自助山

营业中

休息中

本身不太愛buffet，因為與我"貴精不貴多"的食好西精神背道而馳，亦不愛其吃不完的浪費，所以絕少、絶少光顧自助餐。這次嘗試自助山的lunch buffet，完全是為了帶我兩隻"精靈"來見識一下旋轉餐廳，嘩! 間餐廳會轉㗎! 小鬼們聽到已覺興奮!Lunch buffet中午12時開始，11:45am到達合和中心，乘搭觀光電梯已是足以令人振奮的事情:到達轉乘電梯前往62樓自助山的樓層，OMG! 前面幾十人排緊隊，還要是一群群喧鬧嘈吵的大媽團，我感覺到那將會是一場惡夢的開始...幸好入座後環境優美、景觀開揚，心情也隨之好起來:食物款式都算多元化，中、西、日都有齊，而我則主攻我最愛的壽司刺身和海鮮:壽司刺身選擇不多，味道也不算特別新鮮好味；海鮮中以鱈場蟹腳和蝦味道最好，但青口則淡而無味，超削!後來發覺原來有蜆，但我排隊拿海鮮時就是沒有呀>.<!其餘還有咖哩飯、意粉、蝦餃燒賣等點心，我選擇了喇沙，一般酒店自助餐水準:Mini pizza的味道比意料中好，香濃的芝士啱哂我口味:反而最驚喜的是甜品部:又棉花糖、又馬卡龍、又雪糕等等... 兩隻小精靈最開心!無意中吃到的芒果慕絲和柚子

男友生日，到自助山慶祝，個半月前訂位，還是訂唔到窗口位，坐窗口位隔離枱，都近玻璃嘅，都望到外景。好食，景又正，開心！👯食沙律先，沙律間間咁上下，無特別。鵝肝無啦，有即食鵝肝罐頭，ok嘅。泰式甜酸汁蝦，本身蝦係白烚，爽口，點汁，一般。魚生如三文魚、生蝦都可以，新鮮，唔差。再來面包蟹，唔錯，鮮甜多肉。龍蝦，多肉有膏，唔錯，帶子一般啦，長腳蟹都ok，其他凍海鮮仲有、螺、青口，不過我無攞。冬陰公湯值得一讚！估唔到酒店出品真係唔差，可能請咗泰國人主理，因為都見到有幾個外地人喺度。羊架又係唔錯，仲有燒帶子，呢隻大帆立貝，大隻好多！海蔘冬菇鮑魚花膠-堅正啊，入味又足料，我食咗兩客，不過喺燒鵝間房，有出爐時間，要注意！再來最愛生蠔，一蠔走天涯，係New Zealand Rock，細細隻，但好鮮甜！我食咗一打，後悔無食多啲😋！牛就一般，有啲鞋，唔知係咪我攞到呢舊唔好位，肥膏多，我食咗一啖就算。黑松露炒蛋係男朋友攞，黑松露唔係太濃，雖然大片，不過唔夠香，係靚松露。Last係甜品，一個字讚！好耐無食過酒店自助餐甜品咁好味，仲勁有驚喜！✨蛋形盛器係焦糖布甸，不過係焦糖榴蓮布甸，超好味啊😋😋😋！仲有木槺布甸都好

朋友幫手選了這裡下午茶，未食要先付全費，只有530/2位的茶餐。這裡下午茶餐廳不會旋轉，風境全靠所安排坐位，一夠鐘待應不停提醒時間已到，請人客離開。食物份量正常，味道平平。我們一行六人，叫了3set, 食淨超過一半，為免浪費，全數取走。

朋友來電：打風喎，仲食飯？我回答：打風⋯唔駛食㗎！就咁，就算妮妲來襲，都磨滅唔到我偏向虎山（自助山）行，大拿拿$800蚊，人出錢，我梗出命先講環境，樓高62層，周圍都係Selfie 影相位，Buffet區每個崗位都有廚師駐場，放底袋，雷射眼由冷盤區開波小試牛刀先食凱薩沙律，蔬菜清脆爽口，清新醒胃，每一啖都係「嗦嗦聲」而自家製麵包硬脆煙韌，配以鹹香芝士，豐腴不膩。煙三文魚分三種：煙燻、香草 ...魚片大小適中，油潤嫩滑帶煙燻味，搭配羅馬生菜同食，田園風味返哂嚟！風乾巴馬火腿入口不過鹹，捲上一小件哈蜜瓜，嚼出滿嘴油香，亦滲出果甜，齒頰留香。仲有一系列紅、綠、黃、白、紫⋯嘅車厘茄、白蘑菇、青瓜、茄子已調配沙律，成日釀著減肥口痕友啱哂。未到刺身前，攞杯蕃茄凍湯過冷河，淺嚐一啖，似蕃茄漿，但茄味醇和，甜比酸味更突出。刺身選擇：甜蝦、帶子，油甘、呑拿魚⋯帶子軟嫩，屬S級，比較萬麗或icon L級size，自助山帶子口感薄弱，而鮮味一般，反而甜蝦鮮味。海鮮區：生蠔即開，偏細，但口感creamy ，食出海水鹹香，凍蝦已脫殻，方便食用，爽口新鮮; 龍蝦味較淡口，我喜好加d檸檬汁，多份清香。冬蔭功湯必試，

由它開業到今天才能一試。雖然雙人枱與枱比較靠得近一點，但是食物可以補回。1) 蠔：好有海水味及脆2) 麵包蟹肉質比較實外，但好多羔3) 鵝肝：入口即溶4) 天婦羅好好味由其茄子5) 乳豬皮好脆5) 雪糕他們說是自己做的也不錯6) 他們的甜品：除了朱古力外。那特濃朱古力蛋糕好好味還有很多、很多.....未能一一試過，已經很飽了。

今日難得放假～前兩個星期就book左位黎自助山食下午餐～Book左12點～11:45一去到已經排左條長龍準備上去餐廳～一坐低見到個景係開心既之後就開始食野啦～個人覺得最值得推薦既係燒賣！！之後就係喇沙麵之後其他野食都係一般自助餐既質素甜品方面我個人覺得午餐黎自助山食其實都係志在個風景～食物方面又唔算好好味～對個人黎講冇咩驚喜

book  自助山book 左兩個月，終於去到～去嘅時候的確充滿希望. 去到一坐底，我就去搵D seafood 係邊~ 但係其實我覺得D 間格有D煩，又要行上又要行落，一來又有時間限制，二來多人又要排隊~ 海鮮好新鮮，樣樣食物都萛是中上質素，甜品，好吃但沒有留下深度印象....因為價錢都有返咁上下，所以沒什麼驚喜。最特別係有綿花糖~ 最好味係個海底椰燉湯同冬陰公～!!!!! 材料好足，味道又濃~ 我未試過食buffet 飲左三碗湯! 但係好采飲左三碗燉湯，因為係我仲食緊未飽既時候已經有waiter 同我講佢地要打烊! 如果無果三碗湯，我相信我會餓住咁走! 總括而言我覺得食物質素都是五星級，但是環境咁好，卻要急急地吃，有點可惜。 很多很好吃的酒店buffet 都是差不多價錢，時間卻不會是135 分鐘。 所以下次，都是去酒店好了! 

朋友早在兩個月前預約自助山的Afternoon Tea Set for two（$508）,自助山位於灣仔合和中心62/F，是香港唯一360度旋的餐廳，以高質素自助餐及景觀作招徠，已聽過這裡自助餐最少早一個半月預約，而四月份開始推出了二人英式下午茶餐。由於知道「一位」難求，所以都上網做了些功課！下午茶供應時間為星期日3pm-5pm我們準時3pm到達朋友訂座時指定坐窗邊的位置，當日天氣晴朗，景觀一流！全餐廳畫分了一個區域作下午茶，而下午茶時段，餐廳不會旋轉，但下午茶的區域已是面對維港全景最佳的位置。店員先讓客人選擇飲品，備有各式各樣的茶品選擇，我選擇了較大路的Jasmine Green Tea , 而朋友選擇了Kusmi Caramel Tea，進食期間侍應不時加水，十分有禮。三層架頂部放上一個印有餐廳名字的球體,可以 360 度旋轉, 頗特別。底層六款鹹點:本人最欣賞cottish Salmon Sanwich with Cavier，魚子配上三文魚的三文治，鮮美十足而Crispy Prawn Dumpling with Black Truffle 充滿驚喜，淡淡黑松露香的炸蝦餃中層四

Came here on a Saturday so they only have two sittings. We chose the 8.30pm slot and can eat until 10.45. When we arrived we had to wait for the elevator to get up. So remember to go a little earlier to maximise your time. This place has a lot of different selections and everything is really fresh. We first lined up for seafood. There was a line up. However it was worth it. They have oysters(max3 per guest each time). Lobster, shrimp crayfish etc. All very fresh and lots of different condiments.

食物質素我覺得一般，個別食物有驚喜，698加一，任何優惠都無都唔緊要，地點在灣仔，服務態度無預計到會咁差。生蠔，鵝肝算唔錯，最搞笑飲清酒要用紅酒杯真係聞所未聞，仲要成1100一支，味道好一般，連唔太識飲酒既我都覺呢支清酒好麻麻。景色係靚，但好嘈，完全唔似高級酒店

想見識旋轉餐廳好耐見生日所以就book左黎試一試啦上到去仲未到夜晚 睇下有咩菜式先我諗都係主攻海鮮 排晒長龍!蟹腳好鮮甜 好重蟹肉味 又大條 一夾夾到勁多仲叫左生蠔 我平時唔食蠔 都大膽一試 好新鮮 不過食一件就夠啦我 另外仲有刺身 叫左三文魚同帶子 好爽口 質素都能接受 算係普普通通啦仲有最愛既西班牙火腿 不斷食 真係停唔到口另外仲有甜品同生果 反而吸引到我食完一碟又一碟相反熟食就比較少食 因為好似好普通 個景真係一級棒

好姐妹生日，滿足她的一切要求是常識吧！上次聽完我說自助山的美味體驗，這次生日飯就在這晴朗的高空完成吧。烈日當空，只是小走幾步，已經覺得熱到不行。兜兜轉轉，轉幾次電梯，終於到達。看來來吃午餐的人不少呢，一條長長的人龍等候入座。沒有被安排到近窗口位呢，有點小失落。美食一如既往的多，但這次refill食物的速度比上次慢太多了，很多都出現缺貨的情況出現。依舊推介點心：蝦餃和燒賣。迷你蒸籠，份量不多，可以多試幾款。拿的時候要注意，剛出爐的點心籠很燙手，唯有向一旁的廚師求救。燒賣做得十分彈牙，肉質結實。蝦餃的餡料豐富，十分足料，一啖一隻，剛剛好。上一次沒有吃到長腳蟹，這次同好友一起，不怕沒有儀態了，可以在她面前放心廝殺。蟹腳的鮮味一般，更多的是海水的鹹味，實在太鹹，一隻即止。老友大讚蝦仁鮮甜和八爪魚爽口。我最愛的是這款大頭蝦，味道清甜又鮮，更重要的是蝦膏甘香，肉質比蝦仁更為厚實，唯一的不好是剝殼問題。這次的熟食實在一般，除了海鮮蒸蛋，我們幾乎都是一啖起，兩啖止，調味太重，除了鹹，就吃不到其他了。蒸蛋鮮，甜，滑，曾在家中嘗試過無數次，但是都失敗了。唯有在這裡多吃兩個彌補一下。作為女孩子，甜品一向是我

聽人講要早成個月先book到，就去睇下有咩咁巴閉啦😎😎同屋企人黎食呢個dinner buffet，由於早到，去到仲有小小日景睇，媽媽好欣賞風景無限，喺呢間360度旋轉餐廳裡係咁叫我幫佢影相😂😂呢度除左食個view，食物款類黎講都算多野食，有上下兩層，建議行一圈先唔洗太衝動。生蠔夠新鮮，蟹腳啖啖肉，一拆就知堅新鮮，小小都唔痴殼架。龍蝦有膏不過唔多🤔拎海鮮要輕輕排一下隊，不過refill速度非常快👍🏻有幾個hot item我都覺得不差，好似鵝肝咁，夠熱同甘香！steak👌🏻最鍾意叫佢切中間，medium至medium rare咁最正😎仲有好多款串燒、天婦羅同中式點心🍡🍢🍤花多眼亂🙈甜品叫人期待，有個辣味mini cake，創新得黎又幾夾，仲有好多款味嘅粒粒朱古力、macaroon同棉花糖😍😍

12/6係我同車爸爸的拍拖兼結婚紀念日,今年適逢係星期日便去自助山嘆個Sunday Brunch囉呵呵~第二次到自助山的我,還是迷途怪不得車爸爸成日話我係唔識路一號啦hehe~最後當然係順利到達啦!!先帶大家行一圈先放心,我行得好快唔會像餐廳般要兩小時的haha~先看頭盤,沙律區,鵝肝小漢堡,魚籽香檳啫喱,各式煙三文魚,西班牙火腿,什雜肉拼盤~印式烤雞沙律,泰式鳳爪沙律,水牛芝士菩蕃茄沙律,烤雜菜~自助沙律區及各式醬汁,煙三文魚,三文魚籽鬆餅,各式芝士配乾果,餅乾,龍蝦沙律杯~各式壽司,刺身,Btw那刺身師傅態認真度麻麻!!凍海鮮區自成一角款式衆多,而且十分企理~有青口,大蜆,大蝦,帶子,麵包蟹雪場蟹腳,阿拉斯加帝王蟹,法國即開生蠔~另一邊廂有鮮豔奪目的燒味,油雞,叉燒,燒鴨,即煮海鮮粉麵,蛋類專區,可選炒蛋,煎蛋和奄列~千萬別忘記吃即捕即灼的大頭蝦呀!!即炸天婦羅,爐端燒,還有即煎鵝肝~還有點心供應,有奶皇包,麻蓉包,蘿蔔糕,蝦餃,燒賣及小籠包~湯品有雞蓉燕窩羮,和影漏的龍蝦湯~師傅十分好人見我影相主動將照燈關掉令大家見到原汁原味的燒牛肉^0^上湯龍蝦伊麵,黑松露芝士通粉,焗薯仔,印

2個月前 book 左今日自助午餐，天氣十分好，一望無際，差不多11:45 到達，已有拾多人在排隊，果然好生意，看見入口顯示全塲滿座。首先取三文魚、八爪魚刺身，八爪魚好新鲜，冷盤長腳蟹食左1隻，普普通通，凍蝦就已經去殼，好大隻又鮮甜，燒味油雞d肉幾滑，义燒及燒鴨就一般，中式點心蝦餃皮有點厚，燒賣好大粒饀料豐富，珍珠雞d糯米比較乾，流心奶皇包個饀有d疍皇撈在流心奶皇內，個包皮又好鬆軟，好好味，燒豬頸肉、燒尤魚就燒到好乾，即灼粉面個喇沙湯底就冇乜味，炸天婦羅個皮好厚，其他熱盤羊膝、海鮮意粉、焗魚柳就試左少少，又系普普通通，燒牛肉就生熟剛好，入口肉味濃烈，幾好，甜品比較少選擇，窩夫系凍嘅，咖啡凉粉味道有點怪，木糠布甸奶味濃質地扎實，馬卡龍入口軟軟的，檸檬味比較香，其他味就一般般，香茅波蘿撻仔個撻淋嘅，朱古力雪糕好濃朱古力味，青檸雪葩好清新，但雪糕筒又系淋嘅。餐飮凍檸茶茶味吾夠，自助午餐供應到 2:30pm，時間差不多到，侍應常常問桌上食物、飲品可以收拾嗎？令人有少許不爽。不知何解，食完全日口渴非常？！