民豐粉麵行

营业中

休息中

** 此食肆的第四個OK**尋日(1-12-2007 Sat)朝早因媽晨早流流約o左人去飲茶,而我又未瞓醒,所以冇同佢去.到我開始肚餓時,諗起未食過呢間o既o野食,於是趁呢個機會落o黎整o野順便買返屋企食.我見唔到有已煎好o既韭菜餅,且人又多,於是我行入小小睇吓.包o緊o野o既亞姐問我要咩?我問有冇韭菜餅?佢望向另一面答有啊,佢就叫同事拎畀我.與此同時我又睇吓重有咩賣,見到有$2.50一件o既豆沙茶粿同上次o係大澳冇買到o既糯米(米茲),而我大嫂話呢間有,又被我望到喇,糯米(米茲)面上唔係椰絲而係粉,係我好鍾意o個款,o岩晒我.於是又買o左同樣$2.50一件o既芝麻糯米(米茲)同花生糯米(米茲)(呢件畀媽食).好,total:$14.50.韭菜餅熱騰騰o既,返到屋企,連件茶粿都被佢’翻熱’o左.好,打開晒同切開佢影o左相先,一股強烈o既韭菜味即兇湧地撲出,影完相都急不及待咁咬落去lu.煎到燶燶地o既餅皮,有啲硬,不過唔太厚;餡料好少豬肉,韭菜粒充足,食完成個覺得鹹o左少少同好飽.覺得呢個好似一般,唔夠萬家燒餅王惹味.味道: 3.5分諗住另外兩件到晏晝至食啦,點知,一陣風吹o黎,臭到好香

今日突登去荃灣，為的就是買湯圓、雲吞、水餃，不久前買過菜肉湯圓和韭菜水餃，覺得超級好味，今日要買埋水餃試。我去到時有幾個人在排隊，等了一會兒才輪到我，我要了菜肉湯圓、鮮蝦菜肉雲吞和冬菇菜肉水餃。菜肉湯圓要等十分鐘，因為即叫即包，等嘅期間收銀嗰位阿姐（應該是老闆娘吧）同我講咗幾次"麻煩你等等啊"，真係體貼，這才是待客之道嘛，平時我最憎等，覺得浪費時間，但這店例外，唔好話十分鐘，一個鐘我都願意等菜肉湯圓（８粒）＄１８鮮蝦菜肉雲吞（１５粒）＄２４冬菇菜肉水餃（１５粒）＄２３

煎炸野始終唔岩我....我發現平日少見既- 馬拉糕, 有杯裝, 有爆口既...我買了件最傳統既邊位, $4, 拎走時成件都好硬, 要返屋企再蒸! 完成後, 熱辣辣...不過, 並沒有想像中咁鬆軟, 有點兒失望!

經過民豐，總被阿姐們即時泡制的美味小食吸引著，是趟過來，這始終受不住誘惑，外賣了一件蘿蔔糕及一件韭菜包。是即場煎制，仍是熱辣非常，其實在這皓熱天氣下，來這個外賣就顯得幾難挑戰，但論食味及價錢，這裡又無出其右。

經過民豐，總被阿姐們即時泡制的美味小食吸引著，是趟過來，這始終受不住誘惑，外賣了一件蘿蔔糕及一件韭菜包。是即場煎制，仍是熱辣非常，其實在這皓熱天氣下，來這個外賣就顯得幾難挑戰，但論食味及價錢，這裡又無出其右。

上次試過雲吞, 正到爆! 今次試花生同麻容湯圓, 係新鮮包的, 個皮又好味, 裡面又好味, 超正! 兩種都正, 不過花生味道更正!下次要試水餃.

男友買左冬菇菜肉雲吞21蚊細盒返屋企, 我馬上煮黎食. 嘩! 勁好味啊! 好香, 個皮又好好味. 可惜是好貴. 不過真係好好好好食.砵仔榚都好味, 好味過好多什麼砵x王、坤x等等.今晚叫佢買湯圓試下.***問過姐姐佢地開早上5:30, 正!***

今日又去咗民豐買雲吞返歸煮，見到有種叫做辣椒麵，見眼即發光，立包去比錢，去排隊順便買盒菜肉雲，當老闆娘幫我pack嘢時，佢見到我拎嗰包麵有啲碎咗，即刻叫員工拎過包新嘅嚟，突然一股細心湧晒出嚟呀，抵妳咁多人幫趁嘅！講到味道，唔太辣嘅，只有淡淡嘅辣味，嗜辣嘅我當然有少少失望啦，不過唔緊要，味道不足，細心擔夠！價格情報：辣椒麵：$15菜肉雲吞：$18

端午節前夕突然好想食粽,聖安安桂花紅豆粽又缺貨,美x又唔對眼,突然諗到荃灣呢間食品店應該會有新鮮粽,即時拍咭入閘坐地鐵到荃灣。未到店舖已經見到門口企滿人,個個都為買粽子而來,我都唔執輸,五香肉粽、豆沙粽、紫米粽各2唔該!!買完粽見店內人龍唔長,又走入去買餃子食。五香肉粽以醬油將糯米撈過,所以顏色較深,夾開粽子入面只有一小條五香肉,基本上全舊都係糯米飯,味道又唔覺有五香味,豬肉又幾乾,一致通過呢款咸粽係唔好吃。紫米粽以紫米混糯米造成,中間有味道清甜紅棗做餡,加上糯米夠軟帶微微甜味,呢款幾好。豆沙粽外型白雪雪似咸粽多d,豆沙勁多又夠沙而且味道唔會太甜,齋食豆沙已經好好味,加上軟軟糯米飯更加好味,呢個推介!!九菜餃餃皮軟滑,九菜比例較豬肉高,加上九菜新鮮幼嫩,唔會食到有渣,材料的確選得幾嚴謹,肉餡味道剛好,的確唔錯。白菜餃買時即刻由後面工場阿姐即包,新鮮程度100分!餃皮同樣幼滑,同樣係白菜比豬肉多,味道淡味少少,個人比較喜歡白菜餃多d。雖然客人滿佈店內,阿姐們仍然保持應有服務態度,尤其收銀櫃位賣餃子個位小姐,速度快之餘禮貌都唔錯,因為我盒白菜餃要即包,小姐都同我講幾次:麻煩你等等,因為要即

(31/5/07)今晚來無乜人,仲擔心韮菜餅$6賣晒添,雜誌效應過了吧。冬菇菜肉餃$20/15隻,買來做stock(鮮蝦菜肉餃已售罄)。韮菜餅勁勁油,餡係唔錯,但麵皮實實,而且被油沖勳了。冬菇菜肉餃,一咬好勁冬菇味,餡又攪得夠暈巡,可惜上海雲吞皮,厚得有點韌。無餡鹼水糉$7,一切開,鹼水只得外圍是黃色,即浸唔夠?不過仍重鹼水味。

今晚又經過民豐，見冇人龍，入去買雲吞，本來想買菜肉雲吞，但店員話要等等、包緊，但如果買冬菇或韭菜就唔駛等，咁我就買咗盒韭菜啦，返到屋企煮咗一半嚟食，我淨係食雲吞，所以煮熟後我就係咁上碟，唔放湯，點豉油食，嘩~韭菜味好濃呀，好新鮮，但可能韭菜味太重，我都係比較鍾意食菜肉多啲！

阿ma常常係度買茶果，仲要一打打咁買，不過最馳名同最好賣都係上海餛飩、水餃同湯圓！人多果陣可能要等幾個字，要阿姐即包先有！我既口味比較獨恃，中意食佢地既菜肉湯圓，而餛飩同水餃兩者既餡係冇分別的，我建議買餛飩好d！因為果皮冇咁厚。另外，粉麵都好出名，除左有生麵、河粉d大路野之外，仲有好多好有創意既口味添！除此之外，熟食方面：菜餅、蘿白糕、燒賣等都幾多人買來食。呢度以前都冇咁多人，而家就成日排長龍，傳媒既影響力真係大。就黎端午，不妨黎買隻粽，又平又大隻！

幫襯過民豐好多次, 湯圓大大粒, 雲吞水餃就皮薄餡多, 不過幾油下, 中秋時節亦買過佢既白蓮蓉黎整月餅, 唔錯! 睇過雜誌介紹佢既鳳梨酥, 3個/$12, 大膽地買左九個, 自己食左一個, 個皮幾鬆化, 餡唔會太甜, 岩岩好, 唔錯! 下次會再試下蒸包, 糯米池...不過, 煎餅就唔會試, 見佢煎既時候落左好多油!

睇到今期飲食男女介紹呢間舖好多食物都好似好正咁於是路過點都要幫襯一下本來想買九菜餅但見咁大個又經過煎就唔多想食反而見佢d蘿蔔糕大大件都幾靚要左一大件番屋企翻蒸黎食我切左少少就晚餐雖然配料唔多得少少臘肉同dd蝦米但蘿蔔味都幾重調味亦剛剛好加埋甜豉油食好正如果想食煎既佢都有現成煎好既賣大大件又厚都好似只係幾蚊

如果各位有睇今期飲食男女的話，老字號今期係介紹民豐，之前我都有去過呢度買雲吞，尋日睇完雜誌後我梗係又趁熱鬧去買雲吞啦，入到去都要排吓隊，我見前面位小位想買呢樣又想買嗰樣，又問有冇齋雲吞買，個售貨(相信係太子女)都好有耐性解答，服務係唔錯嘅。咁我買咗細盒菜肉雲吞返屋企，煮咗啲當晚餐，雲吞肉汁多，好好味，亦都唔似一般上海食店大大件，size適中，而$17有15件，所以值得推薦！