芽莊越式料理

营业中

休息中

新都會開左好多新既食肆，但是最吸引我的就係呢間芽莊，因為有我好喜愛的碎米飯記得在澳洲時食過，係好好味！因為有好多越南人移居澳洲，所以味道正宗。今天決定去食下呢到既碎米飯，究竟有幾正宗呢？揭盅！豬扒大大塊，炸得香噴噴，而且調味得好入味，雖然係豬扒，但肉質幾嫩滑，除此之外仲有兩塊蛋餅，少少失望，因為冇乜味道，而且係涷，整個飯冇汁，所以我會加魚露一齊食，但魚露又不太酸辣，遜色一點，至於米飯好煙韌，合我心意,至於上面似橡筋旣一條條野，我懷疑係豬皮？好爽架，下次要問下到底係乜東東先此外，我仲叫左濱海豬肉卷，一碟4舊，有青瓜絲，肥肥地的豬肉，用越南春卷皮包住，有花生醬附上，個人覺得用泰式酸辣醬更加好，惹味D呀嘛，但整體都滿意啦，下次會試下杯越南咖啡順帶一提，侍應好有禮，招呼不錯，又會主動加水👍🏻

今日約咗美國返黎嘅姐姐去葵芳食lunch 成個新都會都裝修有啲食開嘅餐廳又未開見到有芽莊有位又開咗就入去啦 可能時間未到12點無人嘅個講野唔正又唔禮貌服務員同我講一個鐘三個字要交枱心諗是但啦你人又唔係多同埋知姐姐少食越南野諗住唔選擇西餐但同我食開則魚涌個間差好遠野食唔得又唔抵服務一般 仲係咁吹我地夠鐘要埋單話夠一個鐘三個字啦blablabla 嘩你估你係茶餐廳幾十蚊埋單呀 又貴又唔係話超級好食非唔食唔得個種駛唔駛係咁吹人走呀 總之就係無下次呀 十個失望

新都會裝修咗好耐好耐，其實搞緊咩？幸好裝修期間部分鋪頭都如常營業，更有店舖新開張，芽莊就是其中一間。第一次食芽莊，原來其他地方都有分店。柚子沙律好開胃，酸酸甜甜好好味，腰果都好爽脆！仲配2隻燒得唔錯嘅大蝦！薄薄的薄餅入面有啲肉絲，切開幾份可以包住生菜青瓜食，清清淡淡。好特別嘅牛肉味，諗唔起係邊到食過，不過好食要一試芽莊炒飯，飯粒乾身好味道生牛肉河，個湯好正，熱上即刻將牛肉煮熟我見對面嘅外國人都食蕃茄海鮮湯面，堅好食推介比大家濃郁香甜雖然未去過越南，但我覺得芽莊都幾正宗，又符合香港人的味道！

新都會廣場大裝修，好多舖都唔同左，連新開左間芽莊都唔知添。間舖喺舊A1個位，我地行街行到8點幾先識餓，唔使等位，但幾乎全場坐滿。我點左個生牛肉粉，上枱熱辣辣， 加上湯底有啲辣辣地， 食落去好暖好舒服。牛肉份量夠而且夠嫩， 食到尾都仲有餸 好友唔食牛，湯粉除左個蕃茄蟹湯底外就全部都係牛湯底，所以粉類冇乜選擇，最後點左個魚肉餅撈檬。魚肉餅一樣份量十足，但略嫌唔夠彈牙。特別欣賞呢個裝撈檬汁嘅樽， 可以成支倒轉，將啲撈檬汁搖到好混， 食起黎汁連料都有 炒芥蘭苗加左櫻花蝦、花生碎、芝麻同甜洋蔥，甜甜脆脆，加上芥蘭苗好嫩，意料之外地好味 芽莊以連鎖式經營，食物水準都保持得幾好，暫時無論去邊間分店，都令我覺得比呢個價錢可得到相應嘅野，係其中一間我覺得喺香港經營得幾成功嘅食店。

今日蒲咗去葵芳搵野食。 諗住食lunch啦求其搵啲嘢食就算。行過新都會見到有間芽莊新開，之前喺海港城嗰間食過味道正㗎 。所以就試下呢間啦， 咁就貢咗入去坐低咗。裝修簡約舒服,座位都叫闊寬敞嘅。兩個人點咗牛爽腩河、魚餅撈檬同埋豬肉捲。爽腩河好清， 冇河粉嗰種油膩。 爽腩好爽 ，但係我心目中都係廣東式既牛腩好食啲。咁唔代表佢唔好食只不過係個人喜好 。魚餅撈檬同埋豬肉捲都好食。食越南嘢呀芽莊 係正嘅。如果你哋鍾意食越南嘢又行開葵芳個頭一定要入去試試。

行完葵涌廣場睇完戲本來諗住走不過係電梯見到好似OK又去食碗越南河先之前見到朋友係屋企自己整自己又未食過咁就叫返碗番茄蟹肉湯濛男朋友就食生牛肉爽腩河另外叫咗個芥蘭苗同埋魚餅蕃茄蟹肉湯濛睇落只係得係一小件蟹其實湯入邊係有蟹肉嘅仲有豬肉同好多蕃茄湯飲落去係好重番茄味…不過熱嘅時候都仲可以一開始凍呢，個湯嘅係咪就變咗腥味…我自己就唔係好鍾意件蟹俾咗男朋友食，佢話入邊啲肉好似唔係太新鮮所以都放埋一邊反而男朋友個生牛肉爽腩幾好雖然個湯又係唔夠熱去整熟晒啲生牛肉不過生牛肉味好濃爽腩筋膜位亦夠，非常出色湯底同錦麗比偏甜少少，我自己更加鍾意不過呢就係冇分開上芽菜同金不換嘅呢一點要扣少少分，因為我鍾意食多芽菜而且啲辣椒粒一小碟得個幾粒…我鍾意食辣就唔係好夠…已經攞咗兩碟再攞又唔好意思咁芥蘭上邊有好多蝦米同花生個味甜甜地唔係好咸我自己幾鍾意不過，男朋友就話可以咸少少而且芥蘭有少少渣，略帶苦味魚餅係鯪魚肉加叼草，亦加左馬蹄增加口感因為加左dill所以唔係好腥不過自己本身唔太鍾意食鯪魚肉所以麻麻哋其實佢本身個河粉唔錯都可以再食其他小食就可以唔使喇

是日lunch 黎左芽莊 第二次黎啦今次～星期日既關係 葵方人流好多 ～不過可能附近太多選擇～唔洗點等位 5分鐘就安排入座入座時 職員提醒 有限時 1小時15分估唔到而家連lunch 都要計時之後叫左個豬扒撈檬好好味豬扒好香口 惹味 十分之中都有9.9分再配支撈檬醬汁 好開胃～豬扒又大大件 都算抵食 $60一碗最美中不足係 如果想轉做湯河 係唔得既只能叫menu 上有既 set死既野例如豬扒撈檬 唔轉得做豬扒湯河但其實呢間野又有湯河食 例如生牛湯河咁所以如果識得變通就好啦 一定會黎食多d

因為買左戲票係新都會睇戲，所以晚餐就選擇左係呢度食，本身唸住食日本菜，點知經過呢間越南菜時就俾佢地既香味吸引左入去，好啦就食呢間，因為我地可以搭枱，所以唔洗等就入得。叫左呢個辣牛肉湯檬，黎到佢唔只得牛肉，仲有牛展，仲有札肉係裡面，好足料，最估唔到係佢個芽菜，香葉等等既呢d配料竟然係分碟上，可以俾d唔食呢d配料既人可以唔落，另外個青檸辣椒，平時俾得4分1個，而家有成個青檸，都好新鮮同用料十足。個湯底好好濃郁，有d辣辣地好正。隻軟殼蟹好有驚喜，又大隻又好味，黎到熱辣辣好正，又脆口。魚餅有好多舊，2個人食又太濟，因為都幾大舊下，所以呢個魚餅係好抵，佢肉質煎得好鬆脆又唔會太乾身 ，吱埋少少青檸汁就最好味。

早前常光顧尖沙咀店，特別喜歡吃蕃茄蟹ˊ檬、 藕苗蝦沙律、 牛油雞翼。 得知葵芳店新開後已不時想試下，但因午市、晩市經常都要排隊，至昨天下午五時許倆口子超級肚餓時經過此店並不用等位，立即跳進去。 店員很有禮貌，很殷勤，讚!我同家人在眾多選擇中點了以下菜式:會安軟殼蟹卷 芽莊牛油雞翼 手切上等牛柳河粉河內蕃茄蟹檬芥蘭苗 越南滴滴咖啡我們為了影相擾攘只咗一會，可惜牛河湯已不算熱，但牛肉肉質好，湯味道夠濃，又大大碗。 至於軟殼蟹卷，牛油雞翼和蕃茄蟹檬，都能保持高水準，! 唯一是越南咖啡放得太多煉奶太甜， 焗住要溝淡，失去咗咖啡濃味!意見已給店員，希望有待改善! 會繼續幫襯

叫左個燒蝦撈檬，都唔同Menu 個樣既食完唔夠飽肚，份量少價錢一般再去葵涌廣場食吉吉算另外叫左豬扒撈檬，好食d，加飽肚d，不過份量都係少，下午茶食，可能好d2 persons have dinner . Many people are waiting for a table. Then we try to get the ticket. We wait for ten minutes only . Not bad !The environment is quite good and clean. The service is not bad.