水門雞飯 (萬勤商業大廈)

营业中

休息中

見到啲朋友去晒泰國，令我諗起香港都有水門雞飯分店，所以去咗最就腳的尖沙咀食下泰國菜。我哋閑日5.：45去到，見到仲有下午茶餐叫，所以我哋就即刻落單，因為下午茶真係抵好多，除咗免費泰式特飲之外，仲有湯，仲有優惠價跟小食，所以基本上已經有齊晒成個set。雞湯10分入味，冬瓜亦都非常消暑。很喜歡這個蘋果雪梨水，非常清潤。泰式奶茶奶味香濃，非常滑溜。牛丸同豬肉丸都非常之彈牙，另外跟面的魚片脆脆10分有泰國風味。雞飯整得10分香雞油味，另外配上泰式辣醬，一啖接一啖。串燒外面炭燒味，入面依然保持住肉汁，仲可以點沙嗲醬添。小食雞翼，10分貼心，是單骨的，送啤酒一流。不過餐廳比較上熱，所以都要叫返支蒸餾水解一解渴。香脆的小食最適合配上芒果冰，很有夏日的氣息。芒果糯米飯，即叫即整，糯米飯熱辣辣，上面的椰汁非常之濃密，新鮮芒果亦都非常香甜。

成日經過尖沙咀呢間水門雞飯都好多人排隊，一直都未有機會試，個日見到竟然冇人排，所以就即刻衝咗入去🏃🏻‍♀️💨.餐廳店內裝修就好似帶咗你去啲泰國小店🇹🇭，好有地道特色，餐廳採用自助落單， 好方便📱👀水門雞飯 $54一場嚟到，又點可以唔試下佢嘅招牌水門雞飯🐓餐廳可以俾我地免費轉雞胸肉，或者加$10 轉雞脾肉🍗第一次試，我就乜都冇轉，諗住試下佢個原汁原味😋🥰上枱嘅時候除咗有雞飯，仲會有一碗湯同醬汁俾我地點🥣啲雞就算冇轉雞脾肉都已經好滑，同埋份量幾多，碗湯仲係熱嘅，而且有啲紅蘿蔔，飲得出唔係味精湯💕我個人覺得個汁都要記一功，雖然其實油飯本身都夠味，但係將個汁倒埋落去個飯度仲好食😍平時食慣少飯嘅我，都成碟清哂😛😛.想係香港都食到地道泰國水門雞飯，就記得嚟試吓啦，價錢合理，而且味道出色，一個人或者一班人嚟食都可以🙆🏻‍♀️👯‍♀️

年頭開關先去布吉後，十分懷念泰國美食。發現此雞飯名店，裝潢地道，可以一戰。招牌雞飯，雞胸味濃不伐，炸雞皮脆不乾，加上秘製微辣醬油，十分惹味。油飯帶有班蘭香，完美配搭。牛丸生牛船麵，湯底香甜，配上米香十足金邊粉，牛丸彈牙味濃，唯生牛略嚡，整體仍不錯。沙嗲雞肉，醬料微辣椰香十足，加上醋汁酸甜開胃。馬拉𦾟芥蘭微辣可口，芥蘭保持嫩綠，咬下爽脆火候剛好。竟然有芒果糯米飯！芒果清甜，配上微暖糯米和椰奶，經典配搭。餐飲泰茶微甜又有雲喱拿香，青檸梳打酸甜又夠氣，十分消暑。食到頂住個肚走才索價$250，大推。

水門雞飯📍尖沙咀金馬倫道18號地下🔻1. 水門雙拼炸雞飯跟雞飯嘅堂係胡椒味嘅，清清地又唔太鹹肉質好嫩滑，雞皮都唔會覺得好油。炸雞部份炸粉唔多，但有幾突顯到香酥味。建議大家一定要試吓個醬！🤤🔻2. 鳳尾蝦泰式金邊粉（走韭黃、走蔥）鳳尾蝦大大隻又好爽口，金邊粉無論乾爽度、彈性都剛剛好而且份量超級多，兩個人share嚟食都仲得🔻3. 泰式腩仔（極度推介！）嗌咗share嚟食，份量好多，而且每一嚿都唔細份。腩仔肥瘦相間住，入口深透油香味又好鬆化，抵佢10分邪惡🤪🔻4. 椰青椰青要用個大碗裝住嚟飲，都知有幾大個啦😂椰青新鮮，佢哋係去咗果肉嚟上，青水清甜，好啱夏天嘆住嚟飲🔻5. 青檸梳打青檸都唔少，最重要佢好純粹無糖，唔係出面嗰啲假甜🔻

水門雞飯 (萬勤商業大廈) (尖沙咀)尖沙咀金馬倫道18號萬勤商業大廈地舖位於尖沙咀萬勤商業大廈地舖的水門雞飯。這家店是一家以泰國風味為主的餐廳，除了有正宗的泰式料理外，還有不少受到當地風味啟發的菜式。首先要介紹的是他們家的招牌菜-水門雞飯。這道菜以嫩滑的雞肉為主，加上了一些雞脾肉，更加豐富了口感。這道菜的特點是雞肉非常嫩滑，味道十分鮮美，是一道非常不錯的選擇。接著要介紹的是清湯魚旦魚片金邊粉冬陰功湯底。這道菜是一道正宗的泰式菜品，湯底味道濃郁，適合喜愛辣味的人品嚐。魚片和金邊粉的搭配非常協調，口感豐富。另外，我們也點了泰式豬頸肉。這道菜的豬肉經過特殊的醃製方式，口感非常鮮嫩，肉質十分爽口。搭配上特製的泰式醬汁，更是讓味蕾得到了極大的滿足。在飲料方面，我們點了鮮檸梳打以及泰式檸茶。鮮檸梳打非常清爽，味道鮮美，而泰式檸茶則更有泰國風味，是一道非常不錯的選擇。最後，我們也要讚揚一下這家店的裝修和設計。他們的裝修和設計都非常有泰國風味，店內的設計也讓人感覺非常放鬆舒適。另外，泰國銀枱常用的大風扇也是這家店的一大特色。總結來說，這家水門雞飯以泰國風味為主打，菜品口感豐富，值得一試。店內裝修和設

黎到金馬倫道，淨係見到一間食泰國海南雞嘅舖頭好多人排隊，每次經過都好想試，今次放工見到冇乜人嚟食，即刻衝入去試。由於好肚餓嘅關係，我都叫咗好多嘢食，但係由於要減肥嘅關係，所以今次冇叫飯同麵類，所以就叫咗半隻海南雞，肉質都幾滑！之後仲叫咗冬陰功湯，就相對比較普通，因為我比較鍾意重口味，呢個就比較淡口！之後仲叫咗馬拉盞炒通菜，呢個就真係重口味，覺得好正！而菜嘅份量都幾多，都幾抵食！因為食咗咁多嘢嘅關係，都覺得有啲口渴，所以就叫咗杯熱嘅蘋果雪梨茶，都幾潤喉同埋幾解渴！不錯不錯！呢度最值得一讚嘅，我就覺得喺呢度附送嘅雞湯，好龍尾，飲完一碗都唔係好夠口！好想再添多一碗飲！最後呢度嘅上菜效率都幾幾快，抵讚！

今日我嚟到咗水門食嘢，試咗佢哋嘅招牌菜水門雞飯同埋其他嘅小食。我地先試咗半份海南雞，份量剛剛好，雞肉鮮嫩夠滑，雞皮中間有jelly，唔肥膩，配上秘制醬汁酸酸地勁開胃。個雞配左雞雜，有雞胗，雞紅，雞腸，全部都好乾淨，唔會有內臟腥臭味。好另外叫左碗雞油蒸飯share，味道同樣唔錯，飯粒夠彈牙，而且粒粒分明，加上雞油嘅滋味，好容易就KO成碗飯。除咗水門雞飯之外，我地仲試咗佢哋嘅satay雞同豬串燒，個串燒烤得啱啱好，肉質鮮嫩多汁，加上埋佢哋嘅特製沙爹汁，味道更加鮮美。個人覺得佢嘅雞串燒比較出色。飲品方面，我地叫咗佢哋嘅椰青，個椰青好新鮮，飲落去好涼爽，味道都好香甜。總括黎講，水門嘅食物質素唔錯，價錢亦都平民化，值得一試。

尖沙咀一帶芸芸食肆屹立，咩嘢菜式都有，今次一於試吓喺The One斜對面嘅水門雞飯啦！既然餐廳名叫做水門雞飯，當然要嗌佢哋嘅招牌：-水門雞飯。好掂啵！😋就咁嗌普通雞肉已經超級滑溜，點埋跟餐個水門雞醬，好惹味！btw 臨走見到個醬係有得單獨一樽咁買. 鍾意佢啲飯唔會好似其他餐廳咁油膩，佢既雞油味係做得啱啱好，唔會覺得膩👍🏻-豬肉沙嗲串燒跟餐嗌嘅. 個沙嗲醬唔錯啵，仲有多個有青瓜洋蔥喺入邊嘅醋作為另一種醬汁，大家可以一塊豬肉一隻醬汁試吓，自己就覺得兩隻都唔錯～-泰式奶茶幾好飲，飲飲吓見到有茶葉啵，真材實料。-鮮檸梳打好fresh! 非常適合夏天，透心涼，good. -鳳尾蝦泰式金邊粉酸酸瞇瞇嘅泰式金邊粉一向都係我地最鍾意嘅泰式食物之一，今次無失望，炒得好有火候，加上擺盤有啲心思，撈埋晒再去食，係一個好有層次感好味嘅金邊粉！-香辣鳳爪沙律又一碟好味既泰式小食😋 啲鳳爪超級新鮮，係爽脆㗎！醬汁都調校得啱啱好，酸辣之餘係唔會超級辣，好似我呢啲唔太食得辣嘅人都食得到～😃份量仲唔少!-斑蘭大菜糕應該係自家製，因為都好新鮮，而且斑蘭味都算幾出，配埋個椰汁撈埋一齊食係一個very nice for今日泰

水門雞飯 $54水門雙拼炸雞飯 $56好耐冇去過泰國啦🥲不過依家去泰國又唔算話太安全，亦都太熱🥹一於就留返香港食泰國嘢啦！而佢哋嘅水門雞飯，我覺得都還原到泰國嘅一半以上😆我鍾意佢哋嘅油飯好香，但係唔會好肥膩，食到人哋好飽嗰種感覺～而且，雞都係啖啖肉，都唔會好乾，價錢香港來講嘅話，其實算合理🙆🏻‍♀️份量都適中！芒果糯米飯 $58佢哋嘅芒果糯米飯非常有驚喜🥹❤️特別鍾意佢哋嘅糯米飯好軟糯，口感好好，芒果甜度適中，唔會好酸😆中和晒成個感覺，味道非常好～菠蘿冰 $26可能跟返泰國嘅口味，我就略嫌覺得菠蘿冰有啲太甜，果汁味比較重🤣唔係真係有菠蘿嗰浸香甜～

💪🏻 水門雞飯 （$62 套餐）油飯味道與泰國水門雞飯味道相近，油飯香濃😋，無餸剩係食飯都可以食晒佢。飯底亦夠乾身，唔會一舊舊。 雞肉亦都夠滑身，有齊雞胸雞髀位。醬汁同泰國水門雞飯亦相似，蒜味較突出。不過價錢較一般海南雞飯貴。味道：7/10性價比：5/10 食住瘦指數：💪🏻💪🏻💪🏻/5 💪🏻 泰式奶茶都係用Cha Tra Mue的泰奶味道，茶味香濃！😍味道：8/10性價比：5/10 食住瘦指數：💪🏻 /5 💪🏻 胡椒雞湯胡椒味香濃，附送一舊冬瓜😆 但唔太夠熱。

平時晚上經過都見有不少人排隊，今日下午經過有位於是試吓，手機📱落單，叫咗招牌水門雞飯午餐$62，有湯有嘢飲，我選了少飯，湯係胡椒味湯，非常之濃胡椒味，辣辣哋但唔搶喉，唔洗額外加錢嘅餐飲都多選擇，有熱薑蜜、泰式奶茶、菊花茶等，唔洗成日得檸茶檸水普通咖啡奶茶選，雞肉質夠滑，點埋個辣辣哋醬汁食幾惹味，個有味飯味道調校得幾好，軟硬適中，服務還可以，整體來講ok.#雞飯#chicken#雞#尖沙咀#lunch#午餐

係尖沙咀泰國水門雞飯，有泰國風味，可以少飯、多飯，除咗雞之外，重有好多其他食物選擇，用QR code 落單方便，雞飯好食，香茅特飲夠清新👍🏻，地點在地鋪方便易找。

自從第一次食完之後，周不時都會諗起水門雞飯🥺真係好高質！！今日路過尖沙咀，見到又有分店，唔使等位就行咗入去😗水門雞飯午餐 $68午餐包咗一碗湯+野飲！性價比高👍🏼水門雞飯，最正就係有用雞油加薑去撈過，勁香！絕對令人想食唒啲飯🤣至於雞就唔係黃油個種，而係白白地，入面有啲啫喱嘅，唔太肥，食落好健康！最正係個汁😍次次都點，好香好食！朋友加咗$10要雞雜，有雞腎，雞紅，份量唔算多！例湯係冬瓜湯，勁重胡椒味，飲落會有啲辣，但又幾刺激咼！同埋好清😝👍🏼飲品叫咗柚子蜜，有得揀少甜走冰，勁好👍🏼👍🏼再叫咗個泰式豬頸肉！切得好靚，而且用咗蜜糖去烤過，所以會帶一啲甜嘅，好juicy好正👍🏼雖然價錢唔平(要$98㗎都)但好食！可以點佢配嘅汁，正呀！！

今日係尖沙咀行街，講起食泰國嘢，大家一起諗到去水門雞飯食飯。午餐又好，散叫都去，都有很多選擇。芒果冰 Mango Iced $26凍泰式奶茶🧋 Iced Thai Milk Tea $22首先我們叫了兩杯飲品，芒果冰的芒果味濃厚，非常開胃。泰式凍奶茶，泰國茶的茶底非常香濃，飲落去非常香滑。水門半隻雞 $108水門雞是我必食之選，雞肉不肥膩，配以泰式醬汁，令到雞的味道非常惹味非常突出，令外附有雞腎、雞腸和雞血，雞腎和雞腸都非常爽口。鳳尾蝦泰式金邊粉 Phad Thai $75米粉QQ彈，豆芽菜清爽，花生碎的酥脆口感，鳯尾蝦🦐新鮮爽口。泰式炒通菜 Stir-Fried Morning Glory $54通菜非常細嫩爽口，加入辣椒和泰式醬料去炒，有種獨特嘅味道。燒原隻魷魚 2隻Gilled whole squid $45魷魚新鮮，而且係原隻燒，真的非常吸引，蕭嘅時間剛剛好，還能保持柔軟的肉汁，不會乾乾的，加上泰式醬汁，酸酸辣辣，非常惹味。原隻魷魚真的非常大隻。

水門雞飯，聽就聽得多，今日尖沙咀行街突然想食啲無咁熱氣嘅嘢，所以即刻諗到依間水門雞飯。首先叫咗個小食：香辣牛脷生菜包雖然話食清淡啲，但係見到生菜包都係忍唔住叫咗一份。未上到台前就已經吸引咗我個鼻，香辣惹味嘅肉粒飽含肉汁，清甜嘅洋蔥增加咗層次口感，最後用新鮮解膩嘅生菜包住。為自己一開始嘅決定點個讚。輪到正餐，黎到水門雞飯點可以唔食水門雞飯用雞湯煮好嘅飯粒粒分明，軟硬適中。上面鋪滿用食鹽、薑汁、花椒、八角依啲香料醃好，浸熟嘅嫩滑雞肉，浸熟同平時食開嘅煎炸口感唔同，完全滿足我肉肉獸嘅要求。不愧係水門雞飯，流傳咁廣係有原因嘅。