火薈中日火鍋

营业中

休息中

今日同住太子既朋友食飯 聽佢推介就黎到呢間試下6點鐘去到好正 完全唔洗等位 一坐低就有得食店員先係問得地要咩湯底準備定先 再慢慢點配菜 準備醬油好有效率馬來沙嗲湯（$78）價錢唔算太貴 但好好味 性價比真係好高一煲滾左個湯已經聞到好香濃既沙嗲味 再飲一啖湯 真係好濃 好正啲火鍋配菜配上沙嗲湯都好夾 好味 唔點醬油都ok韓國解霜牛肉（$168）放上木架上好美觀 而食落好有牛味 又好鮮甜我同朋友都好鐘意手打雙拼丸-8粒（$78）我地揀左蝦&墨魚 特別鐘意蝦丸 真係食到一大粒蝦 又有好香蝦味又彈牙香蔥鱈魚腐($38)呢個都值得推薦 咬落好滑 好爽口 都好好味真係必試雙拼滑（$88）真係幾滑 個人比較鐘意蝦滑多啲 味道更濃 廣島蠔（$68）呢個真係超級好食 係必點之一好新鮮 又唔太貴娃娃菜（$32）都幾新鮮 唔錯唔錯炸芋頭（$38）見佢係餐牌上有推薦 就試下啦 估唔到有8件咁多 食落真係幾香芋頭味既 但真係會好易食到濟 又越食越乾如果好似我地兩個人黎食就要諗下啦 塞飽左自己會試唔到其他最後埋單走個陣都只係七點幾 但已經好多人 坐滿曬 睇黎呢間鋪真係好受歡迎

位於旺角近界限街口的火薈中日火鍋，是日本刺身同特色火鍋餐， 再叫小炒真是豐盛一餐。刺身拼盤是鮮美得難以形容，有新鮮感厚切生三文魚塊、北寄貝、魷魚及其他種類的簿切生魚肉等... 刺身北寄貝新鮮紅白色的簿生北寄貝肉，在加上其他款式的生海鮮塊及冰粒雪下，再添配香辣惹味醬油等，入口自然可口爽滑，盡顯日式生食海鮮精華特色。椒鹽鮮魷，炸鮮魷得肉嫩皮香，生粉塗上魷魚鬚身，然後以熟油鑊炸，炸出香脆煙韌肉質，好得人人想再多來一片。栗米墨魚餅, 煎墨魚鮮甜嫩滑，見有栗米粒，一口食完又再食。唐山菜、甜栗米，這熱辣煮出的潤喉新鮮蔬菜類，當然會是任何火鍋餐中的潤喉清腸胃添備品手打雙拼丸 ，肉質彈性鬆爽的，真是食多多都得。同飲竹蔗茅根。

家人在太子一帶行完花墟，想搵個舒服的地方食晚餐，見有間叫《火薈中日火鍋》是集合海鮮火鍋、一些刺身料理、小炒膳食等，晚上食時好想拍照打卡先，食物多款太吸引人。蝦蟹雞煲，新鮮蟹是肉質爽夾滑，而鮮蝦亦醃得惹味，一起浸於少少香辣的底鍋中煮，浸出熱辣食落香味嫩熟無窮，大廚的精妙配搭是叫人食多D， 熱辣質爽入口番尋味，乃冬季其中最佳膳食。頂級安格斯牛頸，新鮮嫩熟的安格斯牛配上熱辣濃味十足的火鍋，同時是新鮮簿切肥牛肉，浸又滾地一煮醃味，食落香滑煙韌味道確美味。雙併餃，這嫩滑餃，啖啖吃落自然潤滑可口，必會份外爽口。火鍋時來竹蔗茅根一渣，大家飲多杯，醒神清新，冰凍清甜可口，且潤喉兼清腸胃，乃火鍋餐中其中最佳添配品。

我早將預約時間少少到 帶店員都好有禮貌即刻帶我入座 裏面嘅鋪排 大部分係卡位嘅形式 亦都有好似食堂嘅經典開放形式 如果多人入座 仲可以開埋獨立房 好彩當日早到咗冇乜人 雖然得我一個去食 但係佢都比卡位 私人程度高 坐得好舒服 重慶麻辣湯HKD88。 麻辣火鍋教人又愛又恨 鍾意佢帶來味蕾上嘅刺激 唔鍾意食完之後生理上嘅痛苦。由於我認為食物浸過麻辣湯嘅味道 已經好足夠 所以冇額外用到醬油( 記得要食之前講 就可以扣返醬油費。 原本我好想叫豬紅食 但問過侍應 知道原來上嘅鍋 已經有唔少食麻辣火鍋應有嘅食物 所以就冇專登再叫豬紅。個鍋一片紅卜卜成個禮是封咁 見到都覺得興奮 除咗有好多條辣椒 仲有埋豬紅 豬腸 仲有幾樣都唔知係咩嚟嘅食物😂浸完嘅食物放落個口度 嗰種味道就會慢慢滲出嚟 你就會發現 唔記得咗叫小辣.。 花椒油味極重👍👍但冇牛油香 麻辣香撲鼻刺激 我嘅食慾 但係食完之後件衫都會感染到麻辣味😑 所以同異性約會前就盡量避免食啦😊再唔係就約會一齊食😊😊手打雙拼丸HKD78。出奇地大粒lol 刺身火鍋店波仔左右嘅大細 佢哋嘅手打丸大粒過乒乓波 比雞蛋細小小 total有八粒 呢個價錢都算抵食㗎

呢個星期咁凍梗係要即刻去打下邊爐暖下個胃啦😆今次我哋就嚟左喺太子嘅呢間火薈中日火鍋度食，平時成日都係食開任食火鍋，次次都食到好飽又爆曬自己quota🤦🏼‍♀️為咗要控制下食量，今次就唔食任食！唔知係咪因為今個星期氣溫跌咗好多，所以全場都爆滿，我哋已經book咗九點鐘枱，但係嚟到都仲要等成三四個字先有位。見到門口有個牌寫住九點半後入座就會送湯底同埋全單九折，點知我哋入去嘅時候仲差10分鐘，啱啱好享受唔到呢個優惠😢雖然冇優惠，但係呢度啲嘢都好好食，尤其是係因為我哋九點幾先食，所以已經好肚餓，食咩都覺得好開心🤣🤣我哋叫咗嘅嘢食都係打邊爐來講比較常見既，不過值得一提嘅係個廣島蠔好新鮮，肥牛質素好好，而個沙嗲湯味道十分濃郁，有咗個湯底直頭連豉油都唔使點，就已經好有味😋😋我哋仲叫咗一渣竹蔗茅根，清甜解渴，一飲就飲咗兩大杯，可能因為個湯底實在太濃，所以配埋清清地嘅飲品就一流😍

見到呢間openrice評分唔錯  呢排又夠凍食火鍋啦 所以就黎左呢到報到！設計得好有格調，好闊落，坐得好舒服。鍾意呢度環境夠大，就算人多都唔會覺得好噪，方便傾計一坐低店員送左個寶盒黎，其實係配料黎既叫左鮮茄牛立方薯仔濃湯鍋（$98）- 湯底性價比極高！極力推介- 個湯到有好多番茄，牛肉粒，薯仔- 特別一提：大大舊牛肉粒勁有新鮮牛肉味，完全冇唸過水煮既肉味可以強烈過平時食開既煎牛肉呢間既手打肉丸好出名，就算價錢比較貴都要叫黎試下！手打雙拼丸（8粒）（$78）- 揀左蝦丸同埋牛丸- 大大粒，個size仲大過粒乒乓球，咬落去會爆汁！韓國降霜牛肉（$168）- 佢一舊入面有2-3片卷埋架，所以呢個價錢其實好抵食- 牛肉味都好濃，好新鮮，如果人唔多可以叫呢個少吃多滋味有叫到其他平時邊爐都會食既餸，e.g.- 滑豆腐 （$28）- 重慶番薯粉 （$28）- 辛辣麵 （$18）- 西洋菜 （$38）- 鮮冬菇 （$35）只能說食材都很新鮮喔，係好符合性價比既**大讚 呢度服務好好，會幫你撈起鍋入面浮面既“湯衣”、加湯～ 你只要專心食同傾計就得～最後仲送雪米糍：）係好夾既綠茶紅豆mix既餡啊 ～第一

話說今日有朋友喺加拿大返黎話要去金魚街女人街行下睇下D香港特色野行完街買完野當然搵地方吃埋飯我帶左佢來食香港人好鐘意嘅打邊爐我之前食過好好味嘅火薈坐卡位，夠舒服坐低左就點以下食物湯底我哋揀咗最普通嘅芫西皮蛋裏面有馬蹄！超正蠔有五隻全部都好肥美食落的確鮮味 響鈴黎到嘅時候仲熱辣辣證明岩岩炸起色澤金黃浸落湯三秒夾上來吃係最好味的又脆又淋超正菜我地order左油麥菜葉好翠綠夠新鮮黎火薈一定要order手打丸食過咁多間打邊爐呢間做得最好味全部都好巨型好彈牙真係極好味蝦丸我最愛完全食到鮮蝦味份量唔少喎桂花蚌朋友就更正成碟差唔多我食曬係好新鮮食落爽口嘅韮菜餃似係自己包吾系出面入貨的足料韮菜香味雖然今日無order 牛肉都要$638埋單唔平但因為用料靚食物質素高坐位舒服絕對滿足有要求嘅食家

與好朋友聚一聚，天氣凍凍地一諗就諗起打邊爐呢度地方寬敞，又有卡位，啱晒我地傾計湯底選了豬骨湯底，湯料十分充足，有粟米，翠肉瓜，4大舊豬骨，野食未黎先食晒d豬朋3咁濟😂😂略嫌湯底糊椒味重左d。食物方面都幾多選擇，我地點左手打牛肉，墨魚丸，生蠔，響鈴，脆魚鯇，云吞全部大大粒，算新鮮唯獨響鈴唔夠脆，需要改善。醬料只有6款，如果有埋芝麻粒同沙茶醬就好竹庶矛根清甜可口，非常解渴另外見到有得包房，侍應生捧出捧入d刺身望落非常新鮮，望到流晒口水，一大班朋友都可以考慮黎聚一聚

真心想推介呢間打邊爐餐廳已經係第二次黎，D料都仲咁新鮮～呢間邊爐係太子一條街既角落，佢唔係d鋪頭仔，所以佢上到樓空間好大，而且私隱度都幾高架。當日仲要開住窗打邊爐，有一番唔同既感覺，加上而家既天氣夠大風，比開住冷氣打好好多～～一入到d職員會好細心咁拎左成盒既調味料係我地面前，等我地慢慢整完先再拎走佢。我地4個人嗌左個蟹煲，都幾鮮味，而且d辣味都好入到d蟹，唔洗點醬都好好食。我地仲嗌左d小食，都唔錯，一整好就上台！跟住叫左D熟食，太肚餓了炸魚片頭黃金茄子用左D鹹蛋黃炒過係香好多！炸魷魚酥食到D魷魚真係彈牙！食到drydry 地，加左竹庶水食完d蟹就加水打邊爐！其實打完個蟹都好似飽飽地（我地4個人），所以份量都好大下。咁我地就嗌返平時會打邊爐既野食啦，肥牛，魚滑個d。d牛可以有唔同既牛簡，而我地食既個隻都好唔錯！而且價錢又唔係到最貴！一間水平都幾高既邊爐！而且好多大台，好岩一大班朋友一齊打既邊爐！

今日放工同左老婆大人去行花園街，行到咁上下，8點左右，肚仔開始餓了，我地就去左一間附近既火鍋店食晚飯了。呢到地方闊落、坐位舒適，全都是卡位或是房間。我們首先叫左個胡椒豬肚雞鍋做湯底，貪佢有得食雞同豬肚之餘，仲可以飲埋個湯底麻胡椒豬肚雞鍋：雞肉嫩滑，豬肚煙銀有咬感，2者都非常入味食完雞同豬肚後，再飲埋個湯，湯辣辣地，飲完非常暖胃，重點係個湯冇味精，飲多幾碗都唔怕。配料：手打雙拼丸：墨魚丸、蝦丸，非常爽口彈牙，味道一流，食完之後我地仲要再叫多一碟食蟹籽鮮蝦滑：蝦滑淡淡蝦肉芝心獅子狗：獅子狗熱辣辣時咬落去，芝士流出來非常熱，要小心食哦，芝士味非法濃，配合獅子狗食法不錯。午餐肉：呢個我同老婆都勁鐘意，厚切午餐肉，口感一流滑豆腐：豆腐超滑，有入口即溶既感覺山根：山根吸收左胡椒豬肚雞湯底，勁入味好食炸魚片頭：魚片頭熱辣辣，可即食又可當火鍋配料，不過我同老婆即食食鬼哂鬼馬雙星：由油炸鬼、墨魚滑、蟹子組成，呢個不要滾太耐，因為油炸鬼會溶解哦。入口先軟後爽口，幾得意。鹿兒島黑毛豬：黑毛豬食落有好濃豬味，滑滑的，會令人想食完再食油麥菜：最後食埋個入哂味既菜，今晚真係大滿足

今天天氣是今年入冬以來最凍的，故此我便與屋企人今晚到這《火薈》食一個熱騰騰的火鍋晚餐🔥一入到餐廳，發覺地方很寛闊，而且裝修華麗別緻，看似是一間高級嘅火鍋店：我們還未點菜，店員便遞上了一個盛載多款調味醬汁嘅寶盒：鮑魚龍蝦餐：龍蝦都幾大隻和新鮮，肉質咬落好爽，味道好有鮮味！鮑魚肉也算新鮮，食落也有彈牙感覺!值得一提就是原隻新鮮帶子，帶子肉很大粒，食落會感到帶子的甜味道龍蝦兩隻大鉗，肉質厚，很新鮮：鮮帶子是其中之一嘅必食之選：安格斯牛肉，賣相唔錯，味道也不錯👍：招牌手打三寶丸，好好味道，睇見都想食：我是第一次食到咁大件嘅炸響鈴，份量夠：鮑魚龍蝦餐可加$30有刺身頭盤：

今日收工約左朋友食飯，一早選定呢間火鍋店，之前已經黎過，覺得幾有質素，於是同朋友一齊再黎。火鍋店位於酒吧街附近，位置關係，平日黎唔會太多人，環境寧靜又舒服。不過週末最好都係先行預約，生意幾好的。除左有卡位、大枱，佢地都有房，房間坐到十幾人，幾闊落，問過最低消費都合理，有一班人不妨考慮餐牌供應幾款套餐，有海鮮類、有牛肉、有象拔蚌等，價錢唔同，人均二百零起，都唔錯，不過我地上次已經食過套餐，加上同行朋友唔食牛肉，所以今次決定單點。湯底方面有接近15款，例如海鮮、龍蝦、蟹、椰子雞、麻辣、特式五行鍋等，定價$68-338。配料方面有小食、牛、刺身、海鮮、豬雞羊、手打丸餃、蔬菜、粉麵等。飲品選擇就唔多，係汽水、王老吉同竹蔗茅根。醬油 $15/位、茗茶 $10/位炸魚片頭 $48喺等緊鍋底滾起之時，我地點左一份炸魚片頭食住先，一共八件，即時炸起，熱辣辣，再配上酸辣醬，點會唔好食啊。胡椒豬肚雞鍋 $138/半隻雞我地揀左【胡椒豬肚雞鍋】，半隻雞，見天氣涼涼地，有啖湯暖下胃。半隻雞已經預先放入湯底，裡面仲有豬肚、鹹菜等，加上重胡椒味，煲滾後都一人飲左碗先開始打火鍋。雞肉份量唔少，幾好肉地，而且都幾入味

在花園街血拼完之後，天氣涼涼的，很想打邊爐，見到呢間有鮑魚龍蝦餐，就決定係呢到食。店員安排我地坐在半露天的窗邊，因為天氣涼，所以拉開了窗的擋門，涼風吹來，非常舒服寫意枱面寬闊、椅子有厚墊，環境已經贏晒👍🏻👍🏻店員送來香料醬油，感覺好新鮮、好乾淨👍🏻👍🏻我揀左辣椒、蒜蓉、同炸乾蔥，呢個配搭好好味。第一味味嘅係安格斯首設牛肉，肥瘦適中，牛肉好新鮮，入口即溶化，非常好味。跟住就係今日既主菜，海鮮盤，有鮑魚、龍蝦、鱔片、仲有特大帶子，啲海鮮好新鮮、帶子好鮮甜，龍蝦超爽脆、鱔片好好味。食完呢個海鮮盤，已覺得值回票價。重有手打三寶丸，全部手打，真材實料，食落好彈牙，我最鍾意墨魚丸，好好味。我地再加左特級豬頸肉，豬頸肉切得好薄，滾完之後重係好嫩滑，濃濃既肉味，冰鮮既豬頸肉實在無得比。鬼馬雙星，係油炸鬼裏面嚷左d蝦膠，滾完之後，滲透左湯底啲香味，好特別。即炸響鈴卷，好鬆脆好新鮮，同出便盒裝的好唔同，必試。最後加埋個自家制竹蔗芧根，超完美的一餐。在太子這個鬧市中搵到一間座得舒服，食物又有質素既食店，真係好難得

天氣涼涼地特別鍾意打邊爐， 今日相約好友一齊嚟到火薈中日火鍋 烚下烚下。上到去第一個感覺就係好開揚舒服， 設計風格係走中式路線， 用上紅色黑色 深啡色嘅傢具。我哋被安排坐到比較闊落嘅大廳位置 ，當日露台嘅窗全部打開曬 ，涼涼的風吹著打邊爐感覺好寫意。但係我同朋友想比較私人一啲，所以要求調去坐卡位，服務生都好樂意幫忙，冇托手踭無黑面。侍應生首先會捧上一個好似寶盒咁嘅物體 ，原來裏面係六款不同嘅醬料。湯底方面我哋選咗豬骨湯底，材料十分豐富，有翠玉瓜、粟米、乾魷魚片……當然仲有主角-大大舊豬骨啦！淨係個湯底都好有誠意！但 飲到底會好大陣 胡椒， 怕熗喉嘅朋友要注意啦。火鍋材料方面， 手打牛肉丸同墨魚丸大大粒，食落煙韌彈牙，肉味濃。特製雲吞大大粒 ，有鮮蝦、茼蒿菜、蔥 、豬肉等材料， 配搭有心思，與市面上嘅 普通款式 有所不同。生蠔隻隻都大大粒脹卜卜， 新鮮好味 響鈴係即炸的，脆卜卜， 唔會有油益味！ 我呢個響鈴怪食到停唔到口！ 脆肉鯇真係非常推介，肉質鮮滑 又彈牙 ，下次一定會encore！ 值得一提嘅係佢哋嘅竹蔗茅根真係非常之鮮甜美味， 新津解渴。我同朋友二人食得非常之滿足，坐得又舒服，