灘五郷

✨是日廚師推介和牛牛扒定食午市定食 跟左前菜 漬物 茶碗蒸 白飯同麵豉湯 好足料豐富和牛牛扒 肉質粉嫩 油脂甘香十足可以配搭多種唔同嘅調味料例如蒜片 海鹽 牛扒汁同醬油等牛扒汁帶淡淡酸香 可以中和油膩感配埋脆卜卜蒜片一齊食 就更正正白飯 飯粒分明 飽滿黏糯 茶碗蒸 加左魚籽點綴 蛋夠滑溜麵豉湯 濃郁 有淡淡昆布香總結：午餐選擇多 份量足 食物唔錯 環境可以 座位有分室內同室外 各有特色室內吧枱可以睇住師傅整野食室外座位用左飲品箱造型嘅枱凳幾有趣服務唔錯 價錢可以 可以一試

由入去到走嗰刻都係一套火晚飯時間最早段入場得幾台客Order完等咗成45分鐘先嚟第一碟小食追個女經理態度極討厭好似講到我哋未食過日式串燒係要等咁我哋追單都係因為見到佢啲熟客入嚟全部個個已經開始食緊串燒早過我哋個女經理對住嗰啲熟客乜生物生個個好似舔狗咁，好似有好多貼士咁，態度判若兩人，我哋就唔係客？你應該喺門口貼住指招待熟客去到走嘅時候我哋想再追多次單問女經理佢扮聽唔到好無禮貌用Call機叫個細嘅嚟同我哋講嘢擺明當你冇到再睇返啲差評嗰啲先係真實留言最後食咗$1000唔知食咗啲乜？等嘅期間你係望住入嚟嘅所有人都快過我哋有嘢食真係一肚火由入去到走嗰刻都係一套火晚飯時間最早段入場得幾台客Order完等咗成45分鐘先嚟第一碟小食追個女經理態度極討厭好似講到我哋未食過日式串燒係要等咁我哋追單都係因為見到佢啲熟客入嚟全部個個已經開始食緊串燒早過我哋個女已經對住嗰啲熟客乜生物生好似舔狗咁，態度判若兩人，我哋就唔係客？你應該喺門口貼住指招待熟客去到走嘅時候我哋想再追多次單女經理扮聽唔到Call機叫個細嘅嚟同我哋講嘢擺明當你冇到再睇返啲差評嗰啲先係真實留言最後食咗$1000唔知食咗啲乜？等嘅期間你係望住入

約人食飯，朋友甩底，唔緊要，一個人都可以盡興食得好，去左灣仔呢間型格半露天居酒屋🏮「灘五郷」呢度由資深日藉主廚主理，主打串燒、正宗爐端燒等. 室內室外座位各佔一半，室外夠chill室內自己獨樂樂坐吧枱完全零尷尬，仲可以近距離睇住師傅燒串燒同處理食材. 中午有定食套餐，嘩，有成十六個‼️選擇咁多，去多幾次都唔會厭，價錢由✅百幾蚊到三百幾蚊不等，豐儉由人. 每個套餐包咗前菜、漬物、茶碗蒸、麵豉湯. 蒸蛋口感滑溜，內有蟹籽蟹柳. 麵豉湯鹹香濃郁，漬物前菜都好有誠意. ⭐️灘五郷季節刺身丼定食呢個刺身丼色彩繽紛賣相澎湃，食材選料超豐富，最好嘅係師傅會根據唔同季節揀最當令嘅刺身，咁就包保最新鮮美味. 今次有成10款食材咁多‼️三文魚、拖羅、吞拿魚、生蝦、鯛魚、海膽、三文魚籽、吞拿魚蓉等，款款高質素各有特色，完全係味蕾盛宴. 配埋蔥花、醬油、米飯一齊食，感覺更滿足. 整體食物高質好味，性價比高，難怪午餐時間真係好快坐滿人. 下次都想試吓佢啲串燒，要約朋友去先.

串燒10分9分好味，但就要等得久一點點。飯量不算多，但都剛剛好。蒸蛋十分之滑，但覺得有一點點稀。 至於朋友吃的那碗雞肉拉麵，入面有很多雞肉，面質亦10分可口，炸雞翼好味，整體感覺清新可口份量夠。 餐廳環境10分特別，好像去了日本一樣有露天位置，亦有吧枱位置但如果坐在吧枱就會在燒烤廚具前面會比較熱。餐廳有個好似經理的男士都幾搞笑同友善。 不過有一樣嘢可能可以改善的，就是如果我們要坐低枱，他要我們打對面坐，打對面的話就是有一個人要坐戶外一個人坐室內，感覺有點怪，因此我們選擇了吧枱。

🐧 係灣仔又發現了一間勁正嘅日本餐廳🤭 餐廳裝修依效日式路邊攤設計，半開放式嘅座桌勁有feel❤️ 內設面向廚師嘅高桌座，可邊欣賞師傅料理，邊享用精緻美食，雙重享受超級正😚 午市來訪叫了一客勁豪華嘅是日刺身5種盛定食✅ 套餐內包前菜、漬物、蒸蛋和麵豉湯，豐富又美觀❤️ 一上枱已經令人非常滿意🤗 刺身擺盤造型精美用心，打卡一流👍 用料上乘新鮮，片片色澤明亮鮮豔，刀工極佳🤩 最喜歡當中嘅赤身同埋海蝦😘 赤身入口油香滿溢，回甘鮮美🌟 海蝦咬落爽滑彈牙，啖啖肉滿足度爆登🤤 絕對物有所值🤭 

兩個人Walk in諗住食好啲 見到係咁勁多Foodie推介 以為會好好 點知 串燒等勁耐 等咗半個鐘都未有出俾我哋 咁我哋就問經理 係咪漏咗單會唔會出俾我哋？ 個女經理個態度仲10分奇差咁。 話我哋排緊隊㗎啦，仲有15分鐘你哋等唔等呀 ok唔ok呀？ 佢咪傻傻地㗎。 咁嘅態度。 我係嚟消費啊。 唔係買你啲脾氣啊。 嘢食唔難食。 係啲服務態度好鬼差 價錢又唔係平喎 可能啲錢洗晒佢比Foodie嗰度啦 成本咪轉嫁返落消費者度 總之一句服務態度10分差

做完檢查去到灣仔食lunch，本身想去食咖喱，點知落大雨，求其入咗一間日式餐廳👀🌟澳洲和牛横隔膜肉牛排定食 $218定食包括丼前菜，漬物，蒸蛋同麵豉湯。🌟澳洲和牛横隔膜肉牛排呢個牛排大概五成熟，已經切片，啱晒我呢啲懶人😝牛肉冇筋，口感腍中帶咬勁👅值得一讚係餐廳提供咗好多唔同嘅醬汁同配料，包括辣醬、燒肉醬、柚子鹽、炸蒜片等等。每一個醬汁都好好食😝送飯一流😍但如果蘸牛肉嘅話，可能會搶咗牛肉本身嘅鮮味。🌟🌟蒸蛋蒸蛋真係令人驚喜！蒸蛋嘅質地非常嫩滑，入口即化，半溶質地嘅感覺又唔會覺得唔熟。蒸蛋入面仲有蟹肉同蟹籽，蟹肉嘅鮮味同蟹籽嘅口感好夾，推介！-🌟前菜通心粉沙律，沙律冇乜味，有啲粟米同青椒-🌟漬物係醃青瓜同牛蒡，都幾開胃🌟麵豉湯麵豉湯嘅味道濃郁，帶少少鹹香。整體嚟講蒸蛋真心幾出色😍同埋餐廳有戶外位置，環境都幾有氣氛👏🏻

船街一向多美食，今次來到這家高級日式居酒屋吃午餐，裝修充滿日本風格，店舖設露天位置，如坐吧台可看到廚師正用心製作串燒是日廚師推介和牛牛扒定食 $328色彩繽紛的午餐定食，和牛燒至五成熟，外面帶點微焦脆，裡面肉質鮮嫩，充滿和牛香氣伴碟調味料有燒汁，蒜片，竹炭鹽，粗鹽和柚子味噌，沾不同醬汁有不同風味茶碗蒸雞蛋鮮嫩滑溜，表面灑上蟹籽和蟹肉蛋增加口感食物質素很高，環境舒適，午餐時間全場爆滿，非常受歡迎，下次會再來

灣仔新開嘅日式居酒屋 平日午市都好多選擇！主打刺身丼飯、爐端燒、串燒 仲有多款日本酒午餐定食包前菜漬物、茶碗蒸、麵豉湯 豐富 ٩(^ᴗ^)۶套餐有$138-$328 價位中上 質素不錯上班族想食好啲 或者老細請食飯 不失為一個好選擇啊✿ 是日刺身5種盛定食 $328午餐都食到拖羅！仲有帶子 甜蝦 吞拿魚赤身 油甘魚每款刺身好肥美(≧∀≦)非常新鮮 擺盤都好吸引仲有角切刺身丼飯可以揀 質素對得住個價錢啦📍灘五郷 @nadagogo.hk灣仔船街18號地下4號舖

之前同朋友食過串燒，夜晚氣氛特別好，所以lunch又過來try try~食lunch set唔坐吧檯都無所謂，其他位可以多Ｄ活動空間（因為個set都幾豐富😆)灘五鄊季節刺身丼定食每個定食都有漬物、茶碗蒸、前菜、湯等等，茶碗蒸個蛋好滑，調味剛剛好～刺身都係用當日新鮮食材所以有時候會有Ｄ唔同，呢日有鯖魚、拖羅、伊佐木魚、立魚，魷魚＆海膽，每一款都新鮮又有濃郁魚油香，加少少醬汁都已經好足夠，食完好飽呀～澳洲和牛横隔膜肉牛排定食朋友食呢款和牛上檯已經聞到好香牛肉味，入口油脂都幾多，撈飯食剛剛好，佢有4款醬料可以點，不過最後我都係集中點鹽🤣牛魔王的話真心要試一試。上菜速度都好快，加上環境都夠靜，整體用餐體驗都幾舒服～

之前經過灣仔呢間居酒屋，好似好吸引咁，搵咗一日返工lunch約咗男朋友去食。估唔到都幾full，我哋坐咗喺吧枱見着啲廚師喺面前燒串燒，睇落超級吸引呀！因為見到好多人都推介呢個牛，所以我自己就冇嗌串燒叫咗個牛嘅定食，見到啲牛都係中間呈現粉嫩嘅顏色，仲配埋日本同埋茶碗蒸、麵豉湯等等。.個牛旁邊仲有好多醬同埋配料可以自己蘸點，可以令到個牛有唔同嘅味道同埋食法。.因為本身配咗好多唔同嘅配菜，成餐食落其實都真係幾飽，而呢個價錢嚟講都算均真。

這天在灣仔的一條小巷，被一間外牆掛滿燈籠的日式居酒屋「灘五郷 Nadagogo」所吸引。小店由經驗豐富的日籍主廚主理，主打正宗的東京和博多風味串燒、爐端燒以及各式日本料理🇯🇵午市套餐選擇多樣，價格合理，大約在$1xx至$3xx不等。⟡‧₊ 澳洲和牛橫隔膜肉排（HK$228）比起和牛牛扒，小編更想試這個部位。師傅對火候的掌控非常到位，肉扒烤得剛剛好，肉質軟嫩，脂肪分佈均勻，帶有油香卻不油膩，濃郁的牛味讓人陶醉🐮 搭配日本米飯和蒜片，味道更加出色。下次再來一定會encore！套餐還包括前菜、漬物、蒸蛋和味噌湯。茶碗蒸上面還有三文魚籽，增添了滑蛋的鮮味。冬天喝上暖暖的味噌湯，更讓人感到滿足呢💕

早排喺公司附近發現咗一間好有特色嘅日式居酒屋🏮室內室外都有座位午市除咗有居酒屋主打嘅串燒，仲有海鮮丼飯等定食🐟坐吧枱仲可以見住師傅即席喺你面前燒🍖當日叫咗灘五季節刺身丼定食（$268）個丼飯有伊佐木、鯖魚、魷魚、赤蝦、碎蔥吞拿魚、三文魚籽、赤身、中拖羅同海膽等，隨餐包埋前菜、漬物、蟹肉蟹籽茶碗蒸同麵豉湯用料新鮮，食落好滿足😋喺灣仔返工嘅人士，lunch又多個選擇了！下次再嚟試埋佢啲串燒同鰻魚飯先🥸

前幾日偶然發現咗一間位於灣仔嘅日本料理店灘五郷😍，由日本師傅主理，裝修好decent，地道日本風，重點係食材好新鮮，要介紹比大家😍🐟是日刺身五種盛定食當日嘅五款刺身係伊佐木🐟、鯖魚、肥美嘅中拖羅、赤身、鮮甜彈牙嘅赤蝦🦐，全部都好新鮮👍。伊佐木🐟味道清甜，白裡透紅、口感比較爽身，另外，呢度嘅鯖魚好特別，無草鯖味，真係好少有，配埋薑蔥來食好好味😍套餐包左茶碗蒸、前菜、米飯🍚、漬物和麵豉湯，真係嘅豐富。

灣仔船街真係一個傳奇，食肆卧虎藏龍，成條街活化後，由開山祖師廚魔Bo Innovation分子料理、訂位訂到天荒地老嘅天鮨，以至啱啱喺六月中先開業嘅灘五鄉，真係奇葩一朵朵，全部都係垃圾級別！冇乜特別唔好去船街食嘢，千奇唔好去！今晚喺灘五鄉食完幾串串燒唔係好對路，即刻轉場，去黑龍食拉麵😂