影片
更多
2021-10-13
193 浏览
久聞「蒙麵」大名，據聞鋪頭好有性格，但又好好食，所以吸引好多人排隊。去到見到門口貼滿哂告示📜，講明「唔等得，唔好食」同埋「唔做宣傳，有麝自然香」等，非常搞笑😂！其實個人感覺鋪頭姐姐態度無話特別唔好，仲會叫你小心後面，又會有多謝等，係語氣可能大聲少少🤏🏻，老闆就非常專注煮嘢食，基本上當日見到都係佢一個人煮緊，由於佢講明大量配料都係即叫即製，所以我諗告示都係想寫俾會催單或預返俾啲好趕時間嘅客人睇。鋪頭裡面有大約十幾個位，門口長期好多人龍，不過我去當日係星期日大約4點，好好彩咁排咗十分鐘左右就有得入去( ੭ ･ᴗ･ )੭！🍜湯底同麵底，唔執輸跟風揀咗好多人推薦嘅「🍅特濃蕃茄薯仔湯(升級精選湯底$𝟏𝟐)」同埋「🍜蒙麵($𝟏𝟗)」，果然係超級正呢！非常濃郁嘅蕃茄薯仔湯，滿滿蕃茄蓉加大大舊薯仔，好似媽媽喺屋企煲咁足料！而「蒙麵」就係佢哋自家製嘅，好似稻庭烏冬咁，口感比較滑，亦好彈牙煙韌，襯埋蕃茄薯仔湯係超夾。🍲配料方面，前面講到佢講明「大量配料都係即叫即製」，我諗並非係宣傳手法，因為的確出色，而之所以咁大個碗，皆因全部都係份量十足，食完非常飽肚。貪心嘅我，就快揀哂佢所有舉👍🏻嘅餸，個人平時叫開3個
鋪頭裡面有大約十幾個位，門口長期好多人龍，不過我去當日係星期日大約4點，好好彩咁排咗十分鐘左右就有得入去( ੭ ･ᴗ･ )੭！
🍜湯底同麵底，唔執輸跟風揀咗好多人推薦嘅「🍅特濃蕃茄薯仔湯(升級精選湯底$𝟏𝟐)」同埋「🍜蒙麵($𝟏𝟗)」，果然係超級正呢！非常濃郁嘅蕃茄薯仔湯，滿滿蕃茄蓉加大大舊薯仔，好似媽媽喺屋企煲咁足料！而「蒙麵」就係佢哋自家製嘅，好似稻庭烏冬咁，口感比較滑，亦好彈牙煙韌，襯埋蕃茄薯仔湯係超夾。
🍲配料方面，前面講到佢講明「大量配料都係即叫即製」，我諗並非係宣傳手法，因為的確出色，而之所以咁大個碗，皆因全部都係份量十足，食完非常飽肚。貪心嘅我，就快揀哂佢所有舉👍🏻嘅餸，個人平時叫開3個餸，今次叫咗6款😝：
🔸鹵水豆腐($𝟗)：
豆腐好滑，吸哂蕃茄薯仔湯但仍然係食得出有鹵水味。
🔸 韮菜餃($𝟏𝟏)：
一份有兩大隻，皮薄爆餡，韮菜味好濃郁。
🔸 溏心鹵蛋($𝟏𝟐)：
用咗鴨蛋，蛋黃熟度非常剛好，不過就偏向係少少豉油咸味多於有蛋味。
🔸 辣味魷魚($𝟏𝟑)：
好有驚喜，因為平時好多店食落會有陣唔新鮮嘅臭味，佢一啲都無之餘，仲好新鮮彈牙，醬汁好辣但又好惹味。
🔸 陳皮魚蛋($𝟖)：
不過不失，比較普通，覺得可以唔駛叫。
🔸 新鮮花甲($𝟑𝟐/份)：
最好味嘅配料😍！花甲份量非常足料，而且每粒都大大隻厚肉又新鮮無沙，食落好鮮甜，必叫！
🍢小食我哋叫咗兩款，分別係叉燒串同埋雞翼：
🔸 招牌叉燒串($𝟐𝟑/串，$𝟒𝟒/𝟐串)：
叉燒串係即叫即燒，需要等大約二十分鐘，有層甜嘅麥芽糖係上面，烤到少少焦脆，好肥美多汁。未食前都見到有人話過有時會比較乾身，可能真係撞手神😝！
🔸 香草烤雞翼($𝟐𝟑/𝟑隻)：
雞翼水準正常，肉汁juicy。
其實食物方面係覺得好食，但係環境方面就要預咗的確會有少少擠逼，嗰日又好熱，鋪頭冷氣同埋通風空間都較為不足，一路食一路滴汗🥵，有啲焗促之餘，出面有長長人龍等候，都唔好意思食太慢，變相就有少許趕急嘅感覺，係呢個位有少少🤏🏻影響到感覺。不過呢個價錢實在係性價比相當高又物美嘅小店，絕對值得食！
张贴
