芽莊越式料理

营业中

休息中

久久沒食過芽莊 有啲掛住 決定去會一會佢芽莊都算幾正宗既越式料理因為佢聲稱專程從原產地直接進口各種主要優質食材 個感覺好似真係置身係越南一樣今次食既係燒牛肉撈檬💲72 同芥蘭苗💲48可能岩岩轉晚市關係 服務態度好好上菜亦好快手👍🏻燒牛肉份量好多 有2條原條上碗雖然賣相一般 但食落有驚喜!牛肉好淋好juicy! 就算係燒出嚟都一啲唔乾! 讚!而芥蘭苗topping有啲蝦米、芝麻粒同花生粒 成個口感完全昇華咗 加上菜仲煮得一啲都唔老亦唔苦 不過佢個汁底偏甜 如果有碗飯就正😛

點咗清沅蒸粉卷及藕苗蝦沙律. 粉卷一夾就散晒, 沙律D蝦肉質鬆散. 最令人失望是價錢唔平, 但座位太擠, 和隔離枱幾乎手臂貼手臂. 入座時是晚上6點, 只有幾枱客, 卻被安排擠在一起. 問可否坐一張D大嘅枱? 佢地話唔得.  於是只點了2碟菜, 再叫的話張枱無可能放得落. 結果埋單走時, 個幾張4人枱(其實都好細張)都無人坐. 

喺附近試完婚紗，泥左食越南野！menu太多選擇，花多眼亂~最後兩人叫左個燒雞撈檬，碎米飯同燒牛肉米紙卷！最驚喜係個碎米飯超大碟，好大塊燒豬排，但有蛋同配菜，睇見都流晒口水，d碎米飯都好得意，細細粒咁，口感幾過癮！燒雞撈檬都同之前一樣水準，熱辣辣，夠香口，撈檬加埋配料食，係好豐富嘅味道燒牛肉卷就正常，好多菜xD我食到菜嘅味道多過牛的。。但整體都ok~職員都有d似越南人，但服務幾好，笑容好好，好有heart的感覺

這日去開呢頭食飯，見好多餐廳都好爆，呢間都係最後揀左呢間其實主要原因係見到出面有位坐住等位, 哈哈所以就繼續起度等位，終於等到我地一屋四口，叫左四樣野:  扎肉肉鬆糯米飯、越式燒雞、燒豬扒撈檬、蒜子炒通菜扎肉肉鬆糯米飯肉質幾軟滑有口感，糯米飯都幾香口越式燒雞肉質嫩滑，燒得香口，都幾可口，同埋唔會太油仲叫左燒豬扒撈檬、蒜子炒通菜都唔錯，豬扒幾軟滑又大塊今次試過感覺幾好，下次可以再黎食下而且地方幾光猛，枱與枱之間空間充足，可以坐得舒服

系商場入面既價錢算系咁上下，人頭120左右。而且質素唔算太差。個湯河系ok既，牛肉唔會太硬而且有大量洋蔥芽菜香菜等等配料，都好大碗，男士一碗都應該夠飽。個魚餅就非常一般啦，雖然現炸，熱辣辣，魚餅入面有紅蔥頭，好香下，但係最衰系有好多魚骨 好容易會整親，如果有小朋友食就唔好點呢個啦，好危險！

我現身處葵芳芽莊，很想告訴各位很難食！我的蟹湯檬，蟹是嗅的，男店員說原因是由於牠是用來煲湯？毫無歉意！乳豬肉勁肥皮又腍，即係點？成班員工只顧圍著談笑風生，枉我一路支持你的店，水準太差了！俾錢買難受！其實中環、尖沙咀、旺角等分店水準保持穩定，怎麼到了新界區就變成垃圾？管理層有沒有時刻來視察服務及食物？我很喜歡吃越南菜，但香港大部分店子都做到三不像，還有，此店是限時雅坐，那我又要付大鈔卻要食垃圾嗅東西是理所當然嗎？

葵芳有各式各樣既美食，但越南菜好似剩係得呢間！中午跟同事黎到呢間芽莊！佢唯一特別之處就係LUNCH既時間都無LUNCH SET，野食同飲品要單點，應該全日都係供應同一樣食品。西貢牙車快　$78牙車快原來就係　雞絲 + 椰菜沙律真係長知識了！　佢比想像中大碟，雞絲加埋椰菜仲有佢個汁（其實食落有D似撈檬既味），食到好開胃！中）　潘切生醃蝦卷　$78下）　燒雞撈檬　$68蝦卷唔錯！蝦好新鮮！又大隻！佢出面既米纸卷好薄，成舊食唔會成到好厚皮！而撈檬其實係我至愛，酸酸味味夏天食至啱FEEL!佢2件雞串燒得好香，佢應該用左香草仲有其他調味醃過，食落去好入味！而且好大件！仲有蒜片，蘿蔔，花生碎，薄荷葉等等配料一撈，真係好好味！但檬粉就偏少，你要知道咁開胃既食物，就會不知不覺大食左，如果就咁食個撈檬，我會覺得唔係好夠食！整體來說越南菜其實好難話整到好難食，而呢間芽莊我覺得佢有好多特別既配料，令到Ｄ 菜升左一個層次，同埋價錢以越南菜來說係偏貴，而且仲要加一！不過無乜野係中伏野算係咁啦！

安南藕苗蝦沙律$98蓮藕好爽脆，一咬落去有汁。 蓮藕魚肉餅$60蓮藕餅炸得不錯，不過個餡料就一般， 比較多油。 香煎墨魚餅 $80墨魚餅味道好，但係份量太少， 比較多油。 清浣蒸粉卷 $78扎肉好似硬身咗啲，味道淡， 粉卷包一夾就散，入面嘅餡料好淡口好寡。 香茅燒魚$158燒魚燒得好食香口，魚肉都算鮮嫩。 香茅雞肉串燒$70雞肉串肉質嫩滑又夠熱，醬汁夠。 燒乳豬$198乳豬即燒都係熱辣辣嘅，好肥美。 河內生牛肉粉 (牛丸) $102牛丸好味彈牙，生牛肉唔夠生， 湯味夠濃，河粉好滑掛汁。西貢咖喱蟹肉 $198味道不錯，一定要配蒜蓉包。蒜蓉包 $40大件而且份量夠。蒜子炒通菜$68炒得香口

哩間越南菜之前係其他區都食過，已經知道味道唔錯，既然黎到葵芳都有，再食下牛肉撈幪，碗粉大大碗，基本上我一定食唔晒，牛肉好香唔韌，仲有加勁多酸醋汁超正，但幪粉黎講確係有點貴，好窮了

去完越南玩，意猶未盡想再食越南河粉同米紙卷，（真係好懷念越南食既豬肉拼米紙卷，爆好食！）香港食越南野地方唔多，咁岩見到新都會芽莊，明知佢貴都要食一食。兩個人叫左兩個粉+2份米紙卷（蝦同咩濱海豬肉捲）河粉1: 雞絲河粉 都算係好食既  大約模仿到7成越南當地河粉湯底 雞肉多  份量都夠大 但配菜及芽菜少 碗湯唔香 一定要自己落青檸 粉2: 蟹肉蕃茄湯檬粉 點解揀呢個？因為越南冇你一道餸 至少我食過咁多間都冇 一於喺香港試吓。呢個一上台已聞到香 一入口好惹味 好有蟹鮮味  有蟹肉溝埋啲豬肉碎 仲有兩粒蟹肉丸 料足 個湯好好飲，酸咸適中！（我認為呢碗值得過食雞絲河粉，淨係拆蟹肉都知幾麻煩）米紙卷蝦 & 米紙卷濱海豬肉老實講⋯⋯⋯⋯⋯我都分唔出佢兩個有咩分別，整體來講好淡，點汁都係淡口，裡面塞米粉，米紙韌唔好食，仲係穿左既，一咬散晒啲料出來。。。同越南陳家食既米紙卷差天共地，價錢都差距很遠總括來講，呢度係可以食佢嘅粉👌🏻

香茅牛肉撈幪$68, 牛肉份量不少, 一如以往越南菜配菜特別多, 正因如此蘿蔔絲多得搶了牛肉主角位置, 色香味合格但講特別它一定不會是特別。芽莊牛油雞翼$60, 見到這個價錢你可能諗...食一大盤炸雞都未至於這個價吧? 的確這個雞翼完全輸給同類食肆的同款雞翼, 雞翼較乾身未能帶出牛油味, 真心CP 值真的非常低。如果又想食越南菜又脫離唔到新都會，這間是好選擇，但越南菜來說我會較推介別間知名的越南菜分店。

越南野不嬲都喺我嘅food list 入面，今日一行四人就選擇越南野。首先嚟個邊和燒大蝦柚子沙律，最鍾意食啲柚子酸酸甜甜，開一開胃先。食pho又點少得過，所以就叫左個手切上等牛柳河粉同河內雞絲粉。不論餸定粉，份量都足夠，味道亦唔錯。個越式炸春卷餡料好足，香茅雞肉串燒非常之香。(nom nommm)最後仲叫咗個芽莊炒飯，嘩真係飽到上心口呀。

一人午餐，冧住唔食碟頭飯，轉下口味，點知……伏伏伏碟蒜子通莱菜又老又韌，跟侍應反映，她聽完重複了一次，沒再說甚麼就走了之後埋單再反應，她拿走了碟菜，說我幫你跟廚房反映，真的多謝了，俾錢芽莊幫芽莊改善食物質素

放工已經好攰喇，好想食一啲嘢Relax下。今日就喺新都會廣場地下食越南菜芽莊。開放式餐廳，覺得好relax，樓底夠高。我哋點咗生牛肉湯河，炸蔗蝦，仲有串燒牛肉。真係好鍾意牛肉粉上面嗰啲配菜呀! 新鮮嘅洋蔥和蔥...總之我就好鍾意食蔥同洋蔥! 我覺得啲香料配搭出嚟好香個湯底，好惹味，牛肉好‘‘林‘‘，正!牛肉嘅分量囉啱啱好，都冇呃秤!!沙嗲串燒牛肉用鐵板上，可以保持佢嘅溫度，同埋呢又有啲帶少少燶 i like it! 花生粒沙嗲醬簡直冇得彈配串燒，掂!蔗蝦，蔗鮮甜，釀蝦肉再配沙律菜一齊食好配合。

叫左碗熟牛肉麵，真係孤陋寡聞，熟牛肉原來係牛展，麵同芽菜好多但肉份量唔太夠。調味料好足可以自己調，最主要俾lime好慷慨，半粒半粒俾，重要新鮮多汁嘅，睇住 d lime juice 一滴滴咁落落碗麵度，個湯底真係清新好多，正！