火薈中日火鍋

营业中

休息中

聽同事講呢間打邊爐幾抵食，野食又新鮮，老公唔得閒陪我，就帶媽咪過來打邊爐😋黎到見到海鮮拼盤只係$500，有聖子、生蠔、蝦、龍蝦、蜆，超抵食！啲蝦好大隻，好鮮甜，啖啖肉，仲有啲膏添！生蠔好juicy，小心爆汁！聖子龍蝦都好肥美🤩提醒大家海鮮類記得淥左幾分鐘就要夾上來，啲蜆我地渌左好耐唔記得左食，浪費左！見到呢度有生牛肉刺身，睇相好吸引，加上媽咪未試過生食牛肉，見唔係好貴，一於就試下啦！嘩！生牛肉一黎到，真係好靚！每一塊都係薄切，沾一下啲醬汁，放入口，好滑，shu一聲就吞左！加上醬汁酸酸地，好開胃！唔加醬汁，就咁食更能食到好香既牛肉味。打邊爐無可能唔食牛，叫左牛頸脊，好爽口，又好香牛肉味，我覺得好食過肥牛。呢度啲桂花蚌好抵，只係$118，有好多隻，之前食過有啲火鍋店舖係切碎曬，份量仲要少呢度一半，都要$100。成隻食好滿足，好爽口，媽媽話呢碟最好味！😆呢度啲響鈴卷好大條，一條大約等於普通既兩條湯底好足料，最少有10隻雞腳。吸收曬啲海鮮既精華之後好鮮甜～我地一人飲左一大碗😂😂😂呢間打邊爐真係唔錯，果然野食好新鮮，海鮮好抵食！返屋企比相老公睇，佢話下次要帶佢黎食😂你今日唔得閒陪我係你走寶了😎

冬瓜大蜆鍋：食火鍋大部份時間都係食d比較辣的，今次老闆介紹一隻比較淡的火鍋湯底，抱住一試的心態， 估唔到都幾好味， 雖然 好似清清地，但佢d味道一d都唔會比辣味差。極上生牛肉刺身：新鮮牛肉，沒有長時間雪凍，所以保持牛肉本身的鮮甜味。海鮮拼盤：波士頓龍蝦好正，新鮮又多肉，廣島蠔大大隻，唔會比d蠔子你，海中蝦，新鮮到一路跳緊，要睇住唔好比炬跳樓先得。頂級安格斯牛頸脊：火鍋自然要食牛，比較鐘意牛頸脊啲口感，彈牙有趙口, 比新鮮牛肉更加好，有機會會再試。墨汁墨魚丸：口味好好，食落彈牙，真係手打的，唔係出面買返來現成的。講返d服務，老闆同服務員都好熱情，會講解一下d食物同見到無湯都會自己過來加，一定會再過來食。

6月嘅開首，就係夏天嘅來臨，雖然開始熱，但成日落雨又好似落唔晒咁，搞到又翳又焗，打個邊爐出返身汗都幾好街頭有一間火鍋店排到成條街都係人龍，大胃最怕排隊，行多兩步去街尾，唔使排隊唔使逼首先當然係要配醬料啦，又係時候調製大胃招牌「四不醬」平時行路多過食鹽，雞腳鍋啱晒喇，啲湯好足料，搞到大胃飲咗好多碗，啲雞腳由佢煲耐啲，爛啲會好食啲，仲有啲雪耳好滑口呀海鮮超有鮮味，拼盤上冇一樣嘢唔好食唔新鮮連好怕食生牛肉嘅auntie都讚不絕口，醬料酸酸地有助擺脫對生肉嘅恐懼薯粉好彈牙滑口茅根水送火鍋是必須吧響鈴好大碌呀花膠啖啖肉冇花假嗌牛頸脊好過嗌肥牛，厚度剛好，夠牛味得嚟，食完個鍋唔會佈滿油脂未食餃子已經聞到好重黑松露味食完真係好滿足，覺得自己唔係亂塞垃圾落肚，唔會成嘴油，最重要係離開之後，經過街頭間火鍋店，仲排緊長龍喎

OT完同同事去鬆一鬆打個邊壚先，就去返之前係火薈門口見到有個二人套餐，有龍蝦有大元具有鱔片有廣島豪又有安格斯牛肉或者黑毛豬，仲包埋三寶丸，稻底烏冬同菜！只係$298其實好抵！下次人少啲可以黎試下！一入門口見到隔離枱既湯底好足料，就即刻叫左豬骨湯底，有大慨四舊大豬骨，幾隻大大隻既蜆，四舊粟米，白蘿蔔！個湯底仲落左原粒胡椒，飲一啖過癮得黎又暖胃。同事見到menu上面有個老友鬼鬼，話未試過要試下，原來係蝦膠釀油炸鬼！淥一淥就食得，又好味過響鈴，有創意又好味，快靚正！成日打邊爐都唔中意食丸，但呢度既丸類吸引到我！係新鮮打出黎既丸，又可以揀雙拼，墨魚丸同蝦丸係我既至愛。另外，仲叫左左好肥美既廣島蠔，淥一陣都唔會縮水縮太過份，滿意！打邊爐要飽緊係要淥返個麵，呢度竟然有重慶薯粉，好煙韌，必食！食飽之後飲返啖又足料又下火既竹庶茅根，正！

話說今晚帶三個朋友來吃火薈火鍋因為之前已經去過兩次覺得火鍋料不錯地方舒適坐低我們各自各混自己最喜歡的醬料一開始我們點了一盤魚生工作人員非常專業地叫我們先吃魚生以免滋生細菌當然有朋友不吃魚生所以都會在火鍋內煮沒想到煮完後的海鮮還不錯呢湯底方面我們選擇了蕃茄薯仔湯而且點了響鈴和蔬菜響鈴是用新鮮油炸的來到的時候還熱很有誠意安格斯牛肉是火鍋必點的真的非常好吃用人手一片片切的吃下有新鮮牛肉味之後我們還點了這裏最出名的墨魚丸豬肉丸和牛丸每粒都很大特別是墨魚丸真的吃到有墨魚粒真的非常推介這裏的餃子和雲吞肯定是用高級食材造的吃下的感覺和外面的火鍋店很不一樣超讚之後就是我們萬眾期待的海鮮 有鮑魚、聖子王、大蝦、龍蝦和花甲全部都非常有鮮味，真是頂呱呱！吃完後我們四人都非常滿足及滿意今晚的火鍋料沒想到在太子有這麼高質素的火鍋店下次會帶家人來吃過痛快！

落雨天陰陰咁，想去食火鍋去下濕，今晚朋友生日，我哋就揀咗一間係太子嘅中日火鍋試吓，雖然我唔係好明白咩叫做中日火鍋，不過好似好特別咁所以都好期待。餐廳裝修都幾特別，古色古香咁，侍應好好咁招呼左我哋坐低之後，就幫我地揀咗個椰子雞湯，呢度個玩法係你要先飲咗啲湯，食埋啲雞，然後佢會再加湯俾你先至打邊爐，你一樣好特別嘅嘢就係牛肉蛋糕啦，呢個亦都係我哋今日嚟食生日飯嘅原因，壽司蛋糕都食過但係牛肉蛋糕真係未食過，佢哋好精心咁樣將唔同嘅牛擺埋喺同一隻碟上邊，然後切到一個蛋糕咁嘅形狀，咁你就可以一次過食到唔同質感嘅牛，除此之外我都好欣賞呢間餐廳嘅餃子類，佢有啲好特色嘅餃子出面係冇得食嘅，亦都有生牛肉丸，特別有一隻香西牛肉丸，鍾意重口味嘅人一定鍾意

諗住飲下酒吹下水。 都俾間野吸引倒我呢個打邊爐成癮既人既眼光。 真係不得之了。498海鮮盆張圖， 真係口水都流埋真係要試。 價錢都幾合理， 因為用料好足又新鮮。 我地叫左海鮮盆， 老闆介紹既牛牛刺身（未試過）加其他野。 冬瓜大蜆煲， 隻隻蜆都夠晒大， 仲要新鮮冬瓜半個咁擺底。 唔係外面冬瓜粒個d. 個湯岩岩好， 比正常淡少少。 再係我地面前將冬瓜斬件。 再上就係我地既重點， 海鮮盆， 好鮮甜。 鮑魚聖子同大蝦， 呢幾樣唔洗介紹， 重點係佢隻龍蝦！ 呢隻野先最驚喜！ 入口彈牙軟軟， 好甜，仲好多蝦膏， 一聞就知有幾好食。 一定要試！再黎牛牛刺身，我唔係生牛牛fans, 其他幾個就話好食先試小小。 真係比預期好， 我唔食既都食倒。 感覺好似雪糕， 好有牛牛味。 冇個d雪藏味， 仲差唔多入口即溶。 叫左佢 手打梅菜豬肉丸， 未聽過。 夠晒特別，真係幾香梅菜味， 我最愛， 可以再食添。 不過如果再加重d咸梅菜味仲好。 可以連醬料都唔洗用。 另外， 墨汁墨魚丸好彈哥， 夠鮮味。 我好怕雪藏味， 但佢地竟然做到食唔倒雪藏味。 安格斯牛頸脊！ 比我平時外面食都更厚切， 更大碟， 真係物超所值。 我好

今晚跟三個朋友終於都有機會來這間火鍋店試試我們七點來到不算多人，看完餐牌就發現$298鮑魚龍蝦海鮮餐很捧，我們點了兩份及其他食物。火鍋當然要混自己喜歡的醬料火鍋湯底就選了清清的蕃茄馬鈴薯，真的不錯我們還點了少許魚生，非常鮮味，有朋友不吃未經煮熟的魚片，就放在火鍋內加煮，味道還不錯這裏的牛肉人手切一片片，有厚度吃下有口感，非常有牛鮮味，值得推介還點了幾款不同的餃子，每款名有特色，非常推介這間店舖的丸類都是用新鮮食材造的又大粒，特別是墨魚丸真的可以吃到墨魚粒其他的豬肉及牛肉丸都不錯火鍋又怎能不點菜呢，只點了少量蔬菜粟米響鈴等等響鈴用新鮮油炸的，非常好吃四個人點了一桌都是食物，非常豐富。鮑魚聖子皇及大蝦都十分新鮮，吃過的一定會上癮煮熟的蝦非常大還很鮮味呢總結: 服務態度一流，食物質素高，回頭率100%

今日行到花園街附近，見到附近環境好靜，居然有間火鍋店門面好似幾高級就同朋友上去試吓先，上到去見貼滿明星相，但內裏好似冇乜客但都已行左上來，食過唔好食最多冇下次睇地方都幾大，環境幾寧靜，適合一路食一路傾，如果想多d私穩可以坐入房，因見到可能係食店d朋友或熟客都係坐晒入房。我哋叫左個：海龍皇濃湯鍋、極上本地手切鮮牛肉、手打四寶丸、雙拼餃、鹿兒島黑毛豬、即炸響鈴、皇帝菜和萵荀件。另外，係未有得食火鍋前叫左兩個送酒小食醫吓肚，呢兩個係：酥炸黑松露餃和老友鬼鬼。酥炸黑松露餃：熱辣辣好脆，但黑松露味唔夠濃老友鬼鬼：炸得好脆蝦膠好彈牙海龍皇濃湯鍋：湯底有（大肉蟹、海蝦、大蜆、火箭魷魚）加埋雜菇和蕃茄濃湯一齊，個味道係幾好但覺得呢個價錢，海鮮既份量就唔係幾夠極上本地手切鮮牛肉：鮮牛肉味道係唔同d，牛味特別濃d手打四寶丸：蝦、豬、牛、墨魚四款，入口都幾爽口彈牙雙拼餃：我哋選左雲吞和韮菜，大大隻餡料十足鹿兒島黑毛豬：口感嫩滑，豬味濃即炸響鈴：新鮮即炸，薄而脆，冇油膉味食完呢餐我覺得環境適合大家靜靜地詳談，因為坐左好耐都冇乜客，可能地點偏辟d，另外覺得食物味道可以，不過有d食物價錢和分量就好似少d。

幾個姊妹晚上聚會，坐位舒適，不會太嘈吵，可能慢慢食傾下計😌叫咗幾款刺身非常新鮮，龍蝦上枱觸鬚還是會動的，象拔蚌非常鮮甜品😋質很佳👍🏻黑松露火鍋一上桌以經香氣撲鼻😍 最後甜品點了四款雪葩， 椰子丶蘋果雪糕略甜，偏愛柚子丶菠蘿雪葩，酸酸甜甜解一解油膩🍊🍍甘嘅價錢有咁佳嘅質素～超值🤭十分滿意的一餐☺️

花園街有一間位置低調，門口隱蔽，嘅火鍋店。餐廳裝修型格新潮，店內面積唔大, 座位闊, 坐得舒服。提供各式醬料，自行混出最適合自己的口味。黑松露雜菌鍋，黑松露及野菌味濃郁。藥膳雞鍋，藥材味濃，雞件嫩滑。各款刺身十分新鮮，入口非常鮮甜。牛肉脂肪分布平均，切得薄片，肉質細嫩，牛肉味濃。蝦大大隻，肉質彈牙。肉丸大大粒，果然真材實料。豬拼盤可以試晒每一個部位，每一個位置嘅味道都相當獨特。蠔身飽滿，味道一流。多款餃子，皮薄餡靚。因為我哋包房嘅關係仲有得唱K，玩咗一個開心嘅晚上。

上月book了房聚會。最低消費好似4000，但坐到成15~16幾個人，枱好大（可放3個鍋），又有得唱k（唔好太大期望）, 最好就係有獨立廁所! 唔使行出行入，特別係飲酒人事，唔需要走出走入。湯底叫了3款，有辣的，味道不錯，只係少辣，吃不到辣的人都無問題。一個蕃茄湯，好“結”，可能落好多茄醬? 無幾耐就燶，小心! 味道個人覺得一般般。再來就是無得輸湯底“花膠魚翅雞湯”好足料，原隻雞出來，花膠數量不少，好多女生都食到，花膠亦不是薄chichi感，是有厚度有咬口的。濃濃雞湯味加埋魚翅，呢個湯底真心必食之選，印象價錢都合理。無得輸~響0即炸，香口爽脆，蝦滑夠彈，肥牛味好濃其他都好平均。反而個象拔蚌刺身當日唔太新鮮，肉質唔夠爽脆，鮮味較差。另外有個蝦滑釀油炸鬼（唔記得咩肉），有些敗筆，煮完油炸鬼都腍晒，肉又會甩咗出來，完全分離。我記得台灣食過呢款舊菜是相當出色，但煮會好過打邊爐。或者再考慮肉的份量比例，可能會好啲。不過朋友聚會最緊要玩得開心高興! 當晚大家都盡興而歸。最後講到服務亦好好，隔一會就有人會入來執野及睇睇需唔需要補其他野。服務人員都好nice.

第一次嚟呢間，覺得食物質素還可以都算係多選擇，我地自己帶酒打開門做生意收$50支開瓶費都好合理，本來想食打邊邊係貪可以坐得耐d同朋友們吹水唔洗同人逼，而且明明見open rice 寫01:30先關門我地先book 枱，點知食到十一點半得返我地一枱同房入面一枱，跟住就不停有三幾個員工來來回回問埋左單未？支酒飲完未？又响我地隔離枱執嘢特登發出聲音、d枱抺完又抹、啤住我地行來行去，我地都食得唔安樂，未食完就走！

趁星期五晚上，約了兩個girlfriends打邊爐，因為臨急臨忙先約好，早一晚搵咗幾間火鍋店都full booking，最後搵到呢間火薈有三個位，見評語唔錯，又收得夜，就決定食呢間。去到火鍋店發覺都幾滿座，待應們都忙過不停，星期五晚上咁都可以理解。期間食物一般，沒什麼特別。食到晚上11:30pm，發覺有些食客都已經結賬，但房內仍有顧客在打邊爐，睇返原來凌晨1:30am先收，所以都以為仲有時間慢慢食，繼續傾下計。點知惡夢來了，待應及廚房不斷來徊枱邊，好似警察問話咁，問我地食晒未？酒飲晒未？結賬未？又發碰碰撞撞的聲響！最後一男一女待應更目露兇光的bear住我地！好恐怖！坦白講，你寫1:30am先收工，我地食到11:30pm都唔算太夜，就算阻住你收工，大可以文明地同我地講，我地都是明白事理的人，但並不是不斷做小動作嚇走人！從未遇過咁樣服務態度的餐廳！永沒有下次幫襯！

之前經過酒吧街飲嘢見到有間火鍋店,今日想打邊爐就一於去試下啦一行三人安排咗卡位畀我哋, 由於我哋入座嘅時候已經係接近晚上9點,間舖只得幾枱客。 問經理今晚有咩好食,佢介紹咗我哋食象拔蚌刺身。新鮮嘅象拔蚌點都係鮮甜嘅,三個人食一盤真係大滿足湯底我哋叫咗冬瓜魚翅雞,望落都幾足料,清清地無咁熱氣。我哋一共叫咗兩款嘅牛肉嚟試,一款係美國安格斯牛,肉味濃,唔錯! 另一款用竹製嘅器皿盛載上枱,牛肉色澤比較淡,捲成一捲捲,記得咗叫咩名,總之就肉味較淡,好普通。其他水餃響鈴嗰啲就不過不失。