水門雞飯 (萬勤商業大廈)

营业中

休息中

水門雞飯｜尖沙咀尖沙咀嘅性價比之選！今日未到6點去到，仲有得叫下午茶，抵上加抵！1️⃣水門雞下午茶餐加左$10要雞脾肉，雖然係下午茶餐，但份量同正常嘅一模一樣，雞已去骨，肉質嫩滑，而且跟餐仲有埋青檸梳打！2️⃣泰式乾炒辣牛河有不同辣度選擇，上枱嘅時候熱辣辣，夠晒鑊氣，十分惹味！牛肉份量比較少，配有蛋皮等材料3️⃣串燒3串起叫，有雞肉同豬肉串燒兩種，燒得比較乾身，配有沙嗲醬4️⃣泰式炒通菜 好食！我地選左少鹽、少辣、少油，仍然好惹味！而且即叫即炒，好有泰國街邊飛天通菜嘅風味2個人埋單，$250都唔洗，抵食超值👍🏻📍地址：尖沙咀金馬倫道18號萬勤商業大廈地舖💰人均消費：$124❤️回頭指數：85%#hongkongfoodie #hkfoodie #hkfoodblog #comfortfoodcomfortzone #香港美食 #couplefoodies #拍拖好去處 #拍拖食乜好 #拍拖食好西 #尖沙咀美食 #人氣美食 #海南雞飯 #香港海南雞飯 #香港海南雞飯關注組 #水門雞飯

latepost前兩日未食飯返咗屋企先知道 尖東有電單車活動 再出番嚟就有啲想食嘢三寶飯燒味就食得多 泰式水門雞三寶飯就好似係第一次~除咗經典水門雞, 重有水門炸雞同雞雜有喺出面比較少食到嘅"雞腸"😂天氣乾燥又想飲嘢 乘機叫咗支好少飲嘅Chang梳打水 gur gur佢見到餐廳牆上掛囉拳套、腳pad 就諗起以前操嘢嗰排算係幾fit, 即刻好有內疚感🫣😔

Great food but the young lady at the cashier / counter area is rude. I asked her politely for the wifi password so I can order food through online because they have a QR code to scan for the menu. Since we're a tourist from Macau, we don't have a data. She told me, I can order to her in the counter. I can feel her being irritated the whole time. Since we are tourists from Macau, we don't have data. I ordered chicken feet salad but she told me that isn't available yet at that time so I ordered P

呢間泰國過江龍餐廳主打地道泰式海南雞飯足料好味，CP值好高呀💛-🥢水門雙拼雞飯 （午市套餐$64）雞肉滑嫩有雞味每件都去咗骨咬落啖啖肉好有咬口💯配搭香脆炸雞加埋秘製辣醬汁一齊食別有一番滋味呀呢👍🏻而油飯份量都唔少，充滿油香味附送有黑胡椒雞骨湯胡椒味超強一啖飯一啖湯，甚具泰國風味呀🇹🇭🥬香辣肉碎沙律($68）肉碎份量超多少辣辣度，夠香又夠辣❤️‍🔥夾埋新鮮爽脆生菜一齊食非常好味呀！🦐鳳尾蝦泰式金邊粉（午市套餐$78）Tt我之前嚟食過炒牛河覺得好鑊氣今次再度試吓炒粉系列呢碟金邊粉無令人失望👍🏻同樣好好味！蝦隻口感爽彈金邊粉加咗芽菜、香蔥、蛋絲一齊去炒又香又有口感呀💕🍢豬肉串燒（午市套餐+$26）燒得香口有肉汁加埋伴碟嘅沙嗲醬同醋汁更加惹味喔😋餐飲午市套餐包咗餐飲CP值認真高❣️🍋鮮檸梳打揀咗無糖夠晒酸，清新解渴呀❤️‍🔥☕️熱泰式奶茶茶味香濃，餘韻悠長！

🦑燒原隻魷魚(2pcs)$45出色出色！好香燒魷魚味，絕對會Encore，跟左個辣辣地既汁，會辣到si si 聲🔥串燒(雞肉、豬肉)$14串最少要叫三串，同出面既泰式串燒差不多，不過就比較乾身，串燒就跟左個酸汁同沙嗲醬，沙嗲醬幾杰同凍，食落唔太香濃🐓水門雙拼雞飯$56雞肉又真係好嫩滑👍🏻👍🏻炸雞就無咁出色平平無奇，附送左一碗雞湯，但係有少少胡椒味，另外仲跟咗兩個汁可以點雞🦐海鮮冬陰公湯金邊粉$60有唔小海鮮（魷魚，青口，蝦)好似食極都有咁，金邊粉份量都好足夠，不過個湯底就失望左，個果似即食麵既味精冬陰公湯，所以就無驚喜🍍菠蘿冰$26係一杯好螢光黃嘅菠蘿味沙冰，入面有一舊新鮮菠蘿果肉，好重糖水味

水門雞飯係呢間餐廳嘅招牌，水門雞飯好好味，雞肉好嫩滑，餐廳嗰醬仲正！飯有雞油香味，而且水門雞飯跟個湯好重胡椒味，超級正。餐廳環境好有泰國風味，好似去咗泰國食一樣，值得一試

最近真係心思思再想飛泰國，可惜而家泰國既天氣真係會高溫燒滾了我一切🤣唯有靠美食嚟安慰下自己尖沙咀既水門雞飯叫外賣就叫得多，坐低食都係第一次，次次都覺得呢個檔口好正好泰🇹🇭除咗最出名既水門雞飯之外，泰式粉麵地道小食小炒，而家連火鍋都有😳餐廳而家係QR code落單，版面唔錯分類幾簡潔一定要食佢雞飯！！雞肉好嫩滑，點埋個汁配埋啖雞油飯一齊食，瞬間KO咗個飯個湯好重胡椒味，勁like！老公既生牛肉牛丸湯米好多料，米粉爽口，重口味既仲可以加埋枱面上既辣椒粉/炸蒜牛脷系列之前都未試過，今次就試吓佢個香辣牛脷生菜包先！生菜有6大塊，而且牛脷肉碎份量都好多，味道都幾辣啱曬我食泰國菜點會唔記得泰式腩仔，估唔到份量都幾多腩仔口感鬆化，而且相當熱辣辣，肥肉比例1:1，入口爆油好香好邪惡🤤仲叫咗個炸雞皮嚟俾老公送湯，好似魚皮咁好薄好脆，有種食緊零食嘅感覺龍眼冰真係泰國菜必叫！入面有粒粒龍眼乾，味道清甜又夠凍！咁多野食都係人均百幾蚊😳抵食到爛呀

同朋友在尖沙咀行街，行過見到呢間水門雞飯，餐廳裝修已經好吸引我地，好似去左泰國咁呀👍🏼每次去泰國必食嘅水門雞飯 香港都食到啦😋.🍴水門雞飯雞件份量剛好，唔會特別少，肉質嫩滑😋再配埋醬汁 十分好味👍🏼👍🏼仲有埋個湯添👍🏼飯嘅份量可能男孩子就唔係好夠了～.🍴泰式炒通菜食泰國嘢一定要有炒通菜，呢度嘅炒通菜好友鑊氣👍🏼炒得好入味 又唔會太鹹 😋.🍴泰式生蝦必嗌食選！生蝦十分新鮮，配埋蒜片辣椒十分過癮，佢仲有個秘製醬汁好開胃😋.🍴泰式奶茶茶同奶嘅比例啱啱好，唔會太甜👍🏼

好耐都冇去過曼谷，有時都會好掛住水門雞飯，今次特登係呢到斬阻半隻雞返屋企食，一舊水到啦，d 雞好嫩同啖啖肉，唔會成盒骨，件件雞都斬得好平均，再點埋個汁辣辣地好過隱。師傅好有心機挑阻塊葉出黎。

The Korean restaurant I usually go to was closed for renovation. So I ate at this restaurant nearby. I have eaten a lot of Hainanese chicken, but the sauce is a little different. It's very spicy with green chilli. I ordered breast meat, but it was moist and juicy without being dry. Also it was easy to eat without any bones. So Yummy 😋 I will be back🤞

寫食評之前，戴定頭盔先o.o，唔係話啲嘢好難食，但係期望好高所以以為真係好好食！「水門雞」呢個名其實都算深入民心？ 起碼講出嚟其實好多同事都知邊間係水門雞，所以不知不覺又好高期望，打開OpenRice見到都唔少人嘩好食，應該係話好抵食，所以叫咗個外賣試一試佢。叫咗個外賣，因為冇半隻雞套餐，所以$128外賣半隻水門雞，$15一個雞油蒸飯，仲有碗湯。嗰舊雞唔係特別鞋口，亦都唔係特別嫩滑…真係好普普通通，半隻雞來講，如果有得揀可能下次會揀去食海南雞，但係明白嘅，始終佢叫水門雞唔係海南雞xxxxd。個湯好鹹。個湯好似係叫做雞骨湯，但係好友胡椒豬肚嘅胡椒味，好鹹，有機會係我飲湯比較不喜歡重口味。

食物未有網上食評說的好質素下降⬇️但服務態度希望有待改進擺野上枱砰砰聲！由其果位姐姐仔特別沒禮貌埋單都是問，你用咩比呀！今時今日，再好食都沒用！一定唔想反轉頭！

香港人都幾鍾意食海南雞飯😆 有日經過尖沙咀終於試到呢間人氣雞飯喇！曼谷水門市場出名食海南雞飯，慢慢就變成人們口中既「水門雞飯」~ 餐廳店主專程請埋泰國大廚黎坐鎮，夠晒正宗！♢ 🐓水門三寶雞飯 $64呢個三寶飯超豐富，可以試哂餐廳既招牌雞肉︰海南雞﹑炸雞同雞雜(雞腎+雞紅)，份量仲好慷慨大方添！海南雞已經起好骨，皮薄肉厚，肉質嫩滑；炸雞炸得乾身又夠脆，炸粉唔算厚；雞雜無咩調味，點下醬汁更滋味。個雞飯都幾夠香味，食得出雞汁香味。叫飯仲會附送一碗冬瓜雞湯，胡椒味幾重，冬天飲一流。♢ 🐄清湯腩船粉 $50成碗船粉都好香！湯底用左清雞湯，雞味濃郁。牛腩炆得好淋，加左豬肉丸$12都幾好味，雖然細細粒，但係豬肉味好重。麵底都有幾款選擇，我揀左金邊粉，煮得軟熟適中，份量都好多。♢ 🍢串燒 $14@1我地叫左雞肉同豬肉各兩串，燒得好香，仲可以點魚露或沙嗲汁，夠哂惹味！♢ 🦑馬拉盞西蘭花炒魷 $68呢碟菜幾抵食，勁多西蘭花同鮮魷！馬拉盞風味好出，鹹香惹味。♢ 🥭芒果冰 $26冰沙芒果味夠濃郁，質地幼滑，有驚喜！大大杯好抵飲~♢ 🧋泰式奶茶 $22紅茶味幾香，唔會太甜。呢餐CP值好高💰 就算單叫一個飯/一碗

上次食過番尋味,今次專登問下個店員野再食一編食評你以為係一碗平平無其概例湯其實係一碗用慢火熬足4個鐘概雞骨湯,再加入胡椒吊味冬瓜清熱解毒,一碗好味有營養概靚湯就錦誕生左,用心做實會有人知道,主菜認真我覺得係從事餐飲對自己行業概基本尊重但係係細節到到認真會更令人印象深刻,我最欣賞連前菜,湯,甜品都做到極至概餐廳!水門炸雞飯個飯底係油飯黎,係用泰國香米加入雞湯,香料,蒜頭,辣椒,先抄再煲,令煲出黎概米飯軟硬適中味道更香濃雞隻係惠州羅浮山走地雞黎,無激素,脂肪小,皮溥炸雞外皮脆卜卜,入面肉質唔滑 ,食評要老實要對得住讀者同因為你概食評去食概朋友,如果做到外脆內滑就100分,今次都有80分因為脆得幾香口好食泰國咖啡幾有特性值得一試水門雞飯地址:尖沙咀金馬倫道18號萬勤商業大廈地舖電話號碼:23698128營業時間:星期一至日12:00 - 00:00

講真水門雞飯真係非常之抵食，要喺鬧市之中搵到一個午餐包埋嘢飲仲要係凍飲，而且仲要係咁有特色嘅特飲要喺$50之內搞掂真係非常之難，但係水門雞嘅話就可以包埋嘢飲，最鍾意揀就係泰式奶茶或者龍眼冰，有時想飲美祿都唔錯，一開始佢會上咗碗湯先，個碗湯非常之重和胡椒味，但係就好開胃辣辣地，至於去到個飯方面，個飯嘅雞嘅份量其實都幾多，而且啲雞好滑，有時會嗌個雙拼雞食下，炸雞點酸甜醬都好開胃好好食，又返嘅味道都啱啱好，幾香幾香同埋有少少咸香，支持