水門雞飯 (萬勤商業大廈)

营业中

休息中

呢間平時都多人排隊,今日見得兩個就去排下啦,唔洗2分鐘就入得入面裝修可以形容為一間好有泰國FEEL概快餐廳野食方面個泰式例湯雖然唔知係咩黎,見到冬瓜,湯落胡椒味好濃,去濕一流,都幾好飲黎到水門雞飯當然要點返佢概招牌菜水門雞飯招牌菜水門雞飯件雞肉好滑配埋個汁盡配配料青瓜去咗皮食落清甜飯係油飯將個汁撈飯食咗粒辣椒辣到飛起提醒各位注意香茅特飲幾有特色,好有香茅味食飽見到出面有人排隊都唔好意思坐多陣快快手埋單走人水門雞飯地址:尖沙咀金馬倫道18號萬勤商業大廈地舖電話號碼:23698128營業時間:星期一至日12:00 - 00:00

每次去尖沙咀諗唔到食咩既時候 都一定諗起平靚正既水門雞飯🐓 餐廳環境好有泰國feel 尤如坐係泰國街邊食雞飯咁 水門雞飯套餐 $62雞件肉質嫩滑 雞皮都係薄身 油脂較少 連皮食都唔覺得肥膩🤤 可惜雞肉味道不太夠 點埋秘製醬汁 酸酸辣辣咁就岩岩好啦～ 油飯同出面餐廳不同 有陣陣雞味但唔會太油膩 另外會配個湯 配左2舊冬瓜 但湯就偏鹹 胡椒味偏重 我個人就頂唔順啦 餐飲叫左杯蘋果雪莉水 umm.. 但唔知點形容🥱 就係一杯甜既飲品 上面有啲蘋果 雪莉 南北杏咁囉🫡水門雞飯📍尖沙咀金馬倫道18號萬勤商業大廈地舖

💛水門雞飯·呢間我好耐之前已經食過架啦 今次再食我覺得佢好似好食咗 尤其係個雞飯我自己幾鍾意🐤·水門雙拼雞飯$56 l 牛肉湯牛丸扎肉金邊粉$48佢lunchtime其實係有套餐嗌既 會跟個湯同埋可以追加小食 不過因為我自己唔係特別鍾意泰式既野飲 所以最後我都係散嗌😂😂我自己就鍾意佢個雙拼雞飯多啲 佢個雞肉超滑 而且雞皮嘅部份都幾好食 唔會太肥🐤之後佢個炸雞都出奇地超級juicy 一咬落去勁多汁 而且佢係真係新鮮炸起 勁熱辣辣😍😍反而佢個湯麵我自己就覺得冇咁出色啦 佢個牛肉湯湯底都夠味嘅 但係就冇雞飯咁出色 配料方面個扎肉都厚切嘅 不過佢係胡椒味重啲個款黎既 反而牛丸就幾彈牙🐮·#rbyeat#rby東南亞菜#rby💛#rby尖沙咀 #rby旺角 #rby銅鑼灣 #rby大埔·📍尖沙咀金馬倫道18號萬勤商業大廈地舖📍旺角豉油街21C號地舖📍灣仔希慎道2-4號蟾宮大廈地下9號舖觀塘駿業街56號中海日升中心地下A號舖📍大埔汀角路11號地舖牛頭角牛頭角道55號利基大廈地下C舖

今日路過這兒，發現有不少食客在排隊，雖然排隊的人不少，但等了十五分鐘，可以入座了。牛肉湯生牛肉牛丸湯米$56這湯粉賣相吸引，生牛肉沒有過熟，肉質幾軟身，唔會好老好韌，加上牛丸細細粒，口感彈牙，又有肉味，加上幼身湯米，和那脆豬皮，味道不錯吧。凍奶茶這泰式奶茶大大杯，入口冰涼，奶茶十分香滑，又有茶香，味道香甜，十分飽肚。$56有湯米又有凍奶茶，仲唔洗加－，好抵食。

不停encore 必食的水門雞至從covid無堂食的時候，我外賣點過一之雞飯，便一試難忘，每次去tst必食之選。一定要點雞飯，雞湯河沒有配雞醬，會不好食的。食雞飯一定配雞醬。雞肉偏淋，但沒肉味，份量一般，油飯不算油，味道正常！我配了青檸疏打大大杯$22

由入門口開始被呼喝點餐時職員唔行過嚟我諗因為佢兼任收銀咁我又唔想隔幾張枱大叫咪起身自己行過去囉點知佢大聲喝我「唔好行過嚟」其實我做錯左啲咩呢我唔係嚟食霸王餐㗎喎！真心嬲冇食直接走

做完運動一定要食雞肉, 吸收蛋白質先可以大隻點~ TST食雞我推介水門雞飯店, 地點方便, 在THE ONE附近。不過晚上客人比較多，6PM開始都需要排隊等位，大約等5-10分鐘。今晚我沒有食雞飯, 試食他們的泰式東陰公雞肉湯河，但點了湯河就不配雞飯的醬汁, 我比較喜歡雞飯的醬汁, 所以覺得味道差了一點, 東陰公湯底不算太辣, 怕辣人士也可接受。所以大家去還是食雞飯比較好。

其實check得嚴可以理解，但check得嚴唔代表語氣可以差到咁。。。。我個fd新電話想入翻針卡落安心出行，個金毛啊姐一野語氣勁差咁話cap圖唔入得！ 乜都未問就先入為主。。

每次去曼谷都要去水門市場食平、靚、正的海南雞飯。香港都有間【水門雞飯】，不過同曼谷水門市場毫無關係。香港版的【水門雞飯】乃本地人開設的主打地道泰式海南雞飯的食店，共通之處都是平、靚、正。因此大受街坊歡迎，於大埔、元朗、尖沙咀及旺角設店，遲些會到銅鑼灣開分店，真厲害！ 甫入內，人山人海加上只有泰文的裝潢，真的有泰國感覺！星期六都有午餐，有九款選擇而且包飲品，只需要五、六十元又無加一，在尖沙咀難找到這個價格的午餐。下午茶餐雖然平幾蚊，但只有3款，午餐相對性價比高些。小公主喜歡吃雞，但就不喜歡海南雞，這間【水門雞飯】就有小朋友喜歡的炸雞飯。 【水門炸雞飯 $60】炸粉沒有把雞肉緊緊地包裹，一夾起有部炸粉已經脱落，幸好炸粉鬆化又薄薄的，味道尚且不錯。雞肉不太厚身，肉質嫩滑不嚡口。炸雞飯包個湯，湯內有2片厚冬瓜，雞湯以雞殼、豬骨等熬數小時，但是胡椒味超強蓋過其他味道，胡椒味太過刺激受不了。油飯顏色比較淡，果然味道同樣比較平淡不夠香料味又沒有雞的味道，另外口感也偏硬偏乾身，沒有預計吸引。【牛肉湯牛丸生牛肉金邊粉 $56】有米粉、河粉、金邊粉、粉絲、蛋麵可以選擇。食材有生牛肉、牛丸、炸豬皮，賣相豐富

🍜冬陰雞湯粉 $59餐廳主打泰式海南雞，賣相似白切雞，雞肉好結實，超有咬口😋，啖啖肉，無骨唔油👍🏻 不過雞肉唔算多，配菜磨菇好爽口🍄冬陰公湯底就偏酸多啲唔辣，好開胃，味道天然冇加太多香料唔會過咸😉 麵揀左金邊粉，金邊粉痴埋一舊，要浸入湯撈下，不過好左唔會斷開散哂

雖然而家0+3,但可惜我冇大假😪唯有去尖沙咀食番轉水門雞飯先🐓🍚裝修好有當地FEEL，真係幾似架😂當去左轉曼谷啦🤩好，講番個雞飯先，份量唔算好多，女仔份量，我就唔多夠飽喇😅雞都算嫩滑而且啖啖肉,無骨, 最鍾意佢嗰個醬汁辣辣地勁惹未,係會有種愈食愈想食既感覺，讚👍👍👍另外仲叫左個水門撈麵🍜個樣望落幾OK架, 可惜敗筆位正正係個麵底, 作為一個撈麵居然煮到又淋又軟，完全冇麵應有既口感。。真係幾失望🙄慶幸啲餸OK都好入味，如果唔係呢碗野真係嬲😜

中午食咗個淨係得辣同油好難食既午餐之後，（睇我食評就知道邊間），成晚都冇乜胃口，老公就話不如買外賣返屋企食，於是就食水門雞飯水門雞飯既雞夠滑，雞唔會油，可以連皮食都唔會覺得肥，油飯有雞味同樣唔會油膩，而且飯軟硬適中，非常好味，最特別可以$10加雞什，雞什點埋個汁好夾雞飯會跟埋個湯，碗湯會有舊冬瓜，不過只係飲到好重既胡椒味水門雞飯份量唔係好大，分咗半個飯比老公先夠特別提一提：夜晚6點後外賣正價食品滿$100有8折，好抵

平時都有食開水門雞飯，今次係尖沙咀呢間食，帶位既店員態度有點差，唔太禮貌不過唔緊要啦，都係快餐黎，我都明白兩個人叫左一個雞飯加一個冬蔭公雞粉絲冬蔭公雞粉絲d粉絲唔太熟，仲有少少白白地，未熟透，好似趕工左d喎，但個湯味道都正常另外個雞飯得好少件切雞，份量少過以前，感覺愈來愈差

呢日行過金馬倫道想食返個early dinner🤭見到水門雞有呢個下午茶餐食到6點前仲要星期六日都有 即刻衝入去食🤣記得當時都有不少好似我地既同類🤣🤣┈┈┈┈┈┈┈┈┈┈┈┈┈┈┈┈水門雞飯 $58賣相望落去色水比較齋食落沾返旁邊海南雞醬剛好雞件都比較鞋身彷彿是近雞胸的部份在旁跟上既湯很鹹並帶有很重胡椒味 鳳尾蝦炒金邊粉 $62即時炒起送上真係幾好食大概有六隻鳳尾蝦 蝦肉都新鮮呢碟炒得不錯雞肉串燒 追加 $24唔韌 都熱辣辣整起出黎馬拉盞肉醬芥蘭苗 追加$20 猜不到佢既微辣肉醬真豬肉碎辣得幾過癮 我唔係好食到辣既人 都覺得好食芥蘭苗都炒得唔錯喎 仲keep 到幾翠綠同爽洛神花茶 鮮檸梳打幸好兩款飲品都唔甜夏天飲品消暑一流

✨抵食多分店海南雞飯 串燒有驚喜✨.星期日約6點，去到尖沙咀嘅水門雞飯，入座時人唔算多，但到7點時店內已幾乎滿座；呢間我印象中好壞參半，但我自己覺得以呢個價錢黎講絕對唔差😋銅鑼灣仲準備有分店添，一定會再回訪！.▫️水門雞飯 $54（7/10）雖然雞肉唔算多及雞味亦唔算夠，但食落幾嫰滑，重點啲飯粒粒分明且充滿油香💕而且係尖沙咀食到五十幾蚊嘅海南雞飯，仲有碗附送嘅湯（雖然咸咗啲），性價比真係好高！.▫️雞/豬肉串燒 $42/3串（8/10）有啲驚喜🥰估唔到唔會幾正，食落入味又夠軟腍.▫️樽裝可樂 $12▫️枝裝水 $6對比唔少餐廳嘅飲品價格，呢間真係良心價！.❥…餐廳環街乾淨企理，食物質素唔差，性價比甚高，另外仲聽朋友講呢間金邊粉都好正，等我下次再去試吓先！.#fibee_尖沙咀.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b