火薈中日火鍋

营业中

休息中

火薈中日火鍋 4 位 食物新鮮環境乾淨。不錯不錯的體驗。價錢算中上。象拔蚌刺身好新鮮👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

因為疫情問題，真係好耐無見過朋友，所以係之前疫情平復果陣，專程約出黎食餐飯。由於我地一行3個人都好鐘意食火鍋，所以我搵左依間中日火鍋 – 火薈，有得食火鍋之餘，仲可以食埋刺身添，一次滿足2個願望。 火薈比較近太子地鐵站，門口裝修好顯眼，所以都好容易搵到。一上到去眼見座位都好闊落，店員安排我地坐窗口位，自成一角，而環境唔算嘈，同朋友傾計都好方便。 一坐底就有清茶飲，店員都會好熱情問下會唔會需要叫埋其他野飲，之後就放低埋調味盤，辣椒、生蒜蓉、葱等等都好新鮮，明顯係新鮮切，唔係放係雪櫃過夜。 黎到依到中日火鍋，梗係要叫下刺身食啦！係菜單見到有刺身拼盤，好吸引，一於叫黎試下！我地揀左刺身拼盤(松)，因為店員講刺身種類係會豐富啲，而且分量都係大啲架！ 刺身拼盤一上枱都好震撼，因為係大大大隻刺身船，影相打卡真係一流。帶子大大粒，厚肉又鮮甜。墨魚撈蟹子口感，墨魚既軟同蟹子既脆好夾，口感特別。鮑魚都好鮮嫰，甜蝦鮮美，！ 輪到食火鍋啦，火鍋湯底我地叫左海南椰子雞鍋，店員叮囑我地水滾先飲湯，因為湯底係用左純椰青水，所以會特別甜，零舍好飲，飲完湯同食埋雞之後再加湯打邊爐。 跟著到揀打邊爐嘅配料，我地揀左新

高級中日食品，平民價錢朋友話旺角有一間中式火鍋，又有日式刺身。呢間火薈中日一定要試wo，見佢講到甘吸引，今日一於約咗佢去試吓。去度見到都好多客人，雖然店舖位置並非大街，但都有甘多生意，必定係搶手食店。朋友大讚呢度食材新鮮，食刺身最緊要新鮮，所以我地叫左一客加拿大象拔蚌刺身。一上枱，刺身切到大大片又薄，咬落超爽口，份量都唔少。四人食都夠。有一位朋友好怕食刺身，俾我哋鼓勵下都食咗，佢話刺身好鮮甜，一點都唔腥，所以最後都食左幾件。見象拔蚌刺身都幾新鮮，所以我哋都加咗個刺身拼盤。刺身拼盤好平，$298咋。但係都有六款刺身， 一樣係新鮮。店員同我哋講原來食象拔蚌刺身，仲會送個湯底。真係好抵。我哋揀咗蕃茄薯仔濃湯鍋，之後加咗一啲火鍋料打邊爐。烏冬好食，分量多多。另外仲叫咗自家製韭菜餃同鳳城水餃。大大粒，入面餡料味道好足夠。火鍋料都好新鮮，而家仲有全單七折，所以我哋叫左好多野食，食到飽飽捧住個肚返屋企

我本身都幾鍾意打邊爐，係OpenRice見到呢間好似唔錯所以過嚟試吓，入到去見到個內龍都幾靚，裝修都幾有心思叫咗個都幾有特色嘅湯底，入邊有鮑魚花膠雞同埋冬瓜湯，非常鮮甜，齋就咁飲都冇問題店家都好窩心俾咗啲信封我哋擺口罩呢個和牛刺身簡直係一定要試，非常好味另外佢哋嘅日式刺身拼盤都好好食，好似去咗日本食咁樣另外當然都要叫番啲粟米啊午餐肉嗰啲香港人一般打邊爐都要食嘅嘢總括而言今次都食得幾包幾開心下次一定會再去!

就算天氣熱都要打下邊爐過下癮啦! 今次去左呢間姆有特色又姆好味既火鍋店門面裝修內龍都幾好, 最緊要坐得闊落舒服, 出面太多打邊爐好迫叫左個特色雞鮑冬瓜盅湯底, 好鮮味新鮮煲出黎, 打邊爐之前點都要飲返2碗湯try try, 好好味!呢個和牛刺身簡直不得了, 好新鮮靚貨, 拍得住係日本食! 呢個真係一定要試下!另一份打邊爐牛都好鮮味好到牛肉味, 唔係cheap野魚食刺食同日本餐廳食果啲都無乜分別都係靚野, 呢個實在係估唔到墨魚滑幾出類拔萃, 依家先知墨魚滑質素都有分級數都係同出面同類型既手打丸, 但係真係材料靚味道就無得頂

太耐冇一家人去食飯，所以星期三晚我地四個去左太子既火薈中日火鍋打邊爐。椒鹽雞軟骨：即叫即炸既雞軟骨食落熱辣辣，仲有脆脆地既口感；雞軟骨份量好足，每粒既size大小適中，口感剛好，不會太硬口，而油份也不太多，很喜歡食這菜色！海南椰子雞鍋：依個鍋中包有新鮮椰子，餐廳示意是絕無添加成份；湯中全是椰子水，味道極為清甜！至於雞件既份量很多，而每件雞也同樣啖啖嫩肉！先飲完椰子汁再叫職員加入湯底準備打邊爐吧！西班牙特級豬仔腩：賣相經已精緻，由於家人不食牛肉，所以點了豬仔腩。起初好怕豬肉片會好鞋口，但原來口感吾鞋，反而好滑，這可能是由於是薄切既關係，令豬仔腩快熟又吾鞋，值得一讚！手打鮮蝦丸 (6粒)：個人推介必叫！！手打鮮蝦丸既size大大粒，因是手打關係所以食起黎特別有膠質又彈牙，而且蝦味十足～當中更帶有鮮甜味！黑椒牛丸：牛丸是我既至愛，所以決定點了。牛丸口感同樣彈牙，牛味濃郁，可惜黑椒味吾太突出。桂花蚌：桂花蚌既份量剛好，焯後既桂花蚌口感好爽口，而味道帶鮮甜；同樣值得推介啊！牛柏葉：份量也很多，焯後既牛柏葉帶點爽口，而且沒有雪味。出前一叮：價錢不貴，由於家人想令自己更為飽肚就點了。鳳城水餃(6隻)

餐廳一去到招呼已經唔錯。坐低我哋好快就揀咗湯底，揀咗椰子雞湯潤一潤。個湯好香椰子味，等湯底滾好就食啲雞。食完啲雞就準備打邊爐。加湯之前就飲左個椰子雞湯先，椰子味好香，湯好甜！另外叫左刺身拼盤，好豐富，有帶子、蝦、北寄貝、魷魚等等，樣樣都新鮮！份量亦都唔少，四個人食剛剛好！火鍋配料叫咗白鱔片，真係好好食！唔會腥，而且淥完之後好爽脆，高質！韭菜餃好大隻，而且充滿韭菜香！雜菜籃好抵食！有好多唔同嘅菜，好豐富！仲有啲蕃茄、粟米等等。當然唔少得叫牛。極上本地手切牛肉，真係好好食！肉質優質，又有牛味！呢度打邊爐，所有食物都好好食！真係搵到好嘢食！

一班朋友最鍾意就係打邊爐，今日就嚟咗呢間太子嘅火鍋度食。平日晚上時段已經滿座，非常好生意！點左湯底之後就即刻叫個刺身食下先。刺身質素唔錯，而且好新鮮！三文魚厚切夠肥美；帶子亦都好大粒鮮甜。甜蝦鮮味，象拔蚌爽口；北寄貝亦都幾爽；魷魚有好多片，口感唔錯。我哋叫咗椰子雞湯，非常足料！雞肉夠滑。店員話食完啲雞一定要飲啲湯，因為真材實料，飲落真係好鮮甜，有驚喜！極上本地手切鮮牛肉，估唔到份量都有好多！牛肉夠鮮味，有牛香，食落有口感！手切牛肉呢個真係好好食！黑豚肉擺盤好靚，用個豬仔盆裝住。黑豚肉肉質幾香，而且豬肉夠林，肥瘦適中！廣島蠔漲卜卜夠肥美，有鮮味！鬼馬雙星一定要叫，係油炸鬼配蝦滑！油炸鬼脆口，蝦滑又夠爽口。呢個唔係度度整得好食！呢間火鍋食物質素高水準，晚上仲有七折好抵食！四個人食，人均消費$350左右！

打邊爐同屋企人夜晚打算打邊爐，無意之中見到呢間火鍋店做緊七折優惠，加上係太子站附近，就諗住去試下。黎到之後發現，店鋪環境算乾淨，食材選擇多，而且性價比高。係呢個疫情期間，會為客人準備擺口罩嘅信封同埋提供酒精搓手液。揀左個胡椒豬肚雞鍋🤩 雞肉嘅肉質鮮嫩，胡椒味都夠重，仲搭配埋酸菜，味道唔錯👍🏼肉類係必叫嘅😋 今次叫左安格斯牛頸脊同埋鹿耳島黑皮豬，兩款都唔會令人失望😌 牛嘅油花分布均勻，質嫩爽口。而豬，肥瘦相間，肉香純正，值得嘗試😉其中手打雙拼丸同埋鮮蝦雲吞都係真材實料嘅火鍋料理，肉丸口感爽脆，雲吞肉餡裡面有一隻完整嘅蝦🦐 料足之餘，蝦味十足一開始以為火鍋店嘅刺身拼盤一般，但食嘅時候口感唔錯，好鮮甜😋 唔輸出面嘅高級壽司店其他小食同埋食材都好新鮮，料夠足👍🏼 食落去口感豐富，令人忍唔住一直咁食😎 

今日同屋企人出到旺角附近 打算吃完晚餐先返屋企 太子呢間「火薈中日火鍋」遠離旺角的吵雜 無論環境 服務 食物均令人滿意由於食左太多野啦 每份都份量十足 👍🏻👍🏻👍🏻印象最深刻嘅當然係大大粒嘅鮮蝦雲吞 入面全部都係蝦！！爽口彈牙～鴨血係打邊爐必備！滑得黎大少少Q～配麻辣碟最正😻安格斯牛頸脊 每塊牛肉都有一定嘅厚度 食落俾人感覺啖啖肉但又保持嫩滑～正手打雙拼丸 絕對推介每粒都係真材實料！小食試咗椒鹽魷魚，重口味之選！炸到黃金酥脆～睇返都覺得回味啊呢個刺身拼盤黎嘅時候我哋都眼前一亮每樣都keep住新鮮最鍾意嘅係甜蝦～好似啱啱捉上嚟咁幻想着佢嘅扎扎跳😹打邊爐必定要食午餐肉，煮到入口即溶～肥十磅都願意阿其實仲叫咗好多嘢食～全部都幾高水準 下次屋企人生日或者節日都一定黎番呢度～

自己一直都鍾意去打邊爐，太子呢一間邊爐，之前疫情前一路都好想打，但係無奈停業14日，而家終於有機會可以去，梗係冇放過呢個機會。我哋坐咗喺近住大窗口嘅位置，零瀉通風。餐廳亦都非常注重衛生，碗碟都非常乾淨。一坐低嘅時候，由於天氣太熱，我哋都叫咗竹蓆茅根去飲。竹蓆茅根唔算太甜，清熱潤肺，非常足料。去打邊爐，就梗係要食啲頭盤，我哋叫咗呢一個刺身叫松，裏面有好多唔同款式嘅魚生，包括三文魚、象拔蚌等等。之後我哋叫咗個石旁魚刺身，石旁魚刺身可以兩食，刺身以外的其他地方可以炸，成為一碟小菜。這條小菜熱辣辣，而且加上左調味料，非常好食。另外佢個牛肉刺身都好正，配埋佢哋自家秘製嘅酸汁，牛肉刺身點落酸汁一齊食，零舍開胃。之後到打邊爐嘅環節，我哋特登點咗椰汁雞湯底，非常清熱下火，亦都透心涼。喺配料方面，我哋特登叫咗個牛魔王三層塔，一次過滿足晒三款願望，佢啲牛肉真係非常新鮮，牛味濃。佢啲黑毛豬亦都非常好食。最後我哋叫咗個雪糕作為這一餐飯的完結。這一個雪糕是菠蘿雪葩，是由日本運過來的，在製作的時候會先把菠蘿攪成汁，然後再製成雪葩，所以非常甜。

之前睇倒東張西望介紹火薈中日火鍋好吸引咁，原來而家仲做緊7折，除左海鮮同酒水收返正價之外，其他所有野食包括湯底、肥牛、丸類、滑類、麵食，通通都有7折，堅係抵，見最近連續多日都冇本地感染，先敢約朋友一齊打返個邊爐。火薈店面唔算好大，不過除左普通四人枱同卡位，都有大圓枱同VIP房，就算多過四個人都方面傾計。一坐低侍應會每人俾一個信封黎放口罩。茗茶$10/位，醬料費$15/位，收費正常。打邊爐點可以唔飲野，所以叫左兩渣涼。竹庶茅根($48) - 雪得夠凍，幾清甜潤喉。浴神花茶($48) - 餐牌上冇，我地叫涼茶時，侍應話有洛神花茶，酸酸地幾開胃，不過可能煲起冇耐，雪得唔夠凍。秘製冬陰功海鮮湯($338) - 冬陰功湯底酸酸辣辣好惹味，辣度大約係BB同小辣之間，就算唔太食得辣嘅朋友都應該食倒，湯底入面有蟹、蝦、蜆、番茄同秀珍菇，好足料，七折左都係$237，計返一啲都唔貴。安格斯牛頸脊(大)($268) - 火薈有唔同價位嘅牛肉，我地揀左中價位嘅牛頸脊，七折後$188，好大碟夠四五個人食，牛頸脊雪文紋好靚好平均，口感滑得黎有少少彈口，都幾好食。老友鬼鬼($78) - 即係油炸鬼釀蝦滑，係即食，脆

Once government has started to relax on the dining requirements, my parents have been pestering me to dine out tomorrow. One of my friends told me that there is a nice steamboat restaurant located at Prince Edward, thus I decided to give it a try. Flaming Pot was located at Fa Yuen Street, along that stretch of bar street near Prince Edward MTR. The restaurant was very spacious, with 2 VIP rooms catered to group gathering. They are running a promotion right now, with 30% discount for all items e

解封@火薈中日火鍋網址:地址: 太子花園街239號嘉慶苑1樓電話: 23387886 LOCKDOWN了幾個月了, 人都悶死啦,今日搵埋好耐無見架朋友一齊去打邊 爐>0< 我不怕水口飛沬啦!!!! 邊爐除了湯底, 肉類新解度同質素,都直接影響了整體的食後感。講究的朋友喜歡散點, 貴精不貴多。$238 椰子雞湯，那口湯清甜好喝，唔會油膩又解渴，雞塊又滲了淡淡椰青水味！竟然有刺身，$298 刺身拼盤,多款的又是港人愛吃的刺身。鮑魚蝦帶子赤貝等$88 雜菜鍋同雜菇拼，4個人happy share ,椰子水湯底同菜菇好夾的！$238 豬盛合,鹿兒島黑毛豬，食過就返唔到轉頭,無豬酥味又香，仲有豬紅豬腸等手打丸四款，啦，識食之人（讚自己）當然手打貪夠彈牙新鮮，又唔會滲好多麵粉發水。單有7折優惠架，對抗疫病的，超抵食又高質

為什麼會叫中日火鍋呢？原來非常有名的除了他們的火鍋料，還有刺身！餐廳比一般火鍋店有氣勢一點，數支獺祭在門口的玻璃櫃，型格非常先上來的是刺身，意外地沒有港人最愛三文魚，反而北寄貝，甜蝦，魷魚，南非鮑片等一應俱全，質素不輸居酒屋，非常不錯椰子雞湯＄２３８非常甜，而且料多量足，雞肉上桌由生煮至全熟，再轉細火，先呷口湯再慢慢吃雞，非常清甜！不過如果湯底下一點鹽會比較好菜拼＄８８份量巨大，生菜　菜心　油麥菜　番茄　金菇　粟米，也就真的多到沒話說！而且都很鮮甜，水份充足丸拼＄１３８，量多但味道的分野不大，蝦丸的味道比較突出，也比較好吃養顏三寶＄８８魚肚花膠這些超補的傳統中菜一應俱全，用來打邊爐感覺很矜貴～海鮮拚盤＄４９８的蟶子很值得一讚，蜆肉很彈牙也非常鮮味，蟹雖然不大但剛剛離殼，很好菇拼也是巨多，吃到這邊四人也飽到極了