芽莊越式料理

营业中

休息中

今晚同老公撐枱腳，諗住未試過呢間就去試下，平時見到都幾多人，今日亦唔例外，係門口等位時已經揀好心水食物，我地一坐底就即刻叫嘢食，但落單個侍應服務態度好差，全程黑面，落完單無口述多次我地聽就黑住面走左，我地叫左一個燒牛肉濛，一個生牛肉湯河，一碟芥蘭苗同一碟越南春卷！我同左侍應講個湯河要走牙菜，但黎到係有牙菜嘅！我想叫侍應跟返但見佢都係黑晒面所以都由佢無出聲啦，自己夾走算啦，心諗咁大間餐廳嘢食又唔算平，咁基本嘅嘢都做唔到有點失望，跟住講下食物，第一樣試係芥蘭苗，話明芥蘭苗，應該好幼好嫩，但係又粗又鞋，最失敗係碟菜，兩碗粉ok嘅，個湯幾好味，燒牛肉都好好食，春卷就麻麻地，裡面嘅紅蘿蔔餡料有啲硬！總括黎講我同老公都覺得無下次啦⋯⋯

同好友去葵青劇院睇舞台劇，睇前去食飯，揀咗呢間越南菜餐廳，我早去到攞位，店員提醒我入座有限時，朋友未來！我就在門口等，差不多人客多時，店員都好好問我到未，先比咗位我，餐廳在商場中庭，樓底高，淺木加彩色磚好靚，我哋三個坐大枱一角，要同其他客人搭枱！上菜時要認領！會安軟殻蟹卷：賣相擺盤幾靚，米紙軟熟！入面嘅餡料扎實，米粉彈牙，軟殻蟹外脆內軟！灑上芝麻！好味！河內魚餅撈檬：魚餅外脆內彈牙，鯪魚肉唔腥有魚味！檬粉彈牙，加上紅蘿蔔蔬菜絲，加了酸醋汁撈埋好味！好喜歡嗰啲青蔥油！花生都好香！芥蘭苗：講真啲芥蘭一啲都唔係苗嘅狀態！係好粗嘅芥蘭，幸好唔老又爽，加了豉油汁，微鹹清爽！灑上面嘅蝦乾幾香！越式燒雞（半隻）人氣食品，燒雞皮燒到很薄，雞肉唔嚡，醃得幾香，唔點跟嘅香草橄欖油都好味！越式熱咖啡：奶另上，幾喜歡越南咖啡嘅滴漏壺，但奶我唔受太多，呢度可以自落，加入咖啡後，味道似拖肥糖，咖啡味唔甘！幾香！越南有機花茶：叫了三葉草，我哋想試新嘢，所以叫了未試過嘅三葉草，淺黃色茶水，飲落有啲草青微甘，其實未接受到！味道都幾怪！店員勤快，當我有需要時會幫手唸，好像入座佢雖然限時，就比我在門口等朋友，差不多見客人多

終於入秋秋風起當然食下越南野越南野講真系好cheap去芽莊都系食環境之不過今次食物好滿意 Starter 叫左蝦綠豆烘餅金不煥葉香葉.... 正朋友叫左魚餅撈檬魚餅出色口感好留香我就食牛肉撈檬有菠蘿粒吊味好正不過正因爲不是獨立鋪商場人流聲入鋪比較嘈

一個平常的週末 , 我和太座一起到 葵芳新都會 的戲院看過早場之後 , 便在商場覓食 ~整個商場人流極旺 , 差不多每一間餐廳都爆滿 , 於是便求其找一家有位坐的餐廳 , 便入去幫襯 , 就這樣我們幫襯了 芽莊越式料理 ~Menu ~ 新鮮菠蘿冰 $ 42 : 這杯飲品是用上了 新鮮菠蘿、菠蘿乾、橙皮、梳打水 調製而成 , 味道甜蜜 , 冰涼透心 ~ 炸軟殼蟹 $ 118 : 賣相不俗 , 炸軟殼蟹共有兩件 , 炸得酥脆金香 , 亦不算油膩 , 外脆內嫩 , 蟹肉有蟹味而不腥 , 有夠惹味 ~ 河內生牛肉粉 $ 68 : 賣相吸引 , 份量也夠重手 , 相當夠睇頭 , 這碗湯河很是足料 , 有生牛肉、金不換葉、青檸 等 ; 湯頭味道清香 , 味道濃郁醇厚 , 河粉幼細滑順 , 口感煙韌 ; 生牛肉的肉質鮮嫩且富牛肉香 , 只是略嫌牛肉是偏熟了些許 ~本篇完 ~

過了地獄一星期的搬搬抬抬生活，再請半日假收拾打掃，終於漸見曙光，總算可以依時開業。整個下午爬高爬低，到七時多體力耗盡，提早離開和哥嫂晚飯去，本想先在葵廣掃輪街，但我真的太累無力再戰，還是正正經經找個地方吃頓舒適的，好好犒賞一下自己。 新都會商場正在進行翻新工程，多了許多新食肆進駐，望望水牌見到很久沒吃的芽莊，動身前往。周五晚上八時左右等位的人不算多，大約十五分鐘已能內進，餐廳採用開放式的格局，加入了大量原木元素，光潔明亮。 蕃茄蟹肉湯檬 $68湯頭加入不少新鮮茄肉，茄味濃得來不會假，加上蟹糕炒蛋和扎肉等配料，豐富味美。 燒牛肉撈檬 $62兩大件牛柳軟腍滿有香茅香，配料有醃蘿蔔絲、青瓜絲和生菜絲，伴入甜甜酸酸的魚露汁，炎炎夏日來一客非常清新開胃。 烤乳豬 $198菜牌上的圖片吸引我們也點上一客，豬皮卜卜脆，肉亦不柴，可惜那皮下脂肪極厚，吃一件已膩到不得了。 芥蘭苗 $46入座時瞥見鄰座的菜苗甚為醒神，也來一客。面頭灑滿蝦米仔和花生，味道帶甜且不油膩，惹味得很。 這裡上菜速度驚人、翻桌率甚高，難怪客如輪轉；埋單四百頭，比想像中相宜，可惜我最愛的越式麵包已售罄，不然更滿足。

今日來到葵芳新都會廣場，夏天天氣熱沒有什麼胃口，打算食點粉面就算了，見到有芽莊，就入去試試。以前食過中環那間，中午經常要排長龍。心想這分店也應該不差吧。點了兩個檬粉。香茅牛肉撈檬牛肉：不韌，味道、份量都可以。整體味道不錯，而且份量夠，男士食也可飽肚。河內魚餅撈檬魚餅份量頗多，味道不錯，外面香口，簡簡單單真材實料。價錢可以，地方乾淨。最値得讚的卻是侍應的態度，幫食店加添不少印象分！

其實我覺得食咩唔緊要 最緊要好食今次去到芽莊當然要試試佢出名嘅河內生牛肉粉果然生牛肉名不虛傳 有牛味🤤但蠢蠢的我跟隔離枱叫杯青檸梳打十分普通 價錢很不值😢_________________________裝修環境：✨✨✨✨✨服務態度：✨✨✨✨食物質素：✨✨✨✨(5個✨為滿分)價錢：$65+40________________________唔信我嘅可以自己去試試😂地址：葵芳新都會廣場1樓133號舖

Happy Friday, 收工就係附近食個飯葵芳既選擇實在太多，葵廣又成日食，為左方便泊車，就揀左係新都會消費了見到呢間芽莊，就諗起上年到過既越南，非常懷念當地既美食，雖然香港已經越開越多越式店，但比較地道既味道唔多，所以都想試一試呢間因為星期五比較full，都要等一陣先有位，本menu 都幾多款野食揀，我地2個人，就揀左3樣野食揀左個沙律：西貢芽車快（因為個名所以試試)係雞肉沙律黎既，唔錯，只係底個塊蝦片有d 唔夾最愛撈檬扎肉肉鬆糯米飯- 個糯米飯好香好好味，椰香味濃，推介最後就梗係叫杯越南咖啡喇

好想飲越南咖啡， 所以去左新開既芽莊。晚上客人唔算多，店內位置舒服， 不算太大。 我揀左越南咖啡， 牛油雞翼， 軟彀蟹卷，魚餅撈檬，牛河等。越南咖啡，我略甜左少少。牛油雞翼， 牛油味唔夠。軟彀蟹卷， 好好食， 配菜配合得好好。魚餅撈檬， 大力推薦！魚餅肉好味， 唔熱氣，檬粉加左莞茜 好香。牛河， 牛肉好嫩， 水準以上。此店可以encore!

平日星期三晚7:15入座，我地8人食，一家大細慶祝生日，等左10分鐘，知客話張大枱細小小，但我地有小朋友都夠坐，叫我地坐迫啲，我地都無所謂，坐低左都唔係好迫，但我地食左8個餸張枱唔夠位放惟有每次上枱都叫侍應幫手收返啲碟，都ok!食物唔差，一般大碟，但下次未必叫腩肉，得8-10片，仲要好簿，唔多抵食，仲有碟碎米飯，原來係煎豬排，叫時都無睇清楚，仲以為係碎肉炒飯自己攪錯左，仲同侍應講無叫煎豬排飯，到差唔多食完去追碎米飯，再黎時先知自己攪錯，可能同想像有啲落差，下次未必叫呢個，但其餘6樣都好咪，每碟好多香草呀仲好新鮮！同埋個咖哩蟹（定海鮮？）最好味！啖啖蟹肉但佢啲米係越南米，我地唔識欣賞...又無薄餅，得法包同蒜包，但價錢唔多抵，惟有叫飯食。食到中途，知客經過話而家先上餸呀，好好笑容，有3個侍應好有禮貌，2男1阿姐，當然我地每次叫佢地幫手都唔該前唔該後啦！總括係下次會再幫襯！

晚上7點幾到葵芳，諗起未食過芽莊就決定一試。兩個人等左10張枱 around 30mins。總共叫左4樣野，香煎墨魚餅（$76)，拉椰葉燒牛肉($98)，河內生+熟牛河粉($70)，生牛肉雞絲河粉($72)。本身想試豬扒湯濛，但佢餐牌fix左，跟湯濛定撈濛無得轉。每張枱有青檬，少量辣椒同撈㩚汁，唔夠味可以自己加。牛肉夠嫩，生牛肉唔會俾湯灼得過熟，湯底清甜，洋蔥較淋身入口唔會太大陣味。雞肉無味，下次可以唔食。份量正常，價錢略貴。熟牛肉係牛𦟌，牛味反而淡，煮得太淋入口有點粉，比生牛肉失色。墨魚餅上菜夠熱夠爽口，不過紅椒青椒個味真係太重，食唔到有墨魚味。除左燈籠椒仲有埋馬蹄，食落去整體口感唔錯。成餐最好食我覺得係拉椰葉燒牛肉，原本以為包得太大可能燒得唔平均或者乾。食落竟然幾多汁又嫩呢個燒牛肉係牛肉片包成一舊，食落個味好似金菇肥牛d肥牛，有d甜甜地，食到少少洋蔥絲。可惜食多舊已經開始覺得膩⋯整體味道係唔錯，但價格略高，性價比偏低。坊間都有唔少越南菜煮得幾好食，同區無同類店係呢間既優勢。服務正常，有間唔中加下水，上菜速度算快（特別湯面類）。BTW，呢個位同商場share冷氣，食熱野果時覺得冷氣唔

新都會廣場裝修後開咗好多間餐廳 ，試下商場內唯一嘅越南餐廳， 登記時侍應好有禮貌地問介唔介意搭枱 ，唔介意便可以即刻入座。我哋嗌咗芥蘭苗 ，軟殼蟹米卷 ，豬頸肉青瓜沙律 ，番茄蟹肉湯檬。落完柯打唔夠三分鐘芥蘭苗就送上枱， 快過粉麵茶餐廳 ，芥蘭菜是微暖的。可能好少食越南沙律， 原來啲青瓜係大大舊㗎唔係一絲絲嘅。其餘兩樣嘢味道可以接受， 啲食物嚟得好快 由入座至埋單只需三十五分鐘， 同去茶餐廳食冇乜分別 ，但是埋單就要$303。

本身對無封頂既餐廳無咩期望，食物水平不錯有驚喜！晚餐時段限時75分鐘用餐，餐廳員工認真嚴格執行，全程有員工凌厲眼神掃射，但落單都用左15分鐘。湯河不能轉檬粉，問落單姐姐有無豬扒飯「無」，明明見有其他食客叫：「我地無」。好，咁叫生牛肉湯河「無呢樣，我地有個順化牛肉湯河」有咩分別呢？「都係果d啦，有牛肉有丸牛肉湯」.......咁叫個燒蝦柚子沙律呀，check完，又係無。咁到底係無柚子定無蝦？「我地唔知架喎」，好耶！你係度做都話唔知，俾個"like"你呀姐姐！咁我試下落個燒蝦撈檬啦，又落到單喎！味道唔錯，價錢適中，但員工態度太差食唔落，無下次！

早幾日啱啱喺葵涌度做嘢，搭返車去葵芳食中午，新都會廣場都有唔少餐廳可以選擇，不過見到呢度竟然有越南菜，立即下了決定食呢間。點左個生牛肉越南河粉，牛肉份量勁多，相片中睇得好清楚有好多塊牛肉！牛肉質感都幾嫩，而且好滑！！湯底味道都唔錯，一上桌就散發出香味，牛肉河粉彈牙，唔會太腍。店員仲有比左唔少嘅配料，例如九層塔、青檸，同埋辣椒，我幾鍾意青檸嘅味道，所以全部加晒落去，我專門牛肉河嘅層次感更加豐富，非常好味。不過，價錢我就覺得偏貴。

很喜歡和閨蜜一逛葵芳，可以買到好多平靚正的衣物，是時候轉季了，今天約了閨蜜放工後去逛一逛，作戰前，首先要儲儲體力，找地方吃飽飽才開始血拼XD 整個新都會仍然裝修中，很多新餐廳仍未開張，於是我們選了地下的芽莊，不算很多人，所以不要等候便可以入座。我們點了河內雞絲粉，河內蕃茄蟹檬和芥蘭苗。芥蘭苗很清新爽脆; 雞絲粉的湯很清甜入味;而蟹檬很足料，湯濃郁惹味，令人一試難忘! 很滿足的一餐!