水門雞飯 (萬勤商業大廈)

营业中

休息中

餐廳佈置好有泰國大排檔特色，星期日都有假日套餐，除左送杯裝飲品或汽水，仲可以優惠價追加小食，咁抵食，所以經常都有排隊既人龍。水門雞飯：雞皮好薄又爽口、雞肉嫩滑無比，全部去晒骨，入口啖啖肉，油飯飽滿有油香，仲有一碗好香胡椒味既冬瓜湯，同埋秘製醬汁，中上水準。牛肉湯牛丸生牛肉湯粉：牛肉湯底調配得宜，泰式牛丸特別彈牙，牛肉細嫩，灑上蔥花、炸豬皮，仲有一塊吸滿湯汁精華既腐皮，用料十足。豬肉串燒：燒得香口，唔太乾身，點埋個沙嗲醬，立即提升左豬肉既味道。馬拉盞肉醬芥蘭苗：芥蘭苗特別鮮嫩翠綠，仲可以揀煮腍D，好貼心，加左馬拉盞肉醬，很惹味。芒果糯米飯：糯米飯煙韌有粘性，芒果香甜，超級好食。總結，食物美味，出餐快，唔使加一，超值推介。

今日同朋友喺水門雞飯食下午茶，一致認同好抵食！餐廳裝修好有泰國大排檔風味！1.青木瓜沙律 $48.00好fresh、清新，唔會好辣2.水門雞飯 $68 轉雞脾肉+$10，送湯雞脾肉是值得加錢轉的，肉好滑，雞皮都晶瑩剔透！油飯香而不膩。3.單餸泰國船粉 $78.00要左牛肉湯、蛋麵、生牛肉，加豬潤 +$10足料！豬潤好大塊，有5塊倒，牛肉薄嫩。4.跟餐加小食: 胡椒單骨雞翼 $24皮脆肉嫩！5.跟餐送飲品: 要左鮮檸梳打、生薑蜜(熱)好飲。6.芒果糯米飯 $58最後用芒果糯米飯作結尾，一流！

去了「The one」欣賞十二子之一的姜濤的生日應援擺設。就去附近找些美食，行到「水門鷄飯」，令人想起泰式美食，垂涎三尺。走到入內，熙熙攘攘的客人，不禁有著用餐的熱情，掃描了系統，二話不說，就是燒原隻魷魚，一份鳳尾蝦泰式金邊粉午餐送例湯連熱一杯生薑蜜，再點一碟馬拉盞肉醬芥蘭，少不了「水門鷄飯」名物一水門半隻雞 。例湯有著濃郁的胡椒香椒，非常入味。馬拉盞肉醬芥蘭非常爽口，肉醬，芥蘭平分春色，各自擔起這道菜的風味。半隻鷄剛剛好，肉滑嫩，香口，啖啖鷄肉啖啖回味，煮到恰恰好。難怪厨窗掛滿一排排「水門鷄」。有時候吃東西，要吃味道，這刻這風味就是這回味。

❣︎ 水門雞飯係去新加坡時必食的餐廳過江黎到香港·質素一樣冇變食飯時間必定大排長龍記得預多小小時間黎簡潔而地道嘅裝修以QR Code自助落單落完單好快就上菜👍🏻♡⋯⋯食評⋯⋯♡ ☻ 4.8/5 水門雞飯 $54·附送湯及靈魂醬汁呢碗湯望落平平無奇但唔好睇小佢·飲落有淡淡的黑椒香·正架👍🏻啲雞肉鮮嫩幼滑·全部無骨米飯好香油香必點之選✨✨✨鳳尾蝦泰式金邊粉 $75炒得好有鑊氣·蝦肉幾大隻味道比起其他泰國餐廳毫不輸蝕泰式炒通菜 $54通茶炒得好入味呢到啲炒野都唔錯份量都唔小泰式檸茶 $22同出面既檸茶係唔同個茶底好特別😋龍眼水$22唔係假甜入口清爽仲有粒粒龍眼肉咬下🤩🤩

水門海南雞餐廳位於尖沙嘴，是一家專門提供美味雞飯的餐廳。這裡的雞肉清甜爽口，而且還提供串燒、河粉等不同種類的美食，更有個人最喜歡的泰國甜品,有芒果糯米飯，椰汁糯米糕等等......特別是星期六晚上，尖沙嘴這裡總是人潮湧動，門口都會有小人龍，我們兩個人，等了大概15分鐘，很多人都要排隊等位。根據300多個食評來看，又有很多朋友同雜誌推介後，這家餐廳的評價不錯，值得一試個人推薦外賣自取打定電話20分鐘後取，更方便，不用等。

其實講真喺尖沙咀呢一個鬧市區入邊，如果午餐要食得飽有湯又要有埋嘢飲嘅話基本上都要七十幾$80 ，但係今日你到咗尖沙咀嘅水門雞飯，佢哋嘅午餐有一個海南雞飯，包一個胡椒湯，再包埋一杯嘢飲，仲要係泰式嘅特飲，都只不過係50幾蚊，午餐來講可以話係非常之好食。今次選擇左係一個雙拼嘅雞飯，裏面有一半係海南雞另外一半係炸雞。海南雞嘅話佢哋嘅肉質非常之鮮嫩，而且冇乜骨，食落去啲雞都非常之滑同埋大嚿，啖啖肉真係好正，而炸雞方面點嘅醬汁都係酸酸甜甜非常開胃，炸雞本身都好香，最出色係個油飯，香得來又唔會太油膩，成個飯講真真係非常出色，杯嘢飲又好正，個湯亦都好好飲，非常滿意

同男朋友做完gym又唔知食咩好就簡左水門雞飯。呢間喺各區都有分店，裝修到似泰國市場咁，好有feel，而且水準唔錯，價錢亦相宜。星期日黎到都全場爆滿，好多遊客。 <半隻水門雞 ($108)> 黎到第一時間嗌左半隻水門雞補充蛋白質！啲雞好嫩滑唔鞋，點埋啲醬更加惹味。 <泰式豬手set lunch連龍眼冰 ($62)>豬手冇水門雞咁出色，賣相可以改善下，但個肉質係ok既，飯係油飯好好味！龍眼冰好清甜，夏天飲一流～ <清湯腩船粉 ($50)>價錢相宜，啲牛腩夠入味，金邊粉就硬左少少 <馬拉盏肉醬芥蘭苗 ($46)>只食菜葉既我欣賞佢咁多葉，加埋馬拉盏肉醬好惹味！ 嗌左咁多野食都只係$266！非常抵又算健康，會再encore!!

今日喺尖沙咀等睇戲 因為未夠鐘就去食個早飯～ 經過呢間 水門雞飯～ 平時排晒長龍 今日早食見到唔使等位就即刻入咗去嚕😬 入到去坐低店員就俾咗QR code我哋自己落單估唔到仲有假日午餐嘅餐牌 覺得更加抵食🤣 好快落咗單 等啲嘢食嚟嘅時候 望住姐姐喺度斬雞 都別有一番風味😗 好快就嚟咗個湯 同埋點雞嘅醬汁係胡椒味嘅湯 清清地又幾好飲～醬汁偷偷地試左先 幾濃味有少少辣 好香🤤 跟住到野飲 跟餐叫既😌- 話梅茶 酸酸甜甜好開胃- 泰式咖啡 咖啡香濃 叫左多奶 本身仲覺得有啲甜 但放咗一陣佢啲冰融左 個味就啱啱好😋 水門雞飯主角出場啦🤩 雞肉好滑本身已經有少少味 點埋個醬真係絕🤤 雞皮都好滑又唔會好油 雞油飯都出色 好香同埋粒粒分明👍🏻 呢個飯必食😌 豬肉串燒 +$26跟餐加咗個小食 豬肉串燒好香 睇落以為佢燒到乾咗 但入邊都仲食到豬既肉汁 點埋個沙嗲醬👍🏻 鳳尾蝦泰式金邊粉 呢個上枱都好香 出面嘅泰國餐廳食嘅差唔多 唔錯呀～ 燒原隻魷魚 $45呢個小食有兩隻魷魚 為咗方便食 佢仲可以俾我哋揀剪碎咁樣上 幾好😌 燒得啱啱好 好香又唔會乾晒 點埋佢嘅醬汁 辣辣哋 好惹味😋 烤麵包 $16正正常

買左7點半戲飛，係尖沙咀想食個快飯，除左米線同茶餐廳外，朋友建議嚟食水門雞飯。店內裝修比較簡約，坐位舒適度不過不失，不過果晚坐正風口位，有少少涼。但一見到個牌檔，就令到泰國嘅回憶返番嚟。水門雞飯呢碟係正常飯量，如果大食可以叫多飯，女仔胃口嚟講已經好足夠。雞肉嫩滑，唔肥，仲跟左碗湯，滿滿胡椒味，夠開胃。燒魷魚一份有兩隻，充滿碳烤風味，辣汁惹味烤雞皮估唔到咁有驚喜，酥脆，唔油，雞味豐富，又抵食龍眼冰泰國菜特色飲品，叫左d煎炸野，清熱氣，唔太甜，ok鳳尾蝦泰式金邊粉有6隻蝦，抵食，炒得乾身，略嫌酸味不足韮菜花叫碟菜平衡下，估唔到咁岀色，嫩口，爽甜，冇渣

簡單但豐富嘅一餐♥️水門雙拼雞飯係有滑滑嘅海南雞同埋脆博博嘅炸雞，加埋啲油飯黎食真係好味，性價比高！仲有啲醬汁俾你點，再惹味啲！午餐加配小食 - 係雞肉串焼，配埋花生沙嗲醬好味😋♥️鳳尾蝦泰式炒金邊粉有好多隻蝦，粉加埋花生碎都算炒得幾好小食加咗個馬拉盞肉醬芥蘭苗，健康最抵讚係午餐可以配凍飲，唔使加錢，其中一杯我揀咗凍美綠、另一杯就揀咗要加錢嘅芒果冰，兩杯都好飲😃因為太肚餓嘅關係，所以我仲嗌咗個烤麵包，呢個烤麵包係配埋沙嗲醬俾你點嚟食，麵包外脆內軟！另外，炆雞腳 $18 有8隻好抵😳成枱五顏六色，見到都開心♥️

假日去食水門雞會貴少少，但因為每次都係去做完facial,順便食，貴左都要食。我發現宜家碟飯比以前大碟左，雞肉嫩滑，個湯好飲但辣左D，個汁緊要，每次也要2 碟！之前通常叫香茅特飲，今次叫左龍眼冰♥️，宜家用手機落單好方便👍

最近係尖沙咀開工試咗唔少性價比高美食，其中呢間水門雞飯都幾好印象，未搵到時間飛轉泰國都可以過黎感受下地道泰菜味道，門口經常有人排，不過turnover都幾快👍🏻內裏裝修都好市井風，仿夜市既鐵皮攤檔風味，見到一隻隻浸到白雪雪既泰式海南雞掛係廚房度，牆身畫咗唔少泰國特色設施例如篤篤車等🤣呢度係用qr code落單，午餐有9款，除咗雞飯仲有泰式豬手飯、炒金邊粉、湯河同湯米等等，可以配埋菜或者幾款小食，為午餐潤色一番水門雙拼雞飯 | 8/10黎到當然要叫雞飯‼️仲要打孖黎食哂海南雞同泰式炸雞，加10蚊就有哂雞脾肉，每款雞都配一隻獨門醬汁炸雞係一隻類似泰式酸甜醬，開胃得黎有小小辣幾正，炸粉唔會過厚，主要提供香脆口感😋食落肉質唔會老海南雞隻汁就用小小鹹味去帶出雞既鮮味，肉質夠哂滑變彈牙，唔會一口霉肉馬拉盞肉醬芥蘭苗 | 7/10鍾意健康既我跟餐加咗碟菜，馬拉盞帶咗點點既蝦乾香氣，混埋肉醬油份就幾惹味☺️菜可以揀軟身硬身幾貼心，咬落爽脆新鮮泰式腩仔 | 8/10同事都叫咗碟泰式腩仔share食，成碟有成廿幾舊，每人起碼有6舊左右，份量唔惹少，側望已經見到佢閃令令既三層肉🤤肥瘦相間極邪惡，外面加埋芝麻炸得

尖沙咀水門雞飯，食過十幾萬次，最鐘意佢地既勁辣口東瓜湯，雖然佢既胡椒味搶哂其他野，但個人口味自己幾鐘意。😋然後當然要嗌泰國招牌鎮店之寶水門雞飯啦，油飯好香食唔停口，轉左雞胸肉質無甘滑但多肉，佢會配埋醬汁，不過通常我都原封不動，因為唔點汁都超野味！😋😋星期六都有午餐套餐，配杯野飲，嗌左杯熱蘋果雪梨水，呢個有驚喜，好香仲有幾粒生果係度，成杯飲完感覺好暖冑好補。😂男朋友嗌左泰國齋啡，本身都預左係會糖尿病，但點知都有驚喜，入口係好sweet,但到左喉嚨就有咖啡既苦澀味，夠特別。😄店員勤快，尖沙咀有呢個50,60蚊既價錢算係甘啦，5星星。

排長龍既泰式雞飯，基本上個個黎親都會叫一碟水門雞油飯。店舖簡潔裝修，一間普通門面只有大約大枱吾夠既位置，但係吸引左好多人排隊光顧，甚至一家四口過黎食飯我地入到去睇左餐牌𥚃面有吾少既菜色，包括:雞油飯，船面，炒粉河等，重有吾少得串燒，豬手，鳳爪沙律，蝦刺身等。我地叫左一個:水門雞飯+雞什，肉碎沙律，鳳爪沙律，椰青和特色泰國奶茶套餐可配飲品同餐湯，我地簡左雞髀肉同雞什，本身雞肉冇加太多調味料，可以配搭醬汁一齊食，更加突出雞嘅鮮味，而且雞肉鮮嫩多汁，雞什爽口。肉碎沙律同鳳爪沙律，我個人覺得冇咩特色，勝在價格實惠。最後，奶茶香滑茶濃，可以再黎一杯強推，套餐吾洗加錢另外，原隻椰青上枱，清甜可口

每次經過都超多人，今次專誠揀非放飯時間去食先至有位😂專誠來到水門雞飯，緊係要試下水門雞飯啦，仲要仲有下午茶優惠，$58包埋飲品，抵到爛呀！仲有尖沙咀區！！裝修都還完泰國地道風味，枱係不銹鋼材質，好似去左泰國咁。食食下仲有幾個泰國人入左來食添😂叫左一個水門雞飯+冬蔭功海鮮湯配金邊粉+ 燒魷魚筒。飲品揀左泰式奶茶+ 話梅汁！首先會上左個雞骨冬瓜湯先，勁香噴噴，清清地但超香雞味既湯！然後好快就上埋水門雞飯，加左$10揀雞髀肉，肉質當然滑溜啦，加上雞唔會好肥好多雞油，但些少雞油令到雞肉香而滑，岩岩好👍🏻👍🏻😋 配埋秘製汁同雞油飯，成個口都係香味！😋冬蔭功湯酸味比辣味多，後勁再出些少甜味。因為用勁多海鮮一齊煮，青口都不少於5隻，再有魷魚腳，同埋草菇，加埋勁香甜！燒魷魚都抵食，有兩隻魷魚筒，唔會好硬好乾，點埋秘製辣汁，好香口！😋😋