玉桃軒酒家 (鱷魚恤中心)

营业中

休息中

在openrice search觀塘酒樓見玉桃軒排第一位便諗住試下佢，點知真心失望佢D o野唔係話唔好食..但唔值得排第一位..難道觀塘沒有好吃的酒樓嗎？唔知係咪我無叫到佢D好招牌既招牌菜呢？最好味係佢個炭燒燒鵝脾其他點心真心好普通無咩特別我覺得美心還比佢好味...其實中午時份攞位時已經感受到...見佢open rice排名咁高，都驚佢好多人，突登12:30p.m.已經去攞位同一棟鱷魚恤中心其實有好幾間酒樓，眼見其他人都o係其他樓層出..得我去玉桃軒去到不但不用等，到一點幾時也發現坐不滿...已經想講今次中伏了...如果大家正午時份想於觀塘飲茶又不想等位，這裡會是個好選擇

朋友是片皮鴨的愛好者，今晚來到這間酒樓當然要一嚐其招牌茶——京式片皮鴨（$258）晚市的茶單，片皮鴨加$98有二食，我們點了涼瓜炆鴨件。先上一碟涼茶。烤鴨製成後，師傅會即席在食客面前將烤鴨逐塊逐塊片出來。看他手起刀落，毫不猶疑般手勢非常純熟，很快一碟片皮鴨就整整齊齊端放在眼前了。在兩籠蒸籠，每一層都放置了約十塊的薄餅皮，餐廳貼心地在皮與皮之間放置了一張牛油紙，避免薄餅皮黏在一起。鴨胸皮脆肉少，油香滿溢。其餘的片皮鴨切得均勻，每塊不算太大，但有皮也有肉，皮脆肉嫩。餅皮熱辣辣，質感煙韌，配合還有青瓜、京蔥和甜面醬，味道非常豐富和惹味。涼瓜炆鴨件涼瓜炆得很惹味，樣子還很青綠，賣相吸引。位置坐得舒服，食物水準也不錯，值得再來。

同家人食晚飯啊媽話好耐無食過片皮鴨（門面位好靚）入到來感覺好寬敞聽講d片皮鴨好出名我地見台台都叫我地都order左片皮鴨d皮好靚！色澤均勻香噴噴好大隻片皮鴨好香呀d皮燒得好香好脆見到流曬口水個皮有蒸籠紙隔住方便攞時唔會痴住薄薄一片皮包住香噴噴片皮鴨再加上青瓜、京蔥同醬汁超美味啊！片皮鴨皮脆肉嫩好大碟鴨崧生菜包 （二食）d菜好新鮮😁👍d鴨肉整得好惹味落左馬蹄同冬菇落去又香又帶爽生菜包住食好正瑤柱海皇雜菜煲清清地又有d菜食下d料都幾多下滑蛋炒蝦球d蝦好爽口彈牙甜品好吸引不過我地好飽lu下次留肚食甜品先

星期六的下午相約了媽媽一起去附近的玉桃軒酒家飲茶，差不多2:00餐廳還是很多顧客。但是還坐得很舒服，不會很嘈吵而且還有大大的電視螢幕播出新聞。全日點心的價錢會很清楚地列出來午市的點心選擇也不少，當中還有一些比較特別的套餐和前菜小食。我們兩人叫了七樣點心這個菜心苗非常鮮甜，配上甜甜的豉油，令我吃過不停鹹菜豬肚煲的份量亦很大，豬肚的數量比我想像中多而且很爽口，咸菜不會過鹹，湯底顯得鮮甜。這個鮮蝦莧菜餃，晶凝通透，皮薄餡靚，蝦很新鮮彈牙，感覺很健康燒汁釀茄子很可口，茄子內釀上彈牙的魚肉，配上甜甜的燒汁非常開胃燒賣入口彈滑，豬肉和蝦肉的比例剛剛好，若沾上少許辣椒油會令整個口感更加豐富這個鮮蝦素翅餃賣相也很精緻，重點是皮薄內涵豐富，口感不錯，媽媽也吃得讚不絕口。最後這個杞子蒸鯪魚球感覺比較健康，鯪魚肉很彈牙，配上少許胡椒粉口感更突出。這家酒家的點心很不錯而且價錢合理，質素很好下次必定再來！

今晚去酒樓食中菜 揀左係觀塘嘅玉桃軒我地點左片皮鴨 片皮鴨大約有十幾片 每一片都好大片而且連住適中份量嘅鴨肉 鴨肉好鮮 一啲騷味都冇 而且鴨皮烤到脆卜卜侍應將原隻鴨送出來 然後係我地枱嘅旁邊一片片切出來 見到鴨係啱啱烤起 勁新鮮👍🏻然後點了脆皮蒜香雞 雞皮果然好脆 而且雞肉嫩滑👍🏻 脆皮蒜香雞配上一碟蒜香甜豉油特別在蒜香令雞味更加濃郁更惹味最後點左宮廷炒蝦球配有酥炸茄子 首先蝦球非常大粒非常彈牙 好新鮮而且蝦球經過油炸 好香口今個晚餐好滿足碟碟菜都非常有質素一定會再返嚟encore😁

五個人叫左半圍套餐同一隻片皮鴨，套餐仲要吾包汽水，另外加錢，都冇問題。最大問題就係食物難食到我從來未食過一間咁差而又貴既酒樓。片皮鴨塊包皮成寸厚。垃圾！賣單兩千銀，除翻開四百幾一個人頭。換句話講係用呢個價錢去食垃圾。絕對吾會幫襯第二次，吾怪入到去得小貓幾隻，其他酒樓就full booking，吾係我本身想去個間酒樓冇位，都吾會揀呢間☹️我從來都唔會系OpenRice數臭餐廳，但呢間係我見過最垃圾嘅餐廳。呢一世都吾會幫襯

今晚帶爸爸媽媽來吃個晚飯 😊 是位於鱷魚恤中心的玉桃軒 員工人手非常足夠 很快就有侍應落單👍🏻小菜款式都算多 而且本月優惠特區的片皮鴨非常吸引😁點了2碟小菜 有片皮鴨和酥炸廣島蠔片皮鴨一食 - 可見鴨皮脹卜卜 好有光澤 非常新鮮 而且份量好多 $258 都算抵食片皮鴨有濃郁的鴨油香 加上青瓜配菜一點都不油膩 片皮鴨質素非常高👍🏻 值很一試另外點了酥炸廣島蠔 一碟有8隻 份量size算ok 炸粉不厚 口感鬆脆而廣島蠔都非常新鮮👍🏻

今天我和女兒往觀塘APM行下，女兒講起之前去過附近的玉桃軒酒家，有京式片皮鴨食，味道不錯，我也很喜歡食，二話不說就入座去！酒樓地方都好大，整潔乾淨，除了早茶和晚餐，也有提供婚宴場地服務。京式片皮鴨：鴨都幾大隻，剛出爐不久，鴨身還是脹卜卜，由侍應在客人面前將鴨皮片出，排列在碟上，另上的還有麵皮、青瓜、韭黃和片皮鴨醬汁。一塊麵皮包住鴨和配料，加上一些醬汁，真的美味可口，令人齒頰留香！脆皮蒜香雞半隻：皮薄脆口，不會有太多脂肪，肉質鮮嫩，配些特製醬油，甜甜地，十分美味！

叫咗四樣嘢雀巢海中寶海鮮係梳打粉味個雀巢完全係諗同扯唔開椒鹽鮮魷又係梳打粉味個皮一的都唔脆雞過咸諗住叫甜品甜品紙上有壽桃包每隻$22想要一隻就俾部長阿姐問候:你叫一隻點蒸俾你。邊有人叫一只。但係張紙沒有寫明要叫兩隻起，唔得就算唔使咁講嘢，寫清楚咪唔使咁囉食物態度,茶餐廳大排檔都一定好過佢

29/3/2019 @ 觀塘玉桃軒鱷魚恤大廈有好多間酒樓，呢間係其中一間 算係比較少人， 我哋太肚餓於是就入咗去。其實整體食物都幾好食，不過我估價錢比其他幾間貴少少咁多，所以相對就少咗人， 我個人覺得價錢還可以接受，比起出去旺角嗰啲酒樓其實差唔多。強烈推薦汁燒茄子，茄子入面仲釀咗啲肉非常好食汁燒茄子

今天又要到觀塘區工作，工作完後，又到中午了，近近地喺地鐵附近搵食玉桃軒位於鱷魚恤大廈， 酒樓十分寛敞，枱與枱之間唔太迫，光缐充足、整潔鮮蝦菠菜餃，晶瑩通透，賣相吸引菜餃皮薄，蝦新鮮彈牙，夾埋菠菜，既清新又健康招牌煎焗魚雲魚雲煎得香口，比較乾身，邊位食落脆卜卜，味道又咸咸地，好惹味，中間部位仍然幼嫰，食到停唔到蜆介鯪魚球綾魚球唔腥，蘸埋蜆醬汁，鮮味出哂來千層咖啡糕咖啡味道濃郁，好似飲緊咖啡蛋白燉鮮奶鮮奶幼滑又唔甜，養顏之選

今晚去咗接男朋友收工...突然間想食小菜...於是去咗玉桃軒食飯...好多住觀塘嘅新娘子都會選擇呢度擺酒...今晚就來試試小菜。頭抽醬皇雞 雞肉好嫩滑...醬汁好入味...脂肪唔算肥...啱晒減肥人士。鵲雀海中寶賣相好靚....真係好似雀巢咁樣....顏色配搭鮮艷...很是開胃秘製粉絲虎蝦煲 呢個超級好食...唔會太鹹...粉絲很入味...虎蝦有成四隻...好足料！ 呢度酒樓環境唔算嘈，幾靜，其實，有時二人世界，食吓中式酒樓都唔錯架！以服務方面，侍應很快就留意到顧客舉手，又經常幫我們換碟👍🏻👍🏻👍🏻

由相識至到依家結埋婚，咁耐以嚟都未試過二個人入去酒樓食晚餐，今次絕對係第一次，全因爲自己突然間好想食片皮鴨，至於隔嚟嗰個當然就係捨命陪老婆喇，咁就促成咗我地嘅第一次😂😂平日晚上酒樓客人數量都算可以，好快就有待應招呼我地，雖然我嘅目標明確，但點都要睇下個餐牌嘅，見晚餐都有好多款小菜提供，價錢120起到，酒樓嚟講算係差唔多，選擇都算可以接受最終我地叫咗片皮鴨二食（$258+98），先講片皮鴨，特登推到晌你面前片皮，證明有一隻鴨份量xd, 片完出嚟原來好大碟，有份皮多少用、多肉少皮唔同部份，應該有啲就咁被客人就咁空口食...至於最重要嘅配料夾餅有二大籠，熱哄哄呈上，加埋醬汁同青瓜一齊食very gd, 兩個人好快就被ko 原不過仲有碟二食鴨崧生菜包, 配料加入馬蹄、粟米、冬菇粒，加埋生菜後食落好爽口，吸引人會繼續食...最後等地兩個對於呢個片皮鴨之夜十分滿意，下次再有片皮鴨之慾會再試多次🤣🤣

中午時候，同朋友想飲茶坐下食下點心，約左係觀塘既玉桃軒酒家見。中午時段都好多人，等左一陣位先入得。午市點心價錢都ok, 有d 特價點心。雖然價錢係貴少少但質素好好呢。我地叫左6樣點心玉桃鮮蝦餃，頂點既蝦餃十分好食，蝦餃皮好煙Un, 蝦大大粒，食落好大咬感。蝦籽燒賣(頂點)，燒賣的豬肉比例唔錯，好彈牙。椰汁mango卷特價$21.8內餡係布甸，外皮係煙Un Mochi。小籠包小籠包爆晒汁，肉餡鮮嫩。燒汁釀茄子好特別，同黃金流沙包味道好好，十分抵食。

媽媽很喜歡吃中菜，所以上星期帶左佢去觀塘的玉桃軒嘗中菜。幸好當月帶北京片皮鴨的優惠價，而且是最後一隻，所以我們立刻order。如果有意食的話，可以向餐廳訂啊！環境方面，餐廳好大；座位舒適。而下單紙需由顧客所填寫的。前菜、茶介：前菜16蚊，為酸菜令人幾開胃。茶介每位$15。京式片皮鴨：餐廳職員會在食客面前將片皮鴨切片，當時已經聽到皮被切的脆聲。鴨size適中，可以切的片數也不少！另外，買左兩籠用來包鴨的麵皮和蔥花、醬汁等。四者一起食用，鴨中滲出不少肉汁，而鴨皮非常脆口。醬汁不是太咸，而麵皮不會很快就變乾變硬。特別一讚的是，鴨肉一點也不會肥，吾怕痴著大量脂肪在鴨中！個人非常推薦大家食用啊！紅燒乳鴿：乳鴿方面就比較失望，因外面很乾身，而且乳鴿的肉甚少呢，但價錢不算太貴的。