火薈中日火鍋

营业中

休息中

近排真係少左去太子，以為唔安全，不過今日朋友咁岩約左我去花園街行下，見係平日，就出去啦🙂 7點左右到，條街比平時少左好多人，舒服左好多，而且比想像中安全，無咩特別所以係呢個時勢，真係要多多支持一下旺角同太子一帶既店鋪！我地行完街就去搵個好地方食下野傾下計見到火薈做梗7折優惠即刻心心眼！係開始轉冷既時間，一於同朋友一齊打邊邊圍爐取暖啦！7點左右人流唔算多，店員安排左我地坐天邊環境好舒服，好寛闊，亦都好乾淨我地叫左個海南椰子雞鍋，用左新鮮既原隻椰子，見住店員即時加配料，好乾淨新鮮半隻雞，非常新鮮嫩滑，配埋椰子湯底，超級鮮甜！仲有好多醬料，岩哂最鐘意混醬既我先推薦火薈既牛，極品金錢展超有牛既香味，肥瘦適中，好有咬感！仲有四寶餃子，幾抵食wor！有雲呑、水餃、黑松露餃，同埋韭菜餃我就最鐘意食黑松露餃，非常特別好有黑松露味，皮薄餡靚配合埋新鮮既唐山菜正打邊爐又點可以唔食菜呢！加埋響玲響玲記得早d食，係椰子雞湯最清甜既時候食響玲，最正最好食再食埋蕃薯粉，一定夠飽超靚超薄既脆鯇片肉質鮮美，又無骨最後，我地4個人，仲忍唔住叫左個刺身拼盤（松）！有兩個拼盤，一個叫松，一個叫竹，店員話分別在於大小一上碟已

年頭食過這間一次，覺得食物有水準，一直心思思都想再來，最近天氣漸涼便勾起我打邊爐的心癮了。餐廳裝潢走中國風，卡座佈置用上紗簾做屏風，房間用上紅色古代大門做牆身設計，非常特別。餐廳環境寬敞，位與位之間有空間，坐得很舒適。椰子雞鍋最適合呢種天氣食，夠滋潤。店員先上清湯再放份配料。滾起後便用漏斗作為計時，時間控制得剛剛好的情況下，雞件十分嫩滑，而且湯底很鮮甜，因似有雞肉和粟米，而且好重椰子香。刺身拼盤都有好多款刺身，有帶子、甜蝦、象拔蚌及魷魚，想不到魷魚會那麼的鮮甜爽口，非常好吃；帶子亦一如既往的鮮甜。因為朋友不吃牛的關係，我們點了一份黑豚肉，豚肉油脂分布平均，重肉味，脂肪位亦很爽口。招牌手打四寶丸，有四款不同口味，每款三粒，有墨魚丸、蝦丸、牛丸及豬肉丸。墨魚丸超級爽彈，有粒粒墨魚肉做餡；牛丸亦很重牛味，肉汁豐富。脆鯇骨腩，肉質爽脆彈牙，而且是重魚油香，近骨位的魚肉是超超超爽口，魚肉鮮甜，推薦！最後要捧住個肚走，餐廳食物全部都用料新鮮，真材實料，絕不欺場。而且環境舒適，這個冬天火鍋又多一個新聚點。

朋友介紹太子有間火鍋要境舒適，食物又有質素的火鍋店，便去試了。餐廳位於太子酒吧街附近，很方便的。餐廳有多個優惠大派街坊客人，全天侯時段都有七折優惠啊！超划算！環境舒服，枱與枱之間都有一定空間；餐廳裝潢走中國古典風，有兩房可以訂座，最特別的是其中一間大房是有獨立洗手間和卡搵Ok，適合一大班朋友包房玩過食過痛快！我們試了店員推介的椰子雞湯鍋，先上清湯，再放入配料，有雞件、椰子、紅蘿蔔、芹菜及粟米等。待湯滾起後便關火，店員會事先放一個漏斗在旁，等漏斗完全停頓後就可以先吃雞。用餘溫焗熟的關係，雞件特別嫩滑，而且非常鮮甜。湯頭濃濃椰子香味，非常滋潤。刺物拼盤方面點了「松」來試，有象拔蚌、帶子、北寄貝、甜蝦及魷魚。每款都非常新鮮，的別是象拔蚌，爽口鮮甜！餃子拼盤有自家製水餃、黑松露餃、韭菜餃和雲吞。每款有兩隻，每款都很足餡料，最愛吃黑松露餃，松露味很濃郁。火薈牛肉塔，有安格斯牛肉、牛肉粒、牛胸爽、牛𦟌及牛舌。安格斯牛肉肉味超濃，重油脂香，而且很軟稔；牛舌薄切但口感超爽彈。勁愛食牛的我對這座牛肉塔表示十分滿意。腐竹份量亦不少，質感不硬，重豆香，吃得出是新鮮貨。打邊爐最後一定要吃個烏冬作結尾，餐廳採用

今個星期天氣忽然凍幾度，即刻去打邊爐暖下身先得！我哋揀咗椰子雞煲，一開始先飲咗啲湯先。個湯清清地，感覺都幾滋潤。飲完湯就開始打邊爐，呢度打邊爐配料嘅選擇好多，而且仲有刺身同埋好幾款小食！我哋叫咗個刺身拼盤（松），$298已經有三隻勁大嘅牡丹蝦、幾隻甜蝦、北寄貝、帶子、魷魚配蟹子等，用料非常新鮮！最正係牡丹蝦同埋帶子！火鍋配料必食牛頸脊，牛味濃郁！即炸響鈴都唔可以錯過，大大件又薄又脆！仲有淮山都好好味，唔係周圍有得食㗎！呢度坐得幾舒服，靜靜地，而且最近火鍋配料仲要做緊七折，下次可以約多啲朋友一齊嚟打邊爐。

本身我都好鍾意打邊爐，今次約埋一班朋友去太子搵食，搵到間正野，有幾款食物好想分享下！本身鋪頭環境好舒服，座位好闊落，唔會好逼夾，同朋友傾計吹水都唔怕冇私隱。因為朋友鍾意食麻辣，我哋嗌左個鴛鴦湯底，又可以有麻辣湯，又有芫荽皮蛋湯中和下，而且湯底勁濃郁，基本上都唔使用醬料。首先我哋嗌左個刺身，非常新鮮，有三文魚，甜蝦，帶子，等等，全部質素都係非常高級，好鮮甜，估唔到火鍋店都有呢個質素。我哋點咗頂級安格斯牛肩脊，牛肉嘅脂肪分布平均，唔會太肥，而且好濃嘅牛肉味！ 好值得推介！然後，海鮮拼盤係一個好大嘅驚喜，全部海鮮都超級大隻，有波士頓龍蝦，聖子，波士頓龍蝦基本上都斬好晒，唔怕食嘅時候失儀態。啖啖肉，食得出佢哋都係新鮮來貨！呢間鋪頭啲嘢食都係水準之上，以後打邊爐都會推介朋友去呢間！

今日同朋友黎咗食火薈，無論係野食環境定服務態度都唔錯。呢間餐廳其實野食種類都幾多，打邊爐之餘仲有得食刺身等等，重點係哩度員工好好禮貌，我哋一嚟到就好好招呼，好熱心咁介紹食物。首要推薦大家一定要試下佢嘅刺身，所有刺身都好新鮮，尤其是鍾意食三文魚，每一件都切得厚度適中，有入口即溶嘅感覺。之後就係主角打邊爐啦，我同屋企人叫咗個鴛鴦湯底一邊係麻辣，一邊係芫荽皮蛋湯，一次過滿足你兩種口味！鍾意食辣嘅一定要試吓佢嘅麻辣湯底，超級香，啲嘢食完完全唔使沾豉油，夠晒味！芫荽皮蛋湯湯底超級足料，超多芫荽同埋皮蛋，仲有買牛柏葉喺入邊，好抵食。打邊爐必食一定係牛肉，今次試咗佢哋嘅韓國降霜牛肉，花紋好靚，超級有牛味，食得出係好新鮮，而且肥瘦適中！今次嘅重點除咗係牛肉，仲有海鮮拼盤！呢個拼盤超級多嘢食，而且每樣海鮮都啖啖肉，尤其想講下波士頓龍蝦同埋聖子，超級大隻同埋好多肉，係我嘅最愛！鍾意食海鮮一定要叫呢一度嘅海鮮拼盤。估唔到呢間打邊爐嘅餐廳連刺身都做得唔錯，下次會再嚟幫襯。

其實我本身都好鐘意食海鮮,唔需要點處理,新鮮既海鮮搭靚湯底已經係無敵!!!!!!!因為今次食海鮮為主,所以點左個比較清既湯底係棷子雞鍋,用原個棷子同全隻雞做湯底,又清又鮮,用黎食海鮮就一流!!!!!海鮮款式都多先黎個不得了既象拔蚌刺身嘩,好豐盛,每一片都晶瑩剔透好爽好甜,搶住食唔停!!!之後黎個海鮮拼盤有海蝦生蠔蟶子龍蝦同大蜆全部都新鮮彈牙好味到震小食都點左個椒鹽尤魚蘇好脆好香口,~~~~再點埋魚皮同午餐肉~好味又豐富!!!!!

天氣開始轉涼少少,又開始想打邊爐,今次去左太子,地方又大又方便當然要係閒日,星期六日出唔到街~~基本醬料湯底係海南棷子雞鍋,有原隻雞~~用鮮棷子肉加棷子水做湯底~~份外鮮甜雞又新鮮無雪味,仲有羅白同粟米,好清甜十分高質~~一份大的安格斯牛頸脊~~雪花分怖得十分平均,~~牛味好濃很香,而且十分有咬口!!!!脆肉鯇又厚又新鮮,好彈牙色澤很透徹,看得出很新鮮~~响玲很脆好鬆化,十分滿意~~疏菜都很爽脆,無黃無爛~份量也很多,一份都夠2-3人食~

今日有朋友帶彤彤去打邊爐，朋友之前食過話好食，的確相當唔錯啊😋1.刺身拼盤（松）$298 平時我就好鐘意打邊爐之前叫個刺身做前菜！呢度嘅刺身幾好食，特別係帆立貝好鮮甜啊！彤樂評分：7/102.海南椰子雞鍋 $238 🥥🐓因為唔想咁熱氣，所以就叫椰子雞湯底！呢度係先食咗個雞再加湯落去打邊爐，雞肉都幾嫩滑，而個湯真係超級無敵清甜呀！忍唔住就飲咗成碗😋彤樂評分：7/103.本地手切鮮牛肉 $298🐂🐂🐂朋友話呢度牛肉好好食，我最好鐘意啊！超濃牛味，又唔會腍有返啲咬口～彤樂評分：8/104.黑椒牛丸 $48牛丸彈牙黑椒味重，最啱嗰啲重口味嘅朋友啦！彤樂評分：6/105.桂花蚌 $128估唔到呢度嘅桂花蚌有咁大隻，又新鮮，好評啊！彤樂評分：8/10朋友介紹完呢間餐廳俾我，我諗我都會介紹其他朋友嚟食，因為真係唔錯嘅火鍋店嚟㗎！

這間火鍋店之前有食過一次，覺得不錯👍🏻環境不錯，坐得舒服，食物都很新鮮，所以今次就帶同家人一起來吃！刺身拼盤（松）$298上次有試過這裏的刺身覺得很不錯，所以今次就叫了大的刺身拼盤了，果然沒有失望！好新鮮，件件都份量十足～海南椰子雞鍋 $238這個鍋是先吃雞，後加湯打邊爐的！雞肉嫩滑配上椰子的清香，真的不錯👍🏻之後喝湯，湯底真的😮真的😲好清甜喔！有好的湯底當然要叫一些吸味的火鍋料來配～叫了花膠，牛骨髓，竹笙！當中就以竹笙的味道和湯底最夾！本地手切鮮牛肉 $298這間都牛肉我都好推薦，夠新鮮厚度又剛剛好！有咬口之餘有牛味十足～桂花蚌 $128份量十足，又大大隻，很好👍🏻

尊貴花膠魚翅雞鍋(原隻雞,魚翅,花膠,金華火腿)點了這個富貴鍋, 光看價錢是有點貴, 但是裡面的食材完全是值回票價真的有一隻雞在裡面, 到上了枱店員才剪開, 雞的裡面還有金華火腿等配料所以整隻雞也很特別的香口安格斯牛頸脊(大)我選的是大份, 完全沒有後悔因為好味到食唔停口!!是店員推薦的, 果然從色澤和油脂分佈已經看到這個牛是非常的高級只要淥10秒, 7成熟的牛頸脊便可以吃水土魷一份有大約10片, 淥了一陣子就已經好淋吸收了湯底的精華特別爽口好吃炸芋頭炸過的芋頭再打邊爐吃口感非常不一樣, 脆脆的又香口

火鍋湯底裡面包括了有雞,魚翅,花膠,金華火腿等香口食材, 連湯都可以飲的果然我喝一口, 鮮甜非常!!花膠和魚翅都是大大塊!!加上金華火腿令整道湯超級的香花竹蝦刺身呢一道菜非常推薦!! 我地一行3人點了8隻花竹蝦本身夠大隻, 所以都幾多刺身食, 夠哂鮮甜, 而且好爽口彈牙吃完後店員還幫我地將個蝦頭炸熟以椒鹽炒熟第一次食蝦頭食到停不到口, 香口和脆皮到連蝦殼都食得!!原本以為刺身已經夠特別, 想不到椒鹽更特別一餸兩味, 值回票價其他食材都不算貴最重要的是新鮮!!竹笙鮮淮山值得再去!!

火薈位於花園街，喺太子站附近，門口有個搶眼嘅招牌，位置並唔難搵。今日朋友生日🎂所以食豪少少，嗌咗個松份量嘅刺身拼盤同埋椰子雞鍋。除咗椰子雞鍋之外，呢度仲有其他嘅湯底可以選擇，但係朋友強烈推薦呢度嘅椰子雞鍋，話湯底特別清甜，一試果然名不虛傳。-首先會先食雞件，雞件嘅肉質幾滑，如果份量再多啲就更好。而個湯底的確係相當出色，一滾起已經有陣陣椰子香味傳出，清甜而不膩。因為有雞肉嘅緣故，所以都會比較多油份，不過唔會影響到味道。店員亦都相當細心，會過嚟幫手隔走油份。我本身都好鍾意飲甜味為主嘅湯，我覺得個湯真心好好飲。一見到個刺身，大家都好興奮，用嚟打卡真係好靚。刺身好新鮮，絕對唔係平時放題嘅質素，仲有少見嘅鮑魚刺身。我最鍾意就係甜蝦同埋帶子，鮮甜又好味。炸魷魚鬚上枱嘅時候熱辣辣，係即叫即炸，咬落去香脆惹味，好耐冇食過咁有水準嘅魷魚鬚。餃子粒粒都好飽滿，份量十足，就算四個人食都冇問題。最正就係黑松露餃，好香黑松露味道。羊肉口感香軟，食唔到有羶味。牛肉嘅牛味十足，都相當唔錯。呢度嘅大蜆係超級新鮮，好多汁，充滿濃厚嘅海洋風味。今餐食得好滿足，下次都絕對唔會再黎試埋其他湯底！

今日同成家人黎火薈打邊爐，距離地鐵站大約5分鐘路程，但唔算難搵。呢間火鍋店除左有唔同款式嘅湯底之外，仲有刺身同海鮮，食物都幾豐富。我哋嗌左一份松既刺身拼盤，賣相好吸睛，包括北寄背、甜蝦、三文魚、鮑魚、帶子等等，份量十足，而且好新鮮，唔會有雪藏同腥味，尤其係甜蝦好鮮甜。我地點左椰子雞煲湯底，會先食左雞件同飲湯先，之後再加湯打邊爐。湯底係非常非常鮮甜，係好清甜好舒服既椰子香，雞件吸收曬湯底既精華，唔需要額外加任何醬汁都好夠味。就算後黎加咗湯之後，湯底都唔會變得太淡，煮完既每款食物都有椰子味。手切肥牛同樣好足料，望落去係一個牛肉山，適合夠人一齊開心 share。牛肉輕輕一淥就食得，肉味都幾重。我係好鍾意食蜆，蜆肉多汁，有少少咸香既海水味，鮮味十足。呢度仲有我最鍾意嘅芝士獅子狗，平時係吉野家打邊既芝士竹輪得兩舊，我成日都嫌唔夠喉，黎到呢度終於可以食返夠本！一咬落去，熱辣辣嘅芝士湧出，好香甜。呢度仲有平時少見嘅番薯粉，口感Q彈，配埋呢個椰子雞湯底好夾。呢度嘅炸魷魚鬚小食非常出色，食落一啲都唔油膩，香口又惹味，有啲似小時候喺酒樓食既炸魷魚鬚，好快已經俾我哋掃曬落肚。

屋企冇煮飯，近近的食火薈，好耐之前食過一次，記得d嘢食好新鮮！7點零，仲有位，唔洗等有得入！多咗好多湯底揀，最尾揀咗椰子雞，又可以食吓雞，飲吓椰子汁，一舉三得！店員畀埋個計時⌛️，等水滾就可以熄火倒轉個時計，之後就食得！聽佢講咁整，d雞又真係幾滑！牛肉: 嗌咗中等牛肉，幾滑，切得厚度啱好，淥幾淥就食得！雙丸: 有得自選雙拼丸，揀咗牛丸同墨魚丸，食得岀係手打，較岀邊果d淋身d！蜂巢豆腐: 打邊爐必叫，索晒d湯好正！即炸響鈴: 脆身，兩秒已經好夠！總括黎講，嘢食ok，價錢略高，可以一試！Warm tip: 醬料，茶水要收錢！