神燈海鮮酒家 (18廣場)

营业中

休息中

知道將軍澳有一間，原來佐敦都有。特意黎試下佢個黑松露燒鵝同蜜汁膳。✨黑松露玻璃燒鵝燒鵝皮又薄又脆，滲出陣陣黑松露香。燒鵝肉嫩滑多汁，跟上酸梅汁或燒鵝汁，果然係招牌菜之一。✨啫啫鮑魚雞煲用上南非鮑魚，非常肥美彈牙。雞件亦好嫩滑。整體好惹味，真係啫啫聲，風味十足。✨星洲麥皮蝦麥皮取代炸粉，炒得金黃香甜。大蝦炸得香脆，肉質鮮甜彈牙，整體好香口。✨蜜汁脆燒鱔將鱔用整蜜汁叉燒嘅方法去燒，一樣好吸引。皮脆肉滑，一啲都唔腥。✨薑蔥魚雲煲大大件魚雲，好滑、唔腥，個底仲有好多韮菜。✨神燈小炒王第一次食呢種配搭嘅小炒王，有豬板筋/油炸鬼/腰果/紅黃椒/四季豆等，材料好豐富。甜品仲有杞子桂花糕同牛奶凍。

[ 神燈海鮮酒家 ]今日約埋班朋友聚餐，揀咗呢間位於佐敦嘅海鮮酒家，平日晚上都全場滿座😲，最好預先訂定位呀～茶介 $15/位✿ 前菜小食 $25/碟是日前菜分別有香脆魚仔&脆甜核桃，兩款小食都好香口，令人食唔停口😋😋。✿ 啫啫鮑魚雞 $498雞煲上枱香噴噴💨💨，店員打開蓋時冒煙，熱辣辣🔥。裡面有4隻南非🇿🇦鮑魚，每隻都好大隻，新鮮爽口；雞件🐔做得入味，醬汁濃郁。✿ 星洲麥皮蝦 $268星馬名菜麥皮蝦，入口甜甜的，蝦隻🦐夠新鮮，食落啖啖肉，大大隻好滋味，呢個配搭都唔錯。✿ 黑松露玻璃燒鵝1/4隻 $238燒鵝賣相吸引，玻璃嘅外皮烤得香脆，肉汁飽滿💦，鵝肉🦢夠嫩滑，啖啖松露味，推介必點！總結🫦整間酒家氣氛相當熱鬧，好適合同朋友/家人聚餐，食物做得夠鑊氣，用料新鮮。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿神燈海鮮酒家地址: 佐敦長樂街14-20號18廣場地下及1樓電話: 28666177✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

今次嚟到佐敦嘅神燈海鮮酒家，呢間係價格比較高嘅中菜，不過質量都真係OK☺️而且D姐姐服務態度超好…整體都滿意😀1.黑松露玻璃燒鵝1/4隻 $258全程比較期待，一早係OpenRice見到隻燒鵝黑蚊蚊，已經好奇個味道究竟係點😃入口嗰下有黑松露嘅香味，幾秒之後，隨即就變返燒鵝嘅原味！都唔錯！建議趁早食晒佢，因為啲燒鵝皮真係好脆，遲咗食就淋晒🥲2.蜜椒金薯牛肝連 $188我見好多人都食，我又試吓☺️都好食嘅，類似蜂蜜炒牛肉同薯仔？不過都幾香嘅…3.南非鮑魚啫啫雞 $498佢呢度有四隻鮑魚，個底就鋪滿雞煲，其實都大大隻鮑魚，都抵食☺️如果四個人一人一隻，我哋兩條友一人2隻勁滿足😌最咪食晒啲鮑魚…啲雞煲食唔晒🥲不過都好食😆😆4.星洲麥皮蝦 $268上菜嘅時候，啲麥皮包住晒啲蝦，然後我哋要好似玩泥沙咁樣拎返佢出嚟…都幾有趣！呢個K蝦我哋略嫌佢味道唔夠，比較清淡少少，如果可以濃口味啲就好啦☺️☺️不過隻蝦都算幾大隻⋯⋯一盤有幾隻（好似六隻左右實際冇數到）食完之後仲有甜品送，整體都比較滿意，雖然酒樓比較隱蔽，不過都近地鐵站，睇得出佢係行高質路線，如果鍾意中菜可以試一下😊#神燈海鮮酒家 #黃怪獸 #黃怪獸覓食 #

周圍搵亞拉斯加長腳蟹，openrice碌到呢間，就試一試。一行十二人，早一日先book位，阿姐話好旺場，留左一隻長腳蟹。去到坐低阿姐即刻話留左一大隻俾我，有六斤！$600一斤，都唔知平定貴🤣招牌雞油花雕蒸蟹，加埋甲羅燒配蝦多士，果然網不虛傳真係必食！！剩番唔少觸膏，叫碗白飯撈下佢，撈埋蒸蟹d汁，正過豬油撈飯呢！其他小菜都好有特色：炸甲紅👍全枱都話好好食！微辣又炸得好脆👍🏼👍🏼白焯蟶子都有炒過，不過唔肥膩👍🏼焗魚腸好耐無食過，焗到啱啱好，係魚腸少左些少招牌燒乳豬，估唔到咁出識，皮同肉分開片，脆！唔肥！$498半隻我覺得都ok黑松露玻璃燒鵝係招牌菜，叫左半隻試下，麻麻地，下次唔會encore蜜糖脆燒鱔又係勁脆！一碟八件叫左兩碟，一陣就清哂。糯米炒膏蟹，$568，炒得好好，一粒粒咁，個樣好得又好香，真正色香味齊哂。十二個人食就細碟左d，糯米飯唔夠分😂梅菜蒸菜心，$118，估佢唔到菜心好爽！甜品就麻麻，桂花糕太甜， 薑汁糕唔夠薑，紅棗糕棗味唔夠。無糖水供應，都係去對面佳佳甜品排隊順便消化下。最後要大讚阿姐招呼好好，換碗碟換左幾次，加茶水係自動波，五星酒店都無佢咁勤力👍今次係平日都爆場，坐得唔算

呢間中菜聽就聽得多，終於夾到時間黎試。強烈建議大家一定要訂枱，因為一到7點零真係座無虛席。首先前菜有琥珀合桃已經俘虜左我個心☺️✨星洲麥皮蝦 炸咗嘅麥皮脆口又香甜。麥皮蝦大大隻啖啖肉，炸得好香脆，連蝦殼都想食埋😋蝦肉亦好新鮮。✨黑松露玻璃燒鵝第一次食黑忟忟嘅燒鵝😂黑松露味好香，但食落又唔會蓋過燒鵝嘅香味，個皮好薄好脆，唔怪之得叫「玻璃燒鵝」。會跟酸梅汁同燒鵝汁。✨蜜汁脆燒鱔鱔皮好脆，鱔肉好滑，蜜汁好香甜同時又帶有焦香，好食。✨啫啫鮑魚雞好足料呀😳大大隻鮑魚，好厚身唔係講笑。火喉十足，一上菜真係啫啫聲，勁香。雞件都唔少。整體好入味。✨薑蔥魚雲煲大大件魚雲，好滑、唔腥，個底仲有好多韮菜。✨神燈小炒王同平時嘅小炒王好唔同，呢度嘅材料有豬板筋、油炸鬼、四季豆、腰果、紅椒黃椒等。最鐘意佢個油炸鬼👍🏻整體好香口。✨台風炒新竹米粉新竹米粉好幼滑、配料有蝦仁、蛋、叉燒 絲、蘿蔔絲等，也不錯。最後仲有杞子桂花糕同奶凍做飯後甜品，好滿足😌

一早知這間神燈海鮮酒家，但遲遲未有機會試，偶然聽朋友講開讚不絕口，專程訂位過黎食個晚飯，幸好有訂位，否則真係人多到食唔到。黑松露玻璃燒鵝同事極力推介的果然名不虛傳，燒鵝皮是烏卒卒的，但透著閃亮亮油光！不為意以為是黑炭，鵝皮薄而焦脆，連著少許肥膏，蘸上黑松露梅子醬，酸酸甜甜夾雜鵝脂油香，肉質滑嫩而濕潤，真的令人食唔停口！超級有驚喜！南乳脆香骨與其說是脆香骨，倒不如說是豬扒。啖啖肉的口感，肉質鬆化，南乳味已經完全融入了豬扒入面，每一口酥炸香脆之餘，留有淡淡南乳香。星洲麥皮蝦份量是預期以外的大，每隻蝦都被香脆的麥皮包圍，蝦不單大隻，而且蝦肉爽口彈牙，食得出的新鮮。香口又惹味，所以最後都忍唔住叫了可樂！南非鮑魚啫啫雞四位用的量其實對飽魚愛好者來說，二人食是剛剛好！南非鮑魚肥美飽滿，爽口又彈牙。雞肉嫩滑一點也不鞋口，醬汁惹味又唔過咸，熱辣辣，真係一定要點個靚仔送飯！啫啫生菜煲又是大大一煲，價錢親民，生菜量很多，蝦乾、蒜片等炒得香口，整煲都帶濃烈咸香，生菜卜卜脆。好好食！真係一定要再點個白飯！最後估唔到仲有甜品送！！！係牛奶布甸，濃奶香而且入口滑溜，好食！神燈真係意外大發現，估唔到餸菜高質之餘，價

🌟餐廳：神燈海鮮酒家📍地址：佐敦長樂街14-20號18廣場地下及1樓💰價位：～$100 - $200⏰營業時間：星期一至日 11:30 - 15:00 / 18:00 - 23:00📱電話：2866 6177想食新式中菜，又想坐得舒適、地點方便，神燈海鮮酒家就係好選擇～鄰近佐敦地鐵站，環境寬敞舒適，中菜選擇眾多，好岩情侶撐枱腳或者一大班朋友聚餐～———————————————————🔹前菜琥珀核桃口感酥脆又香甜。———————————————————🔹啫啫鮑魚雞用砂鍋呈上有助保持熱度，大大隻南非鮑魚，厚肉爽身味道鮮美，配以嫩滑JUICY雞件以及香濃醬汁，夠哂惹味，拌飯一流！———————————————————🔹黑松露玻璃燒鵝全黑燒鵝係神燈名物之一，絕對係必試之選～鵝身用上秘製醬汁及黑松露醃製再風乾，燒製火喉控制得剛剛好，上枱香氣撲鼻，食落有陣陣黑松露香，皮脆肉嫩仲好入味添～鵝肉肥瘦適中一啲都唔柴皮，件件甘香又滋味~———————————————————🔹星洲麥皮蝦原隻大蝦加以麥皮、牛油等炸香，外層香脆帶點甜味，大大隻蝦，份量十足，肉身爽滑彈牙。———————————————————🔹

自從上次食咗將軍澳既小神燈後，朋友見到我個 post 話好正都要去食，朋友叫到當然無問題啦，不過我就決定帶佢去食佐敦神燈，近佢屋企之餘，我亦都順便試吓新嘢嘛～ 神燈係佐敦，地點方便，平日去到都滿座，大家可想而知係幾好食，而且有些菜式也需要預訂的，所以建議先要訂位， 我地點咗： 🥢黑松露玻璃燒鵝（1/4隻） 黑松露燒鵝係店的名物，必點，燒鵝皮有淡淡的黑松露味，唔會太多搶去燒鵝味，燒鵝皮脆，肉嫩而且入味，燒鵝肥瘦適中，鍾意有少少油脂唔會柴皮，食落更甘香，推介👍🏻🥢啫啫鮑魚雞煲 又有鮑魚又有雞，咁豐富當然要點啦，熱焫焫的鮑魚雞煲上枱，鮑魚大隻彈牙，𠝹花令到鮑魚好入味，雞件都不少，嫩滑，成個煲都好惹味😋🥢星洲麥皮蝦 麥皮炒得金黃香口，比起新加坡的原本的無咁甜，配合番港人口味👍🏻，但惹味依然，大蝦炸得香脆，可以連殼都一齊食，蝦肉彈牙又大隻，一碟有6隻👍🏻🥢金湯海皇豆腐 上枱時又係熱焫焫，豆腐非常滑，而且有豆香，配埋海鮮粒一齊食好鮮味，撈飯一流！ 🥢新肉欖菜四季豆有湯有肉，當然就叫多一款蔬菜，朋友想食四季豆，就叫咗個新肉欖菜四季豆，微辣，有欖菜的咸香，炒得惹味，最驚起是將新肉完全融入，同一般豬

一直都知道呢度出名特登提早一日訂位，過黎見識下未到7pm 已全場滿座，座無虛席餐廳装潢優雅黑松露玻璃燒鵝外表油亮光澤，外皮燒得薄脆肉質柔嫩厚實，充滿肉汁且散發出濃郁嘅黑松露香氣再蘸上松露酸梅醬，回味無窮難怪係餐廳招牌菜星洲麥皮蝦新加坡名菜之一將原隻大蝦、麥皮、牛油炸香大蝦酥脆又香口又入味，麥皮很香，沾滿蝦身仲食到蛋黃咸香味相當惹味南非鮑魚啫啫雞煲用上沙窩上能夠保持熱度大大隻彈牙鮮鮑魚雞煲整得好入味而且幾嫩滑台風炒新竹米粉非常足料 而且炒得乾身不油膩最後餐廳更會贈送兩款甜品日北海道牛乳奶凍，杞子桂花糕奶凍口感幼滑細膩 很滿足

神燈海鮮酒家 (佐敦).如果大家問有咩中菜推介，呢間會係我頭三位推薦(⁎⁍̴̛ᴗ⁍̴̛⁎).▪️黑松露燒鵝▪️.呢個配搭非常特別，非常濃郁黑松露味，個皮係烏黑色非常靚！暫時好似未係第二到見過呢個菜式🩶.▪️啫啫鮑魚雞▪️.有四隻非常之大隻，脹卜卜又爽口彈牙，雞件嫩.▪️星洲麥皮蝦▪️.麥皮取代炸粉，每隻蝦都勁大隻，肉質爽實.▪️ 蜜椒薯仔牛肝連▪️.呢個個人覺得係神燈招牌菜之一，牛肝連係非常罕有而且好腍身嘅部位🩶 薯仔都係外脆內軟！.▪️啫啫芥蘭煲▪️.芥蘭好爽脆，原煲上份量好多，蝦乾又大隻！ .📌 神燈海鮮酒家 (佐敦)佐敦長樂街14-20號18廣場地下及1樓.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

✨ 一次試勻海陸空美食 首推黑松露玻璃燒鵝🦆🪿在醜小鴨的世界裏，白天鵝都是有罪，那麼變成黑天鵝就不會惹醜小鴨的嫉妒了吧！位於佐敦的神燈海鮮酒家名物「黑松露玻璃燒鵝」成為社交平台燒鵝關注組的大熱討論單品，是被譽為店中的黑鑽石。🦆 黑松露玻璃燒鵝 · 1/4隻 $238黑松露玻璃燒鵝選用5斤半至6斤的大鵝，鵝身以秘製黑松露及醬汁醃製後風乾，燒製時火喉拿掐要特別精準，才不會燒焦。黑掹掹的黑松露玻璃燒鵝上桌香氣撲鼻，鵝皮香脆，肉質嫩滑。燒鵝附兩款醬汁，傳統酸梅醬及特調黑松露醬汁，蘸上特調醬汁，滿咀洋溢出豐腴的鵝油，充滿滋味。🦐 星洲麥皮蝦 $278星洲麥皮蝦是新加坡名菜，麥片炸至脆身，帶一點點甜味，在一座金黃脆脆的麥片小山丘中，就像尋寶一樣，內藏外殻炸得酥脆的大蝦，肉質結實，份量十足，格外香口惹味。南非鮑魚啫啫雞 $498以砂鍋上的鮑魚雞煲，用上南非鮑魚，十分矜貴。滋滋聲的熱辣辣揣上餐桌，鑊氣十足，已叫人口水直流。原隻南非鮑魚預先𠝹花，醬汁緊緊包裹着鮑魚，肉厚帶嚼勁，加上嫩滑的雞件，美味度爆燈，是十分推薦的菜式喔！🐮 蜜椒金薯牛肝連 $168蜜椒金薯牛肝連是店中的招牌菜式，牛肉粒稔滑美味，每粒

向來鍾意食🖤黑松露，第一次聽到黑松露玻璃燒鵝🦆，已經好好奇究竟係點既呢？ 😋琴晚終於慕名而來佐敦的神燈海鮮酒家，一嚐呢個咁有創意嘅菜式😍🖤🦆1/4隻黑松露玻璃燒鵝兩個人食四分一都夠， 燒鵝皮勁脆，黑松露味好濃郁，我阿妹都大讚， 見到幾乎枱枱都點。👍👍🐔啫啫鮑魚雞砂鍋上好香，有大大隻嘅鮑魚，雞件多肉嫩滑。🦐星洲麥皮蝦呢度嘅招牌菜之一，蝦大隻又爽口，麥皮非常香脆👍🥬濃湯一級竹笙浸翡翠餐餐都要食菜😁，竹笙吸曬啲上湯，菜心翠綠。

上星期端年節我地一改傳統唔食粽，約埋媽咪一齊出去食飯。(哈...講到底都係想搵個藉偷懶唔煮飯😆)人多好辦事， 可以點多d餸😋豬腳仔 先黎一個前菜，懷舊小食豬腳仔食落皮脆肉爽滑蜜汁脆燒鱔 推介！一來夠香脆、二來佢唔腥鱔香味突出、三來個蜜汁同個鱔幾夾。  黑松露玻璃燒鵝 黑色燒鵝你食過未? 第一眼見到時覺得好特別。 燒鵝食落皮脆肉軟，皮有油香又不膩，口感嫩滑，仲有陣陣黑松露味。糯米炒膏蟹 熱騰騰、香噴噴既糯米炒膏蟹煲令人食指大動，大大隻膏蟹肉質厚實，蟹膏多到啖啖糯米飯都有， 好邪惡。（溫馨提示：唔駛急但要快，影兩張相就要快快撈起，咁就可以食到焦而不燶的飯焦。）雲耳百合炒鮮淮山 多肉少菜，叫返個健脾開胃既餸，鮮淮山、雲耳口感爽脆，越食越想食。最後食埋餐廳送既香滑牛乳奶凍，食到棒住個肚走。除左行樓梯，原來仲有lift可以搭上去，入口就在隔離的商廈中(不過當日落雨，無影到) 

我好喜愛食燒鵝, 朋友介紹黑松露玻璃燒鵝…WHAT??? 無理由不去試試吧! 菜館鄰近佐敦地鐵站! 好彩我們早早訂位, 未到7pm 已全場滿座, 座無虛席, 很久沒看見這場面!  南非鮑魚啫啫雞 $498/4位用 ~ 斬件雞件, 肉質嫩滑無雪味, 以瓦煲烹調上枱仍是熱辣辣! 鮑魚爽口彈牙, 肉厚不會靭, 清洗得很乾淨! 味道十分惹味呢…黑松露玻璃燒鵝 $238/ 1/4隻 ~ 為這而來, 遠超期望! 全黑色的燒鵝不是燒焦, 只是擁有黑漆亮麗而燒得香脆的表皮, 鵝肉細嫩肉質緊緻, 入口有著淡淡黑松露香氣! 蘸上加入黑松露特製而成的酸梅醬, 又別有一番風味! 星洲麥皮蝦 $268/6隻 ~ 每隻蝦也是超大一隻的! 肉質彈牙, 炸得香脆, 麥皮配以蛋液同炒, 甜甜的滿滿牛油香! 鮮鳳梨咕嚕肉 $128 ~ 份量頗多, 鳳梨鮮甜, 肉排炸得香脆! 贈送甜點, 牛奶布甸及杞子桂花糕! 送的也不馬虎, 牛奶布甸極濃厚, 口感幼滑! 桂花糕清甜, 超讚! 前菜琥珀合桃超好食! 

麥片蝦是新加坡著名菜式之一，🦐惹味程度媲美黑胡椒蟹。想不到甜中脆口，(๑‾ ꇴ ‾๑)蝦炸得香脆，且充滿牛油香味，😋餸飯一流。.啫啫鮑魚雞，🥘使用醬料醃過的雞件，以瓦煲烹調。先在瓦煲底部放上配料，然後加入雞肉和鮑魚，加上蓋子煮熟。🔥在煲熱的過程中，熱力對流加速了烹調過程，使雞肉和鮑魚更快熟透，🐤口感更加嫩滑，同時也保留了它們的營養成分。最終，╰(*´︶`*)╯煮出美味的雞肉煲，🥢讓人食指大動。.黑松露玻璃燒鵝，因為加上咗🍄黑松露醃製，所以外邊更加會有一層華麗的黑色，燒鵝外脆內Juicy。👍