水門雞飯 (萬勤商業大廈)

营业中

休息中

海南雞飯好味又平 無乜幾間 尖沙咀依間都係 top1 or 2 炸雞同 thai 奶茶都一流 依加下午茶餐takeaway 都係 $60 包飲品～ 抵啊 雞依然好味 又滑 👍🏻 奶茶就每次都差唔多 甜左小小 無得小甜

🐔泰式辣雞絲湯粉 $54餐牌上面標記一隻辣椒 湯頭表面見到啲紅色嘅辣油 但其實唔太食到辣味😢所以都飲得出雞湯嘅清甜配搭少量炸蒜 炸豬皮 芽菜 芫荽蔥雞絲份量多不過肉質唔算嫩滑 勝在都唔鞋麵底揀咗金邊粉 口感滑溜份量都好多 女仔絕對夠食整體唔差 但如果係為咗食辣就唔建議嗌呢款。🍋青檸梳打 (跟餐)因為知道泰國嘢比較多冰所以嗌咗少冰嚟到都好夠凍！梳打水配青檸味道清新 解渴又解膩

水門雞飯（$58）份量適中，雞合格（但胸位較嚡），飯夠味又夠乾身，雞醬不錯（微酸微辣）。冬瓜湯超重胡椒味（天氣涼涼哋，驅寒驅風啱哂）。泰式檸茶，味道唔似港式茶底有澀味，偏向甜。追加小食：豬肉串燒2串（$24）、雞肉串燒2串（$24）串燒烤得好好，而且醃得幾入味，點埋沙爹醬一流（但如果二選一，我會揀豬肉串燒，肉質爽口啲）。

突然想食咪早D晚餐囉，有下午茶餐6點前堂食食完當晚餐健康左。上菜超快，個湯夠晒熱胡椒味濃，勁開胃！點知一上個飯...好痴線呀點解咁多雞肉，鋪左兩層喎，肉多過飯呀識唔識做生意架！我加左廿蚊有碟芥蘭苗分量比預期中多（又話呢兩日菜貴左好x多既！？），仲好好好好味，堅抵食！餐飲揀左熱蘋果雪梨茶，落單靚女話唔駛加錢，正呀，味道好濃仲有果肉，無揀錯呀！食左咁多次，次次都好好味，服務一樣咁友善有禮仲有少少風趣，好正呀，有你地真好，會繼續支持，加油！

有時唔知食乜嘢嘅時候，我都會睇吓附近有冇得食海南雞飯😋高蛋白質得黎，大部份餐廳整既海南雞都唔會失色得去邊！係最保險嘅選擇😂同埋價錢一般都唔會太貴！水門雞飯當然係其中一個唔使用腦嘅選擇！🤪（1）海南雞飯加雞雜😋😋無特登加錢轉雞髀，因為海南雞一般都比較嫩口，就算係雞胸肉都冇乜所謂😆雞雜就有雞腎、雞紅、雞腸…加$10就令個飯生色不少！個醬汁就真係真係靈魂所在！😋我記得第一次食嘅時候真係覺得驚為天人，只不過唔知點解每一間分店調出嚟嘅味道都會有啲唔同😅（2）泰式奶茶家姐嗌左杯泰式奶茶，不過佢就話都幾失望因為係用粉沖出嚟嘅，睇條飲管就已經知，所以口感上就冇正宗嘅泰式奶茶咁香滑勒～你見佢成杯飲咗三份一就知道唔係太鍾意啦😅（3）泰式檸茶我點左杯必點嘅泰式檸茶，相都唔記得影就知成杯飲晒啦😂😂不過佢係冇得少甜嘅，所以都係果句：間唔中一次，開心吓好啦😂

呢間海南雞飯出晒名雞夠滑，油飯夠香又唔會太膩，午市套餐仲包大大杯泰式特飲，之前食過幾次午市海南雞飯都覺得好抵食🤤今日晏晝嚟到就試下其他食物😆嗌咗牛肉湯牛丸生牛肉湯米🐮，個湯牛味好濃郁，飲完都唔會好口渴，好真材實料👍🏻生牛肉大大片都有成四至五片，勝在夠滑牛味都濃，最正係啲米粉索晒湯嘅精華超入味😋😚啲牛丸都幾彈牙🤪跟餐上次嗌咗青檸梳打唔錯，今次就試下泰式奶茶🥤完全冇令我失望😝佢係屬於奶味比較重🥛 唔會太甜太膩嘅類型，不過太大杯嘅關係所以飲唔晒同朋友一路行街一路飲😂同埋呢間舖頭係坐鐵凳鐵枱，講環境坐得舒服就唔會㗎喇，不過個人都幾鍾意呢種貼地裝修，有種真係係泰國食緊泰國菜嘅感覺🇹🇭不過個日行李比較多店員都特登拎多張兩凳畀我放行李，服務都算唔錯👍🏻

已經唔係第一次嚟呢間水門雞食飯， 因為就係我做facial隔離，之前食過一次佢嗰個招牌雞飯覺得麻麻哋，雞都幾老下，今次食佢呢個雞麵， 全名唔記得好似係冬天限定～ 今次呢個就幾好食，唔知係咪因為加咗湯呢令啲雞感覺上冇咁鞋口， 我本身想食河粉但係冇曬咁我就轉咗金邊粉～ 個湯麵個湯底都幾好食少少辣咁樣，我諗我以後呢都會食湯麵多過雞飯，因為湯麵真係好食好多 😂😂同咪有樣幾搞笑就係佢而家只係收現金， 我咁啱得幾十蚊現金😂 差少少唔夠錢畀😂收銀本身都同我講話個幾蚊由佢啦😂好彩喺個袋度搵到五蚊銀啫😂

呢間位於金馬侖道都算多人排隊嘅店，繁忙時間比較多人，店員較忙碌，但都友善，餐牌都幾多選擇，仲有湯粉麵等等，座位都比較逼夾🍚🅼🅸🆂🆂 🅻🅸🅾🅽🅽🦁評分：7/10水門雞飯份量正常，油雞比較瘦，唔鐘意多肥油嘅女士們應該好啱食，加上本身較淡味，食落唔會太飽太滯，醬汁就好重要！附送嘅冬瓜湯就比較鹹，飲左兩啖都放棄左無骨豬手飯好味，豬手份量唔算太多但都好足夠送飯，反而比起雞飯更出色！洛神花茶好開胃，好味，真材實料泰式奶茶比較甜左少少，好濃嘅奶味，有泰式茶嘅茶香味每樣都恰到好處，又唔算話好特別，可能試一次🐔🍚______________________________

一睇隻碟唔洗介紹都知係邊一間嚟啦😎😎冇錯就係水門雞飯啦，呢個post唔係介紹，係俾你哋知道我都有去嘆好西😂😂好啦，唔多講，例牌一定嗌既生蝦，佢真係每一次都係咁新鮮爽口彈牙，我試過有一次外賣，佢都可以做到好新鮮同堂食嘅一模一樣👍🏻👍🏻之後嗌咗個牛丸生牛肉湯米粉，最重要係個湯底同埋啲生牛肉，佢個湯底好濃，你會見到好深色，我食過出邊個湯好淡好淺色，所以嗌得湯麵個湯一定係個精華😏😏，之後個生牛肉都好出色，你會見到佢拎過嚟嘅時候啲牛肉仲係有少少淡粉紅，去到你真係放落口嘅時候佢就啱啱好熟晒，唔會好老，又唔會冇牛味🤤🤤之後到個清湯腩船河，話明清湯個湯底梗係清清地，唔想食咁濃味嘅你可以試吓呢一個，至於牛腩我覺得偏肥，佢大部份都係肥膏，但因為有肥膏喺度所以會令到個腩肉嫩啲爽口啲冇咁老，腩肉嘅味都好出💪🏻佢個雞肉串都冇咩特別，同出邊嗰啲嘅味道都係差唔多，燒得都唔會太窿，熟度啱啱好，一定係配個沙嗲醬😆😆本人其實都幾鍾意食包類嘅嘢，見到佢小食有個烤麵包即管嗌嚟試一試，到咗之後其實佢真係冇咩好特別，都係將啲包切開幾粒然後烤一烤，個包又食唔出有幾咁唔同，佢只係配咗個沙嗲醬好似幾特別咁🤔🤔唔使推，識食嘅你一定食呢間

心血來潮想食下泰國野，見到喱間都成日有人排隊,決定試下!見到水門雞飯幾吸引咁,就叫左嚟試下!另外仲叫左啲小食,有兩串雞串燒同一串豬串燒。泰式腩仔，仲有點少得既泰奶！上菜速度好快，好快就到齊，水門雞飯既雞肉幾滑,而且已經去骨,可以大大啖成舊放入口，而飯既質感係粒粒分明。另外會配送有濃濃胡椒味既雞湯。泰式腩仔燒得十分香,外皮好脆,條偏肥既腩肉,非常邪惡!而串燒都燒得唔錯,加上佢既沙嗲汁好惹味!最後杯泰奶我覺得都唔錯,係平時飲開偏甜既泰式奶茶既味。

行街行到夜過頭😅差不多2200 好在仲有得俾我 #懲罰 亦興幸今次唔駛排隊🤘🏼#水門雞飯 $54配有 #胡椒冬瓜湯 好暖胃🥰 雞嘅份量都幾多 唔會好肥 去骨 啖啖肉🤤🤤#泰式豬手飯 $52同樣配 #胡椒冬瓜湯豬手好入味 好腍🤤🤤 雖然啲豬手皮好似好肥咁 但食落口係好膠雖然有隻🌶 但睇開我食評都知我唔辣得😅😅所以呢隻🌶完全冇問題 只係個汁帶咗好丁點兒嘅辣 令豬手更開胃惹味👍🏻#凍泰式奶茶 $22 都有七、八成嘅相似度不過差過兩、三成係為咗更配口香港人口味🤣少甜少冰少…..=====================#黃色經濟圈 #yellowtst #yellow尖沙咀 #yellow金馬倫道 #泰國地道美食 #hker #hkig #hongkongfood #香港加油 #食好西😋 #互推互追互讚 #nofilter

📍水門雞飯💡尖沙咀💛💛💛💛💛💛💛💛💛💛已經唔知等幾次食啦，今日見人小d，行完街又黎食食佢🐥生牛肉 雞肉 冬陰功湯蛋麵($58)冬陰功湯底濃郁又香，非常滋味，甜甜酸酸真係好開胃。d配菜都好份量都好多，非常足料。雞肉好香滑，生牛肉非常嫩滑。蛋麵份量都好多，索哂d湯底辣辣地真係好正好滿足☺️🥰🐥秘汁泰式生蝦($108)呢到既生蝦真係超級大隻，真係啖啖肉，肉質又鮮嫩，個個秘汁係酸酸辣辣超級開胃，連埋辣椒蒜粒仲惹味，食完真係會回頭😆

政府封關封咁耐，搞到病毒變左種幾次都仲未有得去旅行，真係令人非常之掛住外國嘅食物，迫於無奈唯有食住D水門雞援解一下想去旅行嘅心情。水門雞滑嫩有雞味，雞皮爽口彈牙，而熱辣辣嘅油飯味道適中，每一粒米都齒夾留香。雞湯胡椒味重，我個人就麻麻地，所以交左比另一半處理。沙嗲豬肉串燒唔會燒得太乾，點埋沙嗲醬就更好食。以前食開嘅鴛鴦米芒果糯米飯係用紫米同糯米整成，但呢度就只係用糯米一種，不過糯米煙韌有嚼頭，整得唔錯，而芒果唔酸但亦都唔甜，不過不失啦。左邊香茅冰，右邊泰式檸茶都係跟餐免費送，真係好抵

一向泰國都係香港人熱愛既地方，冇得去咁耐，間唔中都有食泰國嘢，不過要有泰國既感覺，就唔係間間餐廳做得到。水門雞飯一直係人氣泰式餐廳，出名正宗泰國嘢，今日去咗尖沙咀呢間試吓。水門雞飯以水門雞飯為名，一定係招牌菜之一，果然雞肉夠滑，好似食魚咁滑，有雞味，好鮮味，啖啖肉，完全冇骨。雞皮冇脂肪，夠爽滑。連同醬一齊食，少少辣都幾好味。不過我鍾意就咁食。雞油飯好香，有少少香茅味，個人覺得再多d油會更好。另外，雞骨湯好重胡椒味，驅風一流，正。鳳尾蝦炒金邊粉炒得一d都唔油，食落好夠味，金邊粉好爽彈，唔會淋晒，連同花生碎同辣椒自己分配，再唧啲青檸汁，泰國風味即刻出晒嚟。共有四隻蝦，好有鮮蝦味，爽口彈牙，唔係平時餐廳平價嗰啲急凍貨。燒魷魚一碟有2隻，唔會燒到乾晒，食落好彈牙，又唔韌，好香口，沾少少泰式辣汁，都幾辣下，係好好味既小食。芒果冰沙冰打得好幼細，芒果味十足，夠哂果味，外賣膠杯上，好有泰國街邊嘅感覺。總括而言，呢間餐廳啲菜式都有正宗泰國風味，我哋都食得好滿意。餐牌寫近排做緊全線分店星期一至星期四堂食水門雞飯$30嘅優惠，性價比極高，得閒我一定會再嚟食。

每次到尖沙咀行街，想不到吃什麼就會來這間水門雞飯食，這次也不例外!餐廳座位都幾多，而且好有去了泰國水門雞飯店的感覺，裝修簡潔!水門雞飯，來到這裡當然要吃水門雞飯，雞肉嫩滑沒有骨，飯是有雞味的飯，加上他們的辣醬汁一齊食特別好吃，而且每個雞飯亦附有冬瓜湯，食完飯之後可以清清口腔內的濃味!金牌胡椒豬什金邊粉，自從上次吃過之後深深愛上，是不吃飯吃粉的好選擇!湯底有濃濃的胡椒味，飲落都幾辣口，很驅風的感覺!豬什包括有豬潤、粉腸、豬肉碎、炸豬皮，全部都好香胡椒湯味，不會有臭味!金邊粉都幾掛湯，非常刺激味蕾!燒原隻魷魚，共有兩隻，魷魚燒得好香口，而且不會燒得好硬身，有魷魚的鮮味，再點上辣醬，非常惹味!泰式炒通菜，很久沒有吃炒通菜，這裡的通菜味道都幾辣，而且帶有蒜味，份量亦很多，十分美味!話梅茶，用上泰國茶的茶底，帶有話梅的咸酸味，酸酸味味，幾開胃!