民豐粉麵行

营业中

休息中

皮薄, 咬落去很滑, 內裡的餡料是白菜和豬肉, 菜和豬肉的比例剛好, 有少少肥肉增加香味, 而且有肉汁, 至於調味, 十分適中, 點豆板醬十分好味道.

尋晚屋企打邊爐,買咗兩盒民豐嘅水餃,比起現成一包包果d真係好食d,而且睇住佢現場即買即包,感覺上已經好新鮮,下次打邊爐都會再喺度買水餃

大前日(4-4-2010 Sun)朝早,男友o係公司搭車過o黎話買早餐,我唔知食咩好,叫佢自1話事買,佢o黎到,拎住一個餈飯同兩個用標記膠袋載住o既煎堆,我問佢餈飯o係邊o度買?佢話標記行前啲,我買過韭菜餅畀佢食o個間.啊,即係民豐.好,我o地將個餈飯分一半o黎食,睇睇餈飯唔太多,薄薄地,餡料幾多,有豬肉鬆同鹹菜兩樣,食落,嘩!好鹹呀!就係咁囉.不過呢o度係即叫即整o既.

記得十五年前老公介紹我食韮菜豬肉餃,一試難忘,直到家陣雖然搬離荃灣都時時返去買,家陣冇咁好食,因為豬肉太少,冇乜味,仲有呀姐一面收$一面包湯丸好唔衛生家陣覺得冬姑餃仲好食,好香冬姑味!冇記錯$45 三十隻都幾貴

朋友介紹特別走去買返屋企食花生、芝麻、芋蓉、紅豆糯米糍都試,但買完就忍唔住口即食個皮夠軟又煙韌,花生餡食落好香但唔會太甜!好味!下次Lunch買番公司請大家食.

平時都買開佢d菜肉雲吞, 今次經過聞到佢d即煎韮菜餅, 好香, 就買了一件試下.可能係煎的關係, 有點油, 但都好好味, 食一個己滿足我一個 tea.

年廿九在深水步吃過早餐, 又不用上班 想起民豐, 好! 馬上去!只是早上八時, 我已經要排第二位 心裡想著不知新春期間會不會有雲吞賣? 還是只有湯丸及年榚? 不到五分鐘, 人龍已經排到出門口, 我看不到龍尾. 終於看到有一個員工開始包雲吞, 我放心了 姐姐收到order後馬上全力開動, 生產我的訂定, 好有優越感啊菜肉雲吞及冬菇雲吞, 好香啊! 味道就跟外邊賣的不一樣, 更不必跟冷凍貨比. 我也不知應用什麼文字去形容民豐的雲吞味道, 只好用”獨特””超好味””不能不試”去形容. 看到人龍不必怕, 就排吧! 吃完你就覺得是值得的!

2010年1月3日 ( 2 ) 宵夜民豐是荃灣區的老字號，這裡出品一向不錯，今天下午在荃灣經過這裡，也是人山人海，最後買了一盒 ( 麻蓉湯圓 )，晚上吃過飯後，然後煲來吃，麻蓉味頗濃，湯圓皮咬口微微煙韌，非常好吃，大家都讚好。

下午果餐已經食到無哂QUOTA,經過民豐又忍唔住想試試呢度D甜點喎,只係要左一個花生糯米糍,本來想企埋一二邊KO佢,但見好多粉咁,絕可能會食到一身一面一咀都係....終於都係番到屋企先食,放左大半日都無咩變質.個皮夠軟又煙韌,花生餡食落好香但唔會太甜!好味!

民豐一間區內頗具人氣的店舖，吃過這裡的餃子也不少了。今天光顧這裡的荼果。眉豆茶果：餡料是眉豆，麵粉皮很特別，雖然切開時易黏著刀，但不易黐牙，吃起來時，粉皮有咬口而煙靱，配合五香粉味也不錯。

芝麻湯圓:芝麻- 黑芝麻餡，好有芝麻味！ 湯圓- 湯圓皮夠煙韌。 只係需要$20 有 25粒 ，都算抵！如果湯圓大粒D，就更加好啦！

本想買一些雲吞及湯丸, 但是人山人海, 條隊大約有20人, 排出店舖外, 不想排隊, 所以, 只買了二個蘿蔔茶果.蘿蔔茶果@$2.5: 白雪雪, 熱騰騰, 內裡有很多白蘿蔔, 很香蘿蔔味, 調味料有鹽和胡椒粉, 糯米皮煙煙韌韌, 做得很好. 茶果面塗上了很多油, 算油膩. 可能有味精的關係, 吃後很口渴.

對上一次食係大約七月，上次食就覺得個皮厚得過份，收尾的地方實在厚到差唔多咬不下。事隔三個月再試試水準如何。回復先前的水準喎！皮又薄又滑，包住好豐滿的餡料。韮菜豬肉餃中的韮菜同豬肉比例均勻，亦唔會有好肥肉。味道調得幾好，唔會太咸。

今日(26-10-2009 Mon)同男友睇完戲,行經呢o度,再次話佢知呢o度o既韭菜餅同糯米糍係好好食,於是買畀佢試.今次買o左$2.50一個o既豆沙糯米糍同韭菜餅並$9.00.韭菜餅係熱辣辣o架,返到屋企,即同男友先試香噴噴o既韭菜餅,男友話真係好好味,不過食唔夠一半就覺得漏啦,雖然唔多豬肉,但餅皮吸晒啲油,就漏啦.而今次餅皮比我07年食時厚啲.(真係好耐冇食喇.當時食評:http://www.openrice.com/restaurant/commentdetail.htm?commentid=1864061)味道: 3.5分而豆沙糯米糍呢,未食依然嗅到佢o既糯米粉香味,食落,豆沙唔太甜且好細滑,糯米皮煙韌,唔乾又軟熟,,keep到水準,果然冇介紹錯畀男友.不過最好食o既花生糯米糍賣晒,唯有下次有機會再買畀男友試啦.味道: 5分至於標題上o既’變o左’,唔係指食物,而係二姐o既態度,唔知係咪生意太好,態度變得冇咁好,高竇.叫佢兩聲都唔應你,咁我唯有照講,要一個豆沙糯米糍同一件韭菜餅,佢都係唔應我就執,但就執件豆沙茶粿,既然佢唔應我,我都唯有扮唔知係咪執畀我,都照講唔係茶粿而係糯米

入正題~~~~買廣東冬菇鮮蝦水餃~~25蚊15隻都ok個幾一隻~皮都薄係收尾個度會厚左有d韌料幾多~唔算太多味精每隻都有一隻蝦仁既份量度la~~幾彈牙頗新鮮~~冬菇幾入味同埋有d肥豬肉好香~~不過cashier個度如果有效率少少會好d= =唔好蝦細路!