名物是叉燒和花甲, 點了前者, 外表沒有任何脂肪, 心怕其燒得過乾, 咬下去外面脆而焦香, 內裡纖维感是有的, 但容易咬開, 不算死實. 醬汁分佈均勻, 主要是蜜糖的甜, 肉汁不少, 結合起來味道層次得以提升.

幪面超人？非也、非也，是「蒙麵」！作為紅磡舊街坊當然聽過「蒙麵」，記得起初「蒙麵」在紅磡另一個位置，後期才搬到現址，講到我對「蒙麵」產生興趣的話，乃最近兩年的事了！當天安排老爸的事提早完成，正好讓肚子仍餓著的的我，待在紅磡覓食！腦中隨即浮現一籃子的食肆，大抵每次在紅磡都是跟老爸飲中茶，許多心儀的小店還沒有機會到訪之故，這趟機會來了！大概 1240 抵達「蒙麵」，大閘只拉高了一半，可是門口已有六人在排隊，不用多說，自自然然便跟在龍尾等候，愛守秩序是真香港人一貫的本質！1300 正點開門，由一位姐姐逐一安排座位！香港寸金尺土，小店特色無疑是地方淺窄，我被安排在店末、後門前的面鏡而坐的檯子，可獨自一人安坐，感覺還好！進店前，我已翻閱開飯網大大小小的食評作攻略，例如有什麼合口味的重點推介、店方規矩和店格等，均一一掌握了！可是實戰時，忽略了「蒙麵」其中一個重要事項 — 「車仔麵每碗三餸起」，於是在姐姐打回頭的單子上，乖乖地再圈上五香牛筋！車仔餸由 HK$7 至 HK$13 起 （HK$11以上不設雙份）麵底由 HK$14 至 HK$22  湯底三款 HK$12 （均一收費）花甲 HK$30

話說男朋友成日都話想試「蒙麵」，呢日放假諗唔到食咩就陪咗佢試~ 「蒙麵」喺紅磡一帶都幾高人氣，餐廳主打港式車仔麵，位於紅磡街市附近，裝修一般，店面唔算大，可以坐到嘅枱數唔多，平時搭車經過成日都見到門口排哂人龍~ 🧡新鮮花甲+香菇貢丸+時菜+米線（$60） ☞ 新鮮花甲$30一份，係加埋係碗車仔麵度，花甲每隻都有肉無沙~☞ 香菇貢丸有兩粒，味道普通~☞ 當日嘅時菜係通心菜，切開咗一小截一小截，方便入口~ 🧡金錢牛肚+韭菜餃+菜莆豆角+溏心鹵蛋+蒙麵（$65）☞ 金錢肚鹵得幾入味~☞ 韭菜餃餡料結實~☞ 溏心鹵蛋色澤好靚~☞ 我哋無試到啲特別湯底，加咗菜莆豆角都幾惹味~☞ 值得一提既係佢個蒙麵底，口感都幾得意，似薯粉同烏冬嘅混合體，粗壯幼滑，QQ彈彈~ 🧡招牌蜜汁叉燒串（$23）☞ 蜜汁叉燒串即叫即燒，不設加單~蜜汁微微甜，炭燒到微微焦，幾惹味~

佢係位於紅磡街市對面嘅車仔麵，自從蒙面法實施左之後，一直都好多人留意，我第一次食嗰陣揀左辣汁同蒙麵，蒙麵係一隻好似烏冬咁嘅麵，覺得剩係麵$19太貴，上次食左覺得普通就冇叫，後來第二次嚟先知可以揀兩隻汁😂，上次係清水溝辣汁🍜蠔仔煎蛋+柱候牛腩+紫菜油麵 $46 (8.7/10)汁揀左牛腩汁+辣汁，佢啲蠔集中喺底，幾好食，牛腩煮得恰好，紫菜真係一試難忘，以前食車仔麵唔會叫紫菜，但而家會覺得個紫菜令到成個麵昇華左，佢個麵超好食，我覺得仲好食過文記🍜滷水大腸+雞中翼+紫菜油麵 $43 (8.6/10)汁都係揀返牛腩汁同辣汁，因為第二次食完覺得超好食，所以今次都咁叫，大腸同雞翼覺得係正常水準啦，但個麵真係超正🍜金錢牛肚+荷包蛋+豉汁鳳爪油麵 $43 (8.3/10)揀左香辣菜甫+辣汁，鳳爪偏鹹，啲餸我覺得正常啦，個麵我自己都係鍾意腩汁多啲，佢呢個組合唔會太辣🍢招牌蜜汁叉燒串 $44/2串 (9.5/10)呢個叉燒要等，間鋪甚至串到貼住，唔等得就唔好食，叉燒肥瘦剛好，食落去完全feel到燒出嚟嘅香味同啲蜜糖好夾，最正係啲肥嘅部分好食過啲燒味店，佢真係熱辣辣香噴噴嘅肥叉嚟，又唔細串🍷凍檸茶 $9叫左