芽莊越式料理

营业中

休息中

之前係將軍澳嘅時候已經想去試下 但次次出邊都排勁多人今次係葵芳終於可以試下男朋友叫咗牛腩河， 有清甜嘅鮮味我嘅係糯米飯好足料 糯米飯都好軟熟另外叫咗串燒仲有斑斕茶 斑斕蛋糕就食得多 茶就真係未飲過 聞落陣陣蛋糕清香味整體來講都唔錯埋單嘅時候 侍應仲比咗張意見卡我地填ps如果九龍灣都有分店就好嚕

來到要等位從來相信等位既野食都係有質素而且剛去完越南所以有些期待價錢不貴，誰知是喜出望外既好味道我們點了軟殼蟹，牛油雞翼，芽莊炒飯生牛肉湯河-牛肉剛剛好，有種越南味道價錢也非常合理，值得再食個雞翼本身炸得剛剛好，充滿牛油香點的醬汁也非常好食，夠曬刺激芽莊炒飯，說實話去過芽莊卻沒有食過這炒飯，想不到意料之外好食，很普通的配搭但真的幾好食但也很懷念越南的咖啡香港餐廳還是食不到這味道希望有一間越南餐廳也能有好的飲品

食越南野最緊要人多,人多叫o既野就多,試得多就可以試出真味.間餐廳同商場融為一體,餐廳係開放式,但環境唔會太嘈,只有D板遮一遮少左私隱度!侍應好nice.即燒夠熱,厚肉,但皮脆肉嫩包過硬油膩,肉唔夠''淋'',味道唔夠香啖啖蟹肉,''筆''一匙蟹肉送麪包可食可唔食柚子ok,腰果炸得唔錯,蝦燒得好乾燒得唔錯,唔過火仲有叫左牛油雞翼和芥蘭苗,忘記影相

今日係葵芳新都會睇完戲，就黎到這裏醫肚。因為係晚飯時間，黎到既時候門口已經聚滿晒人，我地等位都等左差不多半小時才有位置给我們。入到去急不及待立即點野食，幸好佢上菜都算快，點完餐無耐已經有食物送到枱上，果真有效率先送上的是生牛肉河，河粉索晒D湯好入味，牛肉又煮得唔韌 正。再黎就係炸春卷，佢有附送埋菜及青瓜等配料供客人包住春卷食，可包可唔包，任客人喜歡。本人較喜歡不包，就咁原條食，夠晒爽脆最後就係碟炒菜，撈埋D蝦乾一齊食，別有一番風味

因為要就大家方便，所以約葵芳食飯。揀芽莊係因為諗住有d湯粉，但係有d失望。湯粉選擇吾多，而且其他餸份量吾多，最誇張係晚市竟然得一小時十五分鐘，睇得menu得返一個鈡，食得黎都吾可以講野！下次同朋友都吾會再黎！！

星期五既夜晚去到邊都要等位，拎左幾間餐廳既籌，都要等到傻下傻下，芽莊都不例外，要等不過在葵芳新都會廣場呢個時候算系比較少人等架啦，于是我們鎖定目標，決定食下好耐冇食既芽莊，之前最多食系尖沙咀海港城底果間，太古都食過一次，全部系堅多人，今次葵芳店糸第一次食等左20分鐘，終於有位我地今餐order左四道菜河內魚餅：呢個魚餅系每次來芽莊必食，勁彈牙 燒豬扒撈檬：每次來都會揀一款撈檬，魚餅已經單點，所以我地揀左燒豬扒撈檬今餐敗筆糸呢個芽莊炒飯，勁失敗，平淡無奇不講了，仲要勁少送，伏！下次不會再點Specials :扎肉雞絲糯米飯，我地幻想佢系茫果糯米飯個friend,問左侍應，話唔系，系咸咸甜甜，有綠豆既糯米飯，我地好奇，所以order左試下 果然同想象好唔一樣，好似系個冇用粽葉包既粽，不同的是佢既口感系䯳軟，糯米同扎肉雞絲肉䯳臘腸綠豆系䯳散的，混埋一齊放入口，都幾特別，值得一試 早知Order 呢個當主食就得了，炒飯顯得勁多余，又普通最後呢個糥米飯系食唔晒，打包左

姊妹係葵芳個邊番工，我同另一個姊妹一於俾個驚喜佢，嚟公司樓下接佢放工，一齊去食晚飯去佢我地知佢鐘意食越南野，所以兵分兩路，搵人負責去排隊攞位，另一邊箱就走去接佢放工。煎薄餅：薄餅煎得好香脆，入面包住豬肉同蝦，用料十足，隨個人喜好可加九層塔等食。豬扒撈檬： 香茅豬扒好入味，幾嫩滑，配埋涼浸浸嘅檬粉，仲有好多配料，青瓜絲，紅蘿蔔絲，芽菜，好好味。蒸粉果： 粉果個皮一夾就爛，入面係啲豬肉碎同蝦肉，上面放左2款扎肉。整體一般，比較淡口。越式燒雞: 燒得剛剛好，雞肉幾亂滑，淋上葱油，已經好好味，再加埋跟配嘅蒜蓉羅勒油醬，更加惹味。芥蘭苗: 用豉油汁炒得幾嫩口，菜面上灑上大量嘅櫻花蝦同花生碎。雖然用餐時間得75分鐘，但上菜速度好快，食得一啲都唔趕。

放完工嚟到芽莊七點幾已經很多人，要等好耐先可以有位 ，因為好早已經full booking所以要walk-in。 呢間嘢係朋友介紹, 叫咗蒸粉果，半隻烤雞， 一碟芥蘭 ，一個煎薄餅 同埋香茅豬扒撈檬， 三個人食卓卓有餘。先講一講個烤雞， 香草味好濃，而且雞肉好嫩滑又冇血水，覺得恰到好處。芥蘭味道中規中矩, 煎薄餅係其中一個要盛讚嘅地方，皮烤得好脆，裏面嘅肉都好多，材料好足， 而且完全感覺到係即叫即做，所有嘢都上得好快唔需要等太耐 。雖然佢話用餐時間75分鐘，但係其實過咗75分鐘都冇特別催我哋走, 服務都好好，所以我覺得可以再去食。

農曆新年就到，約咗兩位朋友出來聚一聚，叫做食團年飯咁，哈哈。新都會翻新咗，多咗好多餐廳，呢次就試吓呢間越南餐。有個朋友要加班，所以我同另一個朋友點住餐先，食住等。小食點咗軟殼蟹紙米卷，食材豐富，軟殼蟹都脆，美中不足係個醬汁，淡咗少少。鷄絲沙律，份量大，沙律醬汁偏淡，令整體失色不少。這裡沒有太多菜類可選擇，選了介蘭，介蘭翠綠而且嫩。生牛肉湯河，湯底香濃帶少許甜香，加分。香芧豬扒飯，豬扒嫩滑不會煎過硬，不錯不錯。

今次係新都會廣場裝修後的第二次到訪....撞正一田超市新開張...所以成個商場周圍都塞滿哂人！原先諗住行完先食野...諗下諗下都係食完先行穩陣啲...免得又要排長龍等位食飯！咁啱見到一樓商場中間位置開咗間『芽莊』，仍未有人等位...所以二話不說就入咗去！兩個人食每人分別order咗一個($70)生牛肉粉、同一個($76)牛爽腩粉。另外，亦點咗一客($78)四件嘅蒸粉卷、同一碟芥蘭苗！佢哋嘅牛肉粉真係做得吾錯...湯底味道非常濃郁...河粉既份量亦剛剛好！尤其是個爽腩...炆到好林...值得推介！不過如果多啲靈活性...做到可以任由客人自由揀選配檬粉、河粉或粉絲就perfect！

新都會剛剛裝修完，靚咗闊咗多咗店舖shopping。同朋友行完街已經九點要醫吓肚，但太夜唔想食飯太heavy，所以食吓粉麵。朋友話呢間芽莊午餐晚餐menu一樣，價錢一樣，晚餐感覺抵食d🤣入到去咁晏都仲有好多人。🍝炸魚餅撈檬炸魚餅幾牙，檬粉幼身夠爽口。不過與其叫「魚餅」，不如叫「 魚蛋」，外貌比較似剪開咗嘅鯪魚球😂🍆燒茄子蝦沙律本來想食個熱嘅芥蘭做菜，不過售罄了。芥蘭幾抵食(記得係$46)，咁抵食九點幾售罄都不足為奇。燒茄子清清甜甜都好好味😋🥗燒牛肉米紙卷米紙卷其實同撈檬相似，但朋友好想食所以點咗一份。米紙薄薄較黏，每次夾起都會黏住隔離嗰舊，不過薄薄嘅米紙都冇穿，十分柔韌。食物味道ok，Service都ok!

前週末中午經過, 看見十多二十人排隊, 在葵芳這食館林立的地區, 想必可一試. 一個平日中午到了這店, 不用等就可入坐. 店員有禮告訴用餐時限為75分鐘. 那就點了生牛肉湯粉($68)和豬肉濱海卷($68)試試.濱海卷先到. 4小件. 好奇心來了. 這麼小一件, 4件卻要一碗粉的價錢, 應有牠的特別吧. 放一件進口, 我的媽㖿, 満口米粉外只感到少許的豬肉, 醬汁也較咸. 中伏了. 真影響心情相反, 那碗湯粉的量算是比一般多. 河粉很好不會糊糊的. 湯底溫度只是暖暖的也只能說是清, 談不上甘甜. 牛肉沒有牛肉味. 吃了一半已再沒心情吃下去. 為浪費了一些食物感到罪過.本身對近幾年香港的越南料理已沒什麼期望, 這一回之後應心死了.

這間芽莊 ，之前喺尖沙咀海運中心附近亦都試過，印象係用料頗為新鮮，感覺上好抵食最近葵芳新都會廣場大翻新，於是過去走走 看看， 見到地面嗰層開了這家芽莊， 於是就去試下繁忙要攞飛排隊是常識吧 ！好彩都唔算等得太耐我們二人點了:蕃茄蟹肉湯檬，湯底有蟹肉， 蟹膏嘅鮮味， 可惜就連蕃茄嘅湯底都幾乎被蓋過了 而嗰件蟹腳就差少少了唔夠新鮮之餘仲好似係水蟹嚟添上等手切牛肉湯河， 啲牛肉真係唔似上等， 早知叫牛肉湯河就算了炸軟殼蟹卷， 賣相就好， 可惜金玉其外 食落去，冇味冇道泰式炒芥蘭苗, 尚算合格……整體今次可能期望過高，有些失望同樣是阿莊，尖沙咀同葵芳真的有這麼大分別嗎？？？

新都會裝修咗一段時間， 注入咗一些新店舖，其中一間就係連鎖店芽莊，以前經常幫襯尖沙咀店，以地區計抵食又好味，而家葵芳開店梗係要試下河內蕃茄蟹濛（$68）湯底有兒時媽媽煮蕃茄肉碎湯粉既味道，不過呢度係升級蟹肉版，有半隻飽滿但肉質鬆散既肉蟹，美味厚切札肉同好似潮州蝦棗既丸，餸就唔多吸引，最好味就係個湯底同啲粉手切上等牛河（$88）話係限定，同蟹濛一樣，牛肉份量夠多但就唔多吸引喇，軟綿綿一啲牛肉口感都冇，仲要一夾就散，個湯底算係幾香既，呢個價錢我只會食一次芥蘭苗（$48）賣相都唔錯，平時出街炒碟清菜都過80，呢度仲要有埋成座山既蝦皮乾蒜調味，而且芥蘭合時所以零舍爽脆會安軟殼蟹卷（$83） 軟熟米紙包住金黃軟殼蟹啖啖肉配合新鮮蔬菜同粉絲，包得結實唔會一夾起就散開，清新之選

週末的新都會廣場人流多得很，間間餐廳都擠滿人，在芽莊門外排隊15分鐘才能入座。menu食物種類選擇眾多，令人眼花繚亂，更有越南河內的特色小食。和友人先各自點了一碗河粉。河內生牛+爽腩粉 $78湯底清甜，生牛肉和牛腩新鮮軟腍，好吃。手切上等牛柳河粉 $88每日限量供應，牛柳份量毫不吝嗇，抵吃唯一缺點是芽菜只供應一小碟，與在越南吃的無限量添加有所不同。我們再點了燒乳豬 $198即叫即燒，所以等候時間比較長，不過是值得的乳豬皮脆肉嫩多汁，有水準所有食物都令人滿意，期待下次再試其他美食