玉桃軒酒家 (鱷魚恤中心)

营业中

休息中

今晚又來到觀塘鱷魚恤中心6樓的玉桃軒酒家吃晚飯，我們喜歡玉桃軒酒家地點方便，環境也很雅致，服務良好。我們點選三個小菜：脆皮炸豬手$ 148、黃金七味豆腐$108 、蜜椒薯仔牛柳粒$138 、白飯三碗$45 。黃金七味豆腐和蜜椒薯仔牛柳粒首先上枱，皮脆薄、豆腐嫩滑餸飯佐酒都一流！蜜椒薯仔牛柳粒，牛柳粒香馥帶微脆，掛上黑椒蜜汁甜美不膩！已經切好、擺設得靚靚的脆皮炸豬手十分吸睛！我唔客氣啦！對於眼前香脆鬆化的外皮、甘香入味豬手肉，我們三個饞嘴的傢伙真的是手快有、手慢冇！餘下的燒豬骨也不浪費，打包回家煲湯。飯後甜品：椰汁香芒卷$36 ，滿滿椰香的薄粉皮捲芒果布甸吃！正！熱騰騰的奶黃流沙包$36，奶黃流沙暖流沁心，甜蜜窩心，讚。

又到左我最鍾意嘅飲茶時間，今日食飯可以食耐少少所以同同事去咗飲茶🍵 觀塘嘅酒樓晏晝都好多人要等一陣位先有得入去我地每人揀幾樣都叫咗好多點心，好滿足🤤 呢度嘅蝦餃好正，皮薄餡靚，啲蝦又夠晒彈牙。 燒賣都有大蝦係入面～另外傳統嘅點心例如蒸鳳爪同埋牛栢葉都整得十分入味🤤 又夠冧～之後我哋都叫咗個菜，啫啫芥蘭煲，一上枱就聞到嗰陣香味，夠晒惹味同埋辣辣地，會食上癮嘅菜！其他點心都唔錯，炸物都好脆好足料，夠哂抵食！

這天我約了家人在觀塘吃下午茶，經過朋友的介紹，我們決定來到這一間中式酒樓試一試，餐牌上的選擇很多，食物的定價也很合理，食物的種類也很多，店內環境非常非常寛敞，富有空間感和十分清潔衛生，給我一種很舒服的感覺玉桃蝦餃皇($17.8)蝦餃皮薄，晶瑩剔透，蝦肉清鮮甜美，質素非常高蟹籽燒賣($18.8)用新鮮的蝦肉打成的燒賣，再用一些細碎的蟹籽鋪面，燒賣的份量非常多，非常抵食明爐叉燒皇($70)叉燒十分香稔軟嫩，質素非常高，份量十分多，價錢可以接受馬拉糕($15.8)馬拉糕，非常鬆軟綿綿，份量非常多鮮茄蝦仁湯米線($38)用新鮮的番茄，敖成的湯底，味道十分鮮甜，蝦仁十分新鮮，米線十分軟身，感覺整體都非常清淡，食得更健康白灼郊外油菜($28)菜心十分新鮮，份量十分多，用白灼的煮法，完全沒有油，十分健康勝瓜煮班頭腩煲($58)勝瓜十分軟身，班頭腩十分新鮮，沒有魚骨，可以吃得更放心，配上濃郁的上湯，富有水份，而且食物的用料非常新鮮，非常消暑，最適合這炎炎的夏日吃用整體來說，食物的質素非常高，食物的選擇非常多，食物的份量十分多，食物的用料十分新鮮，點心是即點即蒸，所以食物温度非常高，食物的賣相非常吸引，

以下係個人恐怖經歷，內容可能令人反胃。噚日晏晝，食完幾過點心好地地。點心包括：粉果、腐皮卷、义燒、伊麪。食完以上點心，都好地地。最後埋單前食﹝漿糊鼓椒牛河﹞，大約過咗半個鐘頭，口嚨突然好“確”&越嚟越漲，漲都難唞氣。成半日，口嚨都發滾&突然收窄。試過食生蒜頭(解味精)，都解唔到口嚨收窄&滾熱問題。 鱷魚恤中心，食過幾間都未試過口大鑊…嘔白泡咁濟。﹝百樂門﹞，最多味精重手啲啫。﹝釣魚翁﹞， 鹽落得重手啲。得食二樓，咩事都冇安全。最後，狂飲水+沖清熱酷…飲到差啲溂尿到夜晚八點幾先唞到氣。(懷疑：“化學敏感”，而唔係“味精敏感”)。小弟慶幸食得兩注河粉+兩塊牛肉+三塊洋蔥+兩塊青椒。否則，入醫院都太遲&要叫黑車。哩間係咁多間最受歡迎@鱷魚恤中心，見過一次👻，識驚喇。今晚，仲要睇夜診…手停口停，唔敢攞病假。

今天下班後跟家人相約吃頓晚飯，經過上次與他們去了嚐日式料理後，我當然期望今次他們會想再試不同國家菜式，無奈最後他們還是選擇了中菜，果然老一輩的，就是喜歡傳統。我當然略微失望，所以挑選附近那家中菜館時，也花了若干心思，想找家高質的來填補我心中的失落。 最後我們選擇了家有一定質素的酒樓，名叫玉桃軒酒家，對於這家店，我們也不陌生，偶爾與兩老假日飲茶都會來這間酒樓，但晚飯小菜還真没嚐過。 我們大約七點多來到，坐位還滿多的，没有很多食客，所以很快被安排入坐，我們點了一隻片皮鴨、薑葱粉絲肉蟹煲、潮式煎蠔餅、瑤柱海皇雜菜煲，4個人總共4碟餸，剛剛好。 食物没有等多久便逐碟上枱，首先最快出現的便是片皮鴨，每一片都是皮脆肉嫩，滿滿的油脂，十分肥美，與葱、青瓜、醬汁，及包皮裹著吃果然是最正宗又好吃的食法，入口香氣四溢，口感豐富，大推。  其後煎蠔餅、瑤柱雜菜煲、薑蔥粉絲肉蟹煲等陸續上枱，除了瑤柱雜菜煲，全部都是我最愛的菜式。蠔餅除了煎得香脆，蠔肉份量也很多，對於喜歡吃炸物及蠔的我簡直是恩物。薑蔥粉絲肉蟹煲，雖然略微咸了些，但味道很是濃郁，而且蟹肉也比想像中多，配白飯吃剛剛好。 最後瑤柱雜菜煲，我家兩老的最

一早與家人訂了觀塘「玉桃軒」吃中菜，酒樓就在鱷魚恤中心，也就是在APM旁。「玉桃軒」門口佈置溫馨亮麗，裝修富麗，天花掛著水晶燈，很有特色，適合婚宴喜慶場合，而且空間寬闊，很舒適的感覺。店員為我們送上茶水和餐前小食，也細心的介紹著餐牌的食物。片皮鴨片皮鴨是我最喜愛的食物之一 ，亦係這裡的主打菜，所以我今晚亦都點了一隻。先上枱前，比食客見過真身，再切成鴨皮、鴨皮連肉同鴨肉，部長熟練的手起刀落，連皮帶肉片出一片片，是視覺上的享受。這裡的片皮鴨整體上是不錯， 皮脆肉嫩， 鴨油香味滲出來。不少得配上青瓜絲、京蔥絲及醬汁和餅皮一起吃，惹味十足。餅皮以蒸籠上，微暖不會太熱，餅皮亦不會太厚。今次沒有加錢兩吃，想吃鴨肉的話，也可以加錢要兩吃。薑蔥粉絲蟹肉煲粉絲煲內有原隻大蟹和粉絲。蟹先用大量薑蔥爆香，再與粉絲一起放鍋裡煲。粉絲索盡蟹煲的精華，味道帶微辣，拌飯一流。蟹肉不算太肥美，但都算新鮮。潮式煎蠔烙這個煎蠔餅好有份量，與平時的炸蠔餅不一樣，麵粉比較多，質感較煙韌。雞蛋邊煎的非常香脆，而中間的蠔份量實在有夠多，也不會太多油和太粉，煎後香脆可口。 瑤柱海皇雜菜煲 湯頭清甜濃郁，味道濃而不鹹，正為雜菜添上味

飲茶飲到一肚氣，侍應對小朋友呼喝，個個黑口黑面！食物一般，味道一般，選擇極少，碟頭偏細，！三個女人仔加一個三歲小朋友，埋單$475！全枱都係一般點心！總之一定冇下次

今日午餐選擇了觀塘玉桃軒飲茶，之前試過銅鑼灣玉桃軒都幾好食，點知觀塘呢間中伏，酒樓又舊，嘢食又差，樣樣點心都是凍的...........😪腸粉又凍又唔好食蜆芥鯪魚球似是翻炸，又凍又難食

心血來潮想吃片皮鴨,然後就同朋友去左鱷魚恤中心的玉桃軒.呢晚人5算多,座位闊落,頗舒適.order左一隻片皮鴨同良瓜炆鴉片.片皮鴨賣相同分量十足,不過略嫌餅皮偏厚,吃左一半已經好飽.

呢日放工過左黎鱷魚恤中心搵野食,呢度有好幾間酒樓,我地就揀左玉桃軒酒家試下啦酒樓地方都幾大,有屏風隔開左幾個空間晚飯菜式都好多選擇,我見到有片皮鴨,於是抱住一試的心態叫左一隻京式片皮鴨(HKD258),另外可以選擇剩下的鴨肉二食,我地就揀左涼瓜炆鴨件(HKD98).好大隻的片皮鴨,建議三至四人食,因為我地得兩個人, 片皮鴨片得太厚身,好多肉,食到好飽好濟.另外,二食涼瓜涼瓜炆鴨件值得一讚,因為涼瓜炒到一d都唔覺得苦,好食另外,值得一提的是餐前的酸菜幾好味

年紀漸長，更懂得欣賞中菜所需的功夫和內涵。是夜平日下班，和太座選擇到酒家晚膳，貪其相對清靜。可惜推廣的片皮鴨已售罄，唯有轉戰其他小菜。其貌不揚的蒜蓉炒莧菜，菜香無渣，火候剛好，沒有過老，少油少鹹，實屬上品。經典的菠蘿咕嚕肉，生粉皮薄脆，豬肉味香，略帶嚼勁。菠蘿椒類清甜爽脆，酸甜醬汁沒有過火，只用適量吊起胃口，功夫到家。蝦球帶子蒸豆腐，海鮮鮮味，簡單以豆豉豉油加添鹹香。豆腐豆香十足又滑溜，又一簡單味美的小菜。此等酒家的小菜質素上乘，平日晚上環境舒適，值得多加支持。

每年既端午節都係大伯既農歷生日🎂我地一班親戚都會約埋一齊食餐晚飯之前有黎過呢度飲過茶 交通方便 食物質素還可以所以就上左去拎張餐牌睇睇 順便比埋訂金訂左一席 “龍蝦🦞魚翅全包宴”仲加左$380將餐單入面既燒味拼盤轉左為乳豬🐖全體可惜 無諗過是次體驗實在太失望我爸爸👨🏻同媽媽👩🏻比預定時間早到左約15分鐘左右 但酒樓經理竟然黑哂臉之後親戚們都陸續到達 上菜前想飲d野套餐入面包左汽水同啤酒因為有幾個老年人 佢地想飲d唔凍既但竟然個部長細細聲講左句:咁多要求架又黑哂面 態度勁差😡😡😡本黎想投訴佢地 但又為免影響親戚們既興致就算了而且 上菜時間實在好奇怪 初時好快但後黎可能太多圍檯都要上菜 我地食到中間有試過等左30-45分鐘我見旁邊既人客都係檯面得2-3碟餸最後餐飯食左2個半鐘先食完另外 雖則席宴已包茶芥同加一服務費但花生🥜等小食都唔包的所以本新應該只需比$4,068,但最終係要比$4,121

同朋友嚟到呢度慶祝生日食晚飯，好近觀塘地鐵站，完全唔使淋雨有瓦遮頭，餐廳裝潢富麗堂皇，而且吊燈增加左貴氣。侍應們好有禮貌，好勤快，一直都行出行埋幫我斟茶叫左扁皮鴨，好快就上菜，份量好大，鴨味好濃，鴨皮脆卜卜，唔算好肥，加上醬油同埋配菜食好好味。而且個皮好煙韌，好有口感。仲叫咗個馬蹄蒸肉餅肉餅，好大份肥瘦適中，馬蹄增加左肉餅的口感，有少少爽口，而肉餅有少少咸， 送飯一流。翡翠花枝珊瑚蚌 - 珊瑚蚌炒西蘭花，西蘭花煮到啱啱好唔會太林或者太硬，而珊瑚蚌就好爽口。見到好多人拎埋生日蛋糕同老人家一起慶祝生日。

住左係觀塘咁多年, 知道apm上面有好幾間酒樓,但都未試過上去食。咁岩有朋友話同我去apm食飯,我知佢就中意食中菜既, 於是就同佢去玉桃軒。上到去玉桃軒,覺得個環境都幾唔錯,唔會有太過奢華既裝修,但係同玉桃軒個名一樣,有雅緻既感覺, 幾舒適。上黎之前其實唔係好知佢既拿手菜係咩野,於是就搵左店員推介。最後簡左四道菜,分別係北京填鴨, 脆皮雞, 雜菜煲, 蒸魚。北京填鴨, 亦即係片皮鴨, 燒好既鴨送上檯旁邊, 由師傅即場片, 眼見烤鴨外觀飽滿, 鴨肉輕輕披住皮, 油脂夾在皮肉之間 , 油脂豐富亮麗, 鴨皮裂開果下就知鴨皮相當酥脆, 令我口水直流。逼不及待就試左個鴨先。鴨肉好滑嫩酥軟, 鴨皮與同鴨肉的味道其實是比想像中淡味, 一d都唔會好油膩, 但鴨肉非常香甜。之後用一片薄到可以透光既荷葉餅包起來黎夾住食。餅皮十分嚥韌, 淡淡的面粉吸了少少鴨既油份, 加埋甜醬黃瓜包覆在荷葉餅皮內，豐富口感。好食就一定要趁熱食, 維持最佳口感。之後就係食脆皮雞, 其實都係要趁熱食, 見到雞皮呈好令既金黃色, 油令令, 一d都唔覺得會過份乾身, 肉質嫰滑, 係剛好熟透既口感, 即使是雞胸肉，食落口都冇渣滓，多汁

平日晚飯其實好少會揀中菜，不過聽聞玉桃軒的出品不錯，又近地鐵站，環境亦寬敞舒適，最重要係已經好耐冇食過片皮鴨，知道這裏有供應，便早早BOOK 位與朋友來一試。京式片皮鴨 $258點完餐不久，便見侍應推著鴨車過來 ，碟上的鴨外皮金黃油潤飽滿，侍應用了短短幾分鐘即席將烤鴨片好，並放在另一隻碟上整整齊齊地排開，片片都切得厚薄一致。片皮鴨同時跟一籠熱辣辣薄餅皮一起上枱，薄餅皮質感煙韌，薄餅與薄餅之間由烘焙油紙層層相隔，故此就算薄餅放涼了也不易黐在一起，亦方便包起鴨皮時不會黏手。鴨肉鮮嫩、鴨皮薄脆，脂肪少 ，再蘸京醬、青瓜、京葱，全部放在薄餅上包好一同吃，不但不覺油膩，口感更豐富。鴨崧生菜包 $98 ( 二食另加 $ 98 )一鴨兩食的話我覺得鴨崧生菜包比較惹味，鴨殼起肉切粒加西芹粒、筍粒、松子仁炒成一碟鴨崧，經己十分香口惹味，將鴨崧用新鮮爽脆生菜包住才吃，簡直清甜可口法式焗釀嚮螺 2隻 $136原隻大響螺內塞滿響螺肉粒、菇粒及另有幾款菜粒運合葡汁烤焗而成，表層烤得金黃，用匙羹一舀，內層原來是柔腍腍的，吃落口感幼滑，兼香氣四溢蒜蓉油麥菜 $88炒得剛剛好，不過火，外表油潤碧綠，咬落清甜爽脆今次大