火薈中日火鍋

营业中

休息中

太子地鐵站附近，約了朋友打邊爐，由地下行上一樓，見到火薈日中火煱地方尚算寬躺，以黑色高格調裝修為主，座位舒適，邊打邊爐邊聊天，欣賞美食啊！指定動作，落調味料，我鍾意加少少辣椒，這裏很不錯，還有紅色同綠色指天椒，辣椒油、花生醬、香蔥粒、沖斷蒜蓉、蒜乾樣樣加一點這個珊瑚蚌真的很新鮮色，色澤鮮艷，入口彈牙鮮甜這個珊瑚蚌，入口彈牙，啖啖肉，真很鮮味的海鮮傳統打邊爐，一定要食嘅脆脘骨腩，真的好好食，2人叫2碟，雖然有點誇張，但這裏真的很出名，相信我是必叫的最後點雜菜藍，幫助消化的蔬菜，有益又新鮮，冬天的蔬菜特別柔嫩, 粟米、白菜仔同番茄，十分新鮮，剛剛切出來的番茄，十分juicy ，蕃茄汁就快滴出來一樣甜品係一人一粒迷你雪糕糯米糍，份量剛好埋單每人＄300都不用，可是食了很多海鮮，我覺得十分抵食，冬天可以多來幫襯了

朋友介紹去位於太子嘅《火薈中日火鍋》，試吓火鍋雞煲中嘅蝦蟹雞煲。店員隨即攞咗茶水同埋一盤醬料俾我哋，真係非常體貼，服務周到。醬料方面有我最鍾意嘅辣椒絲，當中有啲朋友唔食得辣，所以雞煲嘅辣度都係選擇咗唔辣。雞本身已經熟透，再煲滾少少就食得。驟眼睇都見到大大隻嘅蟹同埋蝦，海鮮可以即刻食。估唔到隻蟹都非常多肉同埋多膏，好入味。雞件當然唔使講，同樣地非常新鮮爽口。我哋叫咗一榨竹蔗茅根水一齊share飲，果然係新鮮煲起，仲係暖暖地，啱晒我。火鍋配料紙食物種類分門別類，好易就搵到我最心愛嘅午餐肉同埋冬瓜片，呢兩款食物都可以索晒火鍋湯嘅味道，食落去口感林林地之餘，仲好入味。除此之外，不得不叫就係餐廳嘅鎮店之寶-即炸響鈴，同樣地都係新鮮即炸即食，香脆無比，只需要放入火鍋3秒灼一灼就食得，食落去有唔同嘅口感。其實我一向都唔會食新鮮肥鵝腸，今次朋友就叫我試吓，而且仲話餐廳嘅鵝腸非常新鮮爽口，果然食落去唔係我預期咁差，食完之後變咗我喜愛上食鵝腸。另外再叫左甜粟米、唐山菜、稻庭烏冬，鮮蝦雲吞同埋手打雙拼丸等。今次呢一餐真係非常豐富，四個人份量啱啱好，最重要係食物新鮮好味，最後真係食得好飽。

秋冬天氣，約埋三五知己打邊爐就最開心，去到太子一間上樓火鍋店《火薈中日火鍋》，門面裝修華麗、有氣派。餐牌上面都有多款雞煲同埋火鍋配料選擇，更有香脆好口嘅小食，首先我哋當然要點左「蝦蟹雞煲」先啦。係等雞煲嘅期間，點咗我最鍾意嘅竹蔗茅根水，飲落去好清甜。而店員服務很好，幫我坐熱「竹蔗茅根水」。「蝦蟹雞煲」份量都比較多，賣相色彩繽紛，非常吸引，香味一直滲透入我鼻孔，本身雞同埋海鮮都熟咗，所以可以即時食得。食落去雞肉鮮嫩，非常彈牙。海鮮分別有蝦同埋蟹，大隻之餘，口感更爽口彈牙。醬汁配料都有六款選擇，可以自己製作適合自己嘅口味醬汁。火鍋配料，肉類方面我地點左「鹿兒島黑毛豬」，黑毛豬好大片，而且條紋非常平均，半肥瘦的，灼幾分鐘就食得，豬肉味香濃新鮮。另外再點左「手打雙拼丸」、「即炸響鈴」、「新鮮肥鵝腸」、「冬瓜片」、「甜粟米」、「唐山菜」、「午餐肉」、「稻庭烏冬」，當然點少得我最鍾意嘅「鮮蝦雲吞」呀，包到皮薄饀靚，仲咬到一隻隻新鮮爽口嘅蝦仔，果然足料。食咗咁多嘢，最後埋單都只係每人＄300有找，非常抵。

朋友推介過呢間火薈打邊爐, 所以尋日就去咗太子試下。地點方便，喺太子地鐵站步行10分鐘就到達，門口好金碧輝煌，好有氣派去到餐廳見到環境吾錯, 見到有好多日式擺設同日本酒, 都幾靚。好有日本feel!第一時間緊糸要揀湯底先, 我本身唔太食得辣, 但因為朋友想試下麻辣, 所以就點咗個麻辣同沙爹鴛鴦湯底。之後點咗冬瓜、蜂巢豆腐、墨魚滑同本地手切鮮牛（中size), 仲有order 咗個三文魚腩刺身添~落完菜之後侍應就遞咗個紅色木盒上枱, 原來係調味料嚟, 感覺好grand!揀完調味料, 個三文魚腩刺身就啱啱到, 好新鮮, 脂肪啱啱好~正食完三文魚之後, 其他配料就已經陸續上枱喇~個墨魚滑好正! 好彈牙好有鮮味! 麻辣同沙爹湯底都好夾!我唔多好麻辣, 但都覺得呢個麻辣湯底好好食, 好麻好過癮! 但我始終都食唔慣麻辣,所以都係主攻沙爹湯底, 沙爹辣度適中, 好食!個蜂巢豆腐都好適合呢2個湯底, 入晒味! 我好鍾意食蜂巢豆腐, 因為件豆腐咁多窿吸晒湯汁, 又易夾唔易散, 值得encore!另外, 我都好鍾意食冬瓜, 冬瓜夠焾又冇渣!仲吸曬湯汁，又食到清甜味。到主角本地手切鮮牛肉! 好耐都冇食過鮮牛

花先生鐘意打邊爐，十下十下熱辣辣又多選擇！今日去左間朋友高度讚揚既火鍋店試下。係太子，地點方便。如果揸車，樓下就有錶位，不過要比啲耐性等下位。環境寬敞，有二人卡位，坐得舒服。坐底無耐就會比調味料比我地混醬，都是正常調味料。湯底都多選擇，花先生決定試試朋友推介既限量冬瓜瑤柱蛤蜊鍋。個鍋比一般打邊爐既地方大，湯底既料都唔少，眼見蛤蜊都有6-7隻，冬瓜大半個，冬菇粒，肉粒，大蔥等等。飲落清甜，唔錯。蛤蜊肥大，最緊要係無沙！！炸響鈴、鮮腐皮，係我唔岩，order左兩樣差不多既野，不過兩樣都唔錯！什菇藍、黑毛豬，打邊爐我好少食豬，但依個黑毛豬好正，食唔停！牛頸脊，好得！厚薄適中，牛味香到不得了，嘴挑既花先生都比5粒星！手打雙拼丸，花先生揀左蝦丸同墨魚丸。兩款丸都大大粒，尤其喜歡蝦丸，彈牙到呢！good pick！必食推介！食完仲有粒糯米糍做甜品。好滿意既一餐，每樣餸既質素係平均之上！我地今次眼闊肚窄叫多左，所以貴左啲。價錢唔平，但依個質素絕對值得！岩兩口子，又岩一班朋友黎，依個冬天一定會再來！

這豐盛的晚餐 看見都流口水吧 打邊爐最緊要係火鍋湯底同埋火鍋配料 湯底要夠濃郁 火鍋配料要夠新鮮 這兩點是很重要的除咗食材嘅質素之外 食物嘅款式 價錢及分量 亦都不能忽視 口碑是很重要的 一傳十十傳百 所以我今日都係經朋友介紹之下 前來光顧九時半後入座更可享有88折優惠營業時間為五點pm - 凌晨一時火鍋湯底已經有十七種選擇咁多 最貴的$698 至最平的$68 豐儉由人揀選一個中等價錢的 火薈一品豬骨煲材料非常豐富 豬骨 花甲 玉米 時令蔬菜 最最最特別的 是廚師有放炸過的章魚在湯底裏 整個湯底的香味及鮮味馬上提升在真正打邊爐之前 當然要享用廚師精心炮製的湯底啦 鮮甜 完全冇味精 飲完唔口渴非常薄的一片 牛舌完全沒有脂肪 非常爽口彈牙 口感非常好牛胸爽 這個是很少餐廳會有的食材 因為牛胸爽是牛身體的一小部分 非常珍貴牛味香濃 灼30秒便可以 食落去有啲似豬頸肉好爽好彈嘅感覺 在口腔越咀嚼 牛嘅脂肪香味越出肥美白鱔片 每件都有白鱔嘅皮和肉 外皮滑而香 肉質彈牙鮮甜新鮮鵝腸是我打邊爐必點的 雖然看似好肥 蛋 脂肪經過湯底嘅熱力會溶解 爽口鵝脂味香新鮮大元貝 肥美厚肉 鮮味十足 基本上唔使

天氣涼涼地 最適合打邊爐 邊爐癮又起啦 烚下烚下既暖胃又開心今日屋企人book咗 火薈中日火鍋 佢哋之前食過 話個豬骨煲好正 要帶我嚟試下喎餐廳位於太子花墟附近旺中帶靜 樓下仲可以泊車 非常方便 餐廳當晚非常旺場熱鬧 坐滿人 所以切記要book位呀可能係天氣較涼嘅關係 餐廳並沒有開空調 反而開咗個大窗 冇遮冇掩的 可以讓自然風吹進來 非常特別的設計先來調配醬料 醬料是要收費的 每位15蚊 及茶價十蚊這個就是我家人一試難忘的豬骨煲$168 它的湯底骨頭味特別濃郁 而海鮮與豬骨湯的鮮味類型不同 加在一起反而會增加不同的鮮味 湯底還有大量的蔬菜大大嚿豬骨 有四嚿左右 建議打完邊爐最後先食豬骨 一來可以令湯底越淆越濃味 二嚟豬骨會越煲越林( 旁邊筋的位置)火鍋配料選擇非常多 前後兩版紙 一般的豬 牛 羊 雞 丸類 時菜 通通都齊全最重要的是有活海鮮及刺身日本大元貝$42隻聖子皇$42隻即叫即割 新鮮程度滿分 重點係冇沙 清洗得非常乾淨桂花蚌$98橙紅色嘅外表 灼一灼便可以 爽口彈牙帶點鮮味牛柏葉$48牛柏葉雖然冇咩味道 係食其口感非常爽口 配合美味嘅湯底及醬料 好吃好吃即炸響鈴$48即叫即炸熱

冬天打邊爐就至好不過，今晚同朋友黎到太子打邊爐環境中式化，感覺古色古香，而且每個坐位都有好大既空間，打邊爐最緊要坐得舒舒服服。餐牌上面既食物種類都幾多，連湯底都好多好特別，同朋友都揀左好多😂打邊爐點少得茶芥，仲有炸乾蔥，配埋麻醬，零舍香我地叫左最classic 既蕃茄薯仔湯，離遠已經聞到蕃茄香，飲落酸甜開胃手打牛丸，牛味幾出，口感爽口彈牙，唔錯雙拼滑，我地揀左蝦滑同墨魚滑，都幾鮮味，蟹籽索索聲，幾有口感即炸響鈴，炸得幾香脆，食落唔會油膩，擺落湯底滾3秒就岩岩好韓國霜降韓牛，擺盤同賣相都幾靚，脂肪分佈都幾均勻，食落幾有牛香，唔錯既雜菜拼盤，都真係幾多菜，有油麥菜、白菜仔、生菜、番茄同粟米，都幾新鮮乾淨。食左咁多野承惠六百幾蚊，都ok呀

同姐夫家姐去完旺角警察遊樂會玩，都成八點晚飯時間，去邊度醫肚好呢？天氣又開始有啲凍，自然諗起火鍋啦！家姐係“高雅” 人士，選擇食嘢地方固然要襯番佢啦！過左條馬路，見到門面幾優雅，黑底襯紅燈“火薈”中日火鍋，幾吸引喎，跟住就拾级而上，環境果然清幽舒服。我哋點左重慶麻辣同芫荽皮蛋做火鍋湯底，好多食火鍋嘅地方，都標榜自己嘅係正宗重慶麻辣，結果都係幾令人失望。姐夫係無牛不歡嘅，頂級安格斯牛頸脊， $198大大碟，肉質鮮嫩，雪花分佈平均，食落好有牛肉鮮味加埋少少脂肪味，唔錯。鮮腐竹大大大碟平鋪碟上，好有新鮮豆香味， 尤其放落麻辣湯索下啲味更正，噢！索味？豬皮又點會放過吖。啲手打墨魚丸同蝦丸， 好爽口彈牙， 水餃同韮菜餃，皮薄饀靚，呢幾樣食品雖然簡單 ，但水準都唔錯 ，所以睇得出呢間火鍋係好有誠意同認真嘅！我意猶未盡，再想試下佢嘅脆肉鯇，一樣咁新鮮同有咬口，唔似有啲地方好似食“擦膠”咁 ，咁炸魚皮更不在話下，夠薄身香脆呢！既然中日，冇理由唔試下呢度嘅三文魚刺身㗎！夠厚身，嫩粉紅色，好有魚鮮香味重黏黏的，好新鮮呢！本來重想食其他，但被減肥中嘅家姐叫停，甚感無奈，下次一定叫班朋友嚟，好好再享受一下。

秋風起，三蛇肥！ 依句嘢out 左啦！有幾多人真係去食蛇啊？！ 返而打邊爐既人就多，邊爐店唔係間間正，真係要續間試！ 今日又試新嘢，入去全因裝修得幾靚，睇下係咪真係咁好味先！ 打邊爐，湯底係好重要！我地選左重慶麻辣煱同皮蛋莞茜！ 兩個湯底都好足料，麻辣煱内有豬紅豬皮同粉腸等配料，辣度適中，如多點麻就更好！因為食過煱内既豬皮太吸引，short 矖啲麻辣湯，好過癮，所以叫多左碟慢慢嘆！ 手打丸有豬肉丸，蝦丸，墨魚丸同 牛丸 mixture. 手打丸份外爽，依隻丸，無乜墨魚粒咬，反而蝦丸就食到蝦肉。另外叫了炸魚皮，魚皮屬薄身，夠矖脆口，浸落麻辣湯味道仲好配合。 見到三文魚刺身就想order, $78來講都幾大份，三文魚都幾香， 唔太肥，用冰墊住，保持新鮮。本地手切肥牛(大：$288)牛肉夠矖厚切，食落都有咬口，有質感！牛味較淡，不過因為湯夠矖味，都cover 到！這店地方便利，交通易到，裝修靚，坐位又夠舒服，吃過舒服豐富的一餐，人格外合皮(happy)！ 聲明：此文純屬自費性質，並無廣告成份，如不相信，可問店員拿取閉路電視觀看俾錢情況！謝謝！

Today the weather changes slowly to dam and cool Cool lately The rain ☔️ is a bit troublesome I want to eat hot pot with a lady sister of Church who celebrates birthday this month the China 🇨🇳 Japanese hot pot onGarden st 298$ a big pot of Crab Prawns and chicken Very worthy A whole crab 🦀 6-7 strong prawns We further have the vegetables 🥒 basket and a plate of white eel pieces 98$why Japanese?The sashimi also Ok Neighbor has a whole geoduckLooking fresh and sweet They eat it raw

今日打波後同教練食飯，教練話想食火鍋，於是我就帶左佢去附近既火薈試下！今次坐係窗邊位，平時見依個位係關曬窗，但原來天氣涼既時候可以打開！室內露天位打邊爐係好舒服環境好正！依到食野係唔洗出去力火鍋醬架！一坐低店員就會即刻力過來，依到個麻醬真係好好味每次來到，都係一定要叫依個頂級安格斯牛頸脊！＄258一大碟，足夠2-3人一齊食。張塊牛頸脊放入個沙嗲湯底到滾幾滾，放入口到食，入口牛味香濃，真係超好食！除左牛頸脊，依到既鮮羊肉片都唔錯，因為羊肉片較為厚身，所以好有口感。唔食牛既朋友可以叫羊肉片試下另外最開心係依到有皇帝菜！我係好中意食皇帝菜架，平時屋企唔會煮皇帝菜，次次都係到打邊爐先有得食，好開心可以係依到食到。如果餐廳仲有台灣A菜就好喇另一抵食火鍋料推介係山根，平時係其他地方食，通常都係只有6-8粒山根！但係食到＄28有十幾粒，比我想像中多兩個人食叫叫下都叫左唔少野，仲有香菇頁丸、娃娃菜、烏冬、包心蟹籽丸等食到好飽飽好滿足！最後兩個人食左8百幾蚊，但因為火鍋料係散叫，對兩個人來講份量都算多。火鍋真係要多人食先可以叫多d野，如果餐廳有2人餐提供就好喇！

今日同公司同事收工去行街買嘢！行到差不多07:00pm開始肚餓！諗起之前有朋友介紹過間叫”火薈中日火鍋”話佢d自家製火鍋料好正！咁我地就決定今日去試一試！佢位置好方便，就係太子站A出口行3分鐘，酒吧街隔離！我地去到就上一樓，發覺地方好大，好寬敞舒適，餐廳有一邊係露台，可以直接望到出面街景！裝飾以黑色為主，好有酒吧feel！之後我地望一望Menu，就決定叫個”一品豬骨煲”發覺入面好多料！除左有豬骨，仲有粟米，節爪，魷魚，紅蘿蔔，冬瓜等等！之後我地開始叫配料，叫咗個韓國降霜牛肉，鮮蝦雲吞，水魷，花膠片仲有即炸響鈴！發覺佢既鮮蝦雲吞好正，皮薄肉滑，入面有成隻大蝦，好有口感，而且仲好大粒！而佢既水魷都好大片，新鮮，放入個鍋，煮一煮就食得，食落口好爽！之於個韓國降霜牛肉更加係頂呱呱，非常新鮮，而且入口即溶，好似食緊和牛咁正！之後見到好多客都有叫”刺身拼盤”但我地只有兩個人，怕叫咗食唔哂！唯有下次有機會再去試試！最後仲發覺佢地除咗火鍋，仲有私房菜提供，而且菜色好豐富，而且價格比起出面都更化算！下次屋企食團年飯又多一個選擇啦！

一年又來到秋了啊！快樂時光似箭，就那樣地一貶眼的功夫又是打火鍋的季節啦！邀上三五好友來此位於花園街239號嘉庆苑1樓的一一＂火薈中曰火鍋＂餐館來樂聊樂的好啊！😁👍😁此餐館的一邊，是開放式的設計，可邊打著那熱騰騰的火鍋🔥，邊享受到那大自然吹來的陣陣新鮮的空氣扑上咱的臉龐的啊！👍😁✌️大連鮑魚＄32圓一隻 及 聖子皇＄42圓一隻大連鮑魚，份量大隻的，肉質也鮮甜爽口的！👏蟶子皇，那也不多講啦！鮮美味可口，嫩滑非常的！👍👏👏虽然，餐館也有許多的佐料可配的，像辣椒，芝麻，沙茶醬料，香葱花，蒜蓉等配料可供享用的，可，咱還是喜歡原汁原味的樂享呀！😁👍👍脆脘骨腩＄68圓油滋滋香味四溢的脆脘魚骨腩👍👍👍爽爽滑滑魚肉是那樣地嫩嫩鮮美的呀！👍👍👏讓人們按捺不住地再來一份啊！👍😁😁皇帝菜＄32圓這皇帝菜呀！真的那樣地嫩嫩翠綠，鮮甜無巨的呀！多吃也好呀！👏新鮮金錢𦟌 ＄98 圓此金錢牛𦟌，樣式像花朵盛開那樣的，👍鮮紅地吃到口中，帶著像朵朵的白云般的！👏甜粟米＄28圓有時候，在外面吃到的玉米像是不咋甜3的，可，此的甜玉米還真鮮甜夠甜的呀！讚！👍👍👍鮮淮山＄32 圓 及 魚皮餃＄48 圓淮山，爽甜的，喜歡吃爽甜的朋