影片
港铁湾仔站 B2 出口, 步行约5分钟
继续阅读
电话号码
59680586
营业时间
今日营业
12:00 - 14:30
17:30 - 23:00
星期一至四
12:00 - 14:30
17:30 - 23:00
星期五至六
12:00 - 14:30
17:30 - 23:30
星期日
12:00 - 14:30
17:30 - 23:00
以上资料只供参考，请与餐厅确认详情
有关餐厅
有关奖赏计划
位于湾仔嘅🏮日式居酒屋🌟滩五郷🌟，采半露天式嘅设计，装修布置劲有Feel😍！餐厅会按季节食材调整Menu，最近推出咗🆕周末早午餐，可以试齐餐厅主打嘅正宗炉端烧🔥、博多串烧🍢及和食🍤！🍱周末早午餐 $588/2位🥗前菜｜沙律套餐包含四款前菜及一款沙律，渍鳕鱼肠、萤光鱿鱼、八爪鱼都系滋味十足！沙律清爽美味！🍣卷物自选卷物都唔错，我哋拣咗铁火卷同埋加州卷！🍢串烧由下田师傅亲自操刀，鸡翼嘅盐烧香气真系几正！而自家制嘅免治鸡肉棒酱香怡人！🔥天妇罗拼盘｜炸物即叫即炸，天妇罗做到外脆内Juicy，师傅功架十足！土佐豆腐系先炸再用高汤浸，十分美味！吉列猪扒同样系外脆内嫩，正！🐟炉端烧拣咗两款一夜干，将鱿鱼同埋黄花鱼嘅鲜味放大！🍚主食有美味嘅茶渍饭，亦可选滑溜嘅汤乌冬！🥃饮品放题（有酒精）$228/位店员推介嘅Whisky Highball入口清爽有酒香，系夏日微醺之选！同时可以任饮啤酒、清酒、红白酒、气泡酒等！
继续阅读
周末生活态度提案!最近见到湾仔船街席前串烧居酒屋嘅周末brunch超抵食,$588/2人食足前菜。沙律。卷物。串烧。天妇罗。炉端烧。炸物。主食 一共16款美食.由资深的日籍主厨主理,为大家带来地道东京及博多串烧。正宗日本炉端烧。传统和食.前菜(6选4)鳗鱼玉子烧l芥末八爪鱼l萤光鱿鱼渍l日本枝豆前菜选择都几多!以上4款中最钟意系鳗鱼玉子烧 玉子烧好绵充满蛋及高汤香 中间夹住香甜鳗鱼沙律(2选1)自家制烟熏豚肉薯仔沙律推荐大家点!!薯仔软绵得黎又带薯粒 配上烟熏豚肉好惹味!/卷物(4选2)铁火卷l加州卷仲有各款卷物!加州卷馅量超多,好满足串烧(7选2)自家制月见日本免治鸡肉棒 l 明太子紫苏叶豚肉卷必食自家制月见日本免治鸡肉棒!!香软得黎又带脆卜卜嘅软骨 沾上浓厚蛋黄 质感超滑豚肉卷烧得香脆 加上明太子带微辛香又鲜味天妇罗(5款)海老l舞茸菇l沙𩺬鱼l南瓜l蕃薯5款天妇罗薄脆又唔好油腻!炉端烧(3选2)照烧鸡扒l烧花鱼鸡扒卖相超吸引 另配搭各款酱汁 可以食到各种风味烧花鱼充满浓郁鱼油甘香炸物(4选2)土佐豆腐l吉列广岛蚝豆腐外脆内嫩 配上微甜酱汁中和返油腻感吉列广岛蚝香脆金黄 内里蚝肉鲜味主食(每人一款)茶渍饭l木鱼汤乌冬推荐木鱼汤乌冬!乌冬特别香又弹牙
继续阅读
36 浏览
周四晚约咗几个猪兄狗弟聚一聚，地点就大佬留返喺湾仔，拣咗间大家都未帮衬过嘅「滩五郷」。网上订座流程简易，成功后可与专人以WhatsApp联络作进一步嘅安排。居酒屋嘅簷位摆放著多个灯笼，和式风味浓厚，喺船街上尤其光亮突出。延伸至后行嘅室外座位相信最受烟民欢迎，XO仔出名怕热，所以订位时讲明接受唔到。室内嘅用餐大堂楼底极高，木造枱櫈都好整齐卫生。最中央位置为两位日藉师傅嘅大舞台，一边烧串烧，另一边则玩炉端烧，上周四碰巧串烧师傅放假，所以未有缘一见。六口子被安排入座最后方嘅房仔入面，私人空间多啲，但系就偏暗同窄，坐得唔系特别舒适。酒鬼们埋位第一时间当然系叫酒酒饮啦！底面两页嘅食物餐牌可于网上下载。是日精选推介则写喺黑板上。每位席上都摆有自用嘅餐具。刺身5种（$488/客）：一客刺身拼盘可视为三人份量，因为每款都有三片。个人觉得带子同吞拿鱼嘅质素都比较一般，海胆就有啲腥，反而橙白纹理分明嘅海老最为爽脆鲜甜。胡麻酱油甘鱼刺身（$178）：喺胡麻秘酱内浸浴中嘅油甘鱼刺身每片均厚薄适中，肥美柔润，惹味香浓，好食过个刺身拼盘多多声！岩手县气仙町活蚝（$138/只）：日本直送嘅生蚝体积大就好大，亦都好滑溜，无奈鲜味欠奉，咸咸嘅海水味仍难盖过蚝只本身嘅腥味，性价比极低！炸鸡软骨（$88）：新鲜炸出嘅炸鸡软骨金黄热辣脆卜卜，送酒佳品也！本地鸡中翼（$56/串）：串烧鸡翼皮层香脆，肉质尚算软润，不过就好似瘦咗啲。鸡肝（$38/串）：意外地，鸡肝完全唔干唔嚡唔硬，几只酒鬼都系第一次食到咁柔润兼且有弹性嘅鸡肝，食到要追加，咁系咪一定要试呢？！鸡肾（$38/串）：鸡肾偏咗少少干同硬，但都仲有啲爽爽地嘅口感嘅，未至于唔合格啰。鸡蚝肉（$48/串）：印象中食过嘅鸡蚝肉都好爽弹，唔似𠮶晚𠮶串咁实同冇弹性，好彩系厨房最后一串咋！鸡尾（$57/串）：鸡尾脂香丰沛，Q弹多汁，就连起初有啲抗拒嘅E先生都话好有惊喜，证明依个pat pat真心食得过！鸡皮（$38/串）：串烧又干又韧皮，仲黐咗好多肉，似乎唔系咁对办㖞！免治鸡肉棒（$58/串）：胀卜卜嘅鸡肉棒嫩脆尤甚，大量黏上月见蛋黄酱油后，更觉芳香滑溜。掌中宝（$46/串）：厨师推荐嘅掌中宝话说系鸡脚个爪位最中间𠮶块肉，肉地厚得黎又好似鸡软骨咁卜卜脆，好骨胶原。鸡背顶天（$48/串）：属稀少部位嘅鸡背顶天可视为鸡嘅膊头位，每只鸡只有两块。平心而论，质感软腍嘅鸡肉唔可以话佢嚡，但绝对唔可以形用为嫩；反而黐住𠮶块细细件鸡皮系串烧鸡中最肥美香滑嘅靓皮！鸡冠（$42/串）：鸡冠好似缩哂水咁干噌噌，虽然冇骨但胶胶地，唔系咁啱自己口味啰！年糕猪肉卷（$48/两件）：卷物外层片猪肉烧得好香脆，中间件年糕则烟烟韧韧，都几得意。澳洲和牛横隔膜（$228）：和牛横隔膜卖相就似乎几得，可惜食落牛味唔出，入口仲几油，加配蒜片只得个咸字，贵得冇道理！牛舌芯（$78/串）：厚厚地身嘅牛脷偏韧，牙力少啲都食到牙骹软哂。鸡颈肉（$42/串）：XO仔都系之后睇相先发现，原来其中一串鸡颈仍呈粉红色，明显未熟，只系第一次食鸡颈嘅两个「小朋友」唔识，所以成条食哂后净系话鸡颈肉怪怪地，好在饭后佢地冇肚痛咋，可能大家饮得够酒帮助肠胃消毒啦，始终食咗生鸡依家野可大可小嘛！炉端烧𫚕鱼鲛（$188）：全枱人都弹个烧鱼鲛啲肉比较嚡，唔得肥美，唔明点可以被列为厨师推荐项目！烧喜之次（$580）：根据爱食鱼嘅猪弟所描述，烧喜之次虽然系比个烧鱼鲛鲜香同幼嫩啲，但其实水准顶多都只可以话系正常一般。背脂鸡盐拉面（$128）：拉面个样好清嘅汤底味道好淡，白雪雪嘅厚切鸡肉又唔可以话佢嚡嘅，腍腍地但绝不称得上嫩滑，最奇怪就系加咗啲雪菜入去，格格不入到有啲似阿茂整饼咁啰！小肥近日啲牙仔食衬甜野都痛痛，所以唔咁试，不过有食嘅人就话「紫蕃薯大福」（$56）好食过「绿茶大福」（$56）。湾仔居酒屋「滩五郷」嘅半露天设计入夜后十分热闹有人气，服务生专业好客，食物质素就有点儿参差，其中串烧远比海鲜菜式出色，兄弟们都同意平均千几蚊一个人的话，区内不乏更好嘅选择。
继续阅读
湾仔船街真系云集左好多唔同国家既美食，今日去左呢间日式居酒屋「滩五郷」享用晚餐Yebisu Draught 惠比寿啤酒系我众多日本啤酒入面最爱，香醇好饮自家制月见日本免治鸡肉棒鸡肉棒有鸡肉 & 鸡软骨，烧完都仲好juicy，蘸埋酱汁+蛋黄更加好味刺身五种盛有吞拿鱼赤身、拖罗、牡丹虾、油甘鱼腩 & 海胆，鱼同虾刺身都新鲜，但海胆真系搞唔掂，都几臭唔新鲜，成个口腔都系个阵臭味🤢自家制烟熏豚肉沙律薯仔搅埋烟熏豚肉、香草、黑椒等等既材料，个烟熏味好香，将一款日式经典既沙律变得不一样烧鸡泡鱼干甜甜咸咸既鸡泡鱼干，送酒岩晒八爪鱼葱头沙律有牛油果、八爪鱼、海葡萄、车厘茄，整个味道都好清新明太子玉子烧玉子烧入面有明太子，蛋香加上明太子既咸香，又夹又好味牛舌芯劲厚切既牛舌搽上酱汁再烧，牛舌又嫩又弹牙大葱鸡肉串鸡肉又嫩又香，烧完既大葱好清甜，本身唔食葱既我都觉得好好味烧鸡腿肉以炉端烧既方式烧既鸡腿肉，鸡皮好脆，而肉质亦能保持嫩滑，配以唔同调味料一齐食都会有唔同味道餐厅系半开放式，星期六晚都非常旺场，见师傅都不停密密烧无停过手，串烧 & 炉端烧都烧得好好，唯独是个海胆真系唔新鲜，价钱都唔平，不过整餐既体验都相当唔错，系一个好岩同朋友过黎饮返杯食d串烧既好地方
继续阅读
以日本清酒圣地🍶而命名嘅🇯🇵滩五郷，位位湾仔船街，系一家半开放式嘅日式居酒屋🏮！新设嘅Weekend Brunch Menu，份量丰盛🌟，仲可以一口气试匀晒餐厅嘅拿手菜式🍣🍢🍤，值得推荐👏🏻！🌟Weekend Brunch Menu $588/2位有齐前菜、卷物、沙律、串烧、天妇罗、炉端烧、炸物、主食，设多款菜式自选，劲Flexible！🥗前菜 - 六选四辣鳕鱼肠｜萤光鱿鱼渍｜芥末八爪鱼｜鳗鱼玉子烧前菜有多款滋味渍物，配搭清酒，真系好啱味！🍣卷物 - 四选二铁火卷｜加州卷因为有唔少外藉人士光顾，所以餐厅有供应加州卷！🥑沙律 - 二选一野菜田园沙律腍甜嘅牛油果，配搭新鲜蔬菜同埋和风汁，清爽开胃！🍢串烧 - 七选二自家制月见日本免治鸡肉棒｜鸡中翼由日籍师傅下田先生主理，当然拣返佢嘅专项烧鸟！免治鸡肉棒滋味十足！鸡翼皮香肉嫩！🍤天妇罗拼盘有虾、沙𩺬鱼、冬菇等，做到外脆内嫩！🦑炉端烧 - 三选二鲜鱼一夜干｜鱿鱼一夜干一夜干将鱼味激发，系清酒嘅良伴！🔥炸物 - 四选二吉列猪扒｜土佐豆腐猪扒好香脆！豆腐有高汤浸住，仍保持脆身！🍜主食 - 每位自选一款茶渍饭｜木鱼汤乌冬🍶Drink Free Flow Package $228/位可任饮清酒、啤酒、红白气泡酒、Whisky Highball！清酒以酒枡Serve，可以先尝清酒嘅原味，再饮埋木盒入面，会多咗一重杉木清香！
继续阅读