潮樂園 (和富道)

三百幾食二人餐係超飽仲有淨攞走米芝連滷水汁超正潮州滷水鵝雙拼鵝腸 🦢🥢潮州菜點少得滷水吖！今次叫咗滷水鵝拼鵝腸，真係冇令我失望！塊鵝肉滷得夠晒入味，鹹香度剛剛好，皮下嘅脂肪層唔會太厚，肉質鬆軟，加埋豆腐勁入味😋最正係個鵝腸！淥得好乾淨，而且口感處理得一流，咬落去嗰種爽脆（Chok Chok聲！），真係忍唔住一條接一條！🤤韮菜豬紅 碗韮菜豬紅賣相超級火辣！紅卜卜嘅湯汁真係好有食慾！🐷 紅色湯底睇得出有落辣油同辣椒，入口係鹹香帶點微辣，超級過癮！🌶️啲豬紅切到大舊大舊，口感超級滑溜，好似食緊啫喱咁，一篤即散，但又唔會一夾就爛，證明煮得好夠火候！🔥 如果再多啲韮菜喺入面索汁就更完美木魚蠔仔粥 (圖一) 🥣🦪食完重口味嘅滷水同辣嘢，一定要嚟碗蠔仔粥清清味蕾！呢個就係正宗嘅潮州「糜」！🥳米粒粒分明，唔會煲到爛晒變糊狀，湯底係清甜嘅米水，加上新鮮嘅蠔仔，真係好鮮味！🦪 個蠔仔粒粒飽滿，食得出嗰種大海嘅鹹鮮，超補身嘅感覺！🥰仲有菜同綠豆爽真係飽住走…查看更多

北角潮樂園午市套餐價錢平民，由$68起已經食到連續8年米芝蓮推介潮州菜，無論打工仔定家庭聚餐都啱晒。鹵水鵝片拼鵝腸五花腩飯，鵝片鮮嫩滲滷香，鵝腸爽彈，五花腩肥瘦分明，全部配飯一流，送餐仲有暖笠笠紫菜湯，氣氛窩心。潮汕鹹香雞配湯米粉，雞皮爽脆夠鹹香。家鄉煎蠔餅有驚喜，慢慢煎炸，外層酥脆，蠔肉鮮味，仲有蛋香。另外螄蚶，粒粒爽口、鹹鮮味濃，啖啖都啱潮汕老饕口味。餐廳有兩層，侍應親切，味道正宗高質、抵食之選…查看更多

老友話《潮樂園》北角開業超過11年，由2018至2025年，連續8年米芝蓮必比登推介，由潮州老師傅主理主打潮州手工菜夠正宗。我們點左2人「架己冷」自己人套餐$328鹵水鵝片拼鵝腸普寧炒通菜韭菜豬紅蠔仔肉碎粥滷水鵝雙拼鵝腸：滷水鵝肉味香濃嫩滑夠入味，鵝腸有少少脂肪十分爽脆美味，點蒜蓉白醋可減油膩感。普寧炒通菜：通菜嫩綠鑊氣足，普寧醬清香。韭菜豬紅豬紅口感彈牙醬汁濃郁，韭菜幼嫩。蠔仔肉碎粥頗多蠔仔、豬肉碎、魷魚絲、方魚粒，蠔仔脹卜卜味鮮甜味，材料豐富。福果綠豆爽開邊綠豆、白果，不太甜好清潤。香辣魚皮小食$38 ：涼拌魚皮爽口微香辣好食。冰鎮墨魚$158 ：厚身大墨魚鮮甜爽口，點芥末醬和豉油，有食刺身的清涼感覺。…查看更多

表姐喺英國返港，我帶佢去食潮州菜，老友推介位於北角1和富道96號僑裕大廈地下4號的【潮樂園】，因為有潮州老師傅主理，主打潮州手工菜，而且餐廳已在北角開業超過11年，由2018年起至2025年，連續8年獲得米芝蓮必比登推介。🥢潮州家常菜之潮汕魚飯 $238：魚飯原來可以揀烏頭或者馬友，我哋揀咗馬友，魚肉嫩滑鮮甜好味，有油脂係上品貨，配普寧豆醬，凸顯鮮甜美味。🥢手工蝦蟹棗 $158：潮州名菜之一，蝦蟹棗都炸得香脆可口，蝦棗鮮甜彈牙，蟹棗皮脆肉嫩，蘸潮色甜酸醬，十分美味。🥢潮式春菜煲 $118：春菜青綠鮮甜，配香口的五花腩片、蒜粒、蝦米...等配料，口感豐富和好味。…查看更多

朋友極力推介呢間潮州菜 性價比高人均$200就食到潮州手工菜由潮州老師傅主理 屹立北角超過11年 仲連續8年榮獲米芝蓮必比登推介 果然非同凡響🤤❣️滷水鵝拼潮汕胡椒雞呢度嘅滷水鵝咁出名 當然係必點項目啦雙拼都有好多選擇 鵝腸、墨魚、豬頭肉、豬大腸、紅腸、鵝腎、金錢肚等我就揀咗胡椒雞 好幸運仲食到雞髀位添食落有淡淡嘅胡椒香味 雞肉醃得夠入味 而且好滑溜講返主角滷水鵝 滷得香料味道好平衡 有獨特鹹香鵝皮應Q彈有嚼勁 帶有滷水的鹹香與膠質口感肉質飽滿 不乾 冇鵝臊味 而且充分吸收滷水汁香氣❣️潮式春菜煲有豬腩肉、蝦米、冬菇 湯頭夠晒濃郁春菜口感似芥菜 卻沒有苦澀味 蠻清脆爽甜❣️蒜香骨一上檯就有濃郁嘅蒜香味 用上一字骨 有嚼勁但食得好方便伴上香脆的蒜粒同椒鹽 夠晒香口 配飯食一流…查看更多

今日專登去咗北角呢間潮樂園，因為同事話佢哋連續八年攞米芝蓮必比登推介，果然無令人失望😍餐廳仲要係潮州老師傅主理，人均兩百幾就食到高質潮州手工菜，所以就黎左👍揀左個小食手工香芋金鯉蝦，淨係賣相已經滿分！佢仲外脆內彈牙，香芋同蝦肉完美結合，口感同味道都好有層次😋食潮洲野梗係要食滷水野:米芝蓮滷水鵝片拼鵝肝，滷水汁香得嚟唔死鹹，鵝片嫩滑，鵝肝油香十足，果然係名不虛傳🥰最後嚟個鎮店蠔仔粥，叫例牌既份量都好多,蠔仔又飽滿，粥底鮮甜，食完成個人暖笠笠😍呢間餐廳食物有水準，師傅手工細膩，如果想食抵食潮州手工菜，真係要黎👍…查看更多

🌸米芝蓮滷水鵝片拼鵝肝，鵝片同埋鵝肝都吸滿滷水汁，香濃好入味！鵝肝嫩滑口感細膩，好滑好甘香！鵝片皮香肉嫩，而且又唔會太油膩，好好味🌸招牌炒米夠晒鑊氣，而且食材好豐富！包括有蝦、魷魚、肉碎、蛋絲、菜粒等等！米粉炒得好乾身，又入味，越食越惹味🌸胡椒豬肚湯熱辣辣上枱，每一啖湯都充滿濃濃嘅胡椒香味！胡椒香氣令湯更惹味胡椒豬肚湯，而且豬肚湯材料豐富，微微辣辣，好暖胃！🌸凍檸茶🎀今日專程黎食呢間連續8年米芝蓮必比登推介嘅餐廳，原來喺北角開業超過11年！整體食物質素高，性價比高！餐廳由潮州老師傅主理，所以潮州手工菜真係好好味…查看更多

呢間餐廳位於北角拎過好多米芝蓮獎項，我地叫左一碟炸蝦棗同蟹棗，炸得香脆，蟹棗入面真係好飽滿既蟹肉，呢度既手工心機菜式之一，配酸甜醬汁好夾。另外叫左一碟沙嗲牛肉芥蘭炒牛河，牛肉好多，好大碟，抵食。鵝肝拼鵝件，滷水鵝係潮州食品必食，鵝肉入味，鵝肝嫩滑仲有豆腐底。餐廳: 潮樂園(北角)分店: 香港北角和富道96號僑裕大廈地下4號舖#潮樂園 #正宗潮州風味 #北角美食 #北角必食 #米芝蓮必比登推介 #潮州美食 #滷水鵝…查看更多

呢間開業超過11年，由2018年起至2025年，連續8年米芝蓮必比登推介性價比高，人均$200食潮州手工菜/米芝蓮潮州老師傅主理滷水鵝雙拼墨魚 🦑$218經典滷水鵝肉配潮州墨魚，滷味香濃入味，鵝肉嫩滑，墨魚爽口必點豆腐，滲透住滿滿嘅滷水味😋🫶🏻家鄉煎蠔餅 $148用料實淨，蠔仔鮮味十足，炸得外脆內嫩，油香但唔膩，啖啖蠔🦪🦪味啫啫通菜煲 $108熱辣辣上枱好有鑊氣，鹹香惹味 送飯一流，平民價錢但好有風味😋💫…查看更多

大約下午一點在吃午飯，人不多，點了蠔餅、小炒王及蠔仔粥起初也沒有問題，食物也可以，只是不久之後，員工們在我們附近高聲暢旅超過30分鐘，我與朋友也很難對話😥😥…查看更多

呢間位於北角和富道既潮樂園，係我首選既鹵水店，鹵水汁出色，十分之啱我口味。店鋪雖少，只得十零個座位，店員友善親切。點了個鹵水鵝拼鵝腸双拼客飯，送一個很好味又夠地道既紫菜湯，鹵水汁唔嗆口確喉，味道又夠哂濃郁，鹵水鵝很入味，連骨頭都有很重既鹵水味，我又唔覺得太咸，恰到好處。鵝腸帶點脂肪，我喜愛的，每一口鵝腸都係爽脆的，蘸點白醋食更加美味。[米饭]口味：🥚🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

夜晚收工去食嘢，諗住嗌個蠔粥同食個蠔餅食少少野冇諗到個蠔粥都幾失望諗住天氣凍少少，食返個蠔粥暖下肚但都好似冇平時岀街lunch嗌嘅餐咁好食個蠔餅係幾好食嘅夠熱同埋都多蠔但有蠔殻…一個唔小心真係會咬崩牙Serve我哋嘅姐姐見到我哋好似嗌得唔多就即黑面埋單都唔係特平但都俾面色我哋睇。。。。。。。。。。。。。。。。。。。。。。。。。。。。。。…查看更多

拜訪北角和富道米芝蓮潮州打冷「潮樂園」，果然名不虛傳，兩個人點了滷水鵝肝拼鵝片、反沙芋、馳名蠔仔粥和荔茸香酥鴨，每一道菜都充滿正宗潮州美食的獨特風味。「滷水鵝肝拼鵝片」是這次用餐的亮點之一。鵝肝鮮嫩滑溜，滷水滲透其中，每一口都滿溢著濃郁的香氣。鵝片則肉質鮮美，滷水滲透其中，入口即化。「馳名蠔仔粥」真不愧是招牌，蠔仔新鮮飽滿。 「荔茸香酥鴨」外邊好鬆脆，入口即化🤤「反沙芋」甜而不膩，作為甜點，反沙芋帶來了完美的收尾。不僅在食物質素上保持著高水準，服務態度也讓人感到賓至如歸。無論是食物的質量還是服務的品質，都讓人感受到滿滿的誠意和用心，是一次值得再次造訪的愉快用餐經歷。…查看更多

店名: 潮樂園地址: 北角和富道96號僑裕大廈地下4號舖北角站A1站，行5分鐘環境: 4/5價錢: 4.5/5味道: 5/5想食潮州菜？一定會諗起位於北角嘅潮樂園，連續七年取得米芝蓮必比登美推介餐廳，有多種類潮州打冷、鹵水等😆朋友作為潮州菜嘅愛好者，當然要黎試下😋鹵水鵝片❤️❤️❤️❤️❤️$198鹵水鵝片份量都好足，已去骨，食用十分方便，而且十分入味😍肉質鮮嫩軟腍，底下頭鹵豆腐同樣十分有驚喜，軟腍之外，豆味亦十分香濃😌蠔仔肉碎粥❤️❤️❤️❤️❤️$68潮州嘢一定要試蠔仔肉碎粥，入面有方魚 蠔仔🦪等，蠔仔鮮甜味美，加入方魚同肉碎，煮至米粒開花，忍唔住一碗接一碗😙大澳鹹魚雞粒炒飯❤️❤️❤️❤️❤️$68炒飯粒粒分明，乾身得黎唔會太油膩，配料好足，啖啖都有雞粒，而且份量好大，推介大家一試😋秘製韭菜豬紅❤️❤️❤️❤️$75自家秘製韭菜豬紅超有有驚喜，豬紅口感彈牙又惹味，醬汁夠哂惹味，加上巨量韭菜索哂啲汁，惹味又好食🥰福果綠豆爽(2位起)❤️❤️❤️❤️❤️$28/位熱辣辣啱啱煲好，入口味道唔會太甜，而且好清甜，作為飯後甜品啱啱好😗…查看更多

今晚，我哋嚟到北角一間好出名嘅潮州菜館《潮樂園》。呢間餐廳連續七年攞到米芝蓮餐廳推介，真係好犀利👍🏻👍🏻👍🏻佢哋主打鹵水拼盤同埋蠔仔粥，聽落去已經覺得好吸引。我哋揀左「鹵水鵝片拼豬耳墨魚」，標榜用獅頭鵝整，真係一試難忘。鵝肉味好濃，肉質嫩滑，滷水又滷得好入味，食落去真係好正😋，就連墊底嘅豆腐都吸晒滷汁，每一啖都係精華，真係食到停唔到口。必食之選一定要提「蠔仔肉碎粥」，呢個粥完全冇落味精，真材實料，蠔仔新鮮又肥美，帶出真正嘅鮮味🥰必食手工之作「黃金糖醋伊麵」，伊麵炸得啱啱好，外脆內軟，加上砂糖及特製嘅醋汁，酸酸甜甜，好開胃。「香辣魚皮小食」都唔錯，魚皮爽口，微微香辣，食落去好過癮。最後，試埋「鎮店溏心皮蛋」，皮蛋溏心流心，配上酸薑片，真係一流。今次嚟食《潮樂園》，真係冇揀錯，每樣嘢都好好味，真係好值得推介。…查看更多