火薈中日火鍋

营业中

休息中

太子區真心好多火鍋店，但呢間食物高質，坐位又闊落，位置方便，一大班朋友聚會啱晒～冬瓜瑤柱花甲鍋-好啱夏天既湯底，降暑解火，加埋瑤柱、花甲既清淡又鮮甜。花甲大大隻，冬瓜勁厚切，十分足料。炸雲吞-足料，有蝦有豬肉，雲吞皮香脆可口。椒鹽豆腐-細細粒，一口脆豆腐，外脆，內裡嫩滑。安格斯牛頸脊，牛味重，油脂分布均勻，中份都好足4個女仔食。野生竹笙王，超讚，好粗壯，勁吸湯，又爽口。黑柏葉，係我火鍋必點，保留牛味，而且有咬口，所以一縮就要食啦😋蟹籽鮮蝦滑、手打墨魚丸，食得出真材實料，大大粒蝦係蝦滑，墨丸就有黑魚粒粒，新鮮彈牙。鳳城水餃-偏重蝦同豬肉，後而木耳、荀比例較少，但都足料，皮薄。手工冰豆腐，未十分峰巢豆腐，但介乎蜂巢豆腐中間，吸湯又有豆腐既口感。即炸響鈴，呢間既響鈴唔係好實淨果款，但就勁鬆脆，而且好有空間吸湯。點醬即食又得。仲叫咗鮮淮山，油麥菜，萵筍，粟米等等，都十分新鮮鮮甜，尤其係粟米🌽竹蔗茅根，清甜，降熱氣。

一年四季都可以打邊爐, 今晚就同朋友去左呢間係花園街既火薈中日火鍋。😌一坐底職員好好服務問要唔要叫D野飲先, 又介紹佢地有咩新鮮靚海鮮刺身。🥂大熱天, 叫個冬瓜瑤柱花甲鍋, 一上台已經見到大大隻花甲, 雖然未至於鋪海成個鍋, 但都唔係少, 一滾起, 大家都試下佢個湯先, 夏天邊爐湯底唔適宜叫太濃郁, 呢個湯一致認為清甜足料。🫕即炸響鈴雖然而家出面好多都有呢個即炸響鈴, 但炸得好食既唔多，火薈既即炸響鈴唔油膩,十分鬆脆, 蘸個酸甜汁食，真係無得頂。因為我地個湯係清淡類, 所以浸湯就唔算好特別。小食叫左炸雲吞+椒鹽豆腐炸雲吞夠脆口, 而且好飽滿,皮薄餡料好扎實，食到成粒鮮蝦肉。好足料。 椒鹽豆腐, 外脆內嫩, 成碟都鋪滿炸蒜好野味。鳳城水餃🥟鳳城水餃同樣係皮薄餡料好扎實，食到成粒鮮蝦肉。同個炸雲吞既料好似, 只係多左木耳絲。 手打墨魚丸🦑呢個手打墨丸一定要試, 好大粒, 真係有乒乓波咁大粒，味道鮮甜、富有墨魚味，口感更爽口彈牙無味精無面粉，仲食有墨魚粒，爽脆有咬口。蟹子解蝦滑🦐呢個蝦滑上台時係一大舊, 係刮落鍋時已經有D期待呢粒蝦丸, 因為明顯係打得好結實, 係要用少少力先刮得開個蝦滑，一

❣️鮑魚龍蝦海鮮餐有5款湯底可以揀, 我揀咗鮮茄薯仔濃湯鍋, 有好多蕃茄薯仔係入面, 仲落咗紅蘿蔔同粟米, 湯底特別甜, 呢個餐好豐富, 入面包咗5款海鮮, 分別有龍蝦、蟶子皇、海中蝦、花甲王同大連鮑魚, 全部都好新鮮, 爽口彈牙手切鮮牛肉, 估唔到肉質都幾嫩滑, 肉味香濃手打三寶丸, 有牛丸、墨丸同豬肉丸各二粒, 手打丸同平時食到嘅丸感覺零舍唔同套餐仲包了即炸響鈴、雜菜拼盤同稻庭烏冬, 呢個餐超級豐富, 份量足夠二個人食, 好滿足🔸️刺身 散叫了刺身, 分別有帶子同牡丹蝦, 擺盤用心, 夠鮮甜🔸️竹蔗茅根餐廳仲有做折扣優惠, 9點前入座85折(只限火鍋料), 而海鮮、牛肉、小食、湯底、刺身、飲品不設優惠, 另外每晚9點後入座全單8折, 呢d 時候食更加抵食

呢度嘅火鍋高水準，而且價錢非常之抵食，性價比好高😍好有驚喜！鮑魚龍蝦海鮮餐，每位只係$338！呢個套餐有啲咩？兩個人食超級豐富，一定夠飽！海鮮有波士頓龍蝦🦞、鮑魚、海蝦🦐、蟶子、海蜆。另外仲有手切牛肉、手打三寶丸、即炸響鈴、稻庭烏冬、雜菜拼盤，而且呢個套餐係包湯底、非常之抵！先講講海鮮，真係非常新鮮！好驚喜😋波士頓龍蝦大隻爽口，鮑魚肉質新鮮又彈牙。海蝦非常大隻又爽甜。蟶子超鮮甜！海蜆冇沙。另外以為跟餐嘅牛肉會稍為遜色，點知原來都好高質😋手切牛肉肥瘦適中，而且牛味好香好食！三寶丸大大粒好食！即炸響鈴真係超脆超正！稻庭烏冬份量多，雜菜拼盤有生菜、油麥菜、菜心等。開頭以為二人餐份量唔會太多，點知相當之飽😂我哋仲另外叫咗韭菜餃、雲吞、魚蛋及炸魚皮。所以真係超級飽。基本上淨係叫2人餐都夠了。

🦞鮑魚龍蝦餐 $388/位兩人份量：🔸大連鮑魚兩隻、波士頓龍蝦一隻、蟶子皇兩隻、沙白蜆、海中蝦四隻、蟹一隻🔸安格斯牛肉/黑毛豬🔸招牌手打三寶丸🔸稻庭烏冬🔸即炸響鈴🔸田園雜菜籃海鮮份量多，而且好新鮮。呢個價錢嚟講絕對有驚喜，最正係波士頓龍蝦同蟹。龍蝦上到枱仲郁緊🫣，肉質彈牙而且味道好鮮甜。蟹唔算大隻但好多肉，蟹肉味道超甜。三寶丸係墨魚丸、牛丸、豬肉丸。牛丸味道最濃，口感軟綿比較似牛肉球。豬肉丸味道幾甜，完全冇豬羶味。墨魚丸就相對地普通啲。安格斯牛肉目測係貴價牛頸脊，肉質嫩滑又有濃郁肉味。加埋稻庭烏冬、即炸響鈴、田園雜菜籃，兩個人完全食唔晒。餐廳而家做緊優惠：🔹9點前入座火鍋配料85折🔹9點後入座全單8折

又到左打邊爐時間😗放工6:30就黎到嚕宜家做緊9點前入座有85折（火鍋配料）9點後入座做緊全單8折確實吸引🤧✨海南椰子雞鍋$238湯底相當清甜 一黎就飲番夠本先雞嘅份量 兩個人絕對夠食😌雞件又係好滑 不過叫太多去到最後都食唔晒🥹✨火薈牛肉塔$388打邊爐係一定要食牛但因為太多種類都唔知食邊樣好索性黎返個牛肉塔種類比較多 唔使用腦諗仲要有牛舌🥲又要好新鮮✨即炸響鈴$48好明顯冇揸流攤㗎響鈴新唔新鮮 食一啖就會知道好明顯啲皮係唔笠 真係即炸所以好正👍🏾✨老友鬼鬼$78即係油炸鬼再配上蝦滑外皮香口到似即炸雲吞多啲再配上蝦滑prefect池✨椒鹽墨魚咀$98大大分一盤炸到脆卜卜 又係唔停得口😆✨鵝腸$88口感好彈牙最鍾意鵝腸快熟又好味🥰✨白鱔片$128魚界當中最鍾意食絕對係白鱔有啲人唔鍾意佢口感計我話佢口感先係最正最感受到魚既滑漏感

太子有間火薈朋友食過話OK，就再約我哋過來吃打邊爐，來到都幾大地方而且價錢都幾合理。胡椒豬肚雞鍋份量大原來都有半隻，雞肉好嫩滑啖啖肉，仲有不少軟熟豬肚，帶點胡椒味味道都夠味不會太濃。本地手切鮮牛肉 份量堅十足必食，牛肉口感軟身有肉味。雙拼餃 要雲吞和水餃，十分大隻又足料，味道夠味不用點醬汁。脆鯇片少可食到沒有骨而且口感有點脆口好味。廣島蠔都幾大隻，熟後都不太縮水，幾鮮甜新鮮。油炸鬼配蝦滑浸湯十秒可以仲有點脆口而蝦滑都好彈牙。蔬菜都要了2款菜心苗和炸芋頭好新鮮又夠綿身。

火薈中日火鍋📍 太子花園街239號嘉慶苑1樓同班中同好耐冇見，我哋成班跟住個太子地頭蛇去搵食，搵到呢間火薈中日火鍋，幾近地鐵站所以都唔難搵的👍🏻🧡食物我哋四個人嗌咗兩個海鮮套餐（$676），再加咗啲嘢食，餐廳做緊八五折優惠！連埋加一總共承惠 $1652，以食物質素嚟講我覺得係抵食嘅～🍲 湯底我哋加咗錢轉做椰子雞湯，啲湯一啲都唔敷衍，係椰子水，仲有啲蔬菜🥬湯色清，飲落有重雞味之餘，有椰子同蔬菜嘅清甜襯托住，唔會膩，飲完都唔會口渴，呢個係幾有驚喜嘅！所以如果嗌左呢個湯底嘅朋友記住要啲索湯嘅配料喔～🦞 海鮮拼盤擺盤勁適合打卡，好大個，雖然一開始有啲擔心食唔食得晒🤣有鮑魚、蜆、聖子、龍蝦同埋海蝦，一上到嚟啲龍蝦同埋鮑魚仲喺度郁緊，勁新鮮，特別推薦蜆，新鮮而無沙，仲幾肥美，好食！而其他海鮮因為勝在新鮮，煮耐咗都唔會出現肉質霉、冇味嘅情況，幾不錯🤤🍡 配料套餐有跟響鈴同手打三寶丸，響鈴應該係啱啱新鮮炸起，黎到係熱辣辣，所以冇油壓味，非常香脆丸類有貢丸、牛丸同埋墨魚丸，要特別讚一讚牛滑，應該冇落到麵粉，食落去彈牙實身，食落去一啲都唔散，中間仲有肉汁，好正!!!🥰🐮 牛肉（跟餐） + 牛舌 （$88）

邊個話夏天就唔可以烚吓烚吓🍲而家打邊爐無分季節㗎喇😎呢間傳統港式打邊爐食物種類眾多 心大心細揀咗好耐兩個人唔食得多嘢就揀咗呢幾款🧉竹蔗茅根 打邊爐熱辣辣 正值夏天梗係要飲竹蔗茅根 非常清甜解渴 打邊爐是必須的 😍🍲馬來沙嗲湯 基本上當你打邊爐唔知揀咩湯底嘅時候嗌沙嗲一定好穩陣😋呢間晒啲好唔錯呀 味道濃郁 沙嗲味突出👍🏻🐮安格斯牛頸脊 重點嚟啦👏🏻👏🏻萬眾期待牛頸脊真係好有肉味 同肥牛相比唔係得油膩感 肥瘦均勻又有咬口真係打邊爐必叫🙌🏻🥓即炸午餐肉 當小食有得打邊爐會又得😍🥬雜菜籃 呢個雜菜籃足足有差唔多10款蔬菜 塑晒啲湯底好鬼正😎🥟四寶餃 有蝦餃黑松露餃韭菜餃 樣樣試吓都幾滋味😋🍦椰子雪糕 最尾配埋個椰子雪糕簡直係完美 椰子味香濃🥥#火薈中日火鍋 #火薈 #香港美食 #香港火鍋 #太子火鍋 #太子美食 #旺角美食 #香港探店 #香港必食餐廳

太子火薈食火鍋，坐得舒服地方夠大而且還有多間包房，人多坐房更高私隱度。menu食物款式多又唔貴，所以都食得好盡興。滋補養生鍋，這個火鍋裏面有花膠，魚肚，魚唇，鯊魚骨，好滋潤既感覺！還輕輕滲出藥材味道，感覺味道更補身！湯配料夠多又足料，雞腳煮到好綿！花膠等都好足料又夠哂香。牛舌色澤紅潤，食起黎帶點咬口有質感，滲出牛香，幾吸湯底味道，食起黎好正。水土魷魚夠多夠爽彈，口感過癮，都相當鮮味。手打蝦丸，牛丸夠大粒，熟左都唔會縮水，有質感食起黎口感十足，夠多肉汁。另外叫了刺身拼盤！有四款時令刺身，每款四件。都係$300多，非常抵食，而且質數都幾好！帶子綿綿夠厚切，魷魚爽身帶鮮味，鯛魚清新爽甜，整體抵食質量好。

💛鮑魚龍蝦海鮮餐入邊包括牛肉，波士頓龍蝦，聖子皇，海中蝦，沙白現，大連鮑魚，湯底，手打三寶丸，即炸響鈴，稻庭烏冬，雜菜拼盤。💛椰子雞鍋湯底好清甜，有紅棗，椰子肉，粟米等等，一啲都唔會濃膩，好甜。雞肉都好嫩滑，之後湯底打邊爐都好適合。💛牛肉&牛舌牛肉厚薄適中，同埋雪花分布好均勻，而且落湯都唔會縮水得好犀利，幾好食。牛舌係單獨叫，而肉身就比較薄切，不過食落口都會有肉香，好食。💛手打三寶丸三寶丸入面最中意嘅係牛肉丸，好彈牙，食得出係人手工做，而且好重牛肉味，推介。💛炸魚皮打邊爐必備嘅魚皮，勁香脆，好好食嘅小食。💛即炸響鈴係自己炸而唔係市面上賣嘅現成貨，食落去係好新鮮脆口的。💛刺身拼盤最中意嘅係帶子，超級大件同好鮮甜，差啲一啖都食唔晒，同日式餐廳嘅質素不相伯仲。而魷魚都好好食，切嘅厚薄程度啱啱好，所以一啲都唔韌。最特別係泰式生蝦，嗰蝦好大份，而且都好新鮮，配埋泰式汁啱啱好。🙌🏻埋單之後發現平咗，原來餐廳做緊時段折扣優惠。首先9點前入座大鍋料85折，不過海鮮、牛肉、小食、湯底、刺身、飲品就不設優惠，而9點後入座全單8折。

泰式生蝦跟平日食的泰式生蝦有點不一樣，我比較少見到連頭上，而且每隻都好大隻，好好咬口。另外平日食較少配上蟹子，感覺都幾夾😁海鮮餐如果二人食的話，點這個餐真的很好，可以食到不同的海鮮，而且每個都很新鮮。有波士頓龍蝦🦞、鮑魚、聖子、蝦、沙白等。安格斯牛肉牛肉好出，但要碌一碌就要食，因為薄薄地好快熟。好味😋龍蝦幾彈口，各款海鮮都好好味。另外有三款不同的丸（豬，牛同墨魚丸）。同平日食的丸不同，感覺手打丸好似真係好味d。另外，有巨大的響玲，可以直接食，味道有少少似炸雲吞的感覺，當然也可以放入湯大，我個人較喜愛前者食法我跟女友把龍蝦頭、蝦頭等放入鍋中，個湯變得很甜，最後再煮烏冬變變很重海鮮味。可以一試

第一次黎火薈中日火鍋打邊爐，店面氣派寬敞，環境舒適，亦設有卡座同包房，店員服務周到有禮貌。除左主打既火鍋，仲有鷄煲、小菜同刺身選擇。海南椰子雞鍋 ($238)第一時間飲咗個湯先，湯底用左純椰青水，椰子味特別甜同濃，但又唔會覺咸。雞肉好滑嫩有雞味，忍唔住一連食左幾舊。鮑魚龍蝦海鮮餐($338)食材非常新鮮，而且超級豐富：波士頓龍蝦啖啖肉，蟶子皇大大隻好鮮甜，海中蝦爽口，大連鮑魚肉厚彈牙，沙白蜆無沙。手切鮮牛肉都幾高質，肉質鮮嫩、肥瘦適中、肉味濃郁。手打三寶丸有牛丸、墨丸、豬肉丸，全部都大大粒，食得出本身材料既鮮味，亦十分彈牙。套餐仲配有即炸響鈴、稻庭烏冬同雜菜拼盤。份量完全足夠兩個人食，唔需要額外加餸都好夠飽。

朋友話在太子見到間餐廳做緊優惠，九點前入座八五折，九點後入座八折，好似好吸引，叫埋我一齊打邊爐吹水！我哋揀了藥膳花雕醉雞鍋連半隻雞 - 第一轉藥膳湯底味道好濃郁, 而且湯底同雞分開上, 夠晒體貼, 因為自己控制食幾多, 唔會煮到D雞老晒。雞的份量好多, 而且好嫩滑, 好抵食。頂級安格斯牛頸脊 - 鐘意食牛的朋友就知道牛頸脊的肉質又嫩又油脂均勻, 而且呢款係安格斯, 入口即溶。手打鮮牛肉丸 - 普通牛丸冇得比, 手打鮮牛肉的彈性及口感係好D, 而且牛肉味比較濃。脆鯇骨腩 - 一客份量都幾多, 最重要係新鮮! 魚味及肉質口感都好好。招牌黑松露餃 - 黑松露份量應該好多, 因為一上枱已經閒到, 入口的味道更濃郁, 岩晒黑松露愛好者。淮山好易就滾到淋, 吸埋湯底好食，菇類都好新鮮。依家打邊爐鍾意揀間食物有質素的，不再好似年青時最愛任食呢間餐廳食物質素好ok

今日就去咗火薈中日火鍋, 完美融合咗中式同日式嘅嘢食, 除咗有得打邊爐, 仲有唔少刺身, 小食選擇我就叫咗刺身拼盤, 拼盤賣相幾精緻, 入面仲有多款時令刺身, 除左有帶子之外, 仲有泰式生蝦, 配埋個泰式醬汁幾開胃, 整體刺身都幾新鮮😋再加埋椒鹽豆腐呢款小食, 外層炸得鬆脆, 好香口👍火鍋就叫咗藥膳花雕醉雞鍋店員會先上咗藥膳湯底，然後再加入雞件湯底飲落有啲酒香味, 加埋雞件精華, 幾清甜👍我仲叫左小小火鍋配料招牌黑松露餃, 黑松露完美融合咗豬肉,幾香口韓國降箱牛肉, 油花幾靚牛味重重慶蕃薯粉, 用咗勁可愛嘅擺盤, 口感彈牙