影片
更多
2023-07-30
17 浏览
第一次黎火薈中日火鍋打邊爐，店面氣派寬敞，環境舒適，亦設有卡座同包房，店員服務周到有禮貌。除左主打既火鍋，仲有鷄煲、小菜同刺身選擇。海南椰子雞鍋 ($238)第一時間飲咗個湯先，湯底用左純椰青水，椰子味特別甜同濃，但又唔會覺咸。雞肉好滑嫩有雞味，忍唔住一連食左幾舊。鮑魚龍蝦海鮮餐($338)食材非常新鮮，而且超級豐富：波士頓龍蝦啖啖肉，蟶子皇大大隻好鮮甜，海中蝦爽口，大連鮑魚肉厚彈牙，沙白蜆無沙。手切鮮牛肉都幾高質，肉質鮮嫩、肥瘦適中、肉味濃郁。手打三寶丸有牛丸、墨丸、豬肉丸，全部都大大粒，食得出本身材料既鮮味，亦十分彈牙。套餐仲配有即炸響鈴、稻庭烏冬同雜菜拼盤。份量完全足夠兩個人食，唔需要額外加餸都好夠飽。
海南椰子雞鍋 ($238)
第一時間飲咗個湯先，湯底用左純椰青水，椰子味特別甜同濃，但又唔會覺咸。雞肉好滑嫩有雞味，忍唔住一連食左幾舊。
鮑魚龍蝦海鮮餐($338)
食材非常新鮮，而且超級豐富：波士頓龍蝦啖啖肉，蟶子皇大大隻好鮮甜，海中蝦爽口，大連鮑魚肉厚彈牙，沙白蜆無沙。
手切鮮牛肉都幾高質，肉質鮮嫩、肥瘦適中、肉味濃郁。
手打三寶丸有牛丸、墨丸、豬肉丸，全部都大大粒，食得出本身材料既鮮味，亦十分彈牙。
套餐仲配有即炸響鈴、稻庭烏冬同雜菜拼盤。份量完全足夠兩個人食，唔需要額外加餸都好夠飽。
张贴
