影片
以上资料只供参考，请与餐厅确认详情
相关文章
中学以来就知道蒙面的存在，但是那时候，这家小店并不起眼。时光飞逝，已经过了10多年，原来仍然有间叫蒙面的小店。虽然不知道是不是同一间，但是这间蒙面变成了人气的车仔面店，每每经过都是排队的人，终于的起心肝一个放工的晚上，走去排队。虽然门口条队唔长，但系都排了超过半个钟，因为小店座位实在太少。在排队期间已经写好单，所以一坐低好耐车仔面就上枱。一个沙嗲汁金钱牛肚、卤水大肠，脆皮多春鱼配幼面。另一个是腩汁蚝仔煎蛋、卤水牛腩、辣味鱿鱼。拌面送上的是一大茶匙芫荽葱蒜，这个值得赞！辣味鱿鱼是独立另上的，辣汁做得十分不错，但是鱿鱼略嫌没有脆身，食落有点腍。香辣菜甫是免费的，味道不错。车仔𩠌的款式，比起其他车仔面店，多了特别款，面底也可以有濑粉和银针粉的选择。蚝仔煎蛋大大件，食落不错。脆皮多春鱼同个名一样，成条脆卜卜可以食晒！至于其他车仔𩠌，感觉比较正常水准，没有很特别。招牌蜜汁叉烧系几好食，不过焦黑的地方，要搣返出嚟，不过细细串$35，性价比低了点。至于重点汤底，就比较失望。完全唔浓，或者我们没有升级汤底，有没有试到招牌辣汁，所以这个汤底对我们来说，真的很普通，或者期望越大，所以失望也有点大。如果不拣招牌辣汁，又或者唔会升级汤底的话，这碗车仔面唔会太吸引我回头。尤其如果门口有人龙，更加唔会再排队食多次。
继续阅读
蒙面 📍：香港红磡差馆里9-15号协辉大厦地下1号舖🚗：黄埔地铁A出口 步行6分钟📞：+852 2363-8166💲：~HKD120/head for lunchFood quality✔️：三𩠌车仔面、辣味鱿鱼、新鲜三甲、特浓蕃茄薯仔汤、脆香多春鱼、招牌蜜汁叉烧串、新鲜蝴蝶腩👌🏼：卤包仔豆腐、麻辣烤鸡翼、柠蜜、银针粉总结：😋一间出名劲有性格嘅车仔面店 虽然唔平但学老细话斋唔好食平都冇用😝😋车仔面嘅𩠌同市面好唔同 见到新鲜三甲同新鲜蝴蝶腩即冲 好食 真系够新鲜‼️😋特浓蕃茄薯仔汤真系好有家庭🏡味 蕃茄味好浓😋招牌蜜汁叉烧串系必点 叉烧好好食 劲邪恶但真系必点😋脆香多春鱼同辣味鱿鱼🦑都好正🤔连卤包仔豆腐 麻辣烤鸡翼都唔错🤔我未试过车仔面系配银针粉 几特别 但比我想像中好食😣😨以车仔面嚟计cp值真系偏低 但所有食材你感觉到系畀心机煮 所以唔会有唔值得嘅感觉 一分钱 一分货👍🏼
继续阅读
第一次试食评，因为呢间真系食过最差最差嘅车仔面。由于舖头座位比较少，前面只是四个人排队已经要等位25分钟，入座前10分钟已经将点餐纸交给店员，入座后10分钟先叫有得食，但系碗面，鱿鱼，韭菜饺同津白饺，竟然要分开上，先上鱿鱼，煮过龙，加上得个咸字，再等5分钟，碗面上啦，饺子又未到。叫你食住面先。汤底叫咗秘制辣酱，我一睇以为佢搞错咗，好似清汤咁，原来中间有Pat辣酱，呢个汤底真系我食过最差最差嘅车仔面，好似鸡精汤底加Pat辣酱一样，出前一丁个味精包都好食过佢，又淡又唔够辣，我同朋友叫咗粗面同米粉，两个面底又系煮过龙，面质本身亦都差。虽然已经等到好肚饿，但系食咗几啖，真系完全食唔落，挣扎咗一轮，决定放弃嘅时候，饺子先到，饺子系比较好少少嘅，但系已经冇心机再食啦，成个感觉系，汤底冇味，面质差，食车仔面啲𩠌竟然要分开上，一路食，一路怀疑点解呢间舖头有人赞好。明白车仔面唔系一个贵价嘅食物，但系都希望每一间食肆都认真去对待每一位顾客，每一个order，食肆系靠口碑，靠食物质素去维系。靠广告，靠鳝稿，就只会给你带来更加多嘅差评。
继续阅读
在红磡某条街角藏身的「蒙面」，是一间低调但人气极高的港式车仔面小店。小店只有13个座位，营业时间一到便已门庭若市，足足排了45分钟才得以入座。虽然等得耐，但入座后的味觉体验，绝对值得。今次点了他们招牌车仔面，选择了稻庭乌冬作面底，搭配津白饺、溏心卤蛋及新鲜蝴蝶腩三款配料。乌冬爽滑弹牙，吸满浓郁汤底，每口都带有咸香与微辣的味道。津白饺皮薄馅靓，咬开时汤汁四溢，内里肉馅鲜甜，手工感十足。而溏心卤蛋则处理得恰到好处，蛋白入味，蛋黄仍保留半凝状，咸香浓郁。最惊艳的是蝴蝶腩，肉质嫩滑，油脂丰富，入口即化，绝对是牛腩控的福音。另点了叉烧串，刚烧起上枱时热辣辣，表面微微焦糖化，带点甜味，肉质松软多汁，香气扑鼻，好吃得令人无法停口。还有厚切煎餐肉，外层煎得香脆，内里保留湿润感，简单但极具风味。
继续阅读
本身好少食车仔面，因为大部分𩠌都唔啱食，但见到好多人推介红磡呢间车仔面，所以慕名而来。星期一晚上6点3嚟到排队，前面排紧6位，等左半个钟先入得。小店大概有12-15个座位，职员有四位，比起平时D车仔面店，呢度嘅上菜速度好慢。响铃、蝴蝶腩马来喇沙汤米加辣味鱿鱼(另上)鱿鱼好入味，应该煮左一段时间，不过真系好辣，辣到食唔到其他味。喇沙汤偏向椰奶，饮唔出汤底系咩材料煲出嚟，只知饮落几啖(味觉可能已经比辣鱿鱼搅到失灵)。咸菜脯唔特别，唯一用途系为碗面添加爽脆口感。由于每碗面3𩠌起，无奈之下点左唔脆嘅响铃。咁多款𩠌入面，最好系蝴蝶腩，切到大大件，仲要有6件咁多!! 我中意蝴蝶腩偏瘦带少少肥，虽然跟左个汁，但唔点就咁食已经好有肉香。米粉好幼，幼度似超力，但口感偏淋。五香牛筋、金钱牛肚配招牌辣汁菜脯米线加辣味鱿鱼(另上)牛筋同金钱肚嘅份量比一般车仔面多，前者炆到好软淋，满满嘅胶质!!汤底未捞匀D辣汁前试左一啖，汤头偏清淡，但捞完之后就好后悔，因为真系好辣，辣到食唔到其他味…(我平时只食谭仔5小辣)，如果唔食得辣嘅朋友仔，真系唔好试😂米线偏硬，唔会一夹就断，系我中意嘅口感。人气推介蜜汁叉烧$35机乎每枱客人都会点嘅一款小食，上枱果阵食得出系啱啱烧出嚟，热辣辣。叉烧多肉少肥膏，但唔会好韧好难咬得开，肉质称唔上松化，有别于烧味舖嘅叉烧，所以喺我心目中佢唔系叉烧🤔。如果以串烧嘅心态去食，反而会好D。两碗面、一款小食、一杯冻饮，埋单$191，以车仔面嚟讲唔算平，不过𩠌嘅份量比坊间其他车仔面多少少，而且又有车仔面少见𩠌，如果想食D特别𩠌嘅车仔面可以嚟试，但要有心理准备要排队!!😏
继续阅读