潮樂園 (和富道)

营业中

休息中

昨晚洗面後, 睇真D，發現面上多了幾粒豆豆.誰叫這陣子食得太多了.看來今日要食清D.今天和小朋友去北角返學, 與其放學後午餐.反正今日想食清D, 不如去果間潮州店食粥吧.這是小朋友首次到潮州餐廳.但是當看見店門陳列的凍蟹, 掛著的鹵水鵝及其他的食物,還見到店內有外國人(金髮碧眼), 小朋友有點害怕呢!後來遊說一番, 方肯就範.本身想食清D，加上為了小朋友健康，所以選了粥，魚蛋魚片之類的款式。鎮店蠔仔粥HKD38這次為了食清D, 當然不會放過啦!蠔仔粥內, 除了肥大的蠔仔外,還有豬肉碎和其他配料.單看粥的表面, 浮現一層混濁之物,是否代表蠔仔粥的用料十足？從前在其他潮州鋪的蠔仔粥是很少見到這種現象,大都是整體很清徹, 好少有混沌浮面,米還米, 粥水還粥水, 蠔仔還蠔仔, 肉碎還肉碎, 樣樣分明.現在很多材料都在這碗粥內,蠔仔清甜, 而是粥很有味道, 唔寡.先給小朋友嚐試一口蠔仔粥(扣起蠔仔),誰知小朋友想要更多.當然無問題, 粥很健康, 適合小朋友呢.於是為其舀滿一個小碗,其津津有味的樣子, 已經十分開心.潮州三寶HKD38-生咸菜, 菜脯, 花生生咸菜-經過洗淨, 不太咸, 單食也一流

和友人發現這間打冷店，位於北角內街，店名很有趣便入內試試。隔幾間鋪位也是同一店，所以不怕沒有位坐，適合一大班人。沒有花巧的裝潢，反而帶出樸實的中國文化。牆上貼了推介小菜首先來了開胃的9菜豬紅，它沒有平常食的腥味，反而沾有醬料的微辣，更加醒神。再點了推介的牛坑楠—牛肉很諗很入味，底下還有熬製牛楠汁。而且每塊都有深深的炕紋，絕不欺場！睇下！牛肉上還有一層「骨膠原」，岩晒愛美的女士! 牛坑楠也唔會肥膩痴牙，就可以食多D LA~識食打冷一定要食滷味，我們點了獅頭鵝，夠晒大份，岩晒人多的朋友們開心share…肉也很爽口，配合自製的辣椒油，簡直冇得頂！！老闆話係老師傅醃和斬的，唔怪得一D筋都冇，全是滿滿的肉感唔夠喉黎多碗蠔仔粥，每啖粥都係鮮甜的蠔仔，性比價高！粥底也不會太稠，夠清甜^^最後仲點了一碟春菜，有D似大頭菜，賣相不太突出，味道還可，只是瘦肉的比例太多，最後都食唔完。建議可將肉減少，配合港人口味。

今晚同個女做完天灵，經過北角和富街有間"潮樂園"。比佢隻蟹吸引咗入去。點知入到去先知d蟹留晒比客人。有點兒失望。不過唔緊要啦！因為店舖仲有好多好嘢食。滷水三拼: 滷水鴨，味道一般滷水鵝片，切成薄薄一片，滷水味濃郁，肉質唸，唔會黏牙滷水墨魚，肉質彈牙，爽口蠔仔粥，蠔仔大大隻，入口咀嚼時蠔仔"卜"一聲d汁彈晒出嚟，加埋芫茜&唐芹，真係好正，好好味。我一個人食晒成碗蠔仔粥(正常係3-4人食的)由於亞女唔鐘意食粥，所以叫咗碗紫菜四寶麵比佢食，有2粒魚蛋，2粒魚皮餃，2粒魚片頭, 當然仲有好好味嘅紫菜啦!除咗麵"淋"咗少少。d丸都好彈牙。老板話係自己打嘅。蠔餅，粉唔會太多，好有蛋香味，蠔仔都係大大隻，又唔會煎過時，啱啱好最後，由於辣椒油太好味，所以叫老板平d賣一樽比我。今晚呢餐潮州菜，雖然唔係食咗好多嘢(因為得2個人)，但好滿足。埋單連埋樽辣椒油都係234大元。低食。

上星期放工約左朋友去北角食飯，天氣咁熱吾知食咩好，朋友話想食啲特別啲開胃啲嘅野，行到和富道見到呢間潮州食店，好似係新開冇耐嘅，就決定一試。我地一行四個女仔都算大食，叫左5樣食物。韭菜豬紅一端上枱已經聞到令人唾涎嘅香味！醬汁非常香濃惹味！！食得出有多種調味料和香料炮製！！老闆說是由幾十年的老師父煮理，保證外面食唔到！微辣但香味十足！！我哋忍唔住叫咗一碗白飯黎捞汁食XD  豬紅口感十分香滑 QQ哋有小小似啫哩牛坑腩呢個真係必食！真心推介好食！非常入味，有咬口之餘一點都吾韌！輕輕一咬就斷開，夠晒鬆軟，多汁仲唔痴牙！底層嘅白蘿蔔同樣出色，煮得好入味，軟硬都啱啱好，又夠清甜。令人一試難忘，食唔停口。鎮店蠔仔粥非常足料，每一羹都充滿蠔仔，而且大量的莞茜和葱粒令粥品更香更出色！配合得十分得宜。粥底做到正宗潮州粥風味，吾會好似廣東粥咁棉而係會食到一粒粒非常香軟嘅米飯。因為非常足料，配料提味恰到好處，蠔仔粥非常鮮甜美味，想一食再食。黃金煎蠔餅金黃色的煎蠔餅一上枱，大家都忍吾住想馬上嘗一口！蠔餅煎到金黃香脆，賣相已經非常吸引，咬開蠔餅發現裏面除了蠔仔之外仲有香蔥同莞茜，難怪咁香口美味！大家唔需要擔心生粉太

住在北角有時都覺得幾幸福，因為周街都有好嘢食。來到和富道，有間叫<<潮樂園>>的餐廳。從門面看就知道是吃潮州打冷鹵味的地方。一入店內地方不算很大，不過都算清潔，整齊有理。坐低就叫了柸我最愛凍咸檸七。大熱天時，爽~再來<<潮州三寶>>咸生菜，菜脯，花生。個人認為呢碟嘢用來食白粥已經無得輸。咸生菜，菜脯都略咸，非常開胃。不過我點的是<<顉店蠔仔粥>>，蠔仔份量很多，很鮮味。蠔仔煮得又不會太熟，口感又嫩又鮮。因送來時熱辣辣，食到我興恰恰，好鍾意呢種感覺。<<花雕醉香豬手>>，入口會感受到很重的花雕味，很香。而豬手入口彈牙有肉又不會太乾太硬。不錯，值得推介。再叫了<<淨大黑魚>>，口感彈牙，不會有膠感。底下再用似炸豆腐片墊底，炸豆腐片不會太軟太易爛，但入口尚算滑。

今日北角區做完嘢，再次返嚟依間打冷鹵水小店！ 老板好人又好客，竟然認得我，而且仲好熱情咁叫我試吓佢哋新出品！咁我自己一個自私食叫咗好幾樣餸！《韭菜豬紅》喺新出品！吓？點解喺新品，不嬲打冷潮州店都有個喎！原來佢哋應其他客人要求，所以先推出，一向都冇做！不過坦白講，我對豬紅真喺怕怕，好怕個種腥味！但試咗第一嚿後，發覺味道又唔似一般咁難以入口，相對果種腥味冇咁濃烈，反而味道啱啱好！ 而且夏天食濃味嘢都幾難頂！第二樣自私餸喺《鹹菜門鳝魚》！依個鹹菜喺自家製，味道鹹得嚟唔算濃，更加無果種鹹到“乸”喉嘅感覺！用返佢哋打開魚蛋嘅門鱔，肉質結實而有口感！《潮州三寶》送咩最好？ 緊喺《白粥》啦！依到嘅三寶有生鹹菜、菜甫同炸花生！夏日炎炎食啲酸酸鹹鹹嘢，真喺非常開胃！我自己唔好食粥都成碗食哂！夏日炎炎真喺食龍肉都無味！依到老板好人又願意聆聽客人意見，真喺食客之褔！一人自私食價140蚊，我就話抵食！

本身自己唔係潮州人, 但卻對打冷有一種不可言喻既情懷, 呢種感覺源自於一個童年回憶--細個果時爸爸媽媽成日話帶我搭丁丁去北角打冷, 但講左好耐都因為工作太忙去唔成, 有一次我終於忍唔住開口問佢地, 可能由於唔知打冷到底係咩一回事,結果將打冷講成打丁, 呢個笑話至今仍被父母掛一在口邊. 其實打冷對於我和朋友來講比較陌生, 通常聚會就會去吃西餐, 東南亞菜, 日本菜和甜品, 對上一次和朋友打冷是朋友的家人開了潮州菜館, 邀請我去品嘗。而今次, 則是一位朋友, 祖籍潮州, 心血來潮想搵我一齊打冷. 我上網看了一下, 都係想搵間近北角的店鋪, 打算吃完行逛下春央街, 重拾兒時回憶。最後找到了這家潮樂園, 正好位於春央街後面兩條街。一踏入門口給我既感覺是裝修光鮮, 米色的主題和柔和的燈光溫暖得有家的感覺. 連朋友都讚賞它的燈光明亮而不刺眼, 加上木造的牌面刻上文雅的書法寫成的招牌菜, 很有復古特色, 増添了吃潮州菜的氣氛.店內員工相當熱情, 突發其想: 他們不知是不是全都是潮州人呢? 因為佢地熱情得來有一股親切感, 絕對不止是服務態度甘簡單.坐下來看看餐牌, 邊打量店內環境, 稱得上光明几淨,

男朋友話好耐冇食過潮州野，今日專程拜訪一下北角近期人名既潮州滷水小店潮樂園。其實我有好多潮州野都唔好，但男人想食，咪就下佢囉！ 舖頭環境唔算富麗堂皇，但勝在燈光光猛，乾淨企理。舖頭唔算好大，所以有D壓迫。不過出奇係已經晚上8點，依然有好多客人進進出出，都幾全場滿座。 一向懶睇餐牌既我，一入門口就見到搶眼既SIGNITURE DISH ON THE WALL 就知道有咩正野食，可見老板好識銷售！ 雖然睇到餐排咁多選擇，最後我只係揀左魚蛋、蠔仔粥同滷水拼盤三併。依個手打魚蛋賣相唔算特別，但口感真係幾爽口彈牙，唔似出面用機做既咁硬！而且食落都幾有魚味，真係真材實料，而且又冇魚腥味！ 蠔仔粥真係讚，勁多蠔 。一向唔食蠔既我，都算左幾啖，而且仲食上隱添 ！蠔仔食材新鮮，非常好鮮甜，冇腥味。雖然唔知出面果d 係咪都係咁既味道，但一向唔食蠔既我，一見到都會啱食同想食！依個蠔仔粥真係用料十足，除左有大大粒既蠔仔外，仲加入魷魚，煙煙靭靭，口感豐富。推介推介 滷水野講真唔太愛好，不過依到既滷水味道唔算太濃郁，又唔係好鹹，非常適中，都算易入口！當中我認為個鵝片係最好食 下次

若果不是在炮台山工作, 也不知道這裡有不少美食. 前幾日就趁做療程前有時間, 先去了潮樂園食少少野.入到店內, 見到牆上掛了這幾幅句子, 就知道這裡有甚麼出名. 其實我好想試下這裡的卥味, 但因為得自己一個人食唔晒, 唯有留待下次.最後點了牛坑腩魚蛋河粉和招牌醉香鴨舌.牛坑腩魚蛋河粉上枱時, 我的焦點已集中在牛坑腩上.牛坑腩份量不少. 每一件也切得好靚, 可見師傅的技巧.每件牛坑腩肥瘦分怖有條理, 中間部份瘦, 而上下連住一些肥. 牛味不俗. 最重要是夠腍, 不會覺得硬和乾.想惹味一點, 可以點佢地自家制的辣椒油和辣椒醬. 魚蛋是自家制, 幾彈牙, 又幾有鮮味.河粉幾滑身.再試埋小食招牌醉香鴨舌.鴨舌浸滿了酒, 入口有酒香味, 不會太勁, 幾香醇. 單食一碗粉有點不夠,加上這個小食, 是不錯的選擇.

同男友去北角行街黎到電車站旁邊嫁糖水街的潮樂園潮樂園門口掛住好多鹵水鵝大墨魚，舖門十分乾淨唔會有舊式潮州舖甘污糟,可以放心食用，加上一到舖頭門外老闆親切詢問我們幾位，好快就安排坐位比我地。舖內好整潔，而且價格都十分大眾化，我地就叫左潮州凍蟹公，鎮店蠔仔粥方魚肉碎粥，仲有食打冷點可嫁無滷水獅子頭鵝同大墨魚!潮州凍蟹 時價舖內放左好多隻凍蟹可嫁比我地選擇，我地就選擇左一隻蟹公食，蟹公內有著滿滿的蟹肉蟹膏，而且仲有海洋的咸鮮味!一食落口蟹肉結實就知不是死蟹。一隻蟹兩個人食岩岩好。鎮店蠔仔粥方魚肉碎粥$38鎮店嫁蠔仔粥無改錯名，蠔仔粥嫁蠔仔真係好多，每一口都可嫁食到兩隻蠔仔，加上方魚，肉碎，魷魚乾，東菜，芹菜，芫茜十幾種材料煮成，芹菜提升粥香味，方魚魷魚乾等令蠔仔粥更加鮮味，一大碗的蠔仔粥可以分到4碗仔滷水獅子頭鵝同大墨魚$128鹵水鵝片放上枱就放得好靚，鹵水鵝片肥瘦適中，一大片的鵝片有一少皮邊，所以怕肥的朋友就不用咬走個皮，可以連皮食都唔覺肥，油脂加上鵝肉再配上辣椒蒜蓉醋，可以分解d油膩食多幾片都唔肥，或是配上唔太咸的鹵水汁令更加野味。墨魚片十分彈牙，切到岩岩好唔好咬唔開，配上鹵汁增加墨魚味

與一班舊同學到往北角吃潮洲菜，這間是不錯的選擇。價錢相宜但質素不錯。 服務態度很好，親切，家庭式，但很有潮洲家庭的風味，雖然多人但等位也不會太久。3拼 !! 有鵝片、滷水豆腐同埋墨魚，夠晒完汁完味,係潮洲人屋企嘅煮法,鵝片味道不錯，不會太肥。墨魚沒染色，很欣賞。蠔仔粥份量不少…這裡的蠔仔比平常吃到的大…大概有兩倍吧…肥美而且新鮮…啖啖蠔仔*價錢實屬街坊價，叫了碗蠔仔粥外賣回家給媽媽慢慢享用手打蝦丸，新鮮彈牙最愛的紫菜四寶!!!師父通常在早上魚獲送抵時即開工打做魚丸，以傳統做法人手打製，以掌握魚的膠質.成班同學都話下次再嚟

今日原本幫婆婆去新光戲院買飛行下行下以為北角無乜好食點咁都發現一間值得推介嘅潮州食店蠔仔方魚肉碎粥$38:蠔仔新鮮而且又大隻，咬落去充滿蠔汁方魚香脆可口,粥底夠熱, 口感尚算綿, 較一般的廣東粥杰身, 粥內還加添了肉碎剛剛好又夠味, 使它變得更甜鹵水鵝片拼大墨魚$108鹵水汁香味芬芳，味道出色！正宗的潮式鵝片, 入口鬆化香淋無渣，是絕不能錯過的一味，簡直鎮店推介！浸著的鹵水的豆腐也是豆香濃郁，吸收了鹵水的日月精華和鵝肝的香味，所以也好吃得不行！潮式凍花蟹潮式食肆常掛起一隻隻大大隻的凍花蟹以作招來，今次見店內的大大隻，便決定叫了一客凍蟹看似簡單，但製作過程全是心機，所以賣得比較貴。蟹蚶上桌時已替我們拍好，真貼心，拆蟹不是人人也懂。花蟹新鮮，肉質更是鮮甜。蟹腳的蟹肉很多，啖啖肉，還充滿著飽滿膏！下次一定再帶婆婆來食多次!

陪朋友去北角睇樓，睇完樓已經八點幾，勁肚餓，我提議去食潮樂園，因為上次食過，又平又好味。行到去餐廳，啱啱有台客埋單，唔使等位。喺門口見到隻墨魚，已經決定今晚要寵幸佢，哈哈！滷水三拼就拼鵝片、墨魚同埋朋友揀嘅鵝腸。鵝片肉質嫩滑，夠滷水味又唔會太咸，忍唔住一夾再夾，好在唔肥，唔驚會食肥自己。墨魚就比較軟身，我都係鍾意爽口嘅墨魚多d。豆腐就係必食嘅，好鍾意豆腐皮連滑滑豆腐一齊入口，食左好多，好好味！叫左岀名嘅手打魚蛋魚片，湯底清，魚蛋大粒，咬落味道清淡。魚片頭入味d，好香口。韮菜餃都係岀名食品之一，夠大粒，脹卜卜，皮又薄又滑，見到裡面d涵，咬落好多汁，配埋清湯，好好味！最後，為左預祝好友早日租到心水好屋，我地叫左隻凍蟹，今次都係三百蚊。蟹仔肉質爽口鮮甜，點埋醋食真係一流！

平日同一班好姊妹出街食飯，通常都係食西餐、日本菜.....食得多都想換下口味。所以就上網搵下有D乜野好食，我地見'潮樂園'的評語都唔錯, 而我地就在附近返工，今晚我地就決定去打冷！因為在港島返工，坐叮叮過去又方便又近，亦都好易搵。黎到真係好彩岩岩有位，黎遲少少都要等位呀，坐滿晒人。而店舖空間也不大，座位也不算多。坐定定之後，我地就開始叫野食喇。食物的選擇有很多，除經典的打冷食物外，還有.....巴基斯坦咖喱(?) 哈哈, 不過今次我地都係想食返D經典潮州菜。打冷又點可以無蠔餅? 呢個蠔餅好大份!!! 都只係$49!! 有2大片 真係好抵食，而且即刻炸出黎熱辣辣，點埋魚露一齊食，會覺得好鮮味。而蠔仔份量都好足，比起出面大排檔的蠔仔大粒DD。不過如果人少，就考慮食唔食得晒, 因為如果1,2個人黎食，淨係食呢個已經飽左@_@再黎唔少得既緊係.....凍蟹啦!! 說真的吃海鮮，食材新鮮是最重要。呢隻蟹夠鮮味，雖然對我班女仔黎講剥蟹有D困難....不過我地都食晒GA~下一味就係滷水......3拼 !! 有鵝片、大腸同埋墨魚。我個人就非常推介呢個鵝片，呢個鵝片係我食過較好食的....肉質好稔，而

去北角舊同事屋企附近打冷打冷打冷~~*v*~ 佢帶咗我哋去食呢間潮樂園~舖面裝修好新淨，入面牆身地板以淺木色為主，而枱凳係全白色嘅，感覺好乾淨，一洗我對打冷=污漕嘅印象~嗰日係平日，但都幾多人食，等咗大約15分鐘到啦~一坐低即刻一人一句要食呢樣嗰樣，我呢班同事真係好嘈架~哈哈~其實今次只係4個人，平時齊人真係不得了，希望嗰日無嘈親人哋啦 =P因為比3個嘈人搶哂D Menu 我就唯有睇住牆上幾條木造嘅Menu 先啦，後來發現應該係招牌菜，因為成間店就係得呢幾條::::::最吸睛應該係巴基斯坦靚咖哩~ 哈哈:::::不過我揀咗蠔餅~~好啦~到食嘢時間~介紹下嘈人揀嘅餸先::首先係個小食醉香鴨舌，to be honest我係唔食鴨舌嘅，不過聞到個酒香味好濃，係好香的醉雞味道，同事話超好食，如果食鴨舌的絕對值得推介跟住係蠔仔粥 – 係一碗含蠔量好高嘅蠔仔粥，隨便裝一碗都已經係啖啖蠔仔*v*~湯味鮮甜~另外有D唔知係叫方魚定魷魚碎係入面煙煙韌韌增加口感~勁食3小碗~手打魚蛋魚片 – 店員話係用新鮮魚自己打的~絕無溝粉~因為無溝粉所以唔似出面食的魚蛋咁彈牙，但就多咗一分鮮味，其實係似鯪魚球的爽口感